ചെങ്കൽ ചൂള (29) മറിയാമ്മേടത്തി തുടർന്നു: "എടീ കൊച്ചേ... നിനക്ക് ദൈവത്തിലും, ദൈവ വചനത്തിലും വിശ്വാസം ഇല്ലാഞ്ഞിട്ടാ...ഒരിക്കലത്തേക്ക് നീയൊന്ന് വിശ്വസിച്ച് നോക്ക്...അപ്പോ കാണാം കളി..." "അതിന് അവൻ തിന്ന് കൊഴുത്തില്ലേ...ഇനി എന്തോന്ന് കളി കാണാൻ? മറിയാമ്മേടത്തി വിശ്വസിച്ചിട്ട് ഒന്നും നടന്നില്ലല്ലോ..." "എടീ മണ്ടിപ്പെണണ്ണേ... ആവശ്യക്കാരി ഞാനല്ല, നീയാ...നീ വിശ്വസിച്ചാലേ കാര്യം നടക്കൂ..." "അതിന് മറിയാമ്മേടത്തി പറഞ്ഞത് വിശ്വസിച്ചല്ലേ ഞാൻ ചെയ്തത്..." "ഞാൻ പറഞ്ഞത് വിശ്വസിക്കാനല്ല പറഞ്ഞത്...നീ ദൈവത്തിൽ വിശ്വസിക്കാനാ പറഞ്ഞത്". "അതല്ലേ ഞാൻ വിശ്വസിച്ചത്..." "എടീ... നിൻ്റെ ശത്രുവിന് തിന്നാനും കുടിക്കാനും കൊടുത്താൽ നീ അവൻ്റെ തലയിൽ തീക്കനൽ കുന്നിക്കുമെന്നാ വചനം..." "അവൻ്റെ തലയിലെന്ന് എഴുതിയിട്ടുണ്ടോ?" "പിന്നല്ലാതെ...അതല്ലേ ഞാൻ അത്രയും ഉറപ്പോടെ പറഞ്ഞത്..." അപ്പോഴേക്കും ദൂരെ നിന്നുമുളള മൈക്ക് അനൗൺസ്മെൻ്റ് അവരുടെ കാതുകളിലെത്തി: "ബഹുമാനപ്പെട്ട നാട്ടുകാരേ...കരാട്ടേ ബ്ലാക്ക് ബെൽറ്റും, റെഡ് ബൽററും ധാരിയായ, കളരി, ജപ്പാൻ, ചൈനീസ് കരാട്ടേകളും, പല അഭിപ്രായങ്ങളും അടവുകളും വശമാക്കകിയ കാമിനിയും, ബോംബെ വാസുവും, ബോംബെ ജാദൂഗർ രാജുവും, ബോംബെ മജീഷ്യൻ ബാസീഗറും തമ്മിലുളള ജീവന്മരണ പോരാട്ടം കാണുവാൻ നിങ്ങളെ എല്ലാവരെയും ഞങ്ങൾ മൈതാനത്ത് സജ്ജമാക്കിയ പന്തലിലേക്ക് ക്ഷണിക്കുന്നു... സ്വാഗതം ചെയ്യുന്നു... പ്രവേശം പാസ് മൂലം..." (തുടരും) #📙 നോവൽ #📔 കഥ #💚 എന്റെ കേരളം #💓 ജീവിത പാഠങ്ങള്‍ #😋 തനി നാടൻ രുചികൾ