*అలసిన వానిని ఊరడించు మాటలు* 🍞🍞🍞🍞🍞🍞🍞🍞🍞 *సహోదరుడు భక్త సింగ్ గారి పరిచర్య నుండి సేకరించిన* *అనుదిన ధ్యానములు* 🍇🍇🍇🍇🍇🍇🍇🍇🍇 *🌷🌷ఏప్రిల్ 6🌷🌷* *"నీతిమంతునికి కలుగు ఆపదలు అనేకములు వాటి అన్నిటిలో నుండి యెహోవా వానిని విడిపించును" (కీర్తనలు 34:19)* *ఆయన అనుమతించు అనేక పరిశోధనల ద్వారా ప్రభువు మనకు అనేక ఆత్మీయ పాఠములు నేర్పించగోరుచున్నాడు.* 1. మనము యేసు ప్రభువును మన స్వంత రక్షకునిగా అంగీకరించినప్పుడు ఆయనే మన నీతియగును. అందరికి కనబడు రీతిగా, యోబు యథార్థవర్తనుడును, న్యాయవంతుడునై దేవుని యందు భయభక్తులు కలిగి చెడుతనము విసర్జించిన వాడు (యోబు 1:1) అయినప్పటికీ, అతడు శ్రమల కర్మాగారం ద్వారా వెళ్లిన తరువాత అదే యోబు, యోబు గ్రంథము 42:5,6 లలో ఈ విధముగా చెప్పుచున్నాడు, "వినికిడి చేత నిన్ను గూర్చిన వార్త నేను వింటిని. అయితే ఇప్పుడు నేను కన్నులార నిన్ను చూచుచున్నాను. కావున నన్ను నేను అసహ్యించుకొని, ధూళిలోను, బూడిదెలోను పడి పశ్చాత్తాప పడుచున్నాను". యోబు బాధాకరమైన శ్రమల ద్వారా వెళ్లిన తరువాతనే తన నిజ స్వభావము పాప యుక్తమైనదని, చెడిపోయినదని చూడగలిగెను. పరిశుద్ధుడు, జీవము గలవాడు, నీతి మంతుడునైన దేవుని గూర్చిన వ్యక్తిగత అనుభవము ద్వారానే తాను నీతి మంతుడుగా కాగలడని గ్రహించెను. 2. శ్రమల ద్వారానే మనము బలమైన, నిజమైన విశ్వాసమును పెంపొందించు కొనగలము (1 పేతురు 1:7) అది, అనేక విధములైన శుద్ధి చేయు అగ్ని ద్వారా వెళ్ళినప్పుడే నిష్కళంకముగాను, ప్రకాశమానము గాను కాగలదు. 3. మనము సరియైన మార్గములో నుండుటకు ఈ శ్రమలు సహాయపడును. "శ్రమ కలుగక మునుపు నేను త్రోవ విడిచితిని, ఇప్పుడు నీ వాక్యము ననుసరించి నడుచుకొనుచున్నాను" (కీర్తనలు 119:67) 4. మనమాయన కట్టడలను, ఆజ్ఞలను నేర్చుకొనునట్లు దేవుడు మనకు కష్టములను అనుమతించును. మానవ సంబంధమైన ఏ పుస్తకము ద్వారా కూడా దేవుని కట్టడలను అర్ధము చేసికొనగలమను ఆశలేదు. "నేను నీ కట్టడలను నేర్చుకొనునట్లు శ్రమ నొందియుండుట నాకు మేలాయెను". (కీర్తనలు 119:71) 5. కఠినమైన అనుభవములు చివరకు మనలను ఆత్మీయముగా సంపన్నమైన స్థలము లోనికి నడిపించును, మన ప్రత్యక్షతను విస్తరింపజేయును, మనకు విశాల హృదయము కలుగ జేయును. కీర్తనలు 66:12లో "మేము నిప్పులలోను నీళ్ల లోను పడితిమి అయినను నీవు సమృద్ధి గల చోటికి మమ్ము రప్పించి యున్నావు" అని చదువుదుము. 6. ఈ పరీక్షల ద్వారా, వెలుగులో నున్న పరిశుద్ధులతో పాటు, పరలోకపు స్వాస్థ్యము కొరకై సిద్ధపరచ బడుచున్నాము. "క్రీస్తుతో కూడా మహిమ పొందుటకు ఆయనతో శ్రమ పడిన యెడల, క్రీస్తు తోడి వారసులము" (రోమా 8:17) 7. మనము దుఃఖములు, శ్రమల ద్వారా వెళ్ళినప్పుడు, అదే విధమైన శ్రమలు, పరీక్షల ద్వారా వెళ్లుచున్న వారిని ఆదరించుటకు సిద్ధపరచ బడగలము (2 కొరింతి 1:4) 8. యేసు క్రీస్తు ప్రభువు యొక్క నామము కొరకు మనము అపహసించబడి, హేళన చేయబడిన యెడల, ఆయనతో మన ఏకత్వము యొక్క విలువను చక్కగా గ్రహించగలము (మత్తయి 10:24,25) "శిష్యుడు బోధకుని కంటే అధికుడు కాదు, దాసుడు యజమానుని కంటే అధికుడు కాదు. శిష్యుడు తన బోధకునివలె ఉండిన చాలును" అని మనము చూచుచున్నాము. 9. శ్రమలు మనలను దీనులనుగా చేయును. పౌలుకు తన శరీరములోని ముళ్ళు మిక్కిలి బాధాకరంగా నుండి యుండవచ్చును. అతనిని దీనునిగా చేయుటకే ప్రభువు అతని జీవితములో దానిని అనుమతించెను ( 2 కొరింధీ 12:7-9) 10. కఠిన అనుభవములు ద్వారానే సంపూర్ణమైన దేవుని శక్తిని అనుభవించుటకు సిద్ధపరచ బడుదుము. 2 కొరింతి. 12:9 లో "నా కృప నీకు చాలును, బలహీనత యందు నా శక్తి పరిపూర్ణమగుచున్నదని ఆయన నాతో చెప్పెను. కాగా క్రీస్తు శక్తి నా మీద నిలిచి యుండు నిమిత్తము విశేషముగా నా బలహీనతలయందే బహు సంతోషముగా అతిశయ పడుదును" అని చూచుచున్నాము. Please share 🙏🏼Praise the LORD.🙏🏼 #📝అనుదిన వాక్యము #⛪దేవుని వాక్యము ✝