🏚️ അടച്ചിടാത്ത വീട് – ഭാഗം 5 അന്ന് ആ ഗ്രാമം നേരത്തെ ഉണർന്നു... പണിക്ക് പോവേണ്ടവർ നഗരത്തിലേയ്ക്ക് പോവേണ്ടവർ എല്ലാം കവലയിലെയ്ക്ക് എത്താൻ വേണ്ടി ഇറങ്ങി... സൂര്യൻ ഉദിച്ചു വരുന്നതേ ഒള്ളു.. ആ പഴയ വീടിന്റെ അടുത്തെത്തിയവർ സ്തംഭിച്ചു ഭയത്തോടെ നിൽക്കുകയാണ്... വീടിന്റെ മുന്നിലെ റോഡിൽ കട്ട ചോര തളം കെട്ടി കിടക്കുന്നു... ഇത് വരെ ആ വീട്ടിലെ പ്രേതങ്ങളൊന്നും ആരെയും ഉപദ്രവിച്ചിട്ടില്ല... ജോസുട്ടിയെ കാണാതായി അവൻ തിരിച്ചു വന്നു... അമ്മയെ കാണാതായി അവർക്കും ജീവഹാനി സംഭവിച്ചിട്ടില്ല... ഇപ്പോൾ ആരോ മരിച്ചിരിക്കുന്നു... ആ മരണം വിരൽ ചുണ്ടുന്നത് ആ വീടിന് നേരെയാണ്... കാരണം ആ ചോര റോഡിൽ നിന്നും ആ വീട്ടിലേയ്ക്കാണ് പോയേക്കുന്നത്... ആളുകൾ ഭയത്തോടെ റോഡിൽ തന്നെ നിൽക്കുകയാണ്... ആർക്കും ആ കോമ്പോണ്ടിൽ കയറാൻ ധൈര്യമില്ല... "പോലീസ് എത്തിയിട്ട് കയറിയ മതി അങ്ങോട്ട്..."നാട്ടിലെ പഞ്ചായത്ത് മെമ്പർ അഭിപ്രായപ്പെട്ടു.. മെമ്പർ പോലീസിനെ വിളിച്ചു പറഞ്ഞതിനെ തുടർന്ന് ഒരു ജീപ്പിൽ മൂന്ന് ആൺ പോലീസും രണ്ട് പെൺ പോലീസും എത്തി... അവർ അറിയിച്ചതിനെ തുടർന്ന് ആവാം ചാനൽക്കാരും പത്ര പ്രവർത്തകരും അങ്ങോട്ട് എത്തി... ജീപ്പ് റോഡിൽ തന്നെ നിർത്തി... അഞ്ചു പോലീസ്ക്കാരും റോഡിലെ ചോര കിടക്കുന്ന സ്ഥലത്ത് എത്തി.. പിന്നെ അവിടെന്ന് ആ ചോര പോയ വഴി നോക്കി ആ വീടിന്റെ കോമ്പോണ്ടിൽ എത്തി... ചോര പാടുകൾ അവസാനിച്ചു... അവർ സംശയത്തോടെ പരസ്പരം നോക്കി... പെട്ടന്നാണ് ഒരു പോലീസുക്കാരന്റെ കണ്ണിൽ അത് ഉടക്കുന്നത്... "Sir അവിടെ..."അയാൾ വിരൽ ചൂണ്ടിയ ഇടത്തേയ്ക്ക് എല്ലാവരും നോക്കി... ആ തുറന്നിട്ട വാതിലിന് സൈഡിൽ കൂടി ചെറിയ പുക പറക്കുന്നു... ആരോ ബീഡി വലിക്കുന്നത് പോലെയുള്ള പുക... "അവിടെ ആരോ ഉണ്ട്..."അത് കണ്ട മുതിർന്ന പോലീസുക്കാരൻ ആവേശത്തോടെ പറഞ്ഞു... "ചെന്ന് നോക്കട്ടെ sir..." അയാളുടെ അനുവാദത്തിന് വേണ്ടി ചോദിച്ചു.. "ചെന്ന് പൊക്കി എടുത്തോണ്ട് വാടാ ആ മൈ.. നെ..." പോലീസുക്കാരൻ അലറി... 💕💕💕💕💕💕💕💕💕💕💕💕💕 "ആ വീട് പൊളിച്ചു കളയാം... എനിക്ക് ഒരു സമാധാനവുമില്ല..." പ്രയാൻ രാഘവ് ജനൽ പാളി തുറന്ന് ഇട്ട് സിഗരറ്റ് പുക പുറത്തേയ്ക്ക് ഊതി വിട്ടു... "അത് എങ്ങനെ... നീ എന്ത് വട്ടാ പറയുന്നേ..."അവന്റെ പറച്ചിൽ കേട്ട് റൂമിൽ മദ്യം വായിലേയ്ക്ക് കമഴ്ത്തി കൊണ്ട് ഇരിക്കുന്ന ജയദേവൻ സംശയത്തോടെ ചോദിച്ചു.. "എങ്ങനെയും... ഇല്ലേ... എനിക്ക്..." പ്രയാൻ രാഘവ്അവ്യക്തമായി പറഞ്ഞിട്ട് ബെഡിലേയ്ക്ക് കിടന്നു... "എടാ പറ... നീ എന്തിനാ ഇങ്ങനെ ടെൻഷൻ ആവുന്നേ... ആ വീട്ടിൽ എന്താ പ്രശ്നം..." അവനെ കുലുക്കി വിളിച്ചു കൊണ്ട് ജയദേവൻ സംശയത്തോടെ  ചോദിച്ചു... "കുറേ പ്രശ്നങ്ങളുണ്ട്... അതൊന്നും നിനക്ക് മനസ്സിലാവില്ല..."പ്രയാൻ രാഘവ് കണ്ണുകൾ തുറന്ന് മറുപടി നൽകി... "ശെരി... ഞാൻ നാളെ അവിടെ ചെന്ന് നോക്കാം... നിന്റെ പേടി മൊത്തം ഞാൻ മാറ്റി തരാം..." ജയദേവൻ അവനെ ആശ്വസിപ്പിച്ചു കൊണ്ട് പറഞ്ഞു നിർത്തി... "വേണ്ട...അത് മരണത്തിന്റെ നാടാ..." അവൻ കട്ടിലിൽ നിന്നും ചാടി എണീറ്റ് അലറി... ജയദേവൻ അവന്റെ അലർച്ചയിൽ ഞെട്ടി... അവന്റെ അപ്പോളത്തെ രൂപം ജയദേവന്റെ മദ്യത്തിന്റെ കെട്ട് പോലും വിടുവിച്ചു കളഞ്ഞു.... "നിനക്ക് അറിയില്ല... എന്റെ ഈ കൈ പൊള്ളിയത് എങ്ങനാന്ന് അറിയോ... അത് ആ വീട്ടിലുള്ളവർ ചെയ്തതാ... എനിക്ക് ഉറപ്പാ..." പ്രയാൻ രാഘവ് അവന്റെ കൈയ്യിലെ പൊള്ളൽ ജയദേവനെ കാണിച്ചു കൊണ്ട് പറഞ്ഞു... ജയദേവന് ഒന്നും മനസിലായില്ല... ജയദേവും പ്രയാൻ രാഘവും ഒരേ ഓഫീസിൽ ജോലി ചെയ്യുന്നവരാണ്... ഇപ്പോൾ 8 വർഷമായി ഒരുമിച്ചാണ്.. ജയദേവിന് ഭാര്യയും മൂന്നു മക്കളും ഉണ്ട്... ഭാര്യ ഡൽഹിയിൽ ഹോസ്പിറ്റലിൽ മെയിൻ നേഴ്സാണ്... മക്കൾ അവിടെ തന്നെ പഠിക്കുന്നു... ജയദേവൻ വെക്കേഷൻ എല്ലാം ഡൽഹിയിൽ പോവും... അങ്ങനെ അവരുടെ ജീവിതം കുഴപ്പമില്ലാതെ പോവുന്നു... പ്രയാൻ രാഘവന് കുടുംബവുമായി ഒരു ബന്ധവുമില്ല... കല്യാണം കഴിച്ചിരുന്നു... ഭാര്യയുടെ സ്വഭാവം ശരിയല്ലെന്ന് പറഞ്ഞു ഇരുവരും പിരിഞ്ഞു... അതിൽ കുട്ടികളില്ല... പ്രയാൻ രാഘവൻ എപ്പോളും ഓരോന്നും ആലോചിച്ചു നടക്കുന്ന ആളാണ്... 7 വർഷമായി ഇരുവരും ഒരു വീട് വാടകയ്ക്ക് എടുത്ത് താമസിക്കുന്നു... വെക്കേഷൻ ടൈമിൽ ജയദേവൻ പോവുമ്പോ പ്രയാൻ രാഘവൻ അയാളുടെ പെൺ സുഹൃത്തും ആയി ഒരു മാസം ഇവിടെ താമസിക്കും.. ആ സുഹൃത്തിന് ഒരു കുടുംബമുണ്ട്.. ഭർത്താവും ഒരു കുഞ്ഞും... അത് ജയദേവിനോട് അയാൾ പറഞ്ഞിട്ടുള്ള കാര്യവുമാണ്...എന്തോ അവർ ചെയ്യുന്നത് തെറ്റാണെന്ന് അറിയാമെങ്കിലും തിരുത്താൻ നിന്നിട്ടില്ല... "അപ്പൊ എങ്ങനാ പ്രയാൻ ഈ പെണ്ണ് ഒരു മാസമൊക്കെ തന്റെ കൂടെ ഇങ്ങനെ താമസിക്കുന്നെ... വീട്ടിൽ അറിയില്ലേ..."ഒരിക്കൽ ഞാൻ ചോദിച്ചു... "അവള് ഈ നാട്ടിൽ തന്നെയല്ലേ... പിന്നെ നൊണ പറയാൻ അവളെ ആരും പഠിപ്പിക്കണ്ട..." താൻ പിന്നെ ഒന്നും ചോദിച്ചിട്ടുമില്ല അതെ പറ്റി സംസാരിച്ചിട്ടുമില്ല... ഒരിക്കൽ മദ്യപിച്ചിരിക്കുമ്പോളാണ് അയാൾ തന്റെ കുടുംബത്തെ കുറിച്ച് പറയുന്നത്... അതിന്റെ ഇടയിൽ എപ്പോളോ കള്ള് മൂത്തപ്പോൾ ആ പ്രേത വീടിനെ പറ്റി പറയുന്നത്...പ്രയാൻ രാഘവന്റെ മുത്തച്ഛന്റെ കാലത്ത് തുടങ്ങിയ പകയാണ്... താനും അതിന്റെ ഇരയാണ് അങ്ങനെ എന്തൊക്കെയോ... കഴിഞ്ഞ ആഴ്ച കുളിക്കാൻ കയറിയ പ്രയാൻ രാഘവന്റെ അലർച്ച കേട്ടാണ് താൻ ഓടി ചെല്ലുന്നത്... ഒരു മനുഷ്യന്റെ കൈ നിന്നു കത്തുന്നത് തന്റെ ജീവിതത്തിലെ ആദ്യ അനുഭവമാണ്... ഇതെങ്ങനെ സംഭവിച്ചെന്ന് ചോദിച്ചപ്പോ അയാൾ വീണ്ടും അലറി... പിന്നെ ഒന്നും ചോദിച്ചില്ല... ഹോസ്പിറ്റലിൽ കൊണ്ട് പോയി... ഇന്നിതാ ആ നാട്ടിലെ ആ വീട്ടിലെ ആരോ ചെയ്തതാണ് പോലും... ആര്? എന്തിന്? ജയദേവൻ കൂർക്കം വലിക്കുന്ന പ്രയാൻ രാഘവനെ നോക്കിയ ശേഷം എണീറ്റ് ജനൽ പാളിയിലൂടെ പുറത്തേയ്ക്ക് നോക്കി... ഇരുട്ടിന് എന്നെത്തേലും ശക്തി ഉണ്ടെന്ന് ജയദേവിന് തോന്നി... സ്വന്തം നാടും വീടും വിട്ട് പ്രയാൻ രാഘവൻ വന്നതിന് കാരണം കണ്ടെത്തണം... 8വർഷം മുൻപ് ഇല്ലാത്ത പേടി ഇപ്പോളെവിടെന്ന് വന്നു... ജയദേവൻ ആലോചനയുടെ ചുഴിയിൽ പരതി.... 💕💕💕💕💕💕💕💕💕💕💕💕💕 പോലീസുകാർ പുകയുടെ ഉറവിടം തപ്പി മുന്നോട്ട് നടന്നു... വീടിന്റെ തിണ്ണയുടെ അരപ്രൈസിന് അപ്പുറത്ത് നിന്നുമാണ് പുക വരുന്നത്... രണ്ടു പോലീസുകാർ മുറ്റത്ത് തന്നെ നിന്നു.. രണ്ട് പേര് സ്റ്റെപ്പുകൾ കയറി ചെന്നു...അവരുടെ കണ്ണുകൾ പുകയുടെ ഉറവിടം കണ്ടെത്തിയ നിമിഷം... അവരുടെ ഉറക്കെയുള്ള വിളിയും അലർച്ചയും ഒരേ സമയം ഉയർത്തു... ആ നാട് കിടുങ്ങി... ആ പോലീസുകാർ വായ പൊത്തി കൊണ്ട് പുറത്തേയ്ക്ക് ചാടി... തുടരും.... എന്റെ ശ്രീയ്ക്ക് വേണ്ടി... Happy Journey  Mole🥰🥰🥰🥰 വരുമ്പോ കോലു മിഠായി മേടിച്ചോണ്ട് വരുമെന്ന വിശ്വാസത്തോടെ Good Night... #🙋‍♀️ എൻ്റെ സ്റ്റാറ്റസുകൾ #📙 നോവൽ #🧟 പ്രേതകഥകൾ!