#😍'पुष्पा 3' मध्ये भाईजानची एन्ट्री?🔥 Pushpa 3 Gears Up With Salman Khan Rumours: सिक्वेलसाठी उत्सुकतेने वाट पाहणाऱ्या चित्रपटांमध्ये अभिनेता अल्लू अर्जूनचा पुष्पा 3 या सिनेमाचाही समावेश आहे. पुष्पा चित्रपटाचा दुसरा भाग डिसेंबर 2024मध्ये प्रदर्शित झाला. या चित्रपटाने जगभरात 1871 कोटी रूपयांची छप्परफाड कमाई केली. तर, पुष्पा या पहिल्या भागालाही प्रेक्षकांकडून जोरदार प्रतिसाद मिळाला. दरम्यान, पुष्पा या चित्रपटाचा तिसरा भाग कधी प्रदर्शित होणार? याच्या प्रतिक्षेत प्रेक्षकवर्ग आहे. दरम्यान, अलिकडेच या चित्रपटाबाबत एक मोठी अपडेट समोर आली आहे. वृ्तानुसार, पुष्पा 3 या चित्रपटाचे प्री प्रॉडक्शनचे काम सुरू झाले आहे. सुकुमार आणि अल्लू अर्जून सध्या इतर प्रोजेक्ट्समध्ये व्यस्त आहे. यामुळे पुष्पा 3 च्या स्टोरीवर चर्चा केली जाणार आहे. दरम्यान, या चित्रपटाबाबत एक मोठी अपडेट समोर आली आहे. सलमान खान पुष्पा 3 मध्ये दिसणार असल्याची माहिती समोर आली आहे. Continues below advertisement मीडिया रिपोर्ट्सनुसार, असे समोर आले की, अल्लू अर्जून पुष्पा 3 या चित्रपटात सलमान खानला कास्ट करण्यात येणार आहे. सुकुमार दिग्दर्शित या चित्रपटात सलमान खान एका महत्त्वाच्या भूमिकेत दिसणार आहे. रिपोर्ट्सनुसार, या चित्रपटात सलमान खान सुलतान नावाची भूमिका सादर करणार आहे. जो एक अब्जाधीश मास्टरमाईंड आणि बिजनेसमॅन गॉडफादर असणार आहे. दरम्यान, अद्याप या चित्रपटाबाबत आणि सलमान खान याच्या भूमिकेबाबत अधिकृत माहिती समोर आलेली नाही. निर्मात्यांनी कोणतीही माहिती उघड केलेली नाही. दरम्यान, निर्माते या प्रोजेक्टवर वेगाने काम करत आहे. पुष्पा 2 या चित्रपटातून भंवर सिंह शेखावत म्हणजेच फहाद फासिल हे पात्र संपुष्टात आलं. तिसऱ्या पार्टमध्ये विजय देवरकोंडा खलनायकाच्या भूमिकेत दिसणार असल्याची चर्चा होती. दरम्यान, सलमान खान पुष्पा 3 या चित्रपटात खलनायकाच्या भूमिकेत दिसणार असल्याची चर्चा आहे. पुष्पा 3 हा चित्रपट अॅक्शनभोवती फिरणार आहे. असा दावा केला जात आहे की, निर्मात्यांनी या चित्रपटासाठी विजय देवरकोंडाशी संपर्क साधला होता. दरम्यान, आता सलमान खानचं नाव चर्चेत आहे. पुष्पा 3 या चित्रपटात खलनायकाची भूमिका सलमान खान साकारणार असल्याची चर्चा आहे