*🌹 కంచి కామాక్షమ్మ బ్రహ్మోత్సవాలు ప్రారంభం 🌹* *ప్రసాద్ భరద్వాజ* *సమస్త భూమండలానికి నాభిస్థానం కంచి. సప్తమోక్షపురాల్లో ఒకటి. అష్టాదశ శక్తిపీఠాల్లో కంచికామాక్షి ప్రసిద్ధమైనది. అంతేకాకుండా పంచభూత లింగాల్లో భూతత్త్వానికి ప్రతీక అయిన ఏకామ్రేశ్వరుడు కొలువైన క్షేత్రమూ కంచియే. పార్వతీదేవి స్వయంగా మట్టితో లింగాన్ని తయారు చేసుకుని, తపస్సు చేసిన ప్రాంతమిది. ఆమె భక్తిని పరీక్షించడానికి, శివుడు కంబసది ప్రవాహాన్ని పెంచి లింగాన్ని ముంచెత్తగా, దేవి తన రెండుచేతులతో లింగాన్ని అలల నుంచి కాపాడింది. కామాక్షీ దేవి విగ్రహం పద్మాసనంపై కూర్చుని ఉంటుంది. దేవి చేతులలో పాశం, అంకుశం, పుష్పబాణం, చెరకుగడలుంటాయి. ఇదే లలితా దేవి సంపూర్ణ స్వరూపమని భక్తుల నమ్మకం.* *ఈ అమ్మవారిని దర్శనం చేసుకుంటే జీవన్ముక్తి లభిస్తుందని, మళ్లీ జన్మించవలసిన అవసరం ఉండదని చెబుతారు. కామాక్షి ఆలయంలో మకర - కుంభ మాసాల నడుమ బ్రహ్మోత్సవాలను నిర్వహిస్తారు.* *ఈ ఉత్సవాల్లో ప్రతిరోజూ ఉత్సవ కామాక్షీదేవి పురవీధుల్లో ఊరేగుతుంది. పగటి సమయంలో వరుసగా రజత వృషభం, మకరం, స్వర్ణసింహం, స్వర్ణ సూర్యప్రభ, బంగారు మేనా, ముత్యాల పల్లకి, రథం, భద్రపీఠం, గాంధర్వ మేనా, శరభ వాహనాల్లో అమ్మవారిని ఊరేగిస్తారు.* *రాత్రివేళల్లో పరుస రోజుల్లో రజత మూషికం, స్వర్ణహరిణం, చంద్రప్రభ, గజవాహనం, స్వర్ణ హంస, నాగ, స్వర్ణశుక, అశ్వ, రజత రథం, కల్పకోద్యానం, స్వర్ణకామకోటి విమాన సేవలుంటాయి. వాహనాలను బట్టి సరస్వతీ, లక్ష్మీ మూర్తులు కూడా దేవిని అనుసరిస్తాయి. 12వ రోజున విశ్వరూప సందర్శనం కలుగుతుంది.* 🌹 🌹 🌹 🌹 🌹 *Join and Fallow* https://chat.whatsapp.com/DAOnpFo48vL3EXEz7SL77D #ChaitanyaVijnaanam YouTube channel #Ancient Wisdom Teachings #చైతన్య విజ్ఞానం spiritual wisdom #📙ఆధ్యాత్మిక మాటలు https://www.facebook.com/share/1bBuRvQkj3/ https://t.me/Spiritual_Wisdom https://youtube.com/@ChaitanyaVijnaanam https://whatsapp.com/channel/0029VaA1eUWLSmbT5VgtN00h https://aratt.ai/@chaitanyavijnanam