🌷 होली रसिया 🌷 बरसाने की नवल नार मिलि होरी खेलनि आई। बरबट धाय जाय जमुना तट घेरे कुंवर कन्हाई।। अतिझीनी केसरि रंग भीनी सारी सुरंग सुहाई। कंचन बरन कंचुकी उपर झलकत जोवन झांई।। केसरि कस्तुरी मलयागर भाजन भरी भरी लाई। अबीर गुलाल फेंट भरि भामिनी करन कनिक पिचकाई।। खेलत खेलत रसिक शिरोमनि राधाजु निकट बुलाई। रुषिकेष प्रभु रीझि श्यामघन बनमाला पहराई।। #🙏भक्ति 🌺 #🌸 जय श्री कृष्ण😇 #🙏गीता ज्ञान🛕 #❤️Love You ज़िंदगी ❤️