#📰ബ്രേക്കിങ് ന്യൂസ് #🆕 ലേറ്റസ്റ്റ് അപ്ഡേറ്റ് ​സോഷ്യൽ മീഡിയയിൽ റീച്ചിന് വേണ്ടി ഒരു മനുഷ്യന്റെ ജീവൻ ബലികൊടുക്കുന്ന ക്രൂരമായ കാഴ്ചയാണ് ഇന്ന് കേരളം കണ്ടത്. തിരക്കുള്ള ബസ്സിൽ യാത്ര ചെയ്യുമ്പോൾ അറിയാതെയോ അല്ലാതെയോ ഒരു സ്പർശനം ഉണ്ടായെങ്കിൽ അത് നിയമപരമായി നേരിടാൻ ഇവിടെ പോലീസും കോടതിയും ഉണ്ട്. എന്നാൽ ആ സ്ത്രീ ചെയ്തത് അതല്ല, മറിച്ച് ആ മനുഷ്യനെ സമൂഹത്തിന് മുന്നിൽ മാനം കെടുത്തുക എന്ന ലക്ഷ്യത്തോടെ വീഡിയോ എടുത്ത് സോഷ്യൽ മീഡിയയിൽ പ്രചരിപ്പിക്കുകയായിരുന്നു. ഒരു കൈയ്യിൽ സാധനങ്ങളുമായി യാത്ര ചെയ്തിരുന്ന ആ പാവം സെയിൽസ്മാൻ തിരക്കിനിടയിൽ പെട്ടുപോയതാകാം എന്നോ, അദ്ദേഹത്തിന്റെ ഭാഗത്ത് എന്ത് ന്യായമാണ് ഉള്ളതെന്നോ ചിന്തിക്കാൻ പോലും ആരും തയ്യാറായില്ല. സ്ത്രീ സുരക്ഷാ നിയമങ്ങളെ ആയുധമാക്കി ഇത്തരം 'സോഷ്യൽ മീഡിയ ക്വട്ടേഷൻ' നടത്തുന്നവർക്കെതിരെ കർശന നടപടി വേണം. ഒരു വീഡിയോ കൊണ്ട് ഒരു കുടുംബത്തെയാകെ തകർത്ത്, ആ മനുഷ്യനെ ആത്മഹത്യയിലേക്ക് നയിച്ച ആ സ്ത്രീക്കെതിരെ ആത്മഹത്യാ പ്രേരണാകുറ്റം ചുമത്തി കേസെടുക്കുകയാണ് വേണ്ടത്. വിഐപി പരിഗണനകൾ നൽകി ഇത്തരം നെറികെട്ട പ്രവർത്തികൾക്ക് കൂട്ടുനിൽക്കുന്നത് അവസാനിപ്പിക്കണം. നീതി നടപ്പിലാക്കേണ്ടത് കോടതികളിലാണ്, സോഷ്യൽ മീഡിയയിലെ ലൈക്കുകൾക്കും ഷെയറുകൾക്കും വേണ്ടിയല്ല. മരിച്ച ആ വ്യക്തിക്ക് നീതി ലഭിക്കുന്നത് വരെ നമ്മുടെ പ്രതിഷേധം തുടരണം.