ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6dKBKMx?d=n&ui=v64j8rk&e1=c Part 7 തുടർച്ച നിര്‍ത്തിയിരിക്കുന്ന വൈറ്റ് കളർ സ്വിഫ്റ്റ് ഡിസൈർ ടാക്സി കാറില്‍ നിന്നും റോബര്‍ട്ട് ഇറങ്ങി വരുന്നു. "അപ്പോള്‍ അതുവരെ അയാള്‍ ഈ കാബിലാണ് സഞ്ചരിച്ചത്. സഞ്ജന, ആ ടാക്സിയുടെ ഡീറ്റെയില്‍സ് ഉടന്‍ തന്നെ കിട്ടണം." കരണ്‍ ഉറക്കെ ആവശ്യപ്പെട്ടു. "Copy that.." തന്‍റെ കമ്പ്യൂട്ടറിന് മുന്നിലേക്ക് സഞ്ജന തിരികെ ഓടിയെത്തി. വെറും ആറ് മിനുറ്റിനുള്ളില്‍ ടാക്സിയുടെ ഡീറ്റെയില്‍സ് സഞ്ജനയ്ക്ക് ലഭിച്ചു. "സര്‍ മഹേഷ് എന്നാണ് ടാക്സി ഓണറിന്റെ പേര്. ക്രിസ്റ്റല്‍ മാളില്‍ നിന്നും പതിനേഴ് കിലോമീറ്റര്‍ മുമ്പുള്ള ടാക്സി സ്റ്റാന്‍ഡില്‍ ഈ കാര്‍ തിരിച്ചറിഞ്ഞിട്ടുണ്ട്." "എത്ര സിസിടിവി അതിന്‍റെ ചുറ്റായി ലഭ്യമാണ്.?" "ആറോളം സര്‍." "ഈ ആറിലും റോബര്‍ട്ട് പെട്ടിട്ടുണ്ടോ?!" "No Sir." സഞ്ജനയുടെ കണ്ണില്‍ നിരാശ കലര്‍ന്നു. "എങ്കില്‍ അന്നേ ദിവസം രാത്രിയില്‍ ഈ കാര്‍ സ്റ്റാന്‍ഡില്‍ നിന്നും പുറപ്പെട്ട വഴികളിലെ സിസിടിവി ക്യാമറകള്‍ പരിശോധിക്കൂ സഞ്ജനാ." "Roger Sir.." വീണ്ടും സഞ്ജനയ്ക്കുള്ള അടുത്ത പണി. എന്നാല്‍ അടുത്ത പടി സഞ്ജനയെ തീര്‍ത്തും നിരാശയാക്കുകയായിരുന്നു. "സര്‍, ഈ കാറില്‍ റോബര്‍ട്ട് എവിടെ നിന്നുമാണ് കയറിയതെന്നുള്ള യാതൊരു സൂചനയുമില്ല. "What the heck Sanjana? ഒരു തുമ്പു പോലും ഇല്ലെന്നോ?! നന്നായി കണ്ണുകള്‍ ചലിപ്പിക്കൂ. കോണ്‍സണ്‍ട്രേഷന്‍ രാകി മിനുക്കൂ. എന്തെങ്കിലും ഒബ്ജെക്ട് വഴി ഒരു സൂചന കിട്ടാതിരിക്കില്ല. സിസിടിവിയില്‍ കാണുന്ന മറ്റു വാഹനങ്ങളുടെ മിറര്‍സ്. അല്ലെങ്കില്‍ ഷോപ്പുകളുടെ കണ്ണാടി. പ്രതിബിംബം ലഭിക്കുന്ന എന്തും. അതിലൂടെയൊന്നു പരിശോധിക്കൂ." സഞ്ജന തന്‍റെ കണ്ണുകള്‍ മൂര്‍ച്ചയേറിയതാക്കി വീഡിയോ പരിശോധിച്ചു. "Sorry Sir.. There is Nothing....!!!" "കരണ്‍, എന്തുകൊണ്ട് താന്‍ കൊച്ചിയെ ഫോക്കസ് ചെയ്യുന്നില്ല? ചിലപ്പോള്‍ നമുക്ക് വേണ്ടതായ തുമ്പുകള്‍ അവിടെ നിന്നും ലഭിച്ചാലോ?!" പട്ടേല്‍ ഇടയില്‍ കയറി. "സര്‍, നമ്മള്‍ ആദ്യം അന്വേഷിക്കേണ്ടത് നമ്മുടെ മൂക്കിന്‍ തുമ്പത്തു നിന്നുമാണ്. ഞാനും സറും നില്‍ക്കുന്ന ഈ റോ ഡിപ്പാര്‍ട്ടുമെന്‍റും ക്രിസ്റ്റല്‍ മാളും തമ്മില്‍ വലിയ ദൂര വ്യത്യാസമില്ല. എന്നിട്ടും അവന്‍ അവിടെ ബ്ലാസ്റ്റ് നടത്തിയെങ്കില്‍ അത് നമ്മുടെ ഓള്‍ യൂണിറ്റിനും നാണക്കേടുണ്ടാക്കിയിരിക്കുകയാണ്." പട്ടേല്‍ തലയനക്കി. കരൺ തുടർന്നു : "ഇവിടെ നിന്നും ലഭിക്കുന്ന ചെറിയ തുമ്പു പോലും കൊച്ചിയെ കണക്ട് ചെയ്യുന്നുണ്ട് സര്‍." "എങ്ങനെ?!" "വിശദമാക്കി തരാം. റോബര്‍ട്ടിനെ തിരഞ്ഞ് സിസിടിവി ക്യാമറ വഴിയുള്ള നമ്മുടെ പിന്നോക്ക സഞ്ചാരം ഇപ്പോള്‍ നിശ്ചലമായിരിക്കുന്നു. അതായത് എവിടെ നിന്നുമാണ് അയാള്‍ ആ ടാക്സിയിൽ കയറിയതെന്നതിനെ കുറിച്ചുള്ള സൂചന നമുക്ക് കിട്ടിയില്ല. പക്ഷെ നമുക്കൊരു കുഞ്ഞു ചീട്ട് കിട്ടിയിട്ടുണ്ട്...." ???!!! "കാർ ഡ്രൈവറായ മഹേഷ്‌ എന്ന ചീട്ട്.." കരൺ പറഞ്ഞു. "സോ ഒന്നിനുമല്ലെങ്കില്‍ കൂടിയും നമ്മള്‍ മഹേഷിനെ സസ്പെകട് ചെയ്യണം." അടുത്തുള്ള വെളുത്ത ബോര്‍ഡില്‍ ബ്ലാക്ക് സ്കെച്ചുകൊണ്ട് മഹേഷ് എന്നെഴുതി അതിനു ചുറ്റായി വൃത്തം വരച്ച് കരണ്‍ തുടര്‍ന്നു : "ഇയാളെ നമ്മള്‍ പൊക്കണം. റോബര്‍ട്ട് എവിടെ നിന്നുമാണ് കാറില്‍ കയറിയതെന്ന വിവരം ഇയാള്‍ക്ക് തരാന്‍ കഴിയും." "ദിവസേനെ ഒരുപാട് യാത്രക്കാര്‍ തന്‍റെ കാബിൽ കയറുന്ന മഹേഷിന് ഒരുപക്ഷേ റോബര്‍ട്ടിനെ റെക്കഗനൈസ് ചെയ്യാന്‍ സാധിച്ചില്ലെങ്കിലോ?!" റസാഖ് വലതുകൈ ഉയര്‍ത്തി ചോദിച്ചു. "തീര്‍ത്തും ന്യായമായ ചോദ്യം തന്നെയാണ് കരണ്‍ അത്." പട്ടേല്‍ അഭിപ്രായപ്പെട്ടു. "ഒരുപക്ഷേ അയാള്‍ക്ക് റോബര്‍ട്ടിനെ തിരിച്ചറിയാന്‍ കഴിഞ്ഞാലോ?!" കരണിന്‍റെ മറു ചോദ്യത്തില്‍ പട്ടേലടക്കം അവരെല്ലാം പരസ്പരം നോക്കി. കാര്യങ്ങള്‍ ഇനിയും മനസ്സിലായില്ലെന്ന് ആ കണ്ണുകളില്‍ വ്യക്തം! കരണ്‍ ഒന്നു ദീര്‍ഘശ്വാസമെടുത്ത് തുടര്‍ന്നു : "നിരവധിയാളുകള്‍ മഹേഷിന്‍റെ കാബിൽ സഞ്ചരിച്ചിട്ടുണ്ടാവാം. ഐ എഗ്രീഡ്. ബട്ട് റോബര്‍ട്ടിനെ പോലെയുള്ള കൊടും കുറ്റവാളി ഒരു ടാക്സിയില്‍ സഞ്ചരിക്കുമ്പോള്‍ ഡ്രൈവര്‍ക്ക് ഓര്‍ക്കാന്‍ തക്കതായ എന്തെങ്കിലും അതിനകത്ത് സംഭവിച്ചിട്ടുണ്ടാവും. താന്‍ നടത്താന്‍ ഏറ്റിരിക്കുന്ന ദൗത്യത്തിന് ഏതാനും മണിക്കൂര്‍ മുമ്പാണ് റോബര്‍ട്ടിന്‍റെ ആ കാര്‍ സഞ്ചാരം. ഒരുപക്ഷേ എന്തെങ്കിലും പിഴവു പറ്റിയാലോ എന്ന് ചിന്തിക്കാതിരിക്കാന്‍ അയാള്‍ക്കാവില്ല. അതുകൊണ്ടുതന്നെ കനത്ത ടെന്‍ഷന്‍ അയാളില്‍ നിഴലിക്കുകയും അതുമൂലം വിചിത്രമായ തരത്തിലുള്ള പെരുമാറ്റം അയാളില്‍ നിന്നും ഉണ്ടാവുകയും ചെയ്യും. തീര്‍ച്ചയായും ഡ്രൈവര്‍ മഹേഷ് അത് ശ്രദ്ധിച്ചിട്ടുണ്ടാവും. മാത്രമല്ല, സ്ഫോടനം കഴിഞ്ഞിട്ട് അധികം നാളുകള്‍ ആയിട്ടില്ല. വിചിത്രമായ തരത്തില്‍ റോബര്‍ട്ട് എന്തെങ്കിലും അസ്വസ്ഥത പ്രകടിപ്പിച്ചിട്ടുണ്ടെങ്കില്‍ തീര്‍ച്ചയായും മഹേഷ് അത് ഓര്‍ത്തെടുക്കും." കരണിന്റെ തിയറിയിൽ സഞ്ജനയുടെ ചുണ്ടില്‍ ചെറുതായി പുഞ്ചിരി വിടര്‍ന്നു. "സഞ്ജനാ, മഹേഷിന്‍റെ അഡ്രസ്സ് എവിടെയാണ്?!" കരണ്‍ പെട്ടെന്ന് ചോദിച്ചു. "ദര്‍ബാര്‍ കോളനിയിലാണ് സര്‍. ഇവിടെ നിന്നും മുപ്പത്തിയേഴ് കിലോമീറ്റര്‍ അപ്പുറത്ത്." സഞ്ജന വേഗത്തിൽ പറഞ്ഞു. "ഗുഡ്.! റസാഖ് മഹേഷിനെ അന്വേഷിച്ച് പുറപ്പെടണം. നമുക്ക് തക്കമായ എന്തേലും കിട്ടുമോയെന്ന് നോക്കണം. പിസ്റ്റല്‍ കരുതിക്കോളൂ. സ്വയ രക്ഷയ്ക്കായി അല്ലാതെ അതൊരിക്കലും പ്രയോഗിക്കരുത്." "With Your permission Sir." റസാഖ് അഹമ്മദ് അറ്റന്‍ഷന്‍ ചെയ്ത് വേഗത്തില്‍ അവിടെ നിന്നും അപ്രത്യക്ഷമായി. വീണ്ടും കരണ്‍ സഞ്ജനയ്ക്കു നേരേ തിരിഞ്ഞു. "സഞ്ജനാ, ഇനി എനിക്കു വേണ്ടത് അന്നേ ദിവസം മാളില്‍ വന്ന ഫോണ്‍ കോളുകളാണ്. ഏഴു മണിക്കും പന്ത്രണ്ട് മണിക്കും ഇടയിലുള്ളത്." "സര്‍......???!!" കടുപ്പമേറിയതു പോലെ സഞ്ജന കരണിനെ നോക്കി. "I know Sanjana, ഇതല്‍പ്പം കടുപ്പമാണെന്ന്. ബട്ട് ഇതല്ലാതെ നമ്മുടെ മുന്നില്‍ വേറെ വഴിയില്ല." ഒന്നു ശിരസ്സനക്കി സഞ്ജന വീണ്ടും തന്‍റെ കമ്പ്യൂട്ടറിലേക്ക് നൂണ്ടിറങ്ങി. "സര്‍, ക്രിസ്റ്റല്‍ മാളിന്‍റെ തെക്കു ഭാഗത്ത് ഏകദേശം ആറു കിലോമീറ്റര്‍ മാറി ഒരു ടവര്‍ സ്ഥിതി ചെയ്യുന്നുണ്ട്. ഈ ടവര്‍ വഴിയായിരിക്കാം മാളിലേക്ക് സിഗ്നല്‍ എത്തുന്നതെന്ന് നമുക്ക് അനുമാനിക്കാം. എന്നാല്‍ മാളിനകത്തെ ഫോണ്‍കോളുകള്‍ മാത്രം തിരഞ്ഞെടുക്കല്‍ വളരെ പ്രയാസകരമാണ് സര്‍. ദിവസങ്ങളോളം ചിലപ്പോള്‍ വേണ്ടി വരും. ഈ ആറു കിലോമീറ്റര്‍ ഡിസ്റ്റന്‍സിലെ എല്ലാ കോളുകളും നമ്മള്‍ പരിശോധിക്കേണ്ടതായി വരും. അതില്‍ ആയിരങ്ങള്‍ തിങ്ങി പാര്‍ക്കുന്ന നാലോളം ചേരികളുമുണ്ട്. Its Impossible Sir.." സഞ്ജന തന്‍റെ നിരാശ വ്യക്തമാക്കി. "പോസിബളാണ് സഞ്ജന! എനിക്കിഷ്ടപ്പെടാത്ത വാക്കാണ് `Impossible´ എന്ന്. അത് എനിക്കു നേരെ താൻ പ്രയോഗിക്കരുത്." "Sorry Sir..." "ഒരു വഴിയില്ലെങ്കില്‍ മറ്റൊരു വഴി തുറക്കും സഞ്ജനാ. സ്വയ വിശ്വാസമാണ് ഏറ്റവും വലിയ വിശ്വാസം. അത് തകരാതെ നമ്മള്‍ നോക്കണം." "സര്‍ പറഞ്ഞു വരുന്നത്?!" സഞ്ജന കണ്ണുകള്‍ ചുരുക്കി. "കൊച്ചിയിലും ക്രിസ്റ്റല്‍ മാളിലും സിഗ്നല്‍ കിട്ടിയ ഫോണ്‍ നമ്പരുകള്‍ ടാര്‍ഗറ്റ് ചെയ്യുക. ഇങ്ങനെയുള്ള ദൗത്യത്തില്‍ ക്രിമിനല്‍സ് ചില കോഡ് വേര്‍ഡ്സ് ആയിരിക്കും ഉപയോഗിക്കുക. അല്ലെങ്കില്‍ ചില അക്കങ്ങള്‍. അങ്ങനെ സാമ്യമുള്ള എന്തെങ്കിലും കിട്ടുമോ എന്ന് ആദ്യം നോക്കുക." മനസിലായെന്നര്‍ത്ഥത്തില്‍ സഞ്ജന തലയാട്ടി. അടുത്ത സ്റ്റെപ്പ് എന്നോണം സഞ്ജനയുടെ വിരലുകള്‍ ചലിച്ചത് സൈബറിലേക്കായിരുന്നു. "ഹിമേഷ്, റോബര്‍ട്ടും മുഫ്തിയും കൊല ചെയ്യപ്പെട്ട റൂമില്‍ ഫോറന്‍സിക് ടീം പരിശോധിച്ച റിപ്പോര്‍ട്ട് എനിക്ക് ഉടന്‍ തന്നെ കിട്ടണം." കരൺ ഓർഡർ ഇട്ടു. "Sure Sir.. " ഹിമേഷ് സീക്രട്ട് സെക്ഷനിലേക്ക് പുറപ്പെട്ടു. ശീതീകരിച്ച മുറിയായിരുന്നിട്ടും സഞ്ജന വല്ലാതെ വിയര്‍ക്കുകയായിരുന്നു അപ്പോൾ. കരണിന്‍റെ കണ്ണുകള്‍ സിസിടിവി ഫൂട്ടേജില്‍ ആവേശത്തോടെ ഒഴുകി. അല്‍പ്പ നേരം കഴിഞ്ഞതും ഹിമേഷ് ഫോറന്‍സിക് റിപ്പോര്‍ട്ടുമായെത്തി കരണിനു കൈ മാറി. എന്തിനായിരിക്കും ഇരുവരും കൈകള്‍ മുകളിലേക്ക് ഉയര്‍ത്തി കിടക്കുന്നത്?! ഇത് ഞങ്ങള്‍ക്കുള്ള സൂചന വല്ലതുമാണോ?! മരിച്ച വ്യക്തികളുടെ ഫോട്ടോ നോക്കി കരണ്‍ തല പുകച്ചു. ഇരുവരേയും വെടിവെച്ചു കൊന്ന ശേഷം കൊലയാളി തന്നെ ഇത് ചെയ്തതായിരിക്കുമോ?! ഗണ്ണില്‍ സൈലന്‍സര്‍ ഫിറ്റ് ചെയ്തതു കൊണ്ടായിരിക്കാം വെടിയുടെ ശബ്ദം പരിസരവാസികള്‍ കേള്‍ക്കാതിരുന്നത്. ഇരുവരേയും കൊന്നത് ഒരാള്‍ തന്നെ ആയിരിക്കുമോ?! ആകാതിരിക്കാനാണ് സാധ്യത. കാരണം രണ്ടു മരണങ്ങള്‍ തമ്മില്‍ അര മണിക്കൂര്‍ വ്യത്യാസം മാത്രമേയുള്ളൂ എന്നല്ലേ പോസ്റ്റുമോര്‍ട്ടം റിപ്പോര്‍ട്ട്. ഈ ചുരുങ്ങിയ സമയം കൊണ്ട് ലക്നൗവില്‍ നിന്നും മംഗലാപുരത്തേക്ക് എത്തുക അസാധ്യം. അങ്ങനെയെങ്കില്‍ കൊലയാളികള്‍ രണ്ടുപേര്‍ തന്നെ! അപ്പോള്‍ ഈ ബോംബ് സ്ഫോടനത്തിന് പിന്നില്‍ ഒന്നിലധികം പേര്‍ പ്രവര്‍ത്തിക്കുന്നു എന്നാണോ?! അതോ ഇവരെയെല്ലാം നിയന്ത്രിക്കുന്ന മാസ്റ്റര്‍ ബ്രെയിനിന്‍റെ ചതുരംഗ കളിയാണോ ഇത്. "സര്‍..!!" സഞ്ജനയുടെ ഉറക്കെ വിളിയാണ് കരണിനെ ചിന്തകളില്‍ നിന്നുണര്‍ത്തിയത്. "ഒരു തുമ്പ് ലഭിച്ചിട്ടുണ്ട്.." അവള്‍ ഉച്ചത്തില്‍ പറഞ്ഞു. "കൊച്ചിയിലും ക്രിസ്റ്റല്‍ മാളിലും ഒരേ സിഗ്നല്‍ വഴി സഞ്ചരിച്ച, ഒത്തു പോകുന്ന ഒരു നമ്പര്‍ കിട്ടിയിട്ടുണ്ട്. ആ നമ്പര്‍ രജിസ്റ്റര്‍ ചെയ്തിരിക്കുന്നത് ഗാസിയാബാദിലാണ്." "ഗാസിയാബാദ്! ഉത്തര്‍പ്രദേശ്?!" കരണിന്‍റെ പുരികം വളഞ്ഞു. "Exactly Sir.." സഞ്ജനയുടെ കണ്ണുകള്‍ വിടര്‍ന്നു. "Ok.. What Next??" "സര്‍, ഗാസിയാബാദ് നമ്പറില്‍ നിന്നും ഡിസംബർ 31നും ജനുവരി 1നും മിനിറ്റുകൾ ഇടവിട്ട് രണ്ടു നമ്പറുകളിലേക്ക് കോൾ കണക്ട് ആയിട്ടുണ്ട്. ഒന്നു കൊച്ചിയിലേക്കും മറ്റൊന്ന് ഡല്‍ഹിയിലേക്കും. എന്നാല്‍ ഈ രണ്ടു നമ്പരുകള്‍ മരിച്ചുപോയ റോബര്‍ട്ടിന്‍റെയോ മുഫ്തിയുടേയോ ഡീറ്റെയില്‍സുമായി ഒത്തു പോകുന്നില്ല. തമിഴ്നാട് അഡ്രസ്സാണ് ഒന്ന്. മറ്റൊന്ന് ആന്ധ്രാ പ്രദേശ് അഡ്രസ്സും." എന്തൊക്കെയോ പിടികിട്ടിയെന്നര്‍ത്ഥത്തില്‍ കരണ്‍ തലയാട്ടി. "ഇരുവരും വിദേശികളായതിനാല്‍ ഫേക്ക് അഡ്രസ്സിലെ രണ്ട് സിം കാര്‍ഡ്സാണ് ഉപയോഗിച്ചിരിക്കുന്നത്. നമുക്ക് അതിനു പിന്നാലെ പോവേണ്ടതില്ല. പോവേണ്ടത്..." "ഗാസിയാബാദ്.!" സഞ്ജന കരണിന്‍റെ വാക്ക് മുഴുവിച്ചു. "യെസ്.. നമ്മള്‍ ഉത്തര്‍പ്രദേശില്‍ കടക്കണം. അവിടെ നിന്നുമാണ് തുടങ്ങേണ്ടത്. അതിനു മുമ്പായി നമുക്ക് ആ കാബ് ഡ്രൈവർ മഹേഷിനെ കണ്ടെത്തണം.." ഹിമേഷും സഞ്ജനയും ശിരസ്സനക്കി. ((തുടരും))🔥 കണ്ണൂർകാരൻ 🥰🥰🥰🥰 #📚 ട്വിസ്റ്റ് കഥകൾ #📔 കഥ #📙 നോവൽ #🕵️‍♀️ കുറ്റാന്വേഷണ കഥകൾ #🧟 പ്രേതകഥകൾ!