ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6aq4ROBx?d=n&ui=v64j8rk&e1=c💞ദേവനന്ദിനി.... Part 68💞 "ദേവേട്ടാ…യൂ ആർ സോ സ്വീറ്റ് ലൈക്‌ ദിസ്‌ ചുർമ ".. കടലമാവിന്റെ ചുർമ ഒരെണ്ണം എടുത്തു കഴിച്ചു കൊണ്ട് അവൾ രുദ്രനെ നോക്കിക്കൊണ്ട് പറഞ്ഞു… രുദ്രനൊന്ന് ചിരിച്ചു കൊണ്ട് അവൾ കഴിക്കുന്നതും നോക്കിക്കൊണ്ട് തന്റെ ഭക്ഷണം കഴിച്ചു കൊണ്ടിരുന്നു… 🌸🌸🌸🌸🌸🌸🌸🌸🌸🌸🌸🌸🌸🌸🌸 രാവിലെ സാവധാനം എഴുന്നേറ്റ് പുറത്ത് നിന്നും ഭക്ഷണം കഴിച്ചു രുദ്രനും ഗൗരിയും അന്നത്തെ കാഴ്ച കാണാനായി പുറപ്പെടാനൊരുങ്ങി… പാർക്കിംഗ് യാർഡിൽ നിന്നും ബൈക്കെടുത്ത് അതിൽ കയറിയിരുന്നു കൊണ്ട് രുദ്രൻ ഗൗരിയുടെ നേരെയൊന്നു നോക്കി. എന്നിട്ട് അവളോട് കയറാൻ കണ്ണുകൾ കൊണ്ട് മൊഴിഞ്ഞു… "ദേവേട്ടാ…ഇപ്പോൾ നമ്മൾ എങ്ങോട്ടാണ് പോകുന്നത്…പുഷ്കാറിലോട്ടാണോ.. അവിടെക്കാണെങ്കിൽ വൈകുന്നേരം പോകുന്നതാവില്ലേ നല്ലത് "….? പോകാനായി ബൈക്കിലേക്ക് കയറാനൊരുങ്ങുമ്പോൾ ഗൗരി രുദ്രനോട് ചോദിച്ചു… "പുഷ്കാറിലോട്ട് ഇപ്പോൾ പോകാൻ വിചാരിക്കുന്നില്ല. അതിന് മുമ്പ് ഒന്ന് രണ്ട് സ്ഥലങ്ങൾ നിന്നെ കാണിക്കാമെന്നാണ് ഞാൻ കരുതിയിരിക്കുന്നത്,"….രുദ്രൻ ഒന്നവളെ നോക്കി മന്ദഹസിച്ചു കൊണ്ട് മറുപടി നൽകി.. "ഏതൊക്കെ സ്ഥലങ്ങളിലേക്കാണ് ദേവേട്ടനിന്ന് പോകുവാൻ ഉദ്ദേശിക്കുന്നത്"…? ഗൗരിയൊരു കൗതുകത്തോടെ ചോദിച്ചു.. "നന്ദു…നിനക്ക് ഞാൻ രണ്ട് ഓപ്ഷൻ തരാം. തീരുമാനമൊക്കെ നിന്റേത്…നിന്റെ ഇഷ്ടം എന്താണോ അതിനനുസരിച്ചായിരിക്കും നമ്മുടെ മുന്നോട്ടുള്ള കാര്യങ്ങൾ "…രുദ്രൻ ചിരിച്ചു കൊണ്ട് മറുപടി നൽകി… "എന്റെ തീരുമാനം എന്നൊക്കെ ഉണ്ടോ ദേവേട്ടാ"…? "ദേവേട്ടന് തീരുമാനിച്ചാൽ പോരേ "…? "ദേവേട്ടന്റെ തീരുമാനം എന്ന് പറഞ്ഞാൽ അതെന്റെയും കൂടിയല്ലേ "…? രുദ്രന്റെ നേരെ നോക്കിയൊരു മന്ദഹാസത്തോടെ അവന്റെ മൂക്കിൽ കുസൃതിയോടെ പിടിച്ചു കൊണ്ട് ഗൗരി ചോദിച്ചു… "അങ്ങനെയല്ല നന്ദു.. ഞാൻ പറയാൻ പോകുന്ന സ്ഥലത്തൊക്കെ ഞാൻ പോയിട്ടുണ്ട്. നീയാദ്യമായല്ലേ. അപ്പോൾ തീരുമാനം നിനക്ക് വിട്ടു തന്നേക്കുവാ ഞാൻ. നിന്റെ തീരുമാനം എന്താണോ അതാണെന്റെയും "…ഒരു വാത്സല്യത്തോടെ ഗൗരിയെ തന്നിലേക്ക് ചേർത്തു പിടിച്ചു കൊണ്ട് രുദ്രൻ മൊഴിഞ്ഞു… "ഓഹോ.. അങ്ങനെയാണോ…എന്നാലെന്റെ കലിപ്പൻ പറ.. എന്തൊക്കെയാണ് ആ ഓപ്ഷൻസ് "…? പ്രണയാർദ്രമായി അവന്റെ കവിളിലൊന്ന് തഴുകിക്കൊണ്ട് ഗൗരി ചോദിച്ചു… "ഒന്നാമത്തെ ഓപ്ഷൻ ഇതാണ്…" "ഇപ്പോൾ നമ്മൾ താരാഗർ കോട്ട പോയിക്കാണുന്നു. പിന്നെ ഇവിടെ വന്നു വിശ്രമിച്ചതിനു ശേഷം വൈകീട്ട് അനാസാഗർ തടാകം പോയി കാണുന്നു. പിന്നെ നാളെ നമ്മൾ പുഷ്‌ക്കാർ കാണാൻ പോകുന്നു…" രുദ്രൻ വിവരിച്ചു.. "ഇനിയെന്താ രണ്ടാമത്തെ ഓപ്ഷൻ അത് കേൾക്കട്ടെ "…? കൗതുകത്തോടെ ഗൗരി രുദ്രനോട് ചോദിച്ചു.. "രണ്ടാമത്തെ ഓപ്ഷൻ ഇതിലേതെങ്കിലും ഒഴിവാക്കിയിട്ട് വൈകീട്ടത്തേക്ക് നമ്മൾ പുഷ്ക്കാറിലേക്ക് പോകുന്നു "… രുദ്രൻ പറഞ്ഞു നിർത്തി.. "ദേവേട്ടാ.. ഇതിൽ ഒന്നാമത്തെ ഓപ്ഷൻ ആണെങ്കിൽ ഒരു ദിവസം കൂടി ഇവിടെ സ്റ്റേ ചെയ്യണ്ടേ "…? ഗൗരി ഒരാലോചനയോടെ രുദ്രനോട് ചോദിച്ചു.. രുദ്രൻ അതേയെന്ന് തലയാട്ടി…. "എന്നാൽ ഒന്നാമത്തെ ഓപ്ഷൻ ആയിക്കോട്ടെ. ഏതായാലും ഇവിടെ വരെ വന്നില്ലേ. ദേവേട്ടൻ പറഞ്ഞ മൂന്ന് സംഗതികളും സന്ദർശിക്കാം. പിന്നെ ഇന്ന് രാത്രി ഞാൻ ഒരു സംഗതി പ്ലാൻ ചെയ്തിട്ടുണ്ട്. അതിന് ഒരു ദിവസം കൂടി ഇവിടെ നിൽക്കുന്നതായിരിക്കും നല്ലത്"...ഗൗരിയൊന്ന് പുഞ്ചിരിച്ചു കൊണ്ട് രുദ്രന് മറുപടി നൽകി… "അതെന്താണാവോ നന്ദുമോളിന്ന് രാത്രിത്തേക്ക് പ്ലാൻ ചെയ്തേക്കുന്നത് "…? രുദ്രനൊരു കുസൃതിച്ചിരിയോടെ ഗൗരിയുടെ നേർക്ക് നോട്ടമയച്ചു കൊണ്ട് ചോദിച്ചു… "അത് സർപ്രൈസ് "…ഒരു കുസൃതിയോടെ രുദ്രന്റെ മൂക്കിൽ പിടിച്ചു കൊണ്ട് ഗൗരി മറുപടി നൽകി… "അങ്ങനെയാണല്ലേ…എന്നാലെന്റെ മാനസസരസിൽ ജലപാദകമായി നീന്തിത്തുടിയ്ക്കുന്ന സരസിജനയനവദനയായ, എന്റെ ഹൃദയത്തിൻ ശ്രീകോവിലിൽ ക്ഷീരസാഗരപുത്രിയായി വാഴുന്ന സുന്ദരി....എന്റെയീ ഇരുചക്രശകടത്തിൽ ഉപവിഷ്ടയായാലും "…രുദ്രൻ ഗൗരിയെ നോക്കിയൊന്ന് ചിരിച്ചു കൊണ്ട് പറഞ്ഞു… ഗൗരിയവൻ പറഞ്ഞത് മനസ്സിലാവാതെ കണ്ണും മിഴിച്ചവനെയും നോക്കിക്കൊണ്ട് നിന്നു… രുദ്രനതൊരു കള്ളച്ചിരിയോടെ നോക്കി നിന്നു… "ദേവേട്ടാ…ദേവേട്ടനിപ്പോൾ പറഞ്ഞത് ഒന്നു കൂടി പറഞ്ഞേ "….ഗൗരി ഒരു സംശയത്തോടെ അവനോടാവശ്യപ്പെട്ടു… രുദ്രൻ നേരത്തെ പറഞ്ഞത് ആവർത്തിച്ചു… അവൻ പറഞ്ഞതിലെ വാക്കുകൾ പെട്ടെന്ന് ഗൗരിയ്ക്ക് ഓർത്തെടുക്കാൻ കഴിഞ്ഞില്ല… "ഇപ്പറഞ്ഞതിന്റെ അർത്ഥം കൂടിയൊന്നു പറ. ഇതിലെ ഒന്നു രണ്ട് വാക്കുകൾ എനിക്ക് മനസ്സിലായില്ല. ദേവേട്ടൻ എഴുതി തന്നിരുന്നെങ്കിൽ പിന്നെയും അർത്ഥം മനസ്സിലാക്കി ഗ്രഹിക്കാമായിരുന്നു"…തന്റെ സംശയം വിട്ടു മാറാതെ ഗൗരി രുദ്രനോട് മൊഴിഞ്ഞു.. "ഹ ഹ…ഞാൻ പറഞ്ഞതിന്റെ അർത്ഥം എന്റെ മാനസസരസിൽ അതായത് മനസ്സിൽ ജലപാദകമായി നീന്തിത്തുടിയ്ക്കുന്ന.. ജലപാദകം എന്ന് വച്ചാൽ അരയന്നം. സരസിജനയനവദനയായ അത് എന്താണെന്ന് അറിയാലോ അല്ലെ"…. രുദ്രൻ ഗൗരിയോട് തിരക്കി… ഗൗരി അറിയാമെന്നു തലയാട്ടി… "അതിനു ശേഷം എന്തോ സാഗരപുത്രി എന്നൊക്കെ പറയുന്ന കേട്ടല്ലോ. അതെന്താണാവോ "…? ഗൗരി രുദ്രനോട് തിരക്കി... "ഹൃദയത്തിൻ ശ്രീകോവിലിൽ ക്ഷീരസാഗരപുത്രിയായി വാഴുന്ന സുന്ദരി…ക്ഷീരസാഗരം എന്ന് വച്ചാൽ പാലാഴി. പാലാഴിയിൽ നിന്നും ഉയർന്നു വന്ന ലക്ഷ്മി ദേവിയെ പാലാഴിയുടെ മകൾ എന്നു വിളിക്കാം…ബാക്കിയൊക്കെ നിനക്ക് മനസ്സിലായിട്ടുണ്ടാവും എന്തായാലും"...ഗൗരിയ്ക്ക് അർത്ഥങ്ങ്ങൾ വിവരിച്ചു കൊടുക്കുമ്പോൾ രുദ്രൻ ഉച്ചത്തിൽ ചിരിച്ചു പോയി… ഗൗരി രുദ്രൻ വിവരിച്ച അർത്ഥങ്ങളോടെ അവൻ നേരത്തെ പറഞ്ഞ വാചകങ്ങൾ ഓർത്തു… "എന്റെ കലിപ്പാ…എന്നോട് ബൈക്കിൽ കയറിയിരിക്കാനാണോ ഇത്രയും നീളമുള്ള വാക്കുകൾ എടുത്തിട്ടലക്കിയത് "….? ഗൗരിയൊരു അമ്പരപ്പോടെ രുദ്രനോട് ചോദിച്ചു… രുദ്രൻ അതേയെന്ന് തലയാട്ടിക്കൊണ്ട് പൊട്ടിച്ചിരിച്ചു… "ബൈക്കിൽ കയറിയിരിക്ക് എന്ന് നേരെയങ്ങ് പറഞ്ഞാൽ പോരേ"…? ഗൗരി കണ്ണുകൾ മിഴിച്ചു കൊണ്ട് ചോദിച്ചു… "നന്ദു…അങ്ങനെ പറയുമ്പോൾ ഒരു ത്രില്ലില്ല"..രുദ്രൻ പൊട്ടിച്ചിരിച്ചു കൊണ്ട് മറുപടി നൽകി… ഗൗരിയും അവന്റെ കൂടെ ചിരിച്ചു… ഗൗരിയുടനെ ബൈക്കിൽ കയറിയിരുന്നു. രുദ്രൻ വണ്ടി മുന്നോട്ടെടുത്തു…. അജ്മീർ ബസ്സ്റ്റാന്റ് പരിസരം കഴിഞ്ഞ് താരാഗർ റോഡിലേക്ക് കയറുന്ന ജംഗ്ഷൻ ലക്ഷ്യമാക്കി നീങ്ങിത്തുടങ്ങി… വൈകാതെ അവർ താരാഗർ റോഡിലേക്ക് കയറി മുന്നോട്ട് പോയിക്കൊണ്ടിരുന്നു… "ദേവേട്ടാ…ഇതിന്നലെ നമ്മൾ സ്മാരകത്തിലേക്ക് പോയ വഴിയല്ലേ"..? ഗൗരി തനിക്ക് തോന്നിയ സംശയം രുദ്രനോടുണർത്തിച്ചു.. "അതെ…ഇന്നലെ നമ്മൾ പോയ പ്രിത്വിരാജ് ചൗഹാൻ സ്മാരകത്തിൽ നിന്നും നാല് കിലോമീറ്ററിന്റെ അടുത്തുണ്ട് താരാഗർ കോട്ടയിലേക്ക് "… രുദ്രൻ മറുപടി നൽകി… രുദ്രൻ വണ്ടി മുന്നോട്ട് ഓടിച്ചു കൊണ്ടിരുന്നു.. പുറകിൽ നിന്നും ഗൗരിയുടെ ചോദ്യങ്ങളൊന്നും കേൾക്കാതിരുന്നപ്പോൾ രുദ്രനൊന്ന് മിററിലേക്ക് നോക്കി… ഗൗരി പിന്നിൽ എന്തോ ആലോചിച്ചു ചിരിച്ചു കൊണ്ടിരിക്കുന്നത് കണ്ട അവന്റെ ഉള്ളിലുമൊരു ചിരിയൂറി… "നന്ദു… താനെന്താടോ സ്വയം ചിരിച്ചു കൊണ്ടിരിക്കുന്നത്. തമാശ വല്ലതുമോർത്താണെങ്കിൽ എന്നോടും കൂടി പറ. ഞാനും കൂടട്ടെ ചിരിക്കാൻ "…ഒരു ചെറുചിരി ചുണ്ടിൽ വരുത്തിക്കൊണ്ട് രുദ്രൻ ഗൗരിയോട് പറഞ്ഞു.. "ഞാൻ ദേവേട്ടൻ പറഞ്ഞ വാചകമോർത്തപ്പോൾ വേറെയൊരു കാര്യമോർത്ത് പോയി. അതാണ് ചിരിച്ചത്"...ഗൗരി ചിരിച്ചു കൊണ്ട് മൊഴിഞ്ഞു… "അതെന്താണ് ആലോചിച്ചത്.. ഞാനും കേൾക്കട്ടെ "… രുദ്രൻ ഗൗരിയോട് ആവശ്യപ്പെട്ടു... "ദേവേട്ടാ…ഞാനാലോചിക്കുവായിരുന്നു. ഈ യഥാർത്ഥത്തിലുള്ള കവികളുടെ ഒക്കെ ഭാര്യമാരുടെ അവസ്ഥ. കിളികൾ പറക്കുന്നത് ഒഴിഞ്ഞ നേരം കാണില്ലല്ലോ അവർക്ക്"...ഗൗരി മറുപടി കൊടുത്തപ്പോൾ പൊട്ടിച്ചിരിച്ചു പോയി… രുദ്രനും ചിരിയടക്കാൻ കഴിഞ്ഞില്ല… 🌸🌸🌸🌸🌸🌸🌸🌸🌸🌸🌸🌸🌸🌸🌸 പ്രിത്വിരാജ് ചൗഹാൻ സ്മാരകവും കടന്നു രുദ്രനും ഗൗരിയും മുന്നോട്ട് പോയിക്കൊണ്ടിരുന്നു. മലമുകളിലേക്ക് ഒറ്റവരിപ്പാതയായതിനാൽ രുദ്രൻ സ്പീഡ് കുറച്ചാണ് വണ്ടിയോടിച്ചു കൊണ്ടിരുന്നത്… ചില സ്ഥലങ്ങളിൽ എതിരെ വണ്ടികൾ വരുമ്പോൾ ഗൗരിയൊന്ന് ഭയന്നു. ഒന്ന് തെറ്റിയാൽ അഗാധമായ താഴ്ചയിലേക്ക് പതിക്കും. ദുർഘടമായ മൂന്ന് നാല് ഹെയർ പിൻ വളവുകളും കടന്നു രുദ്രന്റെ ബൈക്ക് മല കയറിക്കൊണ്ടിരുന്നു… കുറച്ച് ദൂരം പോയിക്കഴിഞ്ഞപ്പോൾ മലമുകളിൽ കോട്ടയുടെ ദൃശ്യം വെളിവായി തുടങ്ങി…. ചിത്രകഥകളിലൊക്കെ കണ്ടിട്ടുള്ള മലമുകളിലെ കോട്ടയുടെ അതേ രൂപം.. കോട്ടയുടെ ദൃശ്യങ്ങൾ വെളിവായപ്പോൾ ഗൗരി ചിന്തിച്ചു… ഒറ്റവരിപ്പാതയ്ക്ക് അവസാനം കോട്ട പരിസരത്തു എത്തിയപ്പോൾ രുദ്രൻ ബൈക്ക് ഒരരികിലേക്ക് നിർത്തി ഗൗരിയോട് ഇറങ്ങാൻ പറഞ്ഞു. അവളിറങ്ങിക്കഴിഞ്ഞപ്പോൾ രുദ്രൻ വണ്ടി ഓഫാക്കി ലോക്ക് ചെയ്തിറങ്ങി… രുദ്രൻ ഗൗരിയെയും കൊണ്ട് കോട്ടയുടെ പ്രധാനകവാടത്തിലേക്ക് നീങ്ങി.. കോട്ടയുടെ ഉള്ളിലേക്കു കയറിയ ഗൗരി വളരെ അത്ഭുതപെട്ടു പോയി. നിലത്ത് കല്ലുകൾ പാകിയ പടികളോട് കൂടിയ ഭാഗങ്ങൾ. ഉള്ളിൽ നിറയെ പുരാതന രജപുത്ര വാസ്തു ശില്പകലയുടെ സാന്നിധ്യമൊട്ടാകെ നിറഞ്ഞു നിൽക്കുന്നു…. രുദ്രൻ ഗൗരിയെയും കൊണ്ട് കോട്ടയുടെ മുകളിലെ നടവഴിയിലൂടെ നടന്നു തുടങ്ങി. ആരവല്ലി മലനിരകളുടെ ആ ഭാഗത്തെ കയറ്റിറക്കങ്ങൾക്ക് അനുസരിച്ചാണ് കോട്ട പണിതിരിക്കുന്നത്. അതിനാൽ നടവഴിയിൽ ചിലയിടത്ത് നേരെയും ചിലയിടത്ത് കയറിയും ഇറങ്ങിയും പടികൾ നിറഞ്ഞുമാണ്…. ഇത്രയും ഉയരത്തിൽ ഒരു കോട്ട അക്കാലത്തു പണിഞ്ഞത് വളരെ അത്ഭുതമുണർത്തുന്ന കാര്യങ്ങൾ തന്നെ..ഗൗരി മനസ്സിൽ ചിന്തിച്ചു… ആ കോട്ടയുടെയും ചുറ്റുമുള്ള മലനിരകളുടെയുമൊക്കെ ദൃശ്യങ്ങൾ ഗൗരി ക്യാമറയിൽ പകർത്തിക്കൊണ്ടിരുന്നു…. മുന്നോട്ട് നടന്നു കോട്ടയുടെ ചില കൊത്തളങ്ങളിലെത്തുമ്പോൾ ഗൗരി രുദ്രനെയും കെട്ടിപ്പിടിച്ചു കൊണ്ട് സെൽഫികൾ എടുത്തു കൊണ്ടിരുന്നു.. "ദേവേട്ടാ.. എത്ര കൊത്തളങ്ങൾ ഉണ്ട് കോട്ടയ്ക്ക് "…? കയറിയിറങ്ങി നിൽക്കുന്ന കോട്ടയുടെ മുകളിലെ നടവഴികൾ കണ്ട ഗൗരി രുദ്രനോട് ചോദിച്ചു.. "പതിനാല് കൊത്തളങ്ങളുണ്ട് ഈ കോട്ടയ്ക്ക്".. രുദ്രൻ മറുപടി നൽകി… "ഇത്രയും ഉയരത്തിൽ അതും ഈ പർവതനിരകൾക്കനുസരിച്ചു കോട്ട നിർമിച്ചത് ആരാണ് ദേവേട്ടാ "…? കോട്ടയുടെ ചിത്രങ്ങൾ പകർത്തിക്കൊണ്ടിരിക്കുമ്പോൾ ഗൗരി രുദ്രനോട് ചോദിച്ചു… "അജ്മീർ നിർമ്മിച്ച അജയപാൽ ചൗഹാൻ തന്നെയാണ് ഈ കോട്ടയുടെയും നിർമ്മാണപ്രവർത്തനങ്ങൾക്ക് പിന്നിൽ. ഭൂനിരപ്പിൽ നിന്നും ആയിരത്തി മുന്നൂറോളം അടി ഉയരത്തിലാണ് ഈ കോട്ട സ്ഥിതി ചെയ്യുന്നത് "…. രുദ്രൻ മറുപടി നൽകി.. "എന്തായാലും അദ്ദേഹത്തെ സമ്മതിക്കണം. അന്നത്തെ കാലത്ത് ഇത്രയും ഉയരത്തിൽ ഇത്ര ഭംഗിയോടെ നിർമ്മിച്ചതിനു" …(ഗൗരി) കുറച്ചു കൂടി മുന്നോട്ട് നടന്നപ്പോൾ താഴെ വിദൂരത്തിൽ അജ്മീർ സിറ്റിയുടെ ദൃശ്യം വെളിവായി. ആ ദൃശ്യത്തിന്റെ നയനമനോഹാരിത ഗൗരിയുടെ മനസ്സിൽ ആമോദത്തിന്റെ കുളിർമഴ പെയ്യിച്ചു കൊണ്ടിരുന്നു…. അവൾ ആ ദൃശ്യങ്ങളെ പകർത്തുവാൻ തുടങ്ങി. താഴെ വിദൂരതയിൽ ഒരു വലിയ തടാകവും അതിന് ചുറ്റിനും പെട്ടികൾ അടുക്കിവച്ചത് പോലെ കെട്ടിടങ്ങളും നിറഞ്ഞ അജ്മീർ പട്ടണം…. "ദേവേട്ടാ…ആ തടാകമാണോ പുഷ്കാർ തടാകം "…? ആ തടാകത്തെ ചൂണ്ടിക്കൊണ്ട് ഗൗരി ചോദിച്ചു… "അല്ല.. അതാണ് ഞാൻ നേരത്തെ പറഞ്ഞ അനാസാഗർ തടാകം"…രുദ്രൻ പറഞ്ഞത് കേട്ട് ഒരത്ഭുതത്തോടെ ഗൗരി നിന്നു… "ഇത്രയും വലുപ്പമുണ്ടോ ആ തടാകത്തിന്"…? അത്ഭുതപരതന്ത്രയായി ഗൗരി ചോദിച്ചു… "അതിനെ കുറിച്ച് അവിടേക്ക് നമ്മൾ പോകുമ്പോൾ ഞാൻ പറഞ്ഞു തരാം"..രുദ്രൻ ചിരിച്ചു കൊണ്ട് മറുപടി നൽകി.. ആ നടവഴിയിലൂടെ അജ്മീർ ടൗണിന്റെ ലോങ്ങ്‌ ടോപ് വ്യൂ ആസ്വദിച്ചു കൊണ്ട് അവർ കുറച്ച് കൂടി മുന്നോട്ട് നടന്നു… ഒരു ഭാഗത്തെത്തിയപ്പോൾ ഗൗരി രുദ്രനെ പിടിച്ചു നിർത്തി. രുദ്രൻ എന്താണെന്ന് കണ്ണുകളാൽ ആംഗ്യം കാണിച്ചു കൊണ്ട് ചോദിച്ചു… സെൽഫി സ്റ്റിക്കിൽ വച്ച മൊബൈൽ അവളൊന്ന് ഉയർത്തിപ്പിടിച്ചു…. ഇവളിതെന്തിനുള്ള പുറപ്പാടാണാവോ…ഗൗരിയുടെ പ്രവൃത്തിയിൽ ഒന്നമ്പരന്ന രുദ്രൻ ചിന്തിച്ചു… "ദേവേട്ടാ…എനിക്കൊരു കാര്യം പറയാനുണ്ട്"…ഗൗരി പുഞ്ചിരിച്ചു കൊണ്ട് രുദ്രനോട് മൊഴിഞ്ഞു… എന്താണെന്നു രുദ്രൻ തന്റെ പുരികങ്ങൾ ഉയർത്തിച്ചോദിച്ചു… "ഈ ലലാടവും, സരസിജനയനങ്ങളും, കപോലങ്ങളും, രുധിരവർണ്ണാധരങ്ങളും കൊതിക്കുന്നു നിന്റെ ദന്താംബരമുദ്രകൾക്കായ് "…തന്റെ മുഖത്തിന്‌ നേരെ കൈചൂണ്ടി മന്ദഹസിച്ചു കൊണ്ട് ഗൗരി രുദ്രനോടുണർത്തിച്ചു… താനിവളെ വർണ്ണിയ്ക്കുന്ന വാക്കുകളുപയോഗിച്ച് തന്നോട് ചുംബനമാവശ്യപ്പെടുന്നു ഇവൾ. ഇവൾക്ക് സ്ഥലകാലബോധമില്ലാതായോ…ഗൗരിയുടെ വാക്കുകൾ രുദ്രനെ അമ്പരപ്പിച്ചു.. "നന്ദു…നിനക്ക് തീരെ ബോധമില്ലേ…ആളുകൾ വരുന്ന സ്ഥലമാണിത്"…അമ്പരപ്പ് വിട്ടു മാറാതെ രുദ്രൻ ഗൗരിയോട് ചോദിച്ചു… "പിന്നെ വഴിയിൽ കൂടെ പോകുന്നവനോട് എനിക്കിത് ആവശ്യപ്പെടാൻ കഴിയുമോ. പരിസരമൊക്കെ നോക്കിത്തന്നെയാ ദേവേട്ടനെ ഞാനിവിടെ പിടിച്ചു നിർത്തിയേക്കുന്നത്. നോക്കി നിൽക്കാതെ തരുന്നുണ്ടോ കുരങ്ങാ "…ഗൗരി പരിഭവം നടിച്ചു കൊണ്ട് രുദ്രനോട് മൊഴിഞ്ഞു… ചുറ്റുവട്ടമൊക്ക ഒന്ന് കൂടി നന്നായി വീക്ഷിച്ചതിനു ശേഷം രുദ്രൻ ഗൗരിയുടെ ഇരുകവിളിലും തന്റെ കൈത്തലങ്ങളർപ്പിച്ചു… അവളുടെ പ്രണയമയൂഖങ്ങൾ എരിയുന്ന സരസിജനയനങ്ങളിലേക്ക് നോട്ടമയക്കുമ്പോൾ അവന്റെ മനസ്സിലും പ്രണയത്തിൻ കൃപീടപാലകല്ലോലിനികൾ നിറഞ്ഞു തുളുമ്പി…. അവന്റെയോഷ്ഠങ്ങൾ പതിയെ അവളുടെ നെറ്റിയിലും മിഴികളിലും കപോലങ്ങളിലും മുദ്രകൾ പതിപ്പിച്ചതിനു ശേഷമവളുടെ അധരങ്ങളിൽ വിശ്രമിച്ചു…. തുടരും കണ്ണൂർകാരൻ ❤️❤️❤️❤️ #📚 ട്വിസ്റ്റ് കഥകൾ #💞 പ്രണയകഥകൾ #📔 കഥ #📙 നോവൽ #✍ തുടർക്കഥ