ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6A3K3y6?d=n&ui=v64j8rk&e1=cമന്ത്രകോടി :പാർട്ട്‌ -25💚🌺 അച്ഛനെന്തായാലും സഞ്ജുവേട്ടനെ കാണാൻ വരും....... അവൻ മറുപടിയൊന്നും പറഞ്ഞില്ല. ഹലോ..... സഞ്ജു വേട്ടാ..... മറുപടി ഒന്നും കേൾക്കാത്തതുകൊണ്ടവൾ വീണ്ടും വിളിച്ചു. ആ നിമിഷം തന്നെ അവൻ ഫോൺ കട്ട് ചെയ്തു. ശേഷം എന്തോ ആലോചിച്ചിരുന്നു. അച്ഛൻ വരുവല്ലേ......വരട്ടെ..... പണ്ട് എന്നോട് കാണിച്ചത്തിനുള്ള മറുപടിയെല്ലാം പറയാൻ മാറ്റി വച്ചിട്ടുണ്ട് ഞാൻ. അവന്റെ കണ്ണുകൾ ചുവന്നു. 💚💚💚💚 ദിവസങ്ങൾ പതിയെ കടന്നുപോയി...... ഇന്നാണ് കാവ്യയെ പെണ്ണുകാണാൻ വരുന്ന ദിവസം..... ഭാമയുടെ അപ്പ വിളിച്ചു പറഞ്ഞത് പ്രകാരം നന്ദനും ഭാമയും ടീച്ചറമ്മയും മെല്ലാം അവിടേക്ക് പോകാനായി ഇറങ്ങിയിരുന്നു. പല്ലവിക്കും പ്രത്യേകം ക്ഷണമുണ്ടായിരുന്നു പക്ഷെ ഒഴിച്ചുകൂടാനാകാത്ത ഒരു പ്രസന്റേഷൻ വന്നത് കാരണം അവൾ അങ്ങോട്ടേക്ക് പോയിരിക്കുകയാണ്...... മഹിയേയും മെറിനേയും അറിഞ്ഞുകൊണ്ട് തന്നെ ഭാമയുടെ അപ്പ വിളിച്ചിരുന്നില്ല. ദേവകിയമ്മയുൾപ്പെടെ എല്ലാവരും പോയതോടെ വീട്ടിൽ മഹിയും മെറിനും മാത്രമായി...... ഒരു വിധം ശെരിയായി വന്ന ഒരു ജോബിന്റെ ഇന്റർവ്യൂ ആണിന്ന് മഹിക്ക് പോകാതിരിക്കാൻ കഴിയില്ല. വീട്ടിലാരും ഇല്ലാതെ മെറിനെ ഒറ്റക്കാക്കി പോകാനും വയ്യ ആ വസ്ഥയിലാണവൻ. പക്ഷെ ഈയൊരു ജോബ് ഓഫർ കളഞ്ഞാൽ പിന്നെ പോയി വരുന്ന ദൂരത്തിനൊരു ജോലി കിട്ടിയെന്ന് വരില്ല. മെറിൻ കൂടെ ഉള്ളതുകൊണ്ടാണ് ഇത്രയും അഡ്ജസ്റ്റ് ചെയ്യുന്നത്. കുറേ നേരത്തേ ആലോചനക്കൊടുവിൽ അവൻ പോകാംന്ന് തന്നെ തീരുമാനിച്ചു. കൂടെ മെറിനെക്കൂടിക്കൂട്ടാം. ഈ ഒരവസ്ഥയിൽ അവളെ ഒറ്റക്കാക്കി പോകുന്നത് ഒട്ടും സേഫ് അല്ല. പിന്നെ ഇവിടെ വന്നിട്ട് ഇതുവരെയൊന്ന് പുറത്ത് കൊണ്ട് പോയിട്ടില്ല. എല്ലാം ഇതിന്റെ കൂടെയങ്ങ് നടക്കട്ടെയെന്ന് കരുതി അവളോട് കൂടി റെഡിയാകാൻ പറഞ്ഞു... വീട്ടിൽ ഇരുന്ന് മടുപ്പായത് കൊണ്ടാകാം മറ്റൊന്നും പറയാതെ മെറിൻ മഹിക്കൊപ്പം പോകാൻ റെഡിയായി. 🌼🌼🌼🌼🌼🌼 നന്ദനും ഭാമയും ദേവകിയമ്മയും എത്തുമ്പോൾ പെണ്ണുകാണൽ ചടങ്ങിനുള്ളതെല്ലാം റെഡി യായിരുന്നു..... വന്ന് കുറച്ച് നേരം കഴിഞ്ഞതും നന്ദൻ അച്ഛനൊപ്പം ചെറിയ ചെറിയ സഹായങ്ങൾ ചെയ്തു കൂടെ കൂടി.... ദേവകിയമ്മയും ഭാമയും നേരെ കാവ്യയുടെ മുറിയിലേക്ക് ചെന്നു. ഒത്തിരി അലങ്കാരങ്ങളൊന്നും ഇല്ലെങ്കിലും മനോഹരമായൊന്ന് ഒരുങ്ങി ചെറിയ ടെൻഷനോടെ ഇരിക്കുകയാണവൾ. കാവ്യ....... ഒക്കെ അല്ലേ മോളെ...... കാവ്യക്കരികിലേക്ക് വന്നുകൊണ്ട് ഭാമ ചോദിച്ചു. കാവ്യ ഇരിക്കുന്ന ചെയറിൽ നിന്നും എഴുന്നേറ്റു ...... എനിക്കറിയില്ല ചേച്ചി.... വല്ലാത്ത ടെൻഷൻ.. അത് പെണ്ണുകാണലിന്റെ യാകും. നമുക്ക് അറിയാത്തവരുടെയൊക്കെ മുൻപിൽ കുറച്ച് നേരമെങ്കിലും കാഴ്ച വസ്തുവായി നിൽക്കുകയല്ലേ ...... അതിന്റെ മാത്രം അല്ല ചേച്ചി. ഇപ്പോ കല്യാണം കഴിക്കാൻ എനിക്ക് യാതൊരു താല്പര്യവുമില്ല. അമ്മയുടെ നിർബന്ധമാണ്. അത് കേട്ടതും ഭാമയിൽ ആകുലത നിറഞ്ഞു. നിന്റെ സമ്മതമില്ലാതെയാണോ? നീ അച്ഛനോട് സംസാരിച്ചില്ലേ.... ഭാമ ചോദിച്ചു. സംസാരിക്കാൻ പറ്റണ്ടേ.... അമ്മ പുറകേ നടക്കുവാ.... പിന്നെ അച്ഛനും ഈ ബന്ധം ഇഷ്ടപ്പെട്ടതുപോലെയാ പെരുമാറ്റം നിനക്ക് താല്പര്യമില്ലെങ്കിൽ പെണ്ണുകാണൽ വരുന്നയാളോട് പറഞ്ഞേക്ക് മോളെ..... ഭാമയോടൊപ്പം നിന്ന ദേവകിയമ്മ അവളോട് പറഞ്ഞു..... ഇല്ലാന്റി..... അത് പറ്റില്ല. ചെക്കൻ നാട്ടിൽ ഇല്ല യൂ എസിൽ ആണ് ജോലി ചെയ്യുന്നേ.... കല്യാണത്തിനേ വരൂ... ഇന്ന് ആളുടെ വീട്ടുകാർ മാത്രമാണ് വരുന്നത്. അമ്മയുടെ ബന്ധത്തിലെ ആരോ ആണ്..... അതുകൊണ്ട് എല്ലാം അമ്മവഴി യാണ് തീരുമാനം. ഹ്മ്മ്..... നീ ടെൻഷനടിക്കാതെ...... നിനക്ക് പഠിക്കാൻ വേണ്ടി അല്ലേ ഇപ്പോൾ കല്യാണം വേണ്ടാന്ന് പറയുന്നത്. ഭാമ ചോദിച്ചതും കാവ്യയൊന്ന് മൂളി. ഏതായാലും നല്ല ബന്ധം ആണെങ്കിൽ നിന്റെ അഗ്രങ്ങൾക്കൊപ്പം നിൽക്കുന്നവർ ആണെങ്കിൽ നടക്കട്ടെ....... അല്ലെങ്കിൽ എന്താന്ന് വച്ചാൽ ചെയ്യാം... ഭാമ ധൈര്യം നൽകിയതും കാവ്യയുടെ ടെൻഷൻ കുറച്ച് കുറഞ്ഞു. 🌼🌼🌼🌼🌼🌼🌼🌼🌼🌼 നീ ഈ റെസ്റ്റോറന്റിൽ ഇരിക്ക്.... ഇവിടുന്ന് മെയിൽ റോഡിന് നേരെ യുള്ള രണ്ടാമത്തെ ബിൽഡിങ്ങിലാണ് ഓഫീസ്‌ അവിടെവച്ചാണ് എനിക്ക് ഇന്റർവ്യൂ നടക്കുന്നതും. ഹ്മ്മ്...... മെറിനൊന്നു മൂളി...... അവൻ വച്ചിലേക്ക് ഒന്ന് നോക്കി ഞാൻ പോട്ടെ..... സമയമായി......നിനക്ക് എന്തേലും ഓർഡർ ചെയ്യണോ? മഹി എഴുന്നേറ്റ് കൊണ്ട് ചോദിച്ചു. ഹേയ് എപ്പോ ഒന്നും വേണ്ട. നീ പോയിട്ട് വാ..... ഞാൻ ഒറ്റക്കാണെന്നു കരുതി തിരക്ക് കൂട്ടണ്ട. പതിയെ വന്നാൽ മതി. ഹ്മ്മ്.... മഹി ആശ്വാസത്തിൽ ഒന്ന് മൂളി.... മെറിൻ ഇങ്ങനെയൊക്കെ സംസാരിക്കുന്നത് അപൂർവ്വമാണ്. അതുകൊണ്ട് തന്നെ നിറഞ്ഞ മനസ്സോടെയാണ് അവൻ അവൾക്കരികിൽ നിന്ന് ഇറങ്ങിയത്. മഹി റെസ്റ്റോറന്റിന്റ വാതിൽ കഴിഞ്ഞ് റോഡ് ക്രോസ്സ് ചെയ്തതും മെറിൻ വാട്ട്സാപ്പ് ഓൺ ചെയ്ത് വേഗത്തിൽ എന്തോ ടൈപ് ചെയ്തു. ശേഷം രണ്ട് ജ്യൂസ് കൂടി ഓർഡർ കൊടുത്ത് കാത്തിരുന്നു. കുറച്ച് നേരം കഴിഞ്ഞതും ഒരു ചെറുപ്പക്കാരൻ റെസ്റ്റോറന്റ് ന്റെ മെയിൻ ഡോർ തുറന്ന് ഉള്ളിലേക്ക് കയറി വന്നു. ഒരു കറുത്ത ടീഷർട്ട് ആണവന്റെ വേഷം ഫിറ്റ്നസ് നല്ലത് പോലെ മെയ്ന്റെയിൻ ചെയ്യുന്നത് കൊണ്ടാകാം ആകർഷണീയ മായ ശരീരം. മുഖം അധികം വെളിവകാതിരിക്കാൻ അവനൊരു ക്യാപ്‌ വച്ചിട്ടുണ്ട്. അലസമായി ഫോണിലേക്ക് ഒന്ന് നോക്കി മുഖമുയർത്തുമ്പോഴാണ് തനിക്ക് നേരെ നടന്നു വരുന്നവനെ മെറിൻ കാണുന്നത്. ഒറ്റ നോട്ടത്തിൽ തന്നെ അത് താൻ കാത്തിരുന്ന വ്യക്തി ആണെന്ന് മനസ്സിലായതും അവളിലൊരു പുഞ്ചിരി വിരിഞ്ഞു. ക്യാപ്‌ മറച്ച ആ മുഖത്തിൽ നിന്നും കണ്ണുകൾ അവന്റെ ഉറച്ച ശരീരത്തിലേക്ക് നീങ്ങി..... അപ്പോഴേക്കും അവൻ തനിക്കരികിലേക്ക് വന്നുകഴിഞ്ഞിരുന്നു...... തൊട്ടു മുന്നിൽ വന്ന് അവൾക്ക് നേരെ യുള്ള ചെയർറിലേക്ക് ഇരുന്ന് അവളുടെ മുഖത്തേക്ക് നോക്കിയവൻ..... 🌼🌼🌼🌼🌼🌼🌼🌼🌼🌼🌼🌼 ഹാളിൽ എല്ലാവരും നിരന്നു....... ചെക്കന്റെ വീട്ടിൽ നിന്നും അമ്മയും അച്ഛനും മറ്റ് രണ്ട് ബന്ധുക്കളുമാണ് വന്നിരുന്നത്. അവരെല്ലാം ഒരേ വശത്താണ് ഇരിക്കുന്നത്. തൊട്ട് എതിർ വശത്ത് നന്ദനും ഭാമയുടെ അപ്പയും ദേവകിയമ്മയും. എന്നാപ്പിന്നെ ചടങ്ങ് വച്ച് വൈകിക്കണ്ട പെണ്ണിനെ വിളിക്കാം..... ചെർക്കൻ കൂട്ടരിൽ നിന്ന് വന്ന കാരണവർ പറഞ്ഞതൊടെ അതേ എന്ന തലയട്ടലോടെ അപ്പ പെണ്ണിനെ വിളിക്കാനൊരുങ്ങി. അകത്തേക്ക് നോക്കി..... കുറച്ച് നിമിഷങ്ങൾ കഴിഞ്ഞതും ജ്യൂസ് അടങ്ങുന്ന ട്രെയുമായി കാവ്യ വന്നിരുന്നു.. പിന്നാലെ തന്നെ ഭാമയും നവ്യയും അമ്മയും. കാവ്യ ഓരോരുത്തർക്കായി ജ്യൂസ് കൊണ്ടുവന്നു നൽകി...... ചെക്കന്റെ അച്ഛനും അമ്മയും കാവ്യയെ കണ്ടപാടെ മരുമകളായി ഉറപ്പിച്ച മട്ടാണ് . എല്ലാവർക്കും ജ്യൂസ് കൊടുത്ത് കാവ്യ മാറി നിന്നതും ചെക്കന്റെ അമ്മ ലേഖ സംസാരിച്ചു തുടങ്ങി. മോളെ ഞങ്ങൾക്ക് ഇഷ്ടായി ട്ടോ ...... അറിയാല്ലോ ജീവമോൻ യൂഎസ്ൽ ആണ് ... അവൻ വന്നാലുടനെ കല്യാണം...... വന്നാലുടനെ കല്യാണമോ? എന്നുപറയുമ്പോൾ...... പെട്ടന്ന് നടത്തണം എന്നാണോ? ഭാമയുടെ അപ്പ എടുത്ത് ചോദിച്ചു... അവൻ മൂന്നോ നാലോ മാസങ്ങൾക്കുള്ളിൽ വരും അത്രേം സമയം തന്നെ അധികമല്ലേ..... അല്ലാ അത്ര പെട്ടന്ന് എന്നൊക്കെ പറയുമ്പോൾ..... അതെന്താ സാമ്പത്തികമായി എന്തേലും പ്രശ്‌നം ആണോ എന്നാൽ അത് കാര്യമാക്കേണ്ട..... ഞങ്ങൾ നോക്കിക്കൊള്ളാം ചിലവുകൾ..... ഞങ്ങൾക്ക് ഒറ്റ മോനാ സമ്പത്തിൽ നിങ്ങളെക്കാൾ കൂടുതൽ നിൽക്കുന്നവരാണ് ഞങ്ങൾ. അഹങ്കാരത്തിന്റെ വാചകമാണെങ്കിലും വാക്കുകളിൽ പ്രകടമാക്കാതെ അവർ സംസാരിച്ചു. അത് കേട്ടതും നന്ദന്റെയും ദേവാകിയമ്മയുടെയുമടക്കം മുഖം ചുളിഞ്ഞു. ഹേയ്..... അതൊന്നും അല്ലാ... മോള് പഠിക്കിവല്ലേ അതാ ഞാൻ....... അപ്പ പറഞ്ഞുകൊണ്ട് കാവ്യയെ നോക്കിയതും അവൾ വല്ലായ്മയോടെ അയാളെ നോക്കി...... പുറകിൽ നിന്ന ഭാമയ്ക്കും എന്തോ ഒരു ഇഷ്ടക്കേട് പോലെ..... അതിനെന്താ കാവ്യയുടെ അച്ഛാ..... മോള് പഠിച്ചിട്ടേ...... ഞങ്ങൾക്ക് പഠിക്കുന്ന കുട്ടികളെ തന്നെയാണ് ഇഷ്ടം. ഇക്കാലത്ത് സ്ത്രീധനം വേണ്ടെങ്കിലും പെൺകുട്ടിക്ക് വിദ്യാഭ്യാസം വേണമെന്ന് ആവശ്യപ്പെടുന്നവരുടെ കൂട്ടത്തിൽ പെടുന്നവരാണ് ഞങ്ങൾ. അതുകൊണ്ട് മോള് പഠിച്ചോട്ടെ...... ഞങ്ങളുടെ കാലം കഴിഞ്ഞാൽ ബിസ്സ്നസ്സ് ഒക്കെ രണ്ടുപേരും ഒരുമിച്ച് നോക്കി നടത്തേണ്ടി വരും. അതുകൊണ്ട് അവൾക്ക് ആഗ്രഹമുള്ളത് വരെ പഠിക്കട്ടെ..... കല്യാണം അതിന്റെ സമയത്തിന് നടക്കേം ചെയ്യട്ടെ..... അതാ ഞാൻ ഉദ്ദേശിച്ചത്. അവരുടെ വാക്കുകൾ കേട്ടതും കാവ്യയുടെ മനസ്സൊന്നു ശാന്തമായി. കുറച്ച് മുന്നേ അവരോട് തോന്നിയ ഇഷ്ടക്കേട് കുറച്ച് കുറഞ്ഞത് പോലെയും അവൾക്ക് തോന്നി. ചർച്ചകൾക്കെല്ലാം ഒടുവിൽ .... വിവാഹം പകുതി ഉറപ്പിച്ചതുപോലെ ആയിരുന്നു എല്ലാവരും. അവസാനം പോകാനായി ഇറങ്ങുമ്പോൾ ജീവന്റെ അമ്മ കാവ്യക്കരികിലേക്ക് എത്തിയിരുന്നു. ഇറങ്ങട്ടെ മോളെ..... അവൾ ശെരിയെന്നപോൽ തലയാട്ടി.... അവന്റെ ഫോൺ നമ്പർ ഇവിടെ കൊടുത്തേക്കാം കേട്ടോ വിളിച്ചാൽ മതി..... തുടരും 🌺💚 ലൈക് ചെയ്ത് അഭിപ്രായങ്ങൾ എഴുതണേ 🌼 കണ്ണൂർകാരൻ ❤️❤️❤️❤️ #📚 ട്വിസ്റ്റ് കഥകൾ #💞 പ്രണയകഥകൾ #✍ തുടർക്കഥ #📙 നോവൽ #📔 കഥ