പുലർച്ചെയുള്ള അലാറം കേട്ടാണ് തൻവി ഉണർന്നത്. ഇന്ന് അമ്പലത്തിൽ പോവാമെന്ന് വൈശു ചേച്ചിയോട് ഏറ്റതാണ് അവൾ കിടന്നിടത്തു നിന്ന് ചാടി എഴുന്നേറ്റു. വൈഷ്ണവി തൻവിയുടെ വല്ല്യച്ഛന്റെ മകളാണ്. ഒരാഴ്ച കഴിഞ്ഞാൽ വൈഷ്ണവിയുടെ കല്യാണമാണ്. എല്ലാവരും ആ സന്തോഷത്തിലാണ്. പക്ഷെ വൈഷ്ണവിയുടെ മുഖത്തു മാത്രം ഒരു തെളിച്ചവും ഇല്ലാത്തത് തൻവി ശ്രദ്ധിച്ചു. വീടു വിട്ടു പോകുന്ന സങ്കടമാവുമെന്ന് തൻവി കണക്കുക്കൂട്ടി. അവർ നടന്ന് അമ്പലത്തിലെത്തി ... വലിയ തിരക്കൊന്നും ഇല്ലായിരുന്നു ശ്രീകോവിലിനു മുന്നിൽ അവർ രണ്ടുപേരും തൊഴുതു നിന്നു. തൻവി തന്റെ കുഞ്ഞു കുഞ്ഞു പരാതികളും പരിഭവങ്ങളും പറഞ്ഞു ദേവിയെ തൊഴുത് തിരിഞ്ഞപ്പോൾ വൈഷ്ണവി അടുത്തില്ല. ഇതെവിടെ പോയി ചിലപ്പോൾ പ്രദക്ഷിണം വയ്ക്കുകയായിരിക്കാം ... എന്ന് കരുതി അവളും പ്രദക്ഷിണം വച്ചു തിരികെ എത്തിയിട്ടും ആളേ കണ്ടില്ല. തൻവി പെട്ടെന്ന് ക്ഷേത്രത്തിന് പുറത്തിറങ്ങി നോക്കി അപ്പോൾ കുറച്ചു മാറി ഒരു കാർ നിർത്തിയിട്ടിട്ടുണ്ട് അതിൽ വൈഷ്ണവി കയറുന്നതാണ് അവൾ കണ്ടത്. " .... വൈശു ചേച്ചി .... " അവൾ പെട്ടെന്ന് തന്നെ കാറിനടുത്തേയ്ക്ക് ഓടിയെത്തിയപ്പോഴേക്കും കാർ മുന്നോട്ട് എടുത്തിരുന്നു. തൻവി ഇനി എന്തു ചെയ്യുമെന്നറിയാതെ അവിടിരുന്നു അലറി കരഞ്ഞു. അവളുടെ ശബ്ദം കേട്ട് അമ്പലത്തിൽ ഉണ്ടായിരുന്നവർ അവളുടെ ചുറ്റും കൂടി കാര്യം എന്താണെന്ന് തിരക്കിയെങ്കിലും ഒന്നും പറയാനുള്ള അവസ്ഥയിലായിരുന്നില്ല അവൾ. കൂടി നിന്നവരിൽ കുറച്ചു പേര് ചേർന്ന് തൻവിയെ വീട്ടിലേക്ക് കൂട്ടികൊണ്ടു പോയി. വീടെത്തി ഗേയ്റ്റ് തുറന്നപ്പോൾ വരാന്തയിൽ നിന്നും തൻവിയുടെ അച്ഛൻ കൃഷ്ണൻ അവളുടെ കോലം കണ്ടു വെപ്രാളത്തോടെ ഇറങ്ങി വന്നു. " .... എന്താ പറ്റിയത് ? ..... വൈശു എവിടെ ? .... " അയാൾ ചുറ്റും നോക്കി കൊണ്ട് ചോദിച്ചു കൊണ്ടിരുന്നു. കരച്ചിലു കാരണം ഒന്നും മിണ്ടാൻ പറ്റാത്ത അവസ്ഥയിലായിപ്പോയി തനു. മുറ്റത്തെ ബഹളം കേട്ട് അകത്ത് നിന്ന് അവളുടെ അമ്മ പ്രിയയും അപ്പുറത്തെ വീട്ടിൽ നിന്ന് വല്ല്യച്ഛൻ ഗോപാലനും അയാളുടെ ആൺമക്കളും ഇറങ്ങി വന്നു. തനുവിനെ വീട്ടിൽ കൊണ്ടുവന്ന് ആക്കിയവർ അപ്പോഴേക്കും പോയിരുന്നു. കുടുംബക്കാർ എല്ലാവരും അവളുടെ ചുറ്റിനും കൂടി. എന്താ കാര്യമെന്ന് എല്ലാവരും ചോദിച്ചപ്പോൾ അവൾ മടിച്ചു മടിച്ചു അമ്പലത്തിൽ വച്ച് സംഭവിച്ച കാര്യം അവരോട് പറഞ്ഞു. അത് പറഞ്ഞു തീർന്നതും കൃഷ്ണന്റെ അടി അവളുടെ മുഖത്ത് വീണതും ഒന്നിച്ചായിരുന്നു. എന്താ നടക്കുന്നതെന്ന് മനസ്സിലാവുന്നതിന് മുന്നേ അടുത്ത അടിയും അവളുടെ മുഖത്ത് വീണു കഴിഞ്ഞിരുന്നു. പെട്ടെന്ന് ആരൊക്കെയോ ചേർന്ന് കൃഷ്ണനെ പിടിച്ചു മാറ്റി. അയാൾ ദേഷ്യം കൊണ്ട് വിറക്കുകയായിരുന്നു. " .... ചേച്ചിക്ക് ഒളിച്ചോടാൻ കൂട്ടുനിന്ന ആസത്ത് .... ഇവളെ ഞാനിന്ന് കൊല്ലും .... " എന്നും പറഞ്ഞു പിന്നേയും അയാൾ അവളെ അടിക്കാൻ അവൾക്ക് നേരെ പാഞ്ഞു വന്നു. അപ്പോഴേക്കും വല്ല്യച്ഛൻ വന്നു തനുവിനെ അവിടെ നിന്നും പിടിച്ചു മാറ്റിയിരുന്നു. സന്തോഷം കൊണ്ട് നിറഞ്ഞ വീട് വളരെ പെട്ടെന്നാണ് മരണവീടിനു തുല്യമായത്. എനിക്ക് ഒന്നും അറിയില്ലായിരുന്നു ... എന്നു പറഞ്ഞു തനു കരഞ്ഞുകൊണ്ടിരുന്നു. ഇനി എന്ത് ചെയ്യും ? ... എന്നായിരുന്നു എല്ലാവരുടേയും അപ്പോഴത്തെ ആലോചന. വൈഷ്ണവിയുടെ ഏട്ടന്മാർ എല്ലാവരും അവളെ അന്വേഷിക്കാനായി പല വഴിക്ക് പോയി. വല്ല്യച്ഛൻ ആകെ തകർന്ന അവസ്ഥയിൽ ഇരിപ്പായി. " .... ചെറുക്കൻ വീട്ടുകാരോട് എന്തു പറയും ? .... " വല്ല്യച്ഛന്റെ സർവ്വവും തകർന്നുള്ള ഇരുപ്പ് കണ്ടിട്ട് തനുവിന് സഹിക്കാൻ കഴിഞ്ഞില്ല. അച്ഛനൊപ്പം തന്നെ വല്ല്യച്ഛനും അവൾക്ക് ജീവനായിരുന്നു ഒരു നിമിഷം അവൾ ചേച്ചിയെ ശപിച്ചു പോയി. അന്വേഷിച്ചു പോയ ഏട്ടൻമാർ ഒരു വിവരവും ലഭിക്കാതെ തിരികെ വന്നു. പതിയെ പതിയെ നാട്ടുകാർ ഓരോരുത്തരായി കാര്യങ്ങൾ അറിഞ്ഞു തുടങ്ങി. പോലീസിൽ പരാതി കൊടുക്കാമെന്ന് ചിലരൊക്കെ അഭിപ്രായപ്പെട്ടു. അല്പസമയത്തിനകം തന്നെ ഒരു കാർ ആ വീട്ടുമുറ്റത്ത് വന്നു നിന്നു. കാര്യങ്ങളറിഞ്ഞ് ചെറുക്കന്റെ വീട്ടിൽ നിന്നും വന്നവരാമായിരുന്നു അത്. ചെറുക്കന്റെ അച്ഛനും ചെറിയച്ഛനും അമ്മാവൻമാരും ഒക്കെ ഉണ്ട് . ചെറുക്കന്റെ അമ്മാവൻ തനുവിന്റെ വലിയച്ഛനോട് എന്തൊക്കെയോ കയർത്തു സംസാരിക്കുന്നുണ്ടായിരുന്നു. വളർത്തുദോഷം കാരണമാണ് മകൾ കണ്ണിൽ കണ്ടവന്റെ കൂടെ പോയതെന്നും ... നാട്ടുകാരുടെ മുന്നിൽ അവർ നാണം കെട്ടതിന് അവർ നഷ്ടപരിഹാരം ഒക്കെ വേണമെന്ന് പറഞ്ഞ് അയാൾ ആകെ ബഹളമുണ്ടാക്കി. ഒടുവിൽ കയ്യാങ്കളിയിലെത്തുന്ന അവസ്ഥ വന്നപ്പോൾ ചെറുക്കന്റെ അച്ഛൻ അവരെ എല്ലാവരെയും പിടിച്ചു മാറ്റി. തനുവിന്റെ അച്ഛൻ ഇടപെട്ട് അവരോട് അവർക്കു വന്ന നഷ്ടങ്ങൾക്കു എന്തു പരിഹാരം വേണമെങ്കിലും ചെയ്യാം എന്നു പറഞ്ഞെങ്കിലും അവർക്ക് നിശ്ചയിച്ച മുഹൂർതത്തിൽ തന്നെ കല്ല്യാണം നടത്തണമെന്ന് വാശിയായിരുന്നു. " .... ഈ നാലഞ്ച് ദിവസത്തിനുള്ളിൽ തന്നെ എവിടുന്ന് പെണ്ണിനെ കിട്ടനാണ് ? .... " എല്ലാവരും ചിന്തയിലായി. " .... എനിക്കൊരു മോളുണ്ട് നിങ്ങൾക്ക് ഇഷ്ടമാണെങ്കൽ ഞങ്ങൾക് സമ്മതമാണ് ... " അച്ഛന്റെ ശബ്ദം ഉയർന്നതും തനു ഒരു ഞെട്ടലോടെ എല്ലാവരെയും നോക്കി. ചെറുക്കൻ വീട്ടുകാർ ഒന്നു കൂടി ആലോചിച്ചതിനു ശേഷം സമ്മതം പറഞ്ഞു. കാരണം നാട്ടുകാരുടെ മുന്നിൽ നാണം കെടാതിരിക്കാൻ അവർക്കു വേറേ മാർഗ്ഗം ഇല്ലായിരുന്നു. തനുവിനോട് ഒന്നു ചോദിക്കുകയോ അവളുടെ ഇഷ്ടം നോക്കുകയോ ചെയ്യാതെ അച്ഛൻ അവർക്ക് ഉറപ്പു കൊടുത്തു. ചേച്ചിക്ക് ഒളിച്ചോടാൻ കൂട്ടുനിന്നു എന്നു പറഞ്ഞതിനേക്കാൾ വേദന തോന്നി അവൾക്കപ്പോൾ. അങ്ങനെ കാര്യങ്ങൾക്ക് ഒരു തീരുമാനം ആയി. ചെറുക്കന്റെ വീട്ടിൽ നിന്നും വന്നവരെല്ലാം തിരികെ പോയി. പിന്നെ എല്ലാം വളരെ പെട്ടന്നായിരുന്നു. അന്നത്തെ സംഭവത്തിനു ശേഷം അച്ഛൻ തനുവിനോട് മിണ്ടിയില്ല. അതവളെ കൂടുതൽ തളർത്തി. 💫💫💫 ഇന്നാണ് തനുവിന്റെ കല്യാണം ഒടുവിൽ ചേച്ചിക്കു കണ്ടെത്തിയ ആൾ അവൾക്ക് വരനാകുന്നു .... ഇനി എന്തൊക്കെയാണാവോ തന്റെ ജീവിതത്തിൽ സംഭവിക്കാൻ പോകുന്നത് എന്നോർത്ത് അവൾ ആധിയോടെ ഇരുന്നു. ഇന്നാണ് തനുവിന്റെ കല്യാണം ഒടുവിൽ ചേച്ചിക്കു കണ്ടെത്തിയ ആൾ അവൾക്ക് വരനാകുന്നു. ഇനി എന്തൊക്കെയാണാവോ തന്റെ ജീവിതത്തിൽ സംഭവിക്കാൻ പോകുന്നത് എന്നോർത്ത് അവൾ ആധിയോടെ ഇരുന്നു. തന്റെ ജീവിതത്തിൽ ഇനി എന്തൊക്കെയാണ് സംഭവിക്കൻ പോകുന്നത് എന്നറിയാതെ ചേച്ചിക്കു വേണ്ടി വിവാഹം ഉറപ്പിച്ച സനൂപ് എന്ന കോളേജ് അദ്ധ്യാപകന്റെ താലി സ്വീകരിക്കുവാൻ നവവധുവായി തനു ഒരുങ്ങിയിറങ്ങി. പ്രായത്തിന്റേയും സൗന്ദര്യത്തിന്റെയും വിദ്യാഭ്യാസത്തിന്റേയും അന്തരങ്ങൾ മറികടന്ന് വിവാഹ മണ്ഡപത്തിലേയ്ക്ക് വലതുകാൽ വച്ചവൾ കയറി. ചുറ്റുമുള്ളവരുടെ മുറുമുറുപ്പുകൾ കേട്ടില്ലെന്നു നടിച്ചു കുനിഞ്ഞ ശിരസ്സോടെ അവൾ ഇരുന്നു. വാദ്യമേളങ്ങളുടെ അകമ്പടിയോടെ നിറവിളക്ക് സാക്ഷിയായി തൻവിയുടെ കഴുത്തിലേയ്ക്ക് സനൂപ് താലിചാർത്തുമ്പോഴും ഒരു നുള്ളു കുങ്കുമം കൊണ്ട് അവളുടെ സിന്ദൂരരേഖ ചുവപ്പിക്കുമ്പോഴും അവളുടെ ഉള്ളിൽ ഒരു തരം നിസംഗത മാത്രമായിരുന്നു. വരന്റെ വീട്ടിലേയ്ക്ക് പുറപ്പെടാനുള്ള സമയമായപ്പോഴും അവളുടെ കണ്ണുകൾ തിരഞ്ഞത് അവളുടെ അച്ഛനെ ആയിരുന്നു. എല്ലാവരുടേയും കാൽതൊട്ട് അനുഗ്രഹം വാങ്ങി അവൾ അച്ഛന്റെ അടുത്തേക്ക് ചെന്നു കാൽ തൊട്ടു വന്ദിച്ചപ്പോൾ അയാൾ അവളെ ചേർത്തു പിടിച്ചു. നിയന്ത്രിക്കാനാവാതെ അവളും പൊട്ടിക്കരഞ്ഞു പോയി. അമ്മയോടും അനിയനോടും യാത്ര പറഞ്ഞു അവൾ വണ്ടിയിൽ കയറി. പെട്ടെന്ന് ഒറ്റപ്പെട്ടു പോയ പോലെ തോന്നി അവൾക്ക്. ഇനി ഈ വീട്ടിൽ ഞാൻ വെറുമൊരു വിരുന്നുകാരി മാത്രമാണല്ലോ എന്നുള്ള ചിന്ത അവളുടെ ഉള്ളം പൊള്ളിച്ചു. തനുവും സനൂപും സനൂപിന്റെ പെങ്ങളുടെ ഭർത്തവും മാത്രമാണ് ആ കാറിൽ ഉണ്ടായിരുന്നത്. അവർ എന്തൊക്കെയോ പറയുന്നുണ്ടായിരുന്നു തനു എന്നൊരാൾ കൂടെ ഉണ്ട് എന്നുള്ള ഭാവം പോലും അവർക്കുണ്ടായിരുന്നില്ല. കുറച്ചു സമയത്തിനകം സനൂപിന്റെ വീട്ടിൽ അവരെത്തി. പുതുപ്പെണ്ണിനെ കാണാൻ അയൽക്കാരൊക്കെ കൂടിയിരുന്നു അവിടെ തനുവിനെ കണ്ടപ്പോൾ തന്നെ പലരുടേയും മുഖം ചുളിഞ്ഞു .... പലരും പിറുപിറുക്കലുകൾ തുടങ്ങി ... സനൂപും അവളും തമ്മിൽ ഒരു ചേർച്ചയും ഇല്ലായിരുന്നു എന്ന ഭാവമാണ് എല്ലാവരിലും. സനൂപിന്റെ അമ്മ ശോഭ ആരതി ഉഴിഞ്ഞു നിലവിളക്കു തന്നു അവളെ സ്വീകരിച്ചു. അവൾ പ്രാർത്ഥനയോടെ വലതുകാൽ വച്ച് ആ വീടിന്റെ പടി കയറി. ഹാളിലുണ്ടായിരുന്ന സോഫയിൽ തനുവും സനൂപും ഇരുന്നു. സനൂപിന്റെ അമ്മ അവർക്ക് മധുരം നൽകി. അതിനു ശേഷം വന്നവർ എല്ലവരും അവളുടെ ചുറ്റിനും കൂടി അവളുടെ ആഭരണത്തിന്റേയും സൗന്ദര്യത്തിന്റേയും കണക്കെടുക്കുകയായിരുന്നു ലക്ഷ്യം. തനുവിന് ഒരു വിധം മടുത്തു തുടങ്ങിയിരുന്നു. അപ്പോഴാണ് സനൂപിന്റെ പെങ്ങൾ സ്വപ്ന വന്ന് അവളെ മുകളിലുള്ള ഒരു മുറിയിലേക്ക് വിളിച്ചു കൊണ്ട് പോയത്. സനൂപിന്റെ റൂമായിരുന്നു അത്. " .... നിനക്ക് വേണ്ട ഡ്രസ് ഒക്കെ വാഡ്രോബിൽ ഉണ്ട് ... " തനുവിന്റെ മുഖത്ത് പോലും നോക്കാതെ പറഞ്ഞു കൊണ്ട് ആളൊരു പോക്ക് പോയി .... ഇവരുടെ ഒക്കെ മട്ടും ഭാവവും കണ്ടാൽ തോന്നും ഞാൻ ഇവരുടെയൊക്കെ കാല് പിടിച്ചിട്ടാണ് ഇങ്ങോട്ട് കെട്ടിയെടുത്തതെന്ന് .... തനു പിറുപിറുത്തു. പിന്നീടവൾ ഫ്രഷായി ഫ്രഷായി താലി മാലയും രണ്ട് വളയും മാത്രം എടുത്തിട്ടു പതിയെ താഴേക്ക് ഇറങ്ങി. അപ്പോൾ സനൂപ് മുകളിലേക്ക് കയറി വരുന്നത് അവൾ കണ്ടു. അവളെ ഒന്നു നോക്കുക പോലും ചെയ്യാതെ അവൻ റൂമിലേയ്ക്ക് കയറി ഡോർ അടച്ചു. അവൾ ഹാളിലെത്തി അവിടെ ഇരിക്കുന്നവരെയൊന്നും അവൾക്ക് അറിയില്ലായിരുന്നു. അവൾ പതിയെ പതിയെ കിച്ചനിലേക്ക് പോയി. അവിടെ ശോഭയും സ്വപ്നയും വേറെ ആരോക്കെയൊ ഉണ്ടായിരുന്നു. തനുവിനെ കണ്ടപ്പോൾ ശോഭ ഒരു കപ്പിൽ ചായ പകർന്നു അവൾക്ക് കൊടുത്തു. അമ്മയുടെ മുഖത്തു വലിയ തെളിച്ചമൊന്നും അവൾ കണ്ടില്ല. വിശപ്പും ക്ഷീണവും കാരണം അവൾ ആ ചായ വാങ്ങി ആർത്തിയോടെ കുടിച്ചു കപ്പ് കഴുകി വച്ചിട്ട് അവിടെ തന്നെ ചുറ്റിപ്പറ്റി നിന്നു. റിസപ്ഷൻ നാളെയാണ് എന്നു സ്വപ്ന ആരോടോ ഫോണിൽ പറയുന്നതു തനു കേട്ടു. റിസപ്ഷൻ നാളെ ആയതു കൊണ്ട് തന്നെ ബന്ധുക്കളൊക്കെ പോവാതെ അവിടെ തന്നെ നിന്നു. രാത്രി അത്താഴത്തിനു ശേഷം സ്വപ്ന ഒരു ഗ്ലാസ് പാലും തന്ന് അവളെ സനൂപിന്റെ റൂമിൽ കൊണ്ട് ചെന്നാക്കി. തനുവിന് ആകെ വിറയ്ക്കാൻ തുടങ്ങി. സനൂപ് എങ്ങനെ തന്നോട് പ്രതികരിക്കും എന്ന ഓർമയിൽ അവൾ പേടിച്ചു. അവൾ പതിയെ റൂമിലേക്ക് കയറി ആകെ ചെറിയൊരു വെളിച്ചം മാത്രമേ അതിനകത്ത് ഉണ്ടായിരുന്നുള്ളു. ആ നുറുങ്ങ് വെട്ടെത്തു അവൾ കണ്ടു കട്ടിലിൽ കിടന്നു ഉറങ്ങുന്ന സനൂപിനെ അപ്പോൾ തന്നെ അവൾക്ക് പകുതി സമാധാനം തോന്നി. ഡോർ അടച്ചു പാൽഗ്ലാസ് അവിടുള്ള ടേബിളിൽ വച്ചവൾ അവിടെ ചുവരിനോട് ചേർന്ന് തറയിലിരുന്നു. ഇതു വരെ തന്റെ ജീവിതത്തിൽ സംഭവിച്ചതൊക്കെ ഒരോന്നായി ഓർത്തുകൊണ്ട് ആ ഇരുപ്പിൽ അവൾ എപ്പോയോ ഉറങ്ങിപ്പോയി. നീണ്ട ഇടനാഴിയിലൂടെ ബാഗും നെഞ്ചോട് അടുക്കി പിടിച്ച് തനു ഓടുകയാണ് .... ഇടയ്ക്ക് അവൾ തിരിഞ്ഞു നോക്കുന്നുണ്ട് .... അതെ അയാൾ തന്റെ പുറകെ തന്നെയുണ്ട്. അവൾ ചുറ്റിലും നോക്കി തന്നെ രക്ഷിക്കാൻ ഒരു ഈച്ച കുഞ്ഞുപോലും ഇല്ലല്ലോ ദൈവമേ .... എന്നോർത്ത് കൊണ്ട് അവൾ വീണ്ടും തിരിഞ്ഞു നോക്കി ഓടുന്നതിനിടയിൽ അവിടെ ഉണ്ടായിരുന്ന തൂണിലിടിച്ച് അവൾ തെറിച്ചു പോയി .... പക്ഷേ അവൾ വീണില്ല രണ്ട് കരങ്ങൾ അവളെ അപ്പോയെക്കും ചേർത്തു പിടിച്ചു കഴിഞ്ഞിരുന്നു. അവളുടെ മുഖം അയാളുടെ നെഞ്ചിലമർന്നു ... അവളുടെ കണ്ണുകളുടക്കിയത് അയാളുടെ നെഞ്ചിൽ പറ്റിച്ചേർന്ന് കിടക്കുന്ന രുദ്രാക്ഷ മാലയിലാണ്. ലോക്കറ്റ് ചേർന്നു കിടക്കുന്ന ഭാഗത്തായി ഒരു കുഞ്ഞ് മറുകും ഉണ്ടായിരുന്നു .... അവൾ മുഖമുയർത്തി ആളാരാണെന്ന് നോക്കി അപ്പോഴേക്കും എന്തൊ ശക്തിയിൽ വന്നവളുടെ ശരീരത്തിൽ പതിച്ചിരുന്നു ..... അവൾ ഞെട്ടി വിളിച്ചു കൊണ്ട് കണ്ണു തുറന്നു നോക്കി .... അപ്പോഴാണ് താൻ കണ്ടത് വെറുമൊരു സ്വപ്നമായിരുന്നെന്ന് അവൾക്ക് മനസ്സിലായത് . ആരായിരിക്കും എന്നെ അയാളുടെ കൈയ്യിൽ നിന്നും രക്ഷിച്ചത് ? .... സനു ഏട്ടനാവുമോ ? ... അവൾ എന്തൊക്കെയോ ആലോചിച്ച് കൂട്ടി. അവൾക്ക് വല്ലാതെ തലവേദനിക്കാൻ തുടങ്ങിയപ്പോൾ അവൾ സമയം നോക്കി മൂന്നു മണി ആയിട്ടേ ഉള്ളു ... അവൾ പതിയെ എഴുനേറ്റ് ബെഡിൽ കിടക്കുന്ന സനൂപിനെ ഒന്ന് നോക്കി ... ആൾ ഇപ്പോഴും നല്ല ഉറക്കം തന്നെയാണ് ഒരു ബെഡ്ഷീറ്റ് എടുത്ത് നിലത്ത് വിരിച്ച് ബെഡിൽ ഉണ്ടായിരുന്ന ഒരു തലയിണയും എടുത്തു അവൾ തായേ തന്നെ കിടന്നു. പിന്നീടവൾ ഉണർന്നപ്പോൾ ആറു മണി അടുപ്പിച്ചായിരുന്നു ചാടി പിടഞ്ഞു ബാത്റൂമിലേക്ക് കയറി കുളിയും കഴിഞ്ഞു അവൾ അടുക്കളയിലേക്ക് ഓടി ... ആരും അപ്പോൽ ഉണർന്നിട്ടുണ്ടായിരുന്നില്ല .... ചായ ഇടാമെന്നു കരുതി ചായക്ക് വെള്ളം വച്ച് തേയിലയും പഞ്ചസാരയും തപ്പി എടുത്തപ്പോഴേക്കും അമ്മയും അടുക്കളയിലേക്ക് വന്നിരുന്നു. " ... നീ നേരത്തേ എഴുന്നേറ്റോ ? .... ചായ ഞാൻ ഇട്ടോളാം ... " എന്ന് അമ്മ പറഞ്ഞപ്പോൾ പിന്നെ അവൾ അവിടെ നിന്നില്ല .... പുറത്തിറങ്ങി അടുക്കള കൃഷിയൊക്കെ നോക്കി കുറച്ചു സമയം നിന്നിട്ട് വീണ്ടും അകത്തേയ്ക്ക് ചെന്നപ്പോൾ എല്ലാരും ഉണർന്നിരുന്നു. " .... നീ ഇത് സനുവിന് കൊണ്ട് കൊടുക്ക് .... " ഒരു കപ്പ് ചായ തനുവിന്റെ കൈയ്യിൽ കൊടുത്ത് കൊണ്ട് അമ്മ പറഞ്ഞു. അവളത് വാങ്ങി റൂമിലേക്ക് ചെന്നപ്പൊൾ സനൂപ് ലാപ് ടോപ്പിൽ എന്തോ നോക്കുകയായിരുന്നു .... ചെറിയൊരു പേടിയോടെ അവൾ അവന്റെ അടുത്തേയ്ക്ക് ചെന്നു .... ഒരു പൊട്ടിത്തെറി പ്രതീക്ഷിച്ചു കൊണ്ട് ചെറിയൊരു പതർച്ചയോടെ അവൾ അവന് നേരേ ചായ വച്ചു നീട്ടി ... അവളെയൊന്ന് രൂക്ഷമായി നോക്കിയെങ്കിലും ആൾ ചായ വാങ്ങി. അതവൾക്കൊരു ആശ്വാസമായി തോന്നി. അവൾ തിരികെ റൂമിൽ നിന്നും പുറത്തേക്ക് ഇറങ്ങാൻ നോക്കിയതും “ .... സനു ഏട്ടാ .... ” എന്നും വിളിച്ച് ആരോ അകത്തേയ്ക്ക് കയറിയതും ഒരുമിച്ചായിരുന്നു .... അവർ തമ്മിൽ കൂട്ടിയിടിച്ചു അയാളുടെ നെഞ്ചിലാണ് .... തനുവിന്റെ തല ചെന്ന് തട്ടിയത് പെട്ടെന്ന് അയാൾ തനുവിനെ ചേർത്തു പിടിക്കാൻ ശ്രമിച്ചതും അവൾ കുതറി മാറി കൊണ്ട് അവനെ രൂക്ഷമായി ഒന്നു നോക്കി. അപ്പോഴേക്കും സനു ഏട്ടന്റെ അനിയൻ സിദ്ധാർത്തും അങ്ങോട്ട് കയറി വന്നു .... ആദ്യം വന്നവൻ ഇപ്പോഴും തനുവിനെ തന്നെ നോക്കി നിൽക്കുകയായിരുന്നു ... അവൾ അത് കണ്ട് ആസ്വസ്ഥതയോടെ തിരിഞ്ഞ് സനൂപിനെ നോക്കി അവിടെയവൾ പ്രത്യേകിച്ച് ഒരു ഭാവമാറ്റവും കണ്ടില്ല .... “ .... ഏട്ടത്തി ഇത് ഷാരോൺ ഞങ്ങളുടെ കസിനാണ് ... " സിദ്ധാർഥ് അവനെ തനുവിന് പരിചയപ്പെടുത്തി കൊടുത്തു ... അവൻ അവളോട് ചിരിച്ചപ്പോൾ അവൾ തിരിച്ചും ചിരിച്ചെന്ന് വരുത്തി. " .... ഡാ സിദ്ധു ഇതു ചെറിയ കുട്ടിയല്ലേ ? ... പിന്നെ എന്തിനാ നീ ഏട്ടത്തി എന്നൊക്കെ വിളിക്കുന്നത് ... " ഷാരോൺ സിദ്ധുവിനോട് ചോദിച്ചു. “ .... പ്രായം കൊണ്ടല്ല സ്ഥാനം കൊണ്ടാണ് ഏട്ടത്തി എന്നു വിളിച്ചത് ... “ " ... നിങ്ങളിപ്പോൾ എന്തിനാ വന്നത് ? ... ” അവരുടെ സംസാരം കേട്ടു കൊണ്ടിരുന്ന സനൂപ് അവരോട് ചോദിച്ചു. " .... അത് ... ഏട്ടനെ അച്ഛൻ വിളിക്കുന്നുണ്ട് .... ” അതും പറഞ്ഞ് സിദ്ധാർഥ് പോകാനിറങ്ങി .... സനൂപും അവരോടൊപ്പം പോയി .... പിന്നെ ഞാനിനി ആരെ കാണാനാ നിൽക്കുന്നത് എന്ന് ചിന്തിച്ചു കൊണ്ട് തനുവും അവരുടെ പിറകെ തായോട്ട് പോയി. അപ്പോഴേക്കും ബ്രേക്ക് ഫാസ്റ്റ് കഴിക്കാനായി എല്ലാവരും എത്തിയിരുന്നു. അവിടെ വന്നതിനു ശേഷം അപ്പോഴാണ് തനു സനുവിന്റെ അച്ഛനെ കാണുന്നത്. അവളെ കണ്ടതും അയാൾ ഗൗരവത്തോടെ ഒന്നു നോക്കി ... അവൾ ചെറിയ പേടിയോടെ പതിയെ അടുക്കളയിലേക്ക് വലിയാൻ നോക്കിയതും സനൂപിന്റെ അമ്മാവൻ അവളെ വിളിച്ചു അവിടെ നിർത്തി. " .... തൻവി എത്ര വരെ പഠിച്ചു ? .... " അയാൾ ചോദിച്ചു. " .... പ്ലസ് ടൂ കഴിഞ്ഞ് കംപ്യൂട്ടർ കോഴ്സ് ചെയ്യുകയാണ് ... " അവൾ പറഞ്ഞപ്പോൾ അദ്ധേഹം ഒന്നു മൂളി. " .... അടുത്ത വർഷം സിദ്ധുവിന്റെ കോളേജിൽ ഡിഗ്രിക്കു ചേർക്കാം ... " സനൂപിന്റെ അച്ഛൻ പറഞ്ഞതും അതിന് മറുപടിയായി അമ്മാവൻ ഒന്നു മൂളി. " .... ഓ ഇനി പഠിച്ചിട്ടെന്തിനാ ? ... " അമ്മായിയുടെ ശബ്ദം അവിടെ ഉയർന്നു. അങ്ങനെ പല അഭിപ്രായങ്ങളുമായി എല്ലാവരും കഴിക്കുന്നത് തുടർന്നു .... സനൂപ് മാത്രം ഇതിലൊന്നും പെടാതെ മിണ്ടാതിരുന്നു കഴിച്ചു. ഇടക്കെപ്പോഴോ തന്നെ ആരോ നോക്കുന്നത് പോലെ തോന്നിയ തനു വെറുതെ ഒന്നു ചുറ്റും നോക്കി ഷാരോണിന്റെ കണ്ണ് തന്റെ മുഖത്താണെണ് അവൾക്ക്‌ മനസ്സിലായി. അവൾ നോക്കുന്നതു കണ്ടതും അവൻ വേഗം നോട്ടം മാറ്റി. ചായ കുടിച്ചു കഴിഞ്ഞു എല്ലാവരും ഓരോ തിരക്കിലേക്ക് നീങ്ങി .... വൈകുന്നേരം റിസപ്ഷൻ ഉള്ളതുകൊണ്ട് എല്ലാവരും അതിന്റെ തിരക്കിലാണ്. കിച്ചണിൽ ചെന്നപ്പോൾ നീ പോയി റെസ്റ്റ് എടുത്തോ എന്നും പറഞ്ഞു സ്വപ്ന തനുവിനെ പറഞ്ഞു വിട്ടു. അവൾ മുകളിലത്തെ ബാൽക്കണിയിൽ പോയിരുന്നു. ആകെ ഒരു ഒറ്റപ്പെടൽ പോലെ തോന്നി അവൾക്ക് ... വൈകുന്നേരം അച്ഛനും അമ്മയുമൊക്കെ വരുമെന്നോർത്തപ്പോൾ അവൾക്ക് സന്തോഷം തോന്നി. അങ്ങനെ ഓരോന്നോക്കെ ആലോചിച്ചു കൊണ്ടിരുന്നപ്പോഴാണ് ഷാരോൺ അങ്ങോട്ട് കയറി വന്നത്. “ .... താനിവിടെ ഒറ്റക്കിരിക്കുകയാണോ ? ... “ അവന്റെ ചോദ്യത്തിന് അവളൊന്ന് ചിരിച്ചെന്ന് വരുത്തി. പിന്നെ അവന്റെ തള്ളായിരുന്നു അങ്ങോട്ട് പാവം തനു അതെല്ലാം സഹിച്ചിരുന്നു. ഇവനിൽ നിന്നും എങ്ങനെ രക്ഷപ്പെടും എന്നവൾ ആലോചിച്ച് കൊണ്ടിരുന്നപ്പോഴാണ് സിദ്ധു അങ്ങോട്ടേക്ക് വന്നത്. " ... ഡാ ... നീ ഇവിടിരിക്കുവായിരുന്നോ ? ... ” " .... ആ ഡാ തനു തനിച്ചിരിക്കുന്നതു കണ്ടപ്പോൾ ഞാനൊരു കമ്പനി കൊടുക്കാമെന്നു വച്ചു .... ” “ ... തനുവോ ? .... ” സിദ്ധു സംശയത്തോടെ ചോദിച്ചു. " .... കൊള്ളം സ്വന്തം ഏട്ടന്റെ പെണ്ണിന്റെ പേര് പോലും അറിയില്ല അല്ലെ ? ... " ഷാരോൺ കളിയായി ചോദിച്ചു " .... അതിന് ഇവളല്ലല്ലോ ഏട്ടത്തിയായി വരാനിരുന്നത് .... സാഹചര്യം അങ്ങനെ ആയതല്ലേ .... അതിനിടയ്ക്ക് പേരോക്കെ എങ്ങനെ അറിയാനാ അല്ലേ ? ….. " അതു കേട്ടപ്പോൾ തനു തലകുനിച്ചു. തനുവിന് അത് വിഷമം ഉണ്ടാക്കിയെന്ന് സിദ്ധുവിന് മനസ്സിലായി അവൻ ഷാരോണിനെ നോക്കി കണ്ണുരുട്ടി. “ .... അതു സാരമില്ല .... പിന്നെ എന്നെ തനു എന്ന് എന്നു വിളിച്ചാൽ മതി ... ഏട്ടത്തി എന്നൊന്നും വിളിക്കണ്ട ... " തനു ഒന്ന് ചിരിച്ചുകൊണ്ട് പറഞ്ഞു. " .... നിങ്ങളൊക്കെ എന്താ ചെയ്യുന്നത് ? ... " വിഷയം മാറ്റാനായി തനു ചോദിച്ചു. “ .... ഞങ്ങൾ ഡിഗ്രി മുന്നാം വർഷം .... ഒരേ ബാച്ച് .... " സിദ്ധു പറഞ്ഞു. " ... അപ്പോൾ ഞാൻ നിങ്ങളെയെക്കെ ഏട്ടാ എന്ന് വിളിക്കേണ്ടി വരുമല്ലോ ? ... " തനു ചിരിയോടെ ചോദിച്ചു. അപ്പോഴേക്കും താഴേ നിന്നും സ്വപ്ന തനുവിനെ വിളിച്ചു. ഷാരോണിനെയും സിദ്ധുവിനെയും ഒന്നു നോക്കിയിട്ട് അവൾ താഴേക്ക് ചെന്നു. " .... ഇത് നിനക്ക് ഫങ്ങ്ഷന് ഇടാനുള്ളതാണ് ... റൂമിൽ കൊണ്ടു വച്ചിട്ടു വാ .... " സ്വപ്ന ഒരു കവർ തനുവിന്റെ കയ്യിൽ കൊടുത്തു കൊണ്ട് പറഞ്ഞു. തനു മുറിയിലേക്ക് നടന്നു. ആ കവർ കബോഡിൽ വച്ചിട്ട് തിരിഞ്ഞപ്പോൾ സനൂപ് റൂമിലേയ്ക്ക് കയറി വന്നു ... തനു അവനെ കണ്ട് പുറത്തേക്കിറങ്ങാൻ നോക്കിയതും അവൻ ഡോർ ലോക്ക് ചെയ്തു അവൾക്ക് നേരെ തിരിഞ്ഞു. അവൾ അത് കണ്ട് ഒന്ന് പേടിച്ചു. എന്തിനുള്ള പുറപ്പാടാണോ എന്തോ ? ... തനു മനസ്സിൽ പറഞ്ഞു. അവളെ ഒന്ന് നോക്കിയതിന് ശേഷം അവിടെ ഉണ്ടായിരുന്ന ചെയറിൽ അവൻ ചെന്നിരുന്നു. ” ... ഇവിടെ വന്നിരിക്ക് ... ” ബെഡിലേക്ക് വിരൽ ചൂണ്ടികൊണ്ട് അവൻ അവളോട് പറഞ്ഞു. “ .... വന്നിരിക്കടി …. ” അവൾ മടിച്ചു നിൽക്കുന്നത് കണ്ട് അവൻ അലറി ... അവൾ പേടിയോടെ പെട്ടെന്നു തന്നെ അവിടെ ചെന്നിരുന്നു … സനൂപ് രൂക്ഷമായി അവളെ നോക്കി. “ .... ഞാൻ താലി കെട്ടിയെന്ന് വച്ച് എന്റെ ധർമ്മപത്നിയായി ഇവിടെ വാഴാമെന്ന് എന്തെങ്കിലും വ്യാമോഹം മനസ്സിലുണ്ടെങ്കിൽ അത് മുളയിലെതന്നെ നുള്ളികളഞ്ഞേക്ക് ... നിന്റെ ചേച്ചി കണ്ടവന്റെ കൂടെ പോയപ്പോൾ ഞാൻ സന്തോഷിച്ചിരിക്കായിരുന്നു ഇനി കല്ല്യാണം നടക്കില്ലല്ലോന്ന് ഓർത്ത് .... അപ്പോഴാണ് ദു:ശകുനമായി നിന്നെ കെട്ടിയെടുത്തത് .... ആദ്യമേ തന്നെ പറഞ്ഞേക്കാം എനിക്ക് ഒരു പ്രണയമുണ്ട് അവളെ മാത്രമേ ഞാനെന്റെ ജീവിതത്തിൽ കൂടെ കൂട്ടുകയുള്ളു ….. ” അത്രയും പറഞ്ഞു അവളുടെ മറുപടിക്ക്‌ പോലും കാത്തു നിൽക്കാതെ അവൻ റൂമിൽ നിന്ന് പുറത്തേക്ക് പോയി. അവൻ പോയിട്ടും ഒരടി പോലും അനങ്ങാനാവാതേ അവൾ തറഞ്ഞു നിന്നു. ഇങ്ങനൊക്കെ പറയുമെന്ന് അവൾ ഒരിക്കലും കരുതിയിരുന്നില്ല. എന്നെങ്കിലും തന്നെ ഉൾകൊള്ളുമെന്നും സ്നേഹിച്ചു തുടങ്ങുമെന്നും അവൾ പ്രതീക്ഷിച്ചിരുന്നു. എന്നാൽ നിമിഷ നേരം കൊണ്ട് അവളുടെ പ്രതിക്ഷകളെല്ലാം തച്ചുടച്ചിട്ടാണ് അവൻ പോയത്. ഞാൻ ദു:ശകുനമാണ് പോലും .... ആ വാക്ക് അവളുടെ മനസ്സിൽ നിന്നും മായാതെ അങ്ങനെ കിടന്നു. ഓരോന്നും ആലോചിച്ചു അവൾ പിന്നേയും അവിടെ തന്നെ നിന്നു. അപ്പോയാണ് സ്വപ്ന അങ്ങോട്ട്‌ കയറി വന്നത് .... കൂടെ ഒരു പെണ്ണും ഉണ്ടായിരുന്നു. “ ... തനു ഇത് ശീതൾ ഞങ്ങളുടെ കസിനാണ് ... ഷാരോണിന്റെ ചേച്ചി …. ” സ്വപ്ന പറഞ്ഞപ്പോൾ തനു ആ കുട്ടിയെ നോക്കിയൊന്നു ചിരിച്ചു. ആ പെൺകുട്ടി തനുവിനെ നോക്കി ഒന്നു ചിരിച്ചെന്നു വരുത്തി ... ഇതെന്താ ഇങ്ങനെ ? ... ആ എന്തേലും ആവട്ടേ ... തനു അത് കാര്യമാക്കാതെ വിട്ടു. " .... നീ പെട്ടന്ന് ഫുഡ് കഴിക്കാൻ വാ .... റിസപ്ഷന് റെഡിയാക്കാൻ ഇപ്പോൾ ബ്യൂട്ടീഷൻ വരും .... ” സ്വപ്ന പറഞ്ഞപ്പോൾ തനു തലകുലുക്കി കൊണ്ട് അവരോടൊപ്പം താഴേക്ക് പോയി. വൈകുന്നേരം റിസപ്ഷന്റെ സമയത്തൊക്കെ ശീതളിന്റെ കണ്ണുകൾ സനൂപിൽ തന്നെയാണെന്നുള്ള കാര്യം തനു ശ്രദ്ധിച്ചു. റിസപ്ഷൻ കഴിഞ്ഞപ്പോൾ തന്നെ ബന്ധുക്കളെല്ലാം പോയിരുന്നു പക്ഷെ ശീതൾ പോയില്ല. ക്ഷീണം കാരണം എല്ലാവരും പെട്ടന്ന് തന്നെ കിടന്നു. തനുവിന് എന്തോ മുറിയിലേക്ക് പോകാൻ മടി തോന്നി .... ഉച്ചയ്ക്ക് സനൂപ് പറഞ്ഞതൊക്കെ തന്നെയായിരുന്നു അവളുടെ മനസ്സിൽ .... പക്ഷെ വേറെ വഴിയില്ലാത്തത് കൊണ്ട് അവൾ മുറി ലക്ഷ്യമാക്കി നടന്നു. 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://app.aksharathalukal.in/series/49366/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ