ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6gJ8DK4?d=n&ui=v64j8rk&e1=cമന്ത്രകോടി :പാർട്ട്‌ -3💚🌺 പെട്ടന്ന് തന്നെ സംഘാടകർ വന്ന് കുറച്ച് ക്രമീകരണങ്ങൾ നടത്തി . നാദസ്വരക്കാരും ...പൂജാരി മാരും എല്ലാവരും മണ്ഡപത്തിലേക്കെത്തി . വിവാഹത്തിന്റെ ചടങ്ങുകൾ തുടങ്ങാറായതും ഓരോ വരനും വധുവും സ്റ്റേജിലേക്ക് വന്ന് നിരന്നു നിന്നു തുടങ്ങി .നടുവിലായിരുന്നു ഭാമ ഓരോ വധുക്കളുടെ അടുത്തും അവരവരുടെ വരന്മാരുണ്ട് എന്നാൽ ഭാമയുടെ അരികിൽ മാത്രം വരനില്ല . വേദിയിലേക്ക് കണ്ണും നട്ടിരുന്നവർക്ക്‌ നിമിഷങ്ങൾ കൊണ്ട് അത് മനസ്സിലാവുകയും ചെയ്തു . 🌼🌼🌼🌼🌼🌼🌼🌼🌼🌼🌼🌼 കുറച്ച് നിമിഷങ്ങൾ കഴിഞ്ഞതും അവൾക്കടുത്തേക്ക് ഒരാൾ വന്ന്നിന്നു എല്ലാവരും മുന്നിലേക്ക്‌ നോക്കി കൈകൂപ്പിയാണ് നിൽക്കുന്നത് . അവനും അതുപോലെ മുന്നിലേക്ക്‌ നോക്കി കൈകൂപ്പി . ഭാമ ഒരു നിമിഷം ഒന്ന് തലചരിച്ചു നോക്കി . നന്ദേട്ടൻ ..... അവളുടെ മനസ്സ് മന്ത്രിച്ചു . വിവാഹ വസ്ത്രത്തിൽ ഒരുങ്ങി നവവരന്റെ ഭംഗിയോടെ നിൽക്കുകയാണ് നന്ദൻ ....... മുഖത്ത് വലിയ സന്തോഷമില്ലെങ്കിലും ഒരു ഗൗരവം നിറഞ്ഞ് നിൽക്കുന്നു . അവൾ ഒരു നിമിഷമേ നോക്കിയുള്ളൂ പെട്ടന്ന് കണ്ണുകൾ പിൻവലിച്ചു . അപ്പോഴേക്കും വേദിയിലുള്ള കുറച്ചുപേരുടെ മുഖമൊന്ന് ചുളുങ്ങി ..... വിവാഹം കൂടാനെത്തിയ നാട്ടുകാർ ഭാവഭേദമില്ലാതെ എല്ലാ വധു വരന്മാരെയും നോക്കി കണ്ടു. ദേവകി ടീച്ചറുടെ ഒരു മകൻന്റെ വിവാഹം കൂടി ഇതിൽ നടക്കുന്നുണ്ടെന്ന് അറിഞ്ഞു അല്ലതെ അതിൽ കൂടുതലൊന്നും ആർക്കും അറിയില്ല. അതുകൊണ്ട് തന്നെ നന്ദനെ കണ്ടതും എല്ലാവർക്കും സന്തോഷമായി . നാട്ടിലും സ്കൂളിലും ലൈബ്രറിയിലും എല്ലാം നിറസാന്നിധ്യമാണ് അവൻ കൂടാതെ ആരെയും ആകർഷിക്കുന്ന രൂപവും സ്വഭാവവും . സ്റ്റേജിൽ നിരന്നു നിൽക്കുന്ന പത്ത് വധൂ വരന്മ്മാരിൽ നന്ദനിലും ഭാമയിലുമായിരുന്നു എല്ലാവരുടെയും കണ്ണുകൾ . അത്ര ചേർച്ചയുണ്ടായിരുന്നു ഇരുവരെയും കാണാൻ . കുറച്ച് നിമിഷങ്ങൾ കഴിഞ്ഞതും വിവാഹത്തിന്റ ചടങ്ങുകൾ തുടങ്ങിയിരുന്നു . താലികെട്ടാനുള്ള താലം ഏവർക്കും മുന്നിലേക്ക്‌ എത്തി നിറഞ്ഞ മനസ്സോടെ ഓരോരുത്തരും മാല കൈകളിൽ എടുക്കുമ്പോൾ നന്ദൻ ഒരു വിറയലോടെയാണ് ആ താലിമാല കൈയിലേക്ക് എടുത്ത്. ശേഷം കണ്ണുകളിൽ നിറഞ്ഞ പരിഭ്രമവു മായി തന്നെ നോക്കി നിൽക്കുന്നവൾക്ക് നേരെ തിരിഞ്ഞു. കടും ചുവപ്പ് നിറത്തിലുള്ള സാരിയിൽ മിതമായ ഒരുക്കം . കഴുത്തിലൊരു പാലക്കാമാലയും മറ്റു രണ്ട് മാലകളും കാതിൽ ജിമുക്കിയും തലനിറഞ്ഞ് മുല്ലപ്പൂവും . വിടർന്ന കണ്ണുകളിൽ മനോഹരമായി കണ്ണെഴുതിയിരിക്കുന്നു . നവ വധുവിന്റ വേഷത്തിൽ ഭാമ വളരെ സുന്ദരിയായിരുന്നു ഒരു ചമയങ്ങളുമില്ലാതെ കണ്ടിരുന്നവളെ ഇത്ര ഭംഗിയോടെ കണ്ടതും ഒരു നിമിഷം നന്ദനൊന്ന് നോക്കിപ്പോയി . വധു കണ്ണുകൾ അടച്ച് കൈകൾ കൂപ്പി താലി സ്വീകരിച്ചോളൂ ..... പൂജാരിമാർ പുറകിൽ നിന്നു പറഞ്ഞതും . ഒരു നിമിഷമൊന്ന് അവനെ നോക്കിയതിനു ശേഷം അവൾ കണ്ണുകളടച്ചു കൈകൾ കൂപ്പി . അവളിലേക്ക്‌ വഴിമാറിയ കണ്ണുകളെ പെട്ടന്ന് മാറ്റി അവൻ അമ്മ നിൽക്കുന്നിടത്തേക്ക് നോക്കി . അമ്മ തൊട്ടരികിൽ തന്നെയുണ്ട് . ഇന്ന് തന്റെ മാനസിക സമ്മർദ്ദം എത്രയാണെന്ന് അമ്മയ്ക്ക് ഊഹിക്കാവുന്നതേയുള്ളൂ ..... അവിടെ നിന്നും കണ്ണുകൾ ചേർത്തടച്ച് അമ്മ സമാധാനിപ്പിച്ചു . നിമിഷങ്ങൾക്കുള്ളിൽ നാദസ്വര മേളമുയർന്നതും ഓരോരുത്തരും തന്റെ ഇണകൾക്ക് താലി ചാർത്തി . നന്ദന്റ കൈകൾ മാലയുടെ മൂന്ന് കെട്ടുകൾ പുറകിൽ മുറുക്കുമ്പോൾ തൊട്ടടുത്തായി അവന്റെ ശ്വാസതള്ളിച്ചയുടെ കനത്ത ചൂട് ഭാമയുടെ കഴുത്തിൽ പതിഞ്ഞിരുന്നു . ശേഷം പരസ്പരം ഹാരമണിഞ്ഞ് നെറുകയിൽ ഒരു നുള്ള് കുങ്കുമണിയിച്ചു. ദേവകിയമ്മയുടെ കണ്ണുകൾ നിറഞ്ഞു . ഓരോരുത്തരായി വലം വച്ചു തുടങ്ങി ശേഷം കന്യാധാന ചടങ്ങിനായി അമ്മാവൻ ഭാമയ്ക്കരികിലേക്കു വന്നു . അയാൾ സന്തോഷത്തോടെ അവളുടെ കൈകൾ നന്ദന്റെ കൈയ്യിലേക്ക് ചേർത്തുവച്ചു . നന്ദന്റെ കൈക്കുള്ളിൽ അവളുടെ തണുത്ത കൈകൾ പൊതിയപ്പെട്ടു . പതിയെ ചടങ്ങുകൾ ഓരോന്നായി കഴിഞ്ഞു . എല്ലാ വധൂവരന്മാരെയും നിർത്തി കുറച്ചു ഫോട്ടോ എടുത്ത ശേഷം എല്ലാവരും ആഹാരം കഴിക്കാനായി ഇരുന്നു . നന്ദനും ഭാമയ്ക്കും ഒരുരുള ചോറുപോലും ഇറങ്ങുന്നില്ലെങ്കിലും എങ്ങനെയൊക്കെയോ കഴിച്ചെന്നു വരുത്തി അവർ എഴുന്നേറ്റു . 🌺 ലൈബ്രറിയിലെ യുവജന സംഘങ്ങളും സുഹൃത്തുക്കളുമെല്ലാം നന്ദന് ചുറ്റുമുണ്ട് എന്താണ് സംഭവിച്ചതെന്നറിയാൻ . പക്ഷേ കുറച്ച് കഴിഞ്ഞു സംസാരിക്കാം എന്ന നന്ദന്റെ വാക്കിൽ പിന്നീട് ആരുമൊന്നും ചോദിച്ചില്ല . ചോദ്യങ്ങളുമായി വന്നമറ്റെല്ലാ സംഘാടക കമ്മിറ്റികളോടും ദേവകി ടീച്ചർ സംസാരിച്ചിരുന്നു . ആർക്ക്മേലും ഒരു കുറ്റം ചാർത്തപ്പെടാതെ യായിരുന്നു അവരത് കൈകാര്യം ചെയ്തത് ....... സമയം ഉച്ച കടന്ന് പോയതും വീട്ടിലേക്ക്‌ ഇറങ്ങാനുള്ള സമയമായി . ഓരോ വധൂ വരന്മാരും യാത്ര ചോദിക്കുന്ന തിരക്കിലാണ് . ഭാമ ഒരു നിമിഷം തിരിഞ്ഞു നോക്കി അമ്മാവനും അമ്മായിയും നവ്യയും കാവ്യയുമൊക്കെയുണ്ട് ...... അമ്മായിയുടെ മുഖത്ത് തികഞ്ഞ സന്തോഷമാണ് താൻ പോകുന്നത് കൊണ്ടാകാം . കാവ്യയുടെ മുഖത്ത് സന്തോഷം പ്രകടമല്ല പക്ഷേ അവൾ ഹാപ്പിയാണ് . നവ്യ തന്നെ കെട്ടിപ്പിടിച്ച് കവിളിൽ ഒരുമ്മ തന്നു . താനും തിരികെ പുണർന്നു അവളെ വളരെ ഇഷ്ടമായിരുന്നു തനിക്ക് . എപ്പോഴും കൂട്ടായി കൂടെയായിരുന്നവൾ അമ്മാവനരികിലേക്ക് എത്തിയതും എന്ത് ചെയ്യണമെന്ന് അറിയില്ല ഒരു നിമിഷം ആ നെഞ്ചിലേക്ക് ചേർന്നു . അയാളവളെ ചേർത്ത് പിടിച്ചു അടുത്ത് നിന്ന നന്ദന്റെ അരികിലേക്ക് വന്നു . മോളെ പോലെ അല്ല മോളാണ് പൊന്നുപോലെ നോക്കണം അയാൾ നന്ദന്റെ കൈപിടിച്ചു പറഞ്ഞു . നന്ദൻ ആ കൈകൾ ചേർത്തു പിടിച്ചു . ഭാമ അമ്മായിയോടും കാവ്യയോടും കൂടെ യാത്ര പറഞ്ഞു . താല്പര്യമില്ലെങ്കിൽ പ്പോലും ഇരുവരും സങ്കടമഭിനയിച്ചു . ഭാമ നിറഞ്ഞു വന്ന കണ്ണുകൾ തുടച്ച് നന്ദൻ തനിക്കായി തുറന്ന് പിടിച്ച കാറിന്റെ സീറ്റിലേക്ക് കയറി 🦋🦋🦋🦋🦋🦋🦋🦋🦋🦋 കുറച്ച് ദൂരം പിന്നിട്ടതും ഭാമ സീറ്റിലേക്ക് ചാരി ഇരുന്നു . നന്ദൻ തൊട്ടടുത്ത് തന്നെ ഇരിപ്പുണ്ട് . മുന്നിലിരിക്കുന്ന നന്ദന്റെ സുഹൃത്ത് എന്തൊക്കെയോ സംസാരിക്കുന്നുണ്ട് അതിനെല്ലാം മറുപടി പറയുകയാണ് . തന്നോട് ഇതുവരെയും ഒന്നും സംസാരിച്ചിട്ടില്ല നേരത്തേത്തിന്റെ അത്രയില്ലെങ്കിലും ഇപ്പോഴും ചെറിയ ഗൗരവമുണ്ട് മുഖത്ത് . അവൾ പതിയെ സീറ്റിലേക്ക് ചാഞ്ഞിരുന്നു അവളുടെ മനസ്സിലേക്ക് ഇന്നലെ രാത്രി ഒട്ടും വിചാരിക്കാതെ ഉണ്ടായ കാര്യങ്ങൾ തെളിഞ്ഞു വന്നു .... എല്ലാവരും ഒരുമിച്ചിരുന്ന് ഭക്ഷണം കഴിച്ച് റൂമിലേക്ക്‌ പോകാൻ തുടങ്ങുമ്പോളായിരുന്നു മുറ്റത്തൊരു ബുള്ളറ്റ് വന്ന് നിൽക്കുന്ന ശബ്ദം കേട്ടത് . ഈ രാത്രയിലിത് ആരാണെന്ന് അറിയാൻ എല്ലാവരും ഹാളിലേക്ക് വന്നു . അപ്പ ചെന്ന് വാതിൽ തുറക്കുമ്പോൾ മുന്നിൽ നന്ദേട്ടനും ദേവകി ടീച്ചറും . അപ്പ അവരെ അകത്തേക്ക് ക്ഷണിച്ചു . പതിവില്ലാതെ ഈ രാത്രി ഇങ്ങനൊരു വരവ് ആരും പതീക്ഷിച്ചതല്ലാത്തതു കൊണ്ട് . അവർ വന്നിരുന്നതും അപ്പ കാര്യം തിരക്കി . നന്ദേട്ടന്റെയും ടീച്ചറമ്മയുടെയും മുഖത്ത് എങ്ങനെ സംസാരിച്ചു തുടങ്ങണമെന്നറിയാത്ത ഒരു പരിഭ്രമമായിരുന്നു അപ്പോൾ . പറഞ്ഞ് തുടങ്ങുന്നതിനു മുന്നേ ഇരുവരും എന്നെ നോക്കിയിരുന്നു . ഞാൻ കാര്യമെന്താണെന്നറിയാൻ നിൽക്കുന്ന ഭാവത്തോടെ ഇരുവരെയും നോക്കി. അവസാനം ദേവകിടീച്ചർ തന്നെ പറഞ്ഞ് തുടങ്ങി . മഹി വീട്ടിൽ ഉണ്ടാക്കിയ പ്രശ്നങ്ങളും വീട്ടിൽ നിന്നും ഇറങ്ങിപ്പോയതും അവനെ അന്വഷിച്ചിട്ട് കണ്ടുകിട്ടാത്തതും എല്ലാം ...... ഒരു ഞെട്ടലോടെയാണ് ഞങ്ങളത് മുഴുവൻ കേട്ടത് . പറഞ്ഞു കഴിഞ്ഞതും ദേവകിടീച്ചർ കണ്ണുകളമർത്തി തുടച്ചു . എന്റെ കണ്ണുകൾ ഞാനറിയാതെ നിറഞ്ഞ് പോയി . അപ്പോ..... ഈ കല്യാണം നടക്കില്ലെന്നു പറയാനാണോ ദേവകി ടീച്ചർ ഇങ്ങോട്ട് വന്നത് ? ദേഷ്യം കലർന്നൊരു ചോദ്യത്തോടെ അമ്മായി ടീച്ചറിന്റെ മുഖത്തേക്ക് നോക്കി ചോദിച്ചു . വിവാഹം മുടങ്ങിയതിന്റെ കലിതുള്ളൽ ആ മുഖത്ത് വ്യക്തമാണ് . ഞാൻ മുഖം താഴ്ത്തി മൗനമായി നിന്നു. ഇനി ഇതിന്റെ കുറ്റപ്പെടുത്തലുകളും കുത്തുവാക്കുകളും കേൾക്കാൻ പോകുന്നത് താനാണ്‌. ഞാൻ അത് പറയാൻ മാത്രമല്ല ശാരദേ വന്നത് ....... വിരോധമില്ലെങ്കിൽ ഭാമയെ എന്റെ നന്ദന് തരുമോയെന്നു ചോദിക്കാനും കൂടിയാണ് . അത് കേട്ടതും ഞാനൊരു ഞെട്ടലോടെ തയുയർത്തി . ഞാൻ മാത്രമല്ല എല്ലാവരും ഞെട്ടലിലാണ്..... നന്ദൻ ഒന്നും പറയുന്നുണ്ടായിരുന്നില്ല . അമ്മ പറയുന്നത് കേട്ടിരിക്കുന്നുവെന്ന് മാത്രം . എന്തൊക്കെയാ ദേവകിടീച്ചറെ പറയുന്നേ അപ്പ അവരോട് ചോദിച്ചു . എന്താ നല്ലകാര്യമല്ലേ ദേവകി ടീച്ചർ പറഞ്ഞത് ഞെട്ടലിൽ നിന്ന് മാറി അമ്മായി പെട്ടന്ന് ചോദിച്ചു . നിങ്ങള് മിണ്ടാതിരിക്ക് മനുഷ്യാ ...... ടീച്ചറ് വിചാരിച്ചോ ഇങ്ങനെയൊക്കെ സംഭവിക്കുമെന്ന് ? നമ്മുടെ കുട്ടിയുടെ നല്ലത് വിചാരിച്ചല്ലേ അവരീ രാത്രിതന്നെ വന്നിത് തുറന്ന് പറഞ്ഞത് . മറ്റാരെങ്കിലുമാണെങ്കിൽ കല്യാണപ്പന്തലിലേ എല്ലാം അറിയുള്ളായിയുന്നു. അത്രേം നാണക്കേട് ഉണ്ടായില്ലല്ലോ . പിന്നെ നന്ദൻ നല്ല പയ്യനല്ലേ ....... എനിക്ക് ഇവളെ നന്ദന് കൊടുക്കുന്നതിൽ പൂർണ്ണസമ്മതവാ ........ ശാരദ പറഞ്ഞു നിർത്തിയതും ..... അപ്പ ആകെ ആശയക്കുഴപ്പത്തിലായി ...... എന്റെ നല്ലതിന് വേണ്ടിയല്ല അമ്മായി ഇത്രയും പറഞ്ഞതെന്ന് എനിക്കറിയാം . ഞാനൊന്നു പോയിക്കിട്ടിയാൽ മതി അതിന് വേണ്ടി എത്ര നന്മമരം കളിക്കാനും അവർ തയ്യാറാണ് ......... നിങ്ങളുടെ എല്ലാവരുടെയും സമ്മതത്തെക്കാൾ എനിക്ക് ഭാമയുടെ സമ്മതമാണ് അറിയേണ്ടത് ..... എന്നെ നോക്കി ടീച്ചർ അത് പറഞ്ഞതും ഞാൻ മുഖമുയർത്തി നോക്കി . അവൾക്കെന്ത് സമ്മതക്കുറവ് അവൾക്ക് സമ്മതം . അമ്മായി പെട്ടന്ന് പറഞ്ഞു . അതവൾ പറയട്ടെ ശാരദേ ...... അപ്പ ഒരു താക്കീതോടെ വിലക്കിയതും അമ്മായി മിണ്ടാതിരുന്നു . ശേഷം എന്നെനോക്കി ദഹിപ്പിക്കുന്നുണ്ട് . ഞാൻ ടീച്ചറെ നോക്കി . മോളിങ്‌ വന്നേ ....... അവർ വിളിച്ചതും അവൾ അവർക്കടുത്തേക്ക് നടന്നു ....... ശേഷം അവർ എഴുന്നേറ്റ് അവളുമായി പുറത്തേക്കിറങ്ങി . കുറച്ച് നേരം ടീച്ചറുമായി സംസാരിച്ചു . നാളത്തെ മറ്റു വിവാഹങ്ങളും ഇതു മുടങ്ങിയാൽ ഉണ്ടാകാൻ പോകുന്ന പ്രശ്നങ്ങളുമെല്ലാം അവർ അവളോട് കാര്യമായി തന്നെ പറഞ്ഞു . കൂടാതെ നന്ദനോട് ടീച്ചർ സംസാരിച്ചപ്പോൾ നന്ദേട്ടൻ പറഞ്ഞ കാര്യങ്ങളും പറഞ്ഞു . നിനക്ക് സമ്മതമാണെങ്കിൽ ഈ കല്യാണം നടക്കും അതായിരുന്നു നന്ദൻ പറഞ്ഞത് . കുറച്ച് നേരമൊന്ന് ആലോചിച്ചു . നന്ദേട്ടനെ അങ്ങനെയൊന്നും കണ്ടിട്ടില്ല . പക്ഷേ ഇങ്ങനെയൊരു പ്രശ്നം ഉണ്ടാകുമെന്ന് വിചാരിച്ചില്ലല്ലോ ...... നന്ദേട്ടനെ മഹിയേക്കാൾ നന്നായി അറിയാം... നല്ലോരു വ്യക്തിയാണ് ചൂണ്ടിക്കാണിക്കാൻ ഒരു പിഴവും കാണുന്നില്ല . പക്ഷേ ആകെ പെട്ടുനിൽക്കുന്ന അവസ്ഥ . മഹിയേട്ടൻ ഇങ്ങനൊരു ചതി ചെയ്യുമെന്ന് സ്വപ്നത്തിൽ പോലും വിചാരിച്ചില്ല. ഇവിടെ നിന്നാൽ അമ്മായി ഇനി എന്ത് പ്രവർത്തിക്കുമെന്ന് അറിയില്ല. ഇതുവരെ ഞാൻ പോകുന്ന സന്തോഷത്തിലായിരുന്നു. അതെല്ലാമോർത്ത് എന്റെ ടെൻഷൻ കണ്ടിട്ടാകണം ടീച്ചർ കുറച്ച് നേരം കൂടി എന്നോട് സംസാരിച്ചു. 💎💎💎 അരമണിക്കൂർ കഴിഞ്ഞ് പുറത്ത് നിന്നും കയറി വന്നപ്പോൾ ടീച്ചർ എല്ലാവരോടും പറഞ്ഞിരുന്നു ഞാൻ സമ്മതമറിയിച്ച കാര്യം . നന്ദൻ എല്ലാം കേട്ടിരുന്നതല്ലാതെ അഭിപ്രായമൊന്നും പറഞ്ഞിരുന്നില്ല. ശാരദയുടെ മുഖം സമാധാനത്തിലായി . ഏതായാലും നാളെ വിവാഹം നടക്കും . അവർക്ക് അത് മതിയായിരുന്നു . ✨️✨️✨️✨️✨️✨️✨️✨️✨️✨️✨️ ഭാമേ .......ഭാമേ ....... വീടെത്തി ....... ചിന്തകളിൽ മുഴുകി ചെറുമയക്കത്തിലേക്ക് വീണവളെ നന്ദൻ തട്ടിവിളിച്ചു . തുടരും ...💚🌺 അഭിപ്രായങ്ങൾ എഴുതണേ ......കണ്ണൂർക്കാരൻ ❤️❤️❤️❤️ #📔 കഥ #📙 നോവൽ #💞 പ്രണയകഥകൾ #📚 ട്വിസ്റ്റ് കഥകൾ #✍ തുടർക്കഥ