അച്ഛൻ എന്നും ഞാൻ സ്വപ്നത്തിൽ കാണുന്നെന്നച്ഛനെ, എന്നെ പുണരുന്ന വാത്സല്യനിറവിനെ; ഇങ്ങിനി വരുവതില്ലാത്തൊരെൻ പ്രിയ പിതാവിനെ, ഇന്നും ഞാൻ കാതോർക്കുമാ വിളിക്കായി. പിന്നിട്ട ബാല്യത്തിലെന്റെ കുസൃതികൾ, ചേർന്നിരുന്നെന്നും ആസ്വദിച്ചിരുന്നെന്റെയച്ഛൻ! പൊയ്പ്പോയ കൗമാരകാലത്തിലൊക്കെ; സംരക്ഷണത്തിൻ ആലിംഗനം തന്നു താതൻ. സീമന്ത രേഖയിൽ സിന്ദൂരമേറ്റി ഞാൻ, എൻ പാതിയുമൊത്തു യാത്രയായീടവേ; നീർവന്നു തിങ്ങിയ നേത്രങ്ങളുമായി, മാറോടണച്ചെന്നെ പുൽകിയെന്നച്ഛൻ! ഇടയ്ക്കിടെ ഓടിവന്നെത്തിയെന്നെ പുൽകും വല്ലാതെ ഞാനൊന്നു കാണാൻ കൊതിക്കെ, നിന്റെ കറികൾക്കെന്തു രുചിയാണെന്നോതും അതിനായി മാത്രമായ് പലവുരു വന്നെത്തും. ഇന്നും ഞാൻ പൂമുഖ വാതിലടക്കുന്നതില്ല, നിനയാതെ വന്നെത്തുമെൻ ജനകനെന്നോർത്ത്; ഇങ്ങിനി വരില്ലെന്നെ തനിച്ചാക്കി പോയി, സ്വപ്നത്തിലെന്നും സാന്ത്വനമേകുന്നു! ഒരുവേള, ഒരുമാത്ര, ഒറ്റപ്പെടുമ്പോൾ, ഒന്നാ വിളിക്കായ് മനമാർത്തു കരയും. എനിക്കൊന്നും നൽകാൻ കഴിഞ്ഞില്ലെൻ പിതാവിന്; എന്നും ഞാൻ കുമ്പിടുന്നച്ഛാ നിൻ പാദങ്ങൾ... ✍️പവിഴമല്ലി #📋 കവിതകള്‍ #😔 ഇമോഷണൽ സ്റ്റാറ്റസ് 😍 #📝 ഞാൻ എഴുതിയ വരികൾ #🖋 എൻ്റെ കവിതകൾ🧾