ഓം ശ്രീനാരായണ പരമഗുരവേ നമഃ ✨🙏🏻✨ ✨ശുഭദിനം ✨ സുപ്രഭാതം✨ ജനനീനവരത്നമഞ്ജരി മന്ത്രം 02 ഇല്ലാത മായയിടുമുല്ലാസമൊന്നുമറി- വല്ലാതെയില്ലനിലനും കല്ലാഴിയും കനലുമല്ലാതെ ശൂന്യമതു- മെല്ലാമൊരാദിയറിവാം, തല്ലാഘവം പറകിലില്ലാരണം ക്രിയകൾ മല്ലാടുകില്ല മതിയീ- സല്ലാഭമൊന്നു മതിയെല്ലാവരും തിരയു- മുല്ലാഘബോധജനനീ. 🔥 വച്യാർത്ഥം 🔥 സത്യാന്വേഷികളായ ഏവർക്കും ലക്ഷ്യമായിരിക്കുന്ന വളും, ഒരു തരത്തിലുള്ള ദോഷവും തീണ്ടിയിട്ടില്ലാത്ത ബോധസ്വരൂപിണിയുമായ അമ്മേ, പരമാർത്ഥത്തിൽ ഉണ്മയില്ലാത്ത മായ കാരണം നിന്നിൽ എഴുന്നുവന്ന് ഉള്ളതു പോലെ തോന്നിപ്പിക്കുന്നതാണ് പ്രപഞ്ചം മുഴുവൻ. അതിൽ സത്യമാ യിരിക്കുന്നത് ജ്ഞാനസ്വരൂപിണിയായ നീയല്ലാതെ മറ്റൊന്നുമല്ല. ഈ പ്രപഞ്ചം പഞ്ചഭൂതങ്ങളെക്കൊണ്ടു രചിച്ചിട്ടുള്ളതാണെന്നാണല്ലോ വെയ്‌പ്. പൃഥ്വി, ജലം, അഗ്നി, വായു, ആകാശം എന്നീ പഞ്ചഭൂതങ്ങളും, ആദികാരണമായിരിക്കുന്ന ആ ഒരൊറ്റ അറിവിൻ്റെ വടിവുകളല്ലാതെ മറ്റൊന്നുമല്ല. ആ അറിവിൻ്റെ സരളതയും അതറിയാനുള്ള അനായാസതയും അറിഞ്ഞെത്തി വിവരിച്ചു കിട്ടാനിടയായാൽ, വേദങ്ങളിൽ അനുശാസിക്കുന്നതായ കർമ്മങ്ങളൊന്നും ഒരു വിലയുമില്ലാ ത്തതാണെന്നു ബോദ്ധ്യപ്പെടും. അതാണോ ശരി, ഇതാണോ ശരി എന്ന തരത്തിൽ ബുദ്ധി പിന്നെ ചാഞ്ചാടുകയുമില്ല. അങ്ങനെയുള്ള കേവലമായ ചിദ്വസ്തതു തന്നെയാണ് സദ്വസ്തു. അതാണു നീ. അങ്ങനെയുള്ള നിന്നെ പ്രാപിക്കുക യല്ലാതെ മറ്റൊരു ലക്ഷ്യവും എനിക്കില്ല. മുനി നാരായണ പ്രസാദ് സ്വാമികളുടെ വ്യാഖ്യാനത്തിൽ നിന്നും) ഗുരു ഓം ✨🔥🪴🔥✨ #ശ്രീനാരായണഗുരു #ശ്രീനാരായണഗുരു ജയന്തി# ഗുരുവേ ശരണം🙏🙏🙏🌹💖 #ശ്രീനാരായണ ഗുരുദേവൻ #ശ്രീനാരായണഗുരുദേവൻ #ശ്രീനാരായണഗുരു🙏