ଉତ୍ତରପ୍ରଦେଶର ଦେଓରିଆ ଜିଲ୍ଲାରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ମୋମୋ ଖାଇବା ଲୋଭରେ ଜଣେ ସପ୍ତମ ଶ୍ରେଣୀର ଛାତ୍ର ଘରୁ ଲକ୍ଷ ଲକ୍ଷ ଟଙ୍କାର ସୁନା ଗହଣା ଚୋରି କରି ମୋମୋ ଦୋକାନୀକୁ ଦେଇଥିବା ଅଭିଯୋଗ ହୋଇଛି। ପରିବାର ଲୋକେ ଏହି ଘଟଣା ଜାଣିବା ପରେ ସ୍ତବ୍ଧ ହୋଇଯାଇଛନ୍ତି। ମୋମୋ ଲୋଭରେ ଫସିଗଲା ପିଲା ଏହି ଘଟଣାଟି ରାମପୁର କାରଖାନା ଥାନା ଅଞ୍ଚଳରେ ଘଟିଛି। ଭଗବାନପୁର ତିୱାରୀ ଗାଁର ବାସିନ୍ଦା ତଥା ବାରଣାସୀର ଏକ ମନ୍ଦିରରେ ପୂଜକ ଥିବା ବିମଲେଶ ମିଶ୍ର ପୋଲିସ ନିକଟରେ ଏନେଇ ଅଭିଯୋଗ କରିଛନ୍ତି। ଅଭିଯୋଗ ଅନୁଯାୟୀ, ଡୁମରୀ ଛକରେ ମୋମୋ ଦୋକାନ କରୁଥିବା କିଛି ଯୁବକ ତାଙ୍କ ପୁଅକୁ ମୋମୋ ଖୁଆଇବାର ଲୋଭ ଦେଖାଇ ନିଜ ପ୍ରଭାବକୁ ଆଣିଥିଲେ। ପିଲାଟି ମୋମୋ ଖାଇବାକୁ ଭଲ ପାଉଥିବାରୁ ଅଭିଯୁକ୍ତମାନେ ତା’ର ଫାଇଦା ଉଠାଇଥିଲେ। ୮୬ ଲକ୍ଷ ଟଙ୍କାର ଗହଣା ଗାଏବ ଦୋକାନୀଙ୍କ କଥାରେ ପଡ଼ି ନାବାଳକ ଜଣକ ଘରର ଆଲମିରାରୁ ପ୍ରାୟ ୮୬ ଲକ୍ଷ ଟଙ୍କାର ସୁନା ଓ ରୂପା ଗହଣା ଚୋରି କରି ଅଭିଯୁକ୍ତମାନଙ୍କୁ ଦେଇଦେଇଥିଲା