#🌅శుభోదయం #🌷మంగళవారం స్పెషల్ విషెస్ . #🛕అయోధ్య రామ మందిరం🙏 #🙏శ్రీ వెంకటేశ్వర స్వామి #🎶భక్తి పాటలు🔱 . 🌺 *ఉపనిషత్తులు* వేదం చివరి భాగంగా ఉండేవి 'ఉపనిష త్తులు'. అందువల్ల వాటికి 'వేదాంతం' అనే పేరు వచ్చిందని చెబుతారు. రుగ్వేదం జ్ఞాన కాండ, యజుర్వేదం కర్మానికి సంబంధించిన కాండ అంటారు. సామవేదాన్ని ఉపాసన కాండగా, అధర్వ వేదాన్ని ఆత్మజ్ఞాన భాండాగా రమైన 'బ్రహ్మవేదం'గా పరిగణిస్తారు. అందులో ఎంతో కొంత కర్మ, ధర్మ, ఉపాసన విధానాలు ఉన్నాయి. ముఖ్యంగా ఆత్మజ్ఞానం, మోక్షం, సాధనా మార్గం వంటి ఆధ్యాత్మిక అంశాలకు ఉపనిషత్తులే కేంద్రాలు. ప్రతి శాస్త్రానికీ ఒక ప్రత్యేకమైన భాష ఉంటుంది. అందులోనివే పారిభాషిక పదాలు. వాటిని యథాతథంగా చెబితే సామాన్యులకు అంత సులభంగా అర్ధం కాదు. తపోనిష్ఠతో రుషులు దర్శించిన సత్యాన్ని వారికి వివరంగా తెలియజెప్పాలి. దానికి అనువుగా, పోలికలు (ఉపమానాలు) కలిసేలా చెప్పాల్సి ఉంది. అపరోక్ష జ్ఞానం అంటే, తపస్సు ద్వారా సమాధి స్థితికి చేరి పొందిన జ్ఞానం. అలాంటి అపరోక్ష జ్ఞానదీపాలే ఉపనిషత్తులు. వాటిని దర్శించి, అనుభూతి చెంది, తమ అనుభవాల్ని విపులీకరించేందుకు రుషులు ప్రయత్నించారు. దానికి పరీక్షలు, పరిశోధనలు, వాద ప్రతివా దాలు, రుజువులు, హేతువులు అవసరం లేదు. వాటికి అవే ప్రామాణికాలు. అరణ్యవాసులైన వారు సత్యస్వరూపాన్ని తమదైన రీతిలో వర్ణించారు. వ్యక్తి అవగాహనా శక్తిని బట్టి ఉపనిషత్తుల్ని అర్థం చేసుకోవచ్చు. బ్రహ్మను 'సర్వాత్మ' అంటుంది ఉపనిషత్తు. బ్రహ్మ అంటే బృహత్. అంతకు మించినది లేదు అని దాని అర్ధం. ఆ పదాన్ని విస్తారంగా పరిశీలిస్తే- అది 'సత్యం, జ్ఞానం, అనంతం'గా స్ఫురిస్తుంది. సామాన్యుల స్థాయికి తగినట్లు, పరమాత్మ సత్యస్వరూపుడు, జ్ఞాన స్వరూపుడు, అనంతుడు- అని నిర్గుణిని గురిగా చేసి ఒక రూపకల్పన చేయాలి. రుషుల దివ్యానుభూ తులే శ్రుతులు. రుషి పరంపర వాటిని స్మృతుల రూపంలో సామాన్య ప్రజానీకానికి అందుబాటులో ఉంచింది. విద్య అంటే ఆధ్యాత్మిక విద్య. అది ఆత్మప రమైనది. ఆత్మవిచారం ఎవరికీ అంత సుల భంగా కలగదు. అందుకు తగిన వాతావరణం కావాలి. గురుశిష్యులు ముఖాముఖి ఆత్మసం వాదంలో తేల్చుకోవాల్సిన విశిష్ట జ్ఞానం అది. శిష్యులు నేర్చుకోదగింది. ఆ వాతావరణం నెల కొనేందుకు మూడుసార్లు శాంతి మంత్రాన్ని వర్ణించాలి. ఒక ఆచారంగా అది కనిపించవచ్చు. ముమ్మారు ఓంకార నాదం వల్ల కావా ల్సిన వాతావరణం ఏర్పడుతుంది. అప్పుడు సాధన సుగమం అవుతుంది. ఆత్మావలోకనం సుసాధ్యంగా మారుతుంది. ఆత్మస్వరూపాన్ని తెలుసుకొనేందుకు ధ్యానమే రాజమార్గం అంటారు విజ్ఞులు. అదే రాజయోగ మార్గం! శరీరం లోపల ఉంటూ, చైతన్యవంతం చేయ గల శక్తినే 'ఆత్మ'గా భావిస్తారు. బయట విశ్వ వ్యాప్తంగా ఉన్న చైతన్యాన్ని 'బ్రహ్మ'గా చెబు తారు. ఆత్మను సామాన్య దృష్టికి అనువదించా లంటే, ఉపమాన అలంకారాన్ని ఆశ్రయించాలి. కఠోపనిషత్తు ప్రకారం- శరీరం రథం, జీవుడు రథికుడు, ఆత్మ సారథి. జీవన రథ సారథ్యం చేసే ఆత్మ సూక్ష్మమైనది. కొన్ని పదాలకు అర్థాలు వేరుగా ఉంటాయి. ఉదాహ రణకు- ఉపాధి అంటే జీవనోపాధి, వృత్తి. వేదాంతుల పరిభాషలో దాని అర్థం- శరీరం. శరీరాన్ని ఆత్మకు ఉపాధిగా భావిస్తుంటారు.ఆదిత్యయోగీ. జీవి లోపల ఉంటూ కట్టడి చేస్తాడు అంత ర్యామి. ఆ పదానికి అర్థాన్ని 'బృహదారణ్యక ఉపనిషత్తు' విస్తృతం చేసి చెబుతుంది. లోపలే ఉంటూ, విశ్వాన్ని కట్టడి చేసేవాడు అంత ర్యామి. అన్ని జీవుల్లో, పదార్థాల్లో ఉంటూ శాసించగల శక్తి ఒక్క ఆ పరమాత్మకే చెల్లుతుంది. అందుకే 'అమృతం', 'అంతర్యామి' అంటారు. ఈ విశ్వాన్ని సృష్టించి, లోపల బయట ఉండే దివ్యశక్తి అంతర్యామి. ఆ శక్తిని వ్యక్తీకరించడం కన్నా, తత్వంగా ఆస్వాదించడం మిన్న. తత్వం ఒకటే అనే రహస్యం తెలిసినప్పటికీ, త్రిమతాచా ర్యులు ఒకే సత్యాన్ని సొంత శైలిలో విశ్లేషిం చారు. అంతర్యామిని సర్వాత్మ'గా స్వీకరించారు. సత్యం ఒకటే. వ్యాఖ్యలు వేరు. బ్రహ్మ, సత్య రూపాలే జగత్తు, జీవులు. విశ్వాన్ని సృష్టించిన బ్రహ్మ అందులో చైతన్యశక్తిగా ఉంటాడు. బయట, లోపల అంతర్యామిగా వెలుగొందుతాడు. అన్నింటినీ నియంత్రించే ఆంతరంగిక తత్వంగా, రూపంగా 'అంతర్యామి' అనే పదం ఉపనిషత్తుల్లో కనిపిస్తుంది!...* .