യക്ഷിക്കാവ് വളവിലെ യക്ഷി (114) അവർ 22 ഹെയർ പിൻ വളവുകളും വളഞ്ഞു കയറി ടോപ്പിലെത്തി. ടോപ്പിലെ മൈതാനത്ത് ബുളളററുകൾ ഒതുക്കിയ ശേഷം ബാഗുകളുമെടുത്ത് ടോപ്പിലെല്ലാം ചുററിക്കറങ്ങി... ചന്ദ്രൻ: "സാറേ... ഇവിടെ നിന്നാൽ അസ്തമയം കാണാമെന്ന് പറയുന്നത് ശരിയാണോ?" ശരത്: "പിന്നെന്താ... അസ്തമയം കാണാമല്ലോ..." ചന്ദ്രൻ: "എടാ കഴുതേ...കടലിലല്ലേടാ അസ്തമയം കാണുന്നത്?" "പിന്നെ എന്തിനാടാ നീ ചോദിക്കുന്നത് മരക്കഴുതേ?" "നിനക്ക് വല്ല വിവരോം ഉണ്ടോന്നറിയാനാ ചോദിച്ചത്..." "എന്നാൽ കേട്ടോ...ഈ അസ്തമയം കാണുന്നത് കടലിൽ മാത്രമല്ല... ഇവിടെ നിന്നാലും മലയ്ക്കപ്പുറത്ത് സൂര്യൻ അസ്തമിക്കുന്നത് കാണാൻ കഴിയും...അതിനാ ടൂറിസ്റ്റുകളൊക്കെ ഇങ്ങോട്ട് വരുന്നത്... കടലിൽ അസ്തമിക്കുന്നത് കാണാൻ അതൊരു ഭംഗിയാ... പൊന്മുടിയിൽ അസ്തമിക്കുന്നത് കാണാൻ അതൊരു ഭംഗിയാ..." ചന്ദ്രൻ: "എന്നാൽ നമുക്ക് അതും കൂടി ഒന്ന് കണ്ടിട്ട് പോകാം...അതിൻ്റെ ഫോട്ടോ എടുക്കണം..." ശരത്: "അതൊന്നും എന്നോട് പറഞ്ഞിട്ട് യാതൊരു കാര്യവുമില്ല... അതൊന്നും ടീം ലീഡറിനോട് പറഞ്ഞോണം". "എടാ...നീ പറയുന്നതിന് അപ്പുറം ലീഡർ ഒന്നും ചെയ്യില്ല..." ശരത്ചന്ദ്ര പ്രസാദ്: "എന്തായാലും നമുക്ക് അതും കൂടി ഒന്ന് കണ്ടിട്ട് തന്നെ പോകാം... കോളേജിൽ കാണിക്കാൻ ഒരു വെറൈററി വേണമല്ലോ..." ശരത്ചന്ദ്രൻ: "അതിനിനിയും ആറേഴ് മണിക്കൂറുണ്ട്..." ശരത്: "ആയിക്കോട്ടെ...കറങ്ങാനല്ലേ വന്നത്...എല്ലായിടവും കറങ്ങി തീരുമ്പോൾ അസ്തമയ സമയമാകും". ശരത്ചന്ദ്ര പ്രസാദ്: "എന്നാൽ നമുക്ക് ചായയൊക്കെ കുടിച്ച് വല്ലതുമൊക്കെ കഴിച്ചിട്ട് കറങ്ങാം..." ശരത്: "എടാ, അതിന് ഊണ് കഴിക്കാനുളള സമയമായി". "അത് തന്നെയാ കഴിക്കാമെന്ന് ഞാൻ പറഞ്ഞത്". ശരത്: "ചായയുടെ കൂടെ ചോറോ?" ചരത് ചന്ദ്ര പ്രസാദ്: "എന്നാൽ നീ സ്നാക്സ് കഴിച്ചോ... എല്ലാവരും കേട്ടോ... ആവശ്യമുള്ളവരൊക്കെ സ്നാക്സ് കഴിച്ചോണം... ഞാൻ ചോറ് കഴിച്ചോളാം". (തുടരും) #📔 കഥ #📙 നോവൽ #🧟 പ്രേതകഥകൾ! #🍲 ഇന്നത്തെ രുചി #🕵️‍♀️ കുറ്റാന്വേഷണ കഥകൾ