جب ہم کسی انسان کو اپنی زندگی میں چنتے ہیں تو دراصل ہم صرف اس کی مسکراہٹ، اس کی خوش گفتاری یا اس کے روشن پہلو نہیں چنتے، بلکہ اس کے وجود کے ہر رنگ کو قبول کرنے کا وعدہ کرتے ہیں۔ انسان کا اصل صرف اس کی خوشیوں سے نہیں بنتا، اس کی وحشتیں، تکلیفیں، دکھ، حالات اور اداسیاں بھی اس کی شخصیت کا حصہ ہوتی ہیں۔ مکمل انتخاب وہی ہے جس میں ہم کسی کو اس کے زخموں سمیت اپناتے ہیں، نہ کہ صرف اس وقت جب وہ مضبوط اور مسکراتا ہوا نظر آئے۔ تعلق محض خوشی اور مسرت کے چند لمحات ساتھ گزار لینے کا نام نہیں۔ اگر ایسا ہوتا تو ہر رشتہ عارضی ہوتا، کیونکہ خوشی خود بھی مستقل نہیں۔ اصل تعلق وہاں سے شروع ہوتا ہے جہاں ایک انسان دوسرے کے دکھ میں اس کا سہارا بنتا ہے۔ جب لفظ کم پڑ جائیں اور خاموشی گہری ہو جائے، تب کسی کا پاس بیٹھ جانا، گلے لگا کر تھپکی دینا، اور بنا کسی سوال کے اس کے آنسوؤں میں شریک ہو جانا ہی تعلق کی سچائی کو ظاہر کرتا ہے۔ محبت کا سب سے مشکل مگر سب سے خوبصورت پہلو یہ ہے کہ ہم دوسرے کی تکلیفوں کو بھی چنیں۔ اس کے بکھرے لمحوں کو سمیٹیں، اس کے اندھیروں میں چراغ بنیں، اور اسے یہ احساس دلائیں کہ وہ اکیلا نہیں ہے۔ کیونکہ جو شخص ہمیں اپنے درد کے ساتھ قبول کر لیتا ہے، وہی دراصل ہمیں پورے وجود کے ساتھ چاہتا ہے۔ مکمل تعلق وہی ہے جس میں ہم ایک دوسرے کے زخموں سے گھبرا کر پیچھے نہیں ہٹتے، بلکہ اور مضبوطی سے ہاتھ تھام لیتے ہیں۔ یہی انتخاب انسان کو انسان کے قریب لاتا ہے، اور یہی تعلق کو محض رشتہ نہیں بلکہ زندگی کا سہارا بنا دیتا #حقیقی محبت #عشق حقیقی #محبت #سچی محبت true love# #🥰میرا سٹیٹس ❤️ #👨🏻‍🏫لوگوں کے لئے سیکھ🧑‍🤝‍🧑