*నరుడే/నారాయణుడు* ఊహా తెలిసింది మొదలు ఏదో ఒక ఆశ.. నా జీవితం వదిలేసి పక్కనోడితో పోల్చుకోవడం మొదలైందో.. పృకృతిని గెలవాలనే దురాశతో పరుగుల యంత్రంలా మారానో..   ఆ క్షణం నుండి ఆశల చక్రంలా గిరికీలు కొడుతూనే ఉంది.. నన్ను నేను కోల్పోయినా తెలియనంత మూర్ఖత్వం.. చిటారు కొమ్మ సిగలో మిఠాయి అందితే చాలంటూ.. నీలి మేఘాలపై నడవాలని చేయని ప్రయత్నం లేదే.. చిగురించిన ప్రతి ఊహను సొంతం చేసుకోమంటూ.. మనసు ఆడమనే ఆటకు దాసోహం అయితే.. కొత్తొక వింతగా మోజు తీరేదాకా వదలనైతి.. కోరి దక్కిన సిలకేమి మొలకేమి పాతబడినాక.. మోము కూడా తిప్పి చూడవదేమి సిత్రమో.. మరో మరీచిక వెనుకే మోహపు భ్రమల ఆరాటం.. మనిషి ఆశల దాహం తీరే రోజొకటుందా.. సందేహం తీర్చమని విధాతను అడిగాడు నారదుడు.. చిరునవ్వుతో ఆశను జయించిన నరుడే నారాయణుడంటూ సెలవిచ్చాడు..! *గోవర్ధన్ ఆముదాలపల్లి* #😎ఆటిట్యూడ్ కోట్స్ #🔊తెలుగు చాట్‌రూమ్😍 #🔊షేర్‌చాట్ చాట్‌రూమ్😍 #💪పాజిటీవ్ స్టోరీస్ #📝జీవిత గుణపాఠాలు😊