🌿 *“రక్షకుడు దేవుడైతే, శత్రువు గురించి భయమెందుకు?”* 🗓️ ఫిబ్రవరి 10, 2026. మంగళవారం. 📖 *“మిమ్మును రక్షించువాడు మీ దేవుడైన యెహోవాయే.”* —ద్వితీయోపదేశకాండము.20:4, 📖🔍 *ధ్యానం* ఇశ్రాయేలీయులు యుద్ధభూమిలో నిలిచినప్పుడు, ఇది దేవుడిచ్చిన దైవిక నిశ్చయము. శత్రువులు బలంగా కనిపించవచ్చు, సంఖ్య ఎక్కువగా ఉండవచ్చు, పరిస్థితులు భయపెట్టవచ్చు, కానీ రక్షణ ఆయుధాలపై ఆధారపడకుండా రక్షకుడైన దేవునిపైనే ఆధారపడుతుంది. దేవుడు “నేను మీకొరకు యుద్ధము చేయుదును” అని మాత్రమే కాకుండా, “మిమ్మును రక్షించువాడను నేనే” అని ప్రకటించాడు. ఇక్కడ యుద్ధము, మనలను భయపెట్టే శత్రువు, భయంకర దృశ్యమైనా, మనము దేవునిపై ఆధారపడితే, రక్షించేది మన దేవుడైన యెహోవాయే! 🌾 *ఉదాహరణ* “...మీరు ఊరకయే యుండుడి.” (నిర్గమకాండము 14:14). ముందు ఎర్రసముద్రం, వెనుక గొప్ప ఫరో సైన్యం, మధ్యలో ఇశ్రాయేలీయులు చిక్కుకుపోయినప్పుడు దేవుడిచ్చిన మాట ప్రకారము, నిస్సహాయులై ఊరకయే యున్న తన ప్రజలను దేవుడెలా రక్షించాడో మనందరికీ తెలుసు. 💭 *ఆలోచించవలసినది.* 👉 నా జీవిత యుద్ధాలలో నేను నా బలాన్ని నమ్ముతున్నానా, దేవుని సన్నిధిని నమ్ముతున్నానా? 🙏 *ప్రార్థన* రక్షకుడవైన దేవా, నా ముందున్న పోరాటాలకన్నా నీ సన్నిధియందు దొరికే రక్షణ గొప్పదని నమ్మే విశ్వాసాన్ని నాకు దయచేయుము. ఆమేన్! 🔗 ఈ ధ్యానాన్ని పంచుకోవడం ద్వారా ఎవరికైనా, వారి ఆత్మీయ పోరాటాలలో దేవుడిచ్చే రక్షణపై విశ్వాసం పెరగవచ్చు. ✍️ జాన్ మైఖేల్. #📝అనుదిన వాక్యము