ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6X8KxZM?d=n&ui=v64j8rk&e part...24... സൈമൺ തന്റെ മുഷ്ട്ടി ചുരുട്ടി സ്വയം കാലിൽ ഒന്ന് ഇടിച്ചു കൊണ്ടു ദേഷ്യം നിയന്ദ്രിച്ചു.. കുട്ടികളെ നിങ്ങൾ പറയുന്നു നാലു പേരെ ജീപ്പിൽ യാത്രയിൽ ഉണ്ടായിരുന്നുള്ളു എന്ന്..പക്ഷെ ജീപ്പ് ഡ്രൈവർ പറയുന്നു നിങ്ങൾ അഞ്ചു പേർ ഉണ്ടായിരുന്നു എന്ന്..അത് മാത്രം അല്ല നിങ്ങൾ അവരെ ആക്രമിച്ചത് കൊണ്ടു ആണ് അവർ ജീവനും കൊണ്ടു ഓടി പോലിസ് സ്റ്റേഷനിൽ വന്നത് എന്നും പറയുന്നു...അതും പോരാതെ നിങ്ങളെ വേറെ ഒരു ജീപ്പിൽ സ്റ്റേഷനിൽ കൊണ്ടു വന്ന ഒരാൾ കൂടി അവിടെ നിൽക്കുന്നുണ്ട്..ഇനി ഈ കാര്യത്തിൽ പോലിസ് എന്ത് വേണം...സൈമൺ അവരെ മാറി മാറി നോക്കി കൊണ്ടു ചോദിച്ചു.. ചന്ദ്രൻ സുറുമിയെ നോക്കി കൊണ്ടു പറഞ്ഞു..സത്യം പറയണം എന്താ അവിടെ സംഭവിച്ചത്..ഇനി നാളെ നിങ്ങൾ മറ്റൊരു പരാതി ആയി വന്നാൽ ഞങ്ങൾക്ക് ആണ് ബുദ്ധിമുട്ട് അത് കൊണ്ടു ചോദിക്കുന്നത് ആണ്.. പെട്ടന്ന് ആയിരുന്നു ആതിര സുറുമിയെ മാറ്റി നിർത്തി കൊണ്ടു മുന്നോട്ടു വന്നത്..അവളുടെ മുഖം മാറിയിരുന്നു... സാറെ ഞങ്ങൾ പറഞ്ഞല്ലോ കാര്യങ്ങൾ എല്ലാം..ജീപ്പ് കേടായി അത് കൊണ്ടു ഞങ്ങൾ തിരിച്ചു പോന്നു.അല്ലാതെ അവർ പറഞ്ഞ പോലെ അവരെ ഞങ്ങൾ ആക്രമിച്ചിട്ടില്ല.അത്രയും വലിയ ആൾക്കാരെ ഈ ഞങ്ങൾ ആക്രമിച്ചു എന്നൊക്കെ വന്നു പറഞ്ഞാൽ സാമാന്യ ബോധം ഉള്ളവർ വിശ്വസിക്കുമോ..അതോ അവരുടെ ദേഹത്ത് വല്ല മുറിവോ മറ്റോ ഉണ്ടോ..പറയണം.. ആതിര പറയുന്നത് കേട്ടപ്പോൾ സുറുമിയും ഐശ്വര്യയും അവളെ അത്ഭുതത്തോടെ നോക്കി.. പേടിച്ചു പുറകേ നിന്നവൾ ആണ് എത്ര പെട്ടന്ന് ആണ് സ്വഭാവം മാറിയത്.. സൈമൺ ചന്ദ്രനെ നോക്കി കൊണ്ടു ചോദിച്ചു..എടൊ അവർക്ക് മുറിവുകളോ മറ്റോ ഉണ്ടോ.. വെറുതെ പറഞ്ഞാൽ പോരല്ലോ.. ചന്ദ്രൻ ഒന്ന് ആലോചിച്ചു കൊണ്ടു പറഞ്ഞു..ഇല്ല സാർ മുറിവ് ഒന്നും തന്നെ ഇല്ല പക്ഷെ മുഖം പേടിച്ചഅവസ്ഥയിൽ ആയിരുന്നു.അവർ കള്ളം പറയുന്നു എന്ന് തോന്നിയില്ല. സൈമൺ കുറച്ചു സമയം കൂടി അങ്ങനെ ആലോചിച്ചു നിന്നു കൊണ്ടു പറഞ്ഞു.. എന്തായാലും അവർക്ക് പരാതി ഇല്ല എന്ന് പറഞ്ഞു കഴിഞ്ഞു..ഇനി നിങ്ങൾക്ക് വല്ല പരാതിയും ഉണ്ടേൽ ഇപ്പോൾ പറയണം..ഇനി കുറച്ചു ദിവസം കഴിഞ്ഞു മീഡിയ വഴി പുതിയ കഥ ഉണ്ടാക്കരുത്.. സൈമൺ അവരെ നോക്കി കൊണ്ടു ചോദിച്ചു..എന്താ നിങ്ങളുടെ അഭിപ്രായം.. ആതിര അയാളെ സൂക്ഷിച്ചു നോക്കി കൊണ്ടു പറഞ്ഞു..ഞങ്ങൾക്ക് പരാതി ഒന്നും ഇല്ല സാർ.ഉണ്ടെങ്കിൽ ഞങ്ങൾ നേരെ സ്റ്റേഷനിൽ വന്നേനെ. അല്ലെങ്കിൽ ഇവിടെ മേട്രനോട് പറഞ്ഞേനെ..എന്തായാലും ഞങ്ങളുടെ ട്രിപ്പ്‌ മുടങ്ങി അത് തന്നെ ആണ് കുറച്ചു വിഷമം.. സൈമൺ അവരെ നോക്കി ചിരിച്ചു കൊണ്ടു പറഞ്ഞു.ok എങ്കിൽ കുഴപ്പമില്ല.നിങ്ങൾക്ക് പോകാം... ആതിര അത് കേട്ടപ്പോൾ തിരിഞ്ഞു നടന്നു അവളുടെ പിറകെ തന്നെ സുറുമിയും ഐശ്വര്യയും... അവർ പോകുന്നത് നോക്കി നിന്ന സൈമൺ പറഞ്ഞു.. എനിക്കു എവിടെയോ ഒരു കല്ല് കടി പോലെ തോന്നുന്നു. എന്തോ ഒരു പുകമറ പോലെ. അത് കേട്ടപ്പോൾ ചന്ദ്രൻ പറഞ്ഞു.. എന്റെ സാറെ എല്ലാം വിട്ടേക്ക് തത്കാലം നമ്മുക്ക് തലവേദന ആയില്ലല്ലോ അത് തന്നെ സമാധാനം..സ്റ്റേഷനിൽ ചെന്ന് അവരെ കൂടി പറഞ്ഞു വിട്ടേക്കാം.. സൈമൺ ഒന്ന് മൂളി കൊണ്ടു തിരിഞ്ഞു നടന്നു.. മേരിയോട് യാത്രചോദിച്ചു കൊണ്ടു ചന്ദ്രൻ ബുള്ളറ്റിന്റെ അടുത്തേക്ക് നടന്നു.. അവിടെ നിന്ന് തിരിച്ചു പോകുന്ന വഴി സൈമൺ പറഞ്ഞു.. എടൊ ആ കരിമ്പനകുന്ന് വരെ ഒന്ന് പോയാലോ നമുക്ക്.. തനിക്ക് പേടി ഉണ്ടോ.. പേടി ഒന്നും ഇല്ല സാർ.. നാളെ വേണമെങ്കിൽ പോകാം.. സമയം ആറുമണി ആകുന്നു എന്റെ ഡ്യൂട്ടി തീരാൻ പോകുക ആണ്.. ഒരു റിസപ്‌ഷൻ കൂടാൻ ഉണ്ട് വീട്ടിൽ ഭാര്യയും പിള്ളേരും ഞാൻ ചെല്ലുന്നത് നോക്കി ഇരിക്കും.. സൈമൺ അത് കേട്ടപ്പോൾ ഒന്ന് ചിരിച്ചു കൊണ്ടു പറഞ്ഞു.. ഓ അങ്ങനെ ഒരു കാര്യം ഉണ്ട് അല്ലേ കുഴപ്പമില്ല നമുക്ക് പിന്നെ ഒരു ദിവസം വരാം.. ബുള്ളറ്റ് കട്ടപ്പന സിറ്റി കഴിഞ്ഞു പോലിസ് സ്റ്റേഷനിൽ എത്തി.. ബുള്ളറ്റിൽ നിന്ന് ഇറങ്ങി സൈമൺ സ്റ്റേഷന്റെ അകത്തേക്ക് കയറി.. കുറച്ചു മാറി ബെഞ്ചിൽ ഇരിക്കുന്ന ജോണിയെയും മറ്റുള്ളവരെയുംകൈ കാട്ടി വിളിച്ചു കൊണ്ടു തന്റെ ഓഫീസ് റൂമിലേക്ക് കയറി.. ജോണിയും കൂടെ ഉള്ളവരും si യുടെ റൂമിലേക്ക് ചെന്നു നിന്നു.. അപ്പോഴേക്കും ചന്ദ്രനും അങ്ങോട്ട് വന്നു.. കസേരയിൽ ഇരുന്നു കൊണ്ടു തന്റെ തൊപ്പി ഊരി മേശയിൽ വെച്ചിട്ട് സൈമൺ മുന്നിൽ നിൽക്കുന്നവരെ സൂക്ഷിച്ചു നോക്കി കൊണ്ടു ചോദിച്ചു.. അപ്പോൾ ഒരു കാര്യം ചെയ്തോ എല്ലാവരും അഡ്രെസ്സ് ഫോൺ നമ്പർ എല്ലാം കൃത്യമായി എഴുതി കൊടുത്തിട്ട് പൊക്കോ..എന്തെങ്കിലും പ്രശ്നം ഉണ്ടെങ്കിൽ ഇപ്പോൾ പറയണം നാളെ ഇനി ഈ കേസ് പറഞ്ഞു വരരുത് കേട്ടല്ലോ.. എല്ലാവരുംപരസ്പരം ഒന്ന് നോക്കി.. അത് കണ്ടപ്പോൾ ചന്ദ്രൻ പറഞ്ഞു.. സാർ പറഞ്ഞത് കേട്ടല്ലോ എല്ലാവരും പൊക്കോ ഇനി സിറ്റിയിൽ പോയി ഈ സംഭവം വിശദീകരിക്കാൻ നിൽക്കണ്ട അത് നിങ്ങൾക്ക് തന്നെ ദോഷം ചെയ്യും.. എല്ലാവരും പോകാൻ തിരിഞ്ഞു.. അപ്പോൾ സൈമൺ പറഞ്ഞു.. ജോണി ഇവിടെ നിൽക്ക് മറ്റുള്ളവർ പോകട്ടെ.. അത് കേട്ടപ്പോൾ ജോണി തിരിഞ്ഞു നിന്നു.. സൈമൺ അയാളെ നോക്കി കൊണ്ടു ചോദിച്ചു.. നിങ്ങളെ ആക്രമിച്ചു എന്ന് പറഞ്ഞ പെൺകുട്ടി അതിൽ ഏത് ആയിരുന്നു.. ജോണി ഒന്ന് ആലോചിച്ചു കൊണ്ടു പറഞ്ഞു.. സാർ അതിൽ ചന്ദനം തൊട്ട ഒരു കുട്ടി ഉണ്ടായിരുന്നു ആ കുട്ടിക്ക് മറ്റു രണ്ട് പെൺകുട്ടികൾക്കു ഉള്ളതിലും മുടിയുംഉണ്ടായിരുന്നു.. ആ കൂട്ടത്തിൽ ഏറ്റവും പാവം പോലെ തോന്നിയതും ആ പെൺകുട്ടിയെ ആയിരുന്നു. സൈമൺ അത് കേട്ടപ്പോൾ കസേരയിൽ ചാരി ഇരുന്നു കൊണ്ടു ഒന്ന് ആലോചിച്ചു.. ഇയാൾ പറയുന്നത് അനുസരിച്ചു നോക്കുമ്പോൾ തന്നോട് സംസാരിക്കാതെ നിന്ന പെൺകുട്ടി ആണ് എന്ന് തോന്നുന്നു.. സൈമൺ ജോണിയെ നോക്കി കൊണ്ടു വീണ്ടും ചോദിച്ചു.. നിങ്ങൾ അവരെ പ്രകോപിച്ചോ അതോ ഒരു കാരണവും കൂടാതെ നിങ്ങളെ ആക്രമിക്കുക ആയിരുന്നോ.. ജോണി തന്റെ കൈകൾ നെഞ്ചിൽ പിണച്ചു കെട്ടി കൊണ്ടു പറഞ്ഞു.. എന്റെ സാറെ. ജീപ്പ് നിന്നു പോയി അത് കഴിഞ്ഞു സംസാരിച്ചു കൊണ്ടു ഇരുന്നപ്പോൾ ജീപ്പിൽ നിരഞ്ജൻ എന്ന് പേരിൽ ഒരാൾ ഉണ്ടായിരുന്നു.. നോവൽ എഴുതുന്ന ആൾ.. അയാൾ എഴുതിയ. ഒരു നോവലിന്റെ കാര്യം പറഞ്ഞപ്പോൾ ആണ് ആ പെൺകുട്ടി ഞങ്ങളെ ആക്രമിച്ചത്..??? അത് കഴിഞ്ഞു അവർ മൂന്ന് പേരും ഓടി പോകുകയും ചെയ്തു.. കോട മഞ്ഞ് ഇറങ്ങി നിറഞ്ഞത് കൊണ്ടു ഒന്നും വ്യക്തമായി കാണാൻ ആയില്ല ഞങ്ങൾക്ക്.. സൈമൺ മുന്നോട്ട് ഒന്ന് ആഞ്ഞ് ഇരുന്നു കൊണ്ടു പറഞ്ഞു... എന്തായാലും വേറെ പ്രശ്നം ഒന്നും ഇല്ലല്ലോ തനിക്ക് പോകാം.. ജോണി ആശ്വാസത്തോടെ പുറത്തേക്ക് ഇറങ്ങി.. ചന്ദ്രനെ നോക്കി കൊണ്ടു സൈമൺ പറഞ്ഞു.. എന്തായാലും രഹസ്യമായി ഒന്ന് ആ പെൺകുട്ടികളെ നിരീക്ഷിക്കണം. എനിക്കു എന്തോ ഒരു ബാഡ് ഫീൽ ചെയ്യുന്നു.. ചന്ദ്രൻ അത് കേട്ടപ്പോൾ പറഞ്ഞു.. നോക്കാം സാർ. ഇപ്പോൾ ഞാൻ പോകുക ആണ്.. സൈമൺ അയാളെ നോക്കി കൊണ്ടു കൈ കൊണ്ടു പൊക്കോ എന്ന് ആഗ്യം കാണിച്ചു.. ഒന്ന് സല്യൂട്ട് ചെയ്തു കൊണ്ടു ചന്ദ്രൻ പുറത്തേക്ക് പോയി.. സൈമൺ കസേരയിൽ ചാരി കിടന്നു കൊണ്ടു ആലോചനയിൽ ആണ്ടു... രാത്രി എട്ട് മണിയോടെ ഭക്ഷണം എല്ലാം കഴിഞ്ഞു അലക്സിന്റെ ചാച്ചന്റെ വീട്ടിൽ ഒരു റൂമിൽ ആയിരുന്നു ഹരിയും അലക്‌സും.. ഹരി ഗോമസ് ഫാദർ തന്ന പുസ്തകങ്ങൾ നോക്കുക ആയിരുന്നു.. സണ്ടേക്ലാസ്സ്‌ വിദ്യാർഥികളും ഫാദറും നിൽക്കുന്ന ഫോട്ടോ കുറച്ചു അധികം അതിൽ ഉണ്ടായിരുന്നു.. എല്ലാം സൂക്ഷ്മമായി നോക്കി കൊണ്ടു ഹരി അലക്സിനോട് പറഞ്ഞു.. മരിച്ചു പോയ വർഗീസ് ഫാദർ എല്ലാവർക്കും ഇഷ്ട്ടമുള്ള ഒരു വൈദീകൻ. ആയിരുന്നു അല്ലേ. നോക്ക് അദ്ദേഹം എത്ര മാത്രം കുട്ടികൾക്ക് ആണ് സഹായം ചെയ്തു കൊണ്ടിരുന്നത്.. അലക്സ് ആ പുസ്തകം നോക്കി കൊണ്ടു പറഞ്ഞു.. ആൾ ഒരു നല്ല മനുഷ്യ സ്നേഹികൂടി ആയിരുന്നു. ഇടവകയിലെ കുട്ടികളെ മാത്രം അല്ല അദ്ദേഹം സഹായിച്ചിട്ടുള്ളത്. മറ്റു മതത്തിൽ പെട്ടവരും ഉണ്ടായിരുന്നു എന്ന് തോന്നുന്നു.. നോക്ക് ഒരു തട്ടം ഇട്ട പെൺകുട്ടി കൂടി ആ ഗ്രൂപ്പ്‌ ഫോട്ടോയിൽ ഉണ്ട്.. ഹരി അത് കേട്ടപ്പോൾ ഒന്ന് ചിരിച്ചു കൊണ്ടു പറഞ്ഞു.. അത് തന്നെ ആണ് ഞാനും ശ്രദ്ധിച്ചത്.. എന്തായാലും കൊള്ളാം.. ഇരുപത്തഞ്ചു വർഷം മുൻപ്. ആയതു കൊണ്ടു കുഴപ്പമില്ല. ഈ കാലത്തു ആണേൽ കുറച്ചു പേർ ഇതും പൊക്കി പിടിച്ചു വന്നേനെ.. അലക്സ് ഹരിയെ നോക്കി കൊണ്ടു പറഞ്ഞു.. എന്തായാലും മനുഷ്യരെ മനുഷ്യർ തന്നെ അല്ലേ സഹായിക്കേണ്ടത്.. അവിടെ എന്ത് ജാതി എന്ത് മതം.. മനുഷ്യർ നേർ വഴി നടക്കാൻ വേണ്ടി പൂർവീകർ ആയിട്ട് കൊണ്ടു വന്ന ഏർപ്പാട് അല്ലേ ഒരു തരത്തിൽ ഈ മതവും ഈശ്വരന്മാരും.. അത് തന്നെ ആണ് സത്യം അലക്സ്.. ഈശ്വരൻനമ്മളിൽ എല്ലാവരിലും ഉണ്ട്.. മുന്നിൽ കാണുന്ന സഹജീവികളോട് കരുണ കാണിക്കുന്നില്ല എങ്കിൽ പ്രാർത്ഥന കൊണ്ടു എന്താണ് ഫലം.. എന്റെ വിശ്വാസം അങ്ങനെ ആണ്.. മനസ്സ് ഏകാഗ്രമാക്കാൻ പ്രാർത്ഥന നല്ലത് ആണ്.. പക്ഷെ പ്രാർത്ഥന കൊണ്ടു മാത്രം ഈശ്വരനെ അറിയുന്നില്ല. അതിനു നല്ല പ്രവൃത്തി കൂടി ചെയ്യണം അപ്പോൾ ആണ് മനുഷ്യൻ ദൈവതുല്യൻആകുന്നത്.. അലക്സ് എഴുനേറ്റു കൊണ്ടു പറഞ്ഞു..ഹരി ഈ റൂമിൽ കിടന്നോ. ഞങ്ങൾ കുറച്ചു കുടുംബകാര്യം ഒക്കെ സംസാരിച്ചു കുറച്ചു വൈൻ ഒക്കെ അടിച്ചു ഇരിക്കട്ടെ.. തനിക്ക് അതൊക്കെ ഹറാം ആണല്ലോ അല്ലേ.. ഹരി അലക്സിനെ നോക്കി ചിരിച്ചു കൊണ്ടു പറഞ്ഞു. ഓ ആവട്ടെ.. ഞാൻ രാവിലെ അഞ്ചു മണിക്ക് എഴുന്നേൽക്കും കേട്ടല്ലോ താൻ ആ ടൈം എഴുനേറ്റ് റെഡി ആകണം.. അലക്സ് തൊഴുതു കൊണ്ടു പറഞ്ഞു.. ഓ അങ്ങനെ ആവട്ടെ തീരുമേനി.. വാതിൽഅടച്ചു കൊണ്ടു അലക്സ് അവിടെ നിന്ന് ഇറങ്ങി.. ഹരി ഒരു ചിരിയോടെവീണ്ടും അടുത്ത പുസ്തകം എടുത്തു നോക്കാൻ തുടങ്ങി... രാത്രി പത്തു മണി. ജോണി സിറ്റിയിൽ നിന്ന്കുറച്ചു പലചരക്കു വാങ്ങി ജീപ്പിൽ വീട്ടിലേക്ക് പോകുക ആയിരുന്നു.. അയാളുടെ മനസ്സ് നിറയെ ഉച്ചക്ക് നടന്ന സംഭവങ്ങൾ ആയിരുന്നു.. എന്തൊക്കെ ആയിരുന്നു നടന്നത്.. എന്നാലും ആ പെൺകുട്ടി എന്തിന് ആയിരിക്കും ആക്രമസക്തആയതു.. ആരാണ് ആ നോവലിസ്റ്റ്.. ആയാളും ആ പെൺകുട്ടിയും തമ്മിൽ എന്തെങ്കിലും ബന്ധം ഉണ്ടാകുമോ.. അനേകം ചോദ്യങ്ങൾ അയാളുടെ മനസിലൂടെ കടന്നു പോയി.. ജീപ്പ് ഒരു വളവ് തിരിഞ്ഞു മുന്നോട്ട് പോകുമ്പോൾ ആയിരുന്നു അയാൾ ആ കാഴ്ച കണ്ടത്.. ഒരാൾ കൈ ഉയർത്തി കൊണ്ടു റോഡിൽ കൂടി ഓടി വരുന്നു.. ജോണി ജീപ്പ് പെട്ടന്ന് ബ്രേക്ക്‌ പിടിച്ചു നിർത്തി.. ജീപ്പിന്റെ ഹെഡ് ലൈറ്റ് വെട്ടത്തിൽ അയാൾ കണ്ടു.. മുന്നോട്ട് വരുന്ന ആളുടെ ദേഹത്ത് നിറയെ ചോര ആയിരുന്നു.?? ഒരു നിമിഷം അയാൾ ആ സ്ഥലം ഓർത്തു എടുത്തു.. തങ്ങൾ രാവിലെ ട്രിപ്പ്‌ പോയ സ്ഥലത്തേക്ക് തിരിയുന്ന ഇടത്ത്. ആണ് ജീപ്പ് നിർത്തിയത്..?? ജോണി അറിയാതെ ആ വഴിയിലേക്ക് നോക്കിആ വഴിയിലെ സ്ട്രീറ്റ് ലൈറ്റ് വെട്ടത്തിൽ അയാൾ കണ്ട കാഴ്ച..... ഒരു നിമിഷം അയാൾ ഞെട്ടി വിറച്ചു കൊണ്ടു ജീപ്പിൽ നിന്ന് ചാടി ഇറങ്ങി.. ആ വഴിയിൽ ഒരു പെൺകുട്ടി നിൽക്കുന്നത് ജോണി വ്യക്തമായി തന്നെ കണ്ടു.. അവളുടെ ഒരു കയ്യിലെ വിരലുകൾ അഞ്ചും ചോരയിൽ കുളിച്ചിരുന്നു... മുന്നിൽ നിന്ന് ഓടി വന്ന ആൾ ജോണിയുടെ ദേഹത്തേക്ക് വീണു... അയാളുടെ മുഖം കണ്ടപ്പോൾ ജോണി വീണ്ടും ഒന്ന് ഞെട്ടി. ഇത്.. ഇത്.. താൻ അല്ലേ....?? ജോണിയുടെ ദേഹം വിറച്ചു തുടങ്ങി.. അടുത്ത നിമിഷം അയാൾ റോഡിലേക്ക് കുഴഞ്ഞു വീണു പോയി.. കരിമ്പനകുന്നിറങ്ങി ഒരു നേർത്ത ചിരി.. ലേഡീസ് ഹോസ്റ്റൽ. ലക്ഷ്യം വെച്ച് നീങ്ങാൻ തുടങ്ങി.. പതിവില്ലാത്ത വിധം അവിടെ മുഴുവൻ കോട മഞ്ഞ് ഇറങ്ങാൻ തുടങ്ങി... ലേഡീസ് ഹോസ്റ്റലിന്റെ ഗെയിറ്റ്. തനിയെ തുറന്നു...??? തുടരും.. കണ്ണൂർകാരൻ ❤️❤️❤️❤️❤️ #📙 നോവൽ #💞 പ്രണയകഥകൾ #✍ തുടർക്കഥ #📚 ട്വിസ്റ്റ് കഥകൾ #📔 കഥ