ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6Oaj876?d=n&ui=v64j8rk&e1=cMISSION ((21)) "പശ്ചിമ ബംഗാളില്‍ വടക്ക് സ്ഥിതി ചെയ്യുന്ന നക്സല്‍ബാരി എന്ന ഗ്രാമത്തെ കുറിച്ച് താങ്കള്‍ കേട്ടിട്ടുണ്ടോ മിസ്റ്റര്‍ ജഗന്നാഥന്‍...??" """മരണാസന്നമാണെങ്കില്‍പ്പോലും ഒരു ശക്തിയും അതിന്‍റെ അധികാരം എളുപ്പത്തില്‍ കൈവിടില്ല, സ്വാതന്ത്ര്യം വരാന്‍ പോകുന്നത് തോക്കിന്‍ കുഴലിലൂടെ മാത്രമാണ് ..."""" മാവോ സേ തുങ് ന്‍റെ ഈ വാക്കുകളെ അക്ഷരം പ്രതി വിശ്വസിച്ച്, അത് ജീവിതത്തിലുടെ നീളം പകര്‍ന്ന ഇന്ത്യ കണ്ട ഏറ്റവും വലിയ വിപ്ലവകാരി ചാരു മജുംദാര്‍ ന്‍റെ ഗ്രാമം, അതാണ് നക്സല്‍ബാരി . സിലിഗുരി യില്‍ ജനിച്ച ചാരു മജുംദാര്‍ നക്സല്‍ബാരിയില്‍ നടത്തിയ പോരാട്ടങ്ങള്‍ ചരിത്രങ്ങളില്‍ ഇടം പിടിച്ചവയാണ്..." "ഇതൊക്കെ എന്നോട് പറയേണ്ട കാര്യം..??" ജഗന്നാഥന്‍ ഇടയില്‍ കയറി ചോദിച്ചു . "അറിയണം മിസ്റ്റര്‍ കമ്മീഷണര്‍, താങ്കള്‍ ഇതൊക്കെ അറിയണം . കാരണം ഒരു കഥയിലേക്ക് കടക്കുമ്പോള്‍ ചരിത്രങ്ങളെ കൂട്ടിയൊജിപ്പിക്കുന്നത് ആ കഥയ്ക്ക് മാറ്റ് കൂട്ടും ." ജഗന്‍ മിണ്ടാതെ നിന്നു . പട്ടേല്‍ തുടര്‍ന്നു : "നേപ്പാള്‍ അതിര്‍ത്തിയോട് ചേര്‍ന്ന് കിടക്കുന്ന നക്സല്‍ബാരി, നെക്സലിസം എന്ന ഒരു പ്രസ്ഥാനത്തിന്‍റെ വിളിപ്പേരായി മാറുകയായിരുന്നെന്ന് മിസ്റ്റര്‍ കമ്മീഷണര്‍ക്ക് ഞാന്‍ പറയാതെ തന്നെ അറിയാമല്ലോ ?! നാല് വര്‍ഷങ്ങള്‍ക്ക് മുമ്പ് പശ്ചിമ ബംഗാള്‍ ഉണര്‍ന്നത് ഞെട്ടിക്കുന്ന, ഭീതിപ്പെടുത്തുന്ന ഒരു വാര്‍ത്ത കേട്ടായിരുന്നു . ഒരു കോളേജ് ബസ്സ് ഹൈജാക്ക് ചെയ്യപ്പെട്ടു എന്ന വാര്‍ത്ത ..." •••••••••••••••••കഥയിലേക്ക്•••••••••••••••••••• നാടെങ്ങും ആ വാര്‍ത്ത കേട്ട് സ്തംഭിച്ചു. പതിനഞ്ചോളം കോളേജ് വിദ്യാര്‍ത്ഥിനികളായിരുന്നു ബന്ദിക്കപ്പെട്ടത് . ചാനലുകളില്‍ വാര്‍ത്തകള്‍ നിറഞ്ഞാടി. വിദ്യാര്‍ത്ഥിനികളുടെ മാതാപിതാക്കള്‍ അലമുറയിട്ട് കരഞ്ഞു. ഡിജിപി യും മറ്റു പോലീസ് മേധാവികളുമായി ആഭ്യന്തര മന്ത്രിയുടെ അടിയന്തിര യോഗം....,,, "കുട്ടികളെ ബന്ദികളാക്കി നിര്‍ത്തിയിട്ട് ഇപ്പോള്‍ മണിക്കൂര്‍ നാലായി . എന്താണ് മിസ്റ്റര്‍ ഡിജിപി ഇത് ? എന്താണ് നിങ്ങളുടെ സ്റ്റാന്‍ഡ് ?" ആഭ്യന്തര മന്ത്രി അഭയ് മല്‍ഹോത്ര ഡിജിപി സത്യ റാവു വിനോട് ദേഷ്യത്തിൽ കയര്‍ത്തു. "സര്‍ കോളേജ് ബസ്സ് റാഞ്ചി കൊണ്ടു പോയ സംഘത്തേയും എങ്ങോട്ടാണ് അവരെ കൊണ്ടു പോയതെന്നും ഡിപ്പാര്‍ട്ട്മെന്‍റിന് അറിവ് കിട്ടിയിട്ടുണ്ട്.." ഡിജിപി പറഞ്ഞു . "ഓഹോ..!!! അതുകൊള്ളാമല്ലോ!! ഇത്രയൊക്കെ അറിവ് കിട്ടിയിട്ടും താങ്കള്‍ ആക്ഷനെടുക്കാതെ കുടുംബത്തോടൊപ്പം സല്ലപിക്കാന്‍ പോവുകയാണോ ??" മന്ത്രി മേശയിലടിച്ച് പറഞ്ഞു. "സര്‍ ട്രൈ ടു അണ്ടര്‍സ്റ്റാന്‍ഡ് . ഞാന്‍ എന്താണ് പറഞ്ഞു വരുന്നതെന്ന് കേള്‍ക്കുവാനുള്ള ക്ഷമ ദയാവായി അങ്ങ് എന്നോട് കാണിക്കണം.." "എന്നാല്‍ താന്‍ പറഞ്ഞ് ഉണ്ടാക്ക് ." "സര്‍ നമ്മള്‍ ഉദ്ധേശിക്കുന്ന സാധാരണ സംഘമല്ല ഈ ഹൈജാക്കിന് പിന്നില്‍ ." "പിന്നെ ??!!" "ദര്‍ജീലിംഗ് ജില്ലയില്‍ സ്ഥിതി ചെയ്യുന്ന നക്സല്‍ബാരി ഗ്രാമത്തിലെ നെക്സലേറ്റുകളാണ് ഇതിനു പിന്നില്‍ .." ഡിജിപിയില്‍ നിന്നും സത്യമറിഞ്ഞ മന്ത്രിയുടെ ഇരു മിഴികളും ഞെട്ടലോടെ വിടര്‍ന്നു . മേശപ്പുറത്തു വച്ച കുടിവെള്ളം അഭയ് മല്‍ഹോത്ര ഒറ്റ വലിക്ക് കുടിച്ച് തീര്‍ത്ത് അല്‍പ്പം കിതപ്പോടെ ചുണ്ടുകള്‍ തുടച്ചു : "താങ്കള്‍ പറഞ്ഞു വരുന്നത് ??!!" "സര്‍, കോളേജ് ബസ്സ് ഹൈ ജാക്ക് ചെയ്തത് ഏത് സംഘമാണെന്നുള്ള വിവരം ഇതുവരെ ഒരു മീഡിയയ്ക്കും ലഭിച്ചിട്ടില്ല.." ഡിജിപി ഇരിപ്പിടത്തില്‍ നിന്നും എഴുന്നേറ്റ് പ്രൊജക്ടറിന്‍റെ സഹായത്താല്‍ മന്ത്രിക്കും മറ്റെല്ലാവര്‍ക്കും വിശ്വല്‍സ് കാണിച്ചു കൊടുത്തു . "സര്‍, കോളേജ് ബസ്സ് ഹൈജാക്ക് ചെയ്യപ്പെട്ട സ്ഥലം ദാ ഇതാണ് . ഇവിടെ നിന്നും ബസ്സ് 14 കിലോമീറ്റര്‍ താണ്ടിയതിന്‍റെ വിശ്വല്‍സാണ് ഇതൊക്കെ . ഈ റൂട്ടില്‍ നിന്നും നാം മനസ്സിലാക്കേണ്ടത് ബസ്സ് ചെന്ന് എത്തിപ്പെടുന്നത് നക്സല്‍ബാരിയിലേക്കാണ്. കുട്ടികള്‍ക്ക് പകരം അവര്‍ എന്താണ് ആവശ്യപ്പെടുന്നത് എന്നുള്ളത് ഇപ്പഴും അജ്ഞാതമാണ് . എങ്കിലും ഒരു കണ്‍ക്ലൂഷനില്‍ എന്‍റെ ടീം എത്തിയിരിക്കുകയാണ്.. രണ്ടു മാസങ്ങള്‍ക്ക് മുമ്പ് മാവോയിസ്റ്റ് ഗണത്തില്‍പ്പെട്ട പത്തുപേരെ പോലീസ് അറസ്റ്റ് ചെയ്യുകയുണ്ടായി. കൊല്‍ക്കത്തയില്‍ നടത്തിയ ബോംബ് സ്ഫോടനത്തിന്‍റെ പ്രതികളായിരുന്നു ഈ പത്തുപേര്‍ . അറസ്റ്റു ചെയ്യപ്പെട്ട പത്തുപേരില്‍ നേതാവും ഉണ്ടായിരുന്നു . ലക്ഷ്മന്‍ ദാസ് എന്ന സിലിഗുരിക്കാരന്‍ ആയിരുന്നു ഈ പത്തംഗ സംഘത്തിന്‍റെ നേതാവ് . ഇയാളെ മോചിതനാക്കണമെന്നായിരിക്കും ഇപ്പോള്‍ അവരുടെ ആവശ്യം . ഞാന്‍ ഒരു ഊഹം പറഞ്ഞു എന്നു മാത്രം . എഴുത്തിയഞ്ച് ശതമാനം ആ ഊഹം ഉറപ്പിക്കാവുന്നതാണ് ." "ബാക്കി ഇരുപത്തിയഞ്ച് ശതമാനം..?? സംശയത്തോടെ മന്ത്രി ചോദിച്ചു . "അത് ഇപ്പോഴും അജ്ഞാതമാണ് സര്‍.." ഡിജിപി തല താഴ്ത്തി പറഞ്ഞു . "ശരി, താങ്കള്‍ തന്നെയല്ലേ ബസ്സ് പോയിരിക്കുന്നത് നെക്സല്‍ബാരിയിലേക്ക് ആണെന്ന് പറഞ്ഞത് . എന്നിട്ടെന്താ താങ്കള്‍ ആക്ഷന്‍ എടുക്കാത്തത് ??" "അത് .. സര്‍ .." "ആന്‍സര്‍ മീ !!" "സര്‍, ഒരു ആക്രമണത്തോടെ കോളേജ് വിദ്യാര്‍ത്ഥിനികളെ രക്ഷിക്കാന്‍ ആവുമെന്ന് എനിക്ക് തോന്നുന്നില്ല ." "പിന്നെ എന്തു ചെയ്യണം??!!" "നമുക്ക് വ്യക്തമായ ഒരു പ്ലാനിംഗ് വേണം .." "ശരി, അങ്ങനെയൊരു പ്ലാന്‍ നിങ്ങള്‍ നടത്തണം ." "സര്‍, പെട്ടെന്ന് ഇങ്ങനെയൊരു പ്ലാന്‍ ചെയ്യാനും ആക്രമണം നടത്താനും പോലീസ് ഡിപ്പാര്‍ട്ട്മെന്‍റിന് കഴിയില്ല.." "എന്തുകൊണ്ട് ??" "സര്‍, അവര്‍ എത്രപേര്‍ ഉണ്ടെന്ന് നമുക്കിപ്പഴും വ്യക്തമല്ല . മാത്രമല്ല ദെയ് ആര്‍ വെല്‍ ട്രെയിന്‍ഡ് . എവിടെ നിന്നും ആക്രമണം പ്രതീക്ഷിക്കാം. അപ്പോൾ നമ്മുടെ ഭാഗത്തു നിന്നും വെൽ ട്രെയിൻഡ് ആയ ഒരാളെയാണ് നമുക്കാവശ്യം." "അപ്പോള്‍ ഒരു ഓപ്പറേഷന് താങ്കളുടെ ഡിപ്പാര്‍ട്ട്മെന്‍റില്‍ ആളില്ലെന്നാണോ പറഞ്ഞു വരുന്നത് മിസ്റ്റര്‍ ഡിജിപി ?!" സത്യ റാവുവിന്‍റെ തല താഴ്ന്നു . "ഛേ!! നാണക്കേട്..." മന്ത്രി തലയില്‍ കൈ വച്ചു . "ഒരാളുണ്ട് സര്‍........." ശബ്ദം വന്നിടത്തേക്ക് ഡിജിപിയും മന്ത്രിയും മറ്റെല്ലാവരും നോക്കി . കൈ പൊക്കി അഭിപ്രായം പറയാന്‍ തുടങ്ങുന്ന കമ്മീഷണര്‍ ഹരീന്ദറില്‍ ആ നോട്ടം എത്തിച്ചേര്‍ന്നു . "ഈ ഓപ്പറേഷന്‍ ഏറ്റെടുക്കാന്‍ പാകത്തിലുള്ള ഒരാൾ എന്റെ അറിവിലുണ്ട് സര്‍..." ഹരീന്ദര്‍ അഭിപ്രായപ്പെട്ടു . "ആര് ?! ആരാണ് ആ വ്യക്തി ?!" മന്ത്രി തന്‍റെ ആകാംക്ഷയോടെ ചോദിച്ചു . "THE BRILLIANT OFFICER..., എതിരാളികള്‍ ആരെന്ന് നോക്കാതെ, ഏല്‍പ്പിച്ച ഏത് ദൗത്യവും ധൈര്യപൂര്‍വ്വം ഏറ്റെടുത്ത് തീര്‍പ്പാക്കുന്ന വ്യക്തി, ശത്രു സൈന്യത്തില്‍ കയറി മിന്നലോളം വേഗതയില്‍ തിരിച്ചടിക്കാന്‍ കഴിവും ത്രാണിയുമുള്ള വ്യക്തി , ബുദ്ധി സാമര്‍ത്ഥ്യത്തിലും സൂക്ഷമതയിലും നമ്മളൊക്കെ റോള്‍ മോഡലായി കാണേണ്ട വ്യക്തി.. വണ്‍ ആന്‍ഡ് ഒണ്‍ലി മിസ്റ്റര്‍ കരണ്‍ ആണ് സര്‍ ആ ഹീറോ.. 𝗖𝗼𝗺𝗽𝗹𝗲𝘁𝗲𝗹𝘆 𝗛𝗲 𝗜𝘀 𝗧𝗵𝗲 𝗢𝗡𝗘 𝗠𝗔𝗡 𝗔𝗥𝗠𝗬.." ആ നാമം കേട്ടതും മന്ത്രിയും ഡിജിപിയും അടക്കം എല്ലാവരും പരസ്പരം നോക്കി . "മിസ്റ്റര്‍ ഹരീന്ദര്‍ അദ്ദേഹം ഒരു സ്പൈ ഇന്‍റലിജന്‍റാണ് . ഈ മതില്‍ക്കെട്ടിനകത്തുള്ള നമുക്കല്ലാതെ അദ്ധേഹത്തിന്‍റെ ഐഡന്‍റിറ്റി പൊതുജനങ്ങള്‍ക്ക് ആർക്കുമറിയില്ല.." ഡിജിപി പറഞ്ഞു. "അറിയാം സര്‍, ബട്ട് ഈ മിഷന്‍ ഏറ്റെടുക്കാന്‍ കരണിനോളം യോഗ്യതയുള്ളയാളെ എന്റെ അറിവിലില്ല.." "താങ്കള്‍ക്കെങ്ങനെ അയാളെ കുറിച്ചറിയാം ??" മന്ത്രിയുടെ ചോദ്യത്തിന് ഹരീന്ദര്‍ ഒന്നു മന്ദഹസിച്ചു . "ഐപിഎസ് ട്രെയിനിംഗിന്‍റെ ഭാഗമായി എനിക്ക് നാല്‍പ്പത്തിയഞ്ച് നാള്‍ സിംലയില്‍ നില്‍ക്കേണ്ടതായി വന്നു . അന്ന് ഞങ്ങള്‍ക്ക് ട്രെയിനിംഗ് തന്ന കമാന്‍ഡര്‍ യാഷ് ചന്ദ്രയില്‍ നിന്നും കരണിന്‍റെ വീര കഥകള്‍ അറിയാന്‍ കഴിഞ്ഞു. അദ്ദേഹം അണ്ടര്‍ കവര്‍ ഓപ്പറേഷന്‍സിന്‍റെ ഭാഗമായി റോ ഡിപ്പാര്‍ട്ട്മെന്‍റിലേക്ക് ചാര്‍ജ്ജ് എടുത്തതായും എനിക്ക് അറിയാന്‍ സാധിച്ചു.. പക്ഷേ കരണ്‍ എന്ന ധീര വ്യക്തിയെ , അത്രയും ബുദ്ധി സാമര്‍ത്ഥ്യമുള്ള വ്യക്തിയെ നേരില്‍ കാണണമെന്ന് ഞങ്ങളില്‍ ചിലരുടെ മനസ്സില്‍ അതിയായ ആഗ്രഹം പൊട്ടി മുളച്ചു . ആ ആഗ്രഹം ദൈവം കേട്ടത് കൊണ്ടോ എന്തോ, ട്രെയിനിംഗ് പിരീഡ് കഴിയാന്‍ രണ്ട് നാള്‍ ബാക്കി നില്‍ക്കെ അദ്ധേഹം ഞങ്ങളെ ക്യാമ്പില്‍ വന്നു കാണുകയായിരുന്നു . ഒരുപാട് നേരം അദ്ധേഹം ഞങ്ങളോടൊപ്പം സമയം ചിലവഴിച്ചു.. ഏത് മിഷനും ഏറ്റെടുക്കുമ്പോഴും സ്വയ ചിന്തയെ കാറ്റില്‍ പറത്തി, നമുക്ക് പിന്നില്‍ നമ്മളില്‍ പ്രതീക്ഷ വെക്കുന്ന ഒരായിരം ജനങ്ങളുണ്ടെന്ന ബോധം എന്നും ഉണ്ടാവുക . എങ്കില്‍ എത്ര കഷ്ടതയാര്‍ന്ന മിഷനും നിഷ്പ്രയാസ്സം നമുക്ക് വിജയം കൈവരിക്കാനാവും. കോമ്പ്രമൈസ് എന്നും എപ്പോഴും നാടിനും ജനങ്ങളോടും മാത്രം, ശത്രുക്കളോടാവരുത് . ന്യായമല്ലാത്ത ഒരു കാര്യത്തിലും ശത്രുക്കളോടും സ്വന്തം മനസ്സാക്ഷിയോടും കോമ്പ്രമൈസില്‍ എത്തരുത് .. കരണിന്‍റെ അന്നത്തെ വാക്കുകള്‍ ഇന്നും എന്‍റെ കാതുകളിലുണ്ട് സര്‍ .." ഹരീന്ദര്‍ പറഞ്ഞു നിര്‍ത്തി . "ഉം . ശരി , കരണിനെ ഈ ദൗത്യത്തിലേക്ക് നിയോഗിക്കാൻ കേന്ദ്രത്തില്‍ നിന്നും പ്രത്യേക പെര്‍മിഷന്‍ വേണം . മാത്രമല്ല അദ്ധേഹം എവിടെയാണെന്നുള്ളത് അദ്ധേഹത്തിനും ദൈവത്തിനും മാത്രമേ അറിവുള്ളൂ ." "മൂന്നാമതൊരാള്‍ക്ക് അറിയാം സര്‍ .." "ആര്‍ക്ക് ?!" "നിലവില്‍ അദ്ധേഹത്തിന്‍റെ ബോസ്സ് മിസ്റ്റര്‍ പട്ടേല്‍ സാബിന് ..." ഹരീന്ദറിന്‍റെ വാക്കുകള്‍ കേട്ട് മന്ത്രി അഭയ് മല്‍ഹോത്ര അല്‍പ്പ നേരത്തെ ആലോചനയില്‍ പൂണ്ടു. ********************************************************************************** ••••••ജാര്‍ഖണ്ഡ് ഷൂട്ടിങ് ട്രെയിനിംഗ്••••••• ഠേ! ഠേ! ഠേ! തന്‍റെ ലക്ഷ്യസ്ഥാനത്ത് നിറയൊഴിക്കുകയായിരുന്നു കരണ്‍ . ആദ്യ ആറ് റൗണ്ട് കഴിഞ്ഞതും പത്തു മീറ്റര്‍ അകലെ വച്ചിരിക്കുന്ന മനുഷ്യ രൂപ ബൊമ്മ യന്ത്രത്തിന്‍റെ സഹായത്താല്‍ കരണിനടുത്തേക്ക് നീങ്ങിയെത്തി . 'ക്ലിയര്‍ ഹെഡ് ഷോട്ട് .' കരണ്‍ ആത്മഗതം പറഞ്ഞ് നടന്നു . ടേബിളില്‍ വച്ചിരിക്കുന്ന ഹോട്ട് കോഫി കപ്പ് ചുണ്ടില്‍ അടുപ്പിക്കവേ ഒരു ഉദ്യോഗസ്ഥന്‍ കരണിനടുത്ത് വന്ന് സല്യൂട്ട് ചെയ്തു : "സാബ് എ മെയില്‍ ഫോര്‍ യൂ .." കൈയ്യിലുള്ള ലെറ്റര്‍ നിട്ടി അറ്റന്‍ഷനായി ശ്വാസം പിടിച്ചു നിര്‍ത്തിയെന്ന പോലെ നിന്ന് അയാള്‍ പറഞ്ഞു . "ഫ്രം ?!" കോഫി അല്‍പ്പം നുണഞ്ഞ് കരണ്‍ ചോദിച്ചു . "ഫ്രം കൊല്‍ക്കത്ത സാബ് ." അയാള്‍ പറഞ്ഞു . "എനി അര്‍ജെന്‍റ് ?!" "ഐ ഡോണ്‍ഡ് നോ സാബ് ." "ഉം.. യു മേയ് ഗോ .." കരണിന്‍റെ അനുവാദം കിട്ടിയതും അയാള്‍ സെല്യൂട്ട് ചെയ്ത് തിരിഞ്ഞു നടന്നു . തനിക്ക് കിട്ടിയ ലെറ്റര്‍ കരണ്‍ തുറന്നു നോക്കി വായിച്ചു തീര്‍ന്നതും അവന്റെ ഫോണ്‍ ശബ്ദിച്ചു . ടേബിളില്‍ വച്ചിരുന്ന ഫോണ്‍ കരണ്‍ അറ്റന്‍ഡ് ചെയ്ത് ചെവിയിൽ ചേർത്തു : "ഹലോ ?!" "ഉം .. കരണ്‍ .." (പട്ടേല്‍) "യെസ് സര്‍ .." "ആ മെയില്‍ താന്‍ വായിച്ചല്ലോ അല്ലേ ?!" "യെസ് ." "ഉം .. കേന്ദ്രത്തില്‍ നിന്നും പ്രത്യേക പെര്‍മിഷന്‍ വാങ്ങിയാണ് തന്നോട് ഇതില്‍ കമാന്‍ഡ് ചെയ്യാന്‍ തീരുമാനിച്ചത് . ഇത് താന്‍ കരുതുന്നതു പോലെ സാധാരണ മിഷന്‍ അല്ല കരണ്‍ . തനിക്ക് പറ്റില്ലെന്നു പറഞ്ഞാല്‍ കേന്ദ്ര മന്ത്രിയോട് ഈ മിഷനില്‍ നിന്നും തന്നെ പിന്‍മാറ്റണമെന്ന് ഞാന്‍ സംസാരിച്ചോളാം ." "എന്തിന് സര്‍ ??" "കരണ്‍ ഇത് വലിയ റിസ്കാണ് . സ്വന്തം ജീവന്‍ തന്നെ അപകടത്തിലാവാന്‍ വളരെയധികം സാധ്യത കൂടുതലാണ് . മാത്രമല്ല അതിനിടയിലൂടെ ആ പതിനഞ്ച് വിദ്യാര്‍ത്ഥിനികളെ രക്ഷിക്കുകയും വേണം ." "സര്‍, സറിന് ഉറപ്പുണ്ടോ, ഇങ്ങനെയൊക്ക സംസാരിച്ചാല്‍ ഞാന്‍ പിന്മാറുമെന്ന് ??" "ഒരിക്കലുമില്ല ." "പിന്നെയെന്തിനാണ് സര്‍ ഇങ്ങനെയൊരു സംസാരം ?!" "ബട്ട് കരണ്‍ .." "ദേര്‍ ഇസ് എ നോ 'ബട്ട്' സര്‍.. ഞാന്‍ തിരിച്ചടിക്കാന്‍ പോകുന്നത് എന്നെ പോലെ തന്നെ മജ്ജയും മാംസവും ചോരയുമൊക്കെയുള്ള മനുഷ്യരെ തന്നെയാണ് . അല്ലാതെ ഏലിയന്‍സിനെയല്ല . എനിക്ക് എത്രത്തോളം വേദനിക്കുമോ , അത്രത്തോളം തന്നെ അവര്‍ക്കും വേദനിക്കും എന്നതാണ് ഇതിലേക്ക് നയിക്കുന്ന എന്‍റെ മോട്ടീവ്. സോ ഈ മിഷന്‍ ഞാന്‍ ഏറ്റെടുത്തിരിക്കുകയാണ് സര്‍ . ആ പെണ്‍കുട്ടികളെ എല്ലാവരെയും ഞാൻ രക്ഷിച്ചിരിക്കും . അതിന് എനിക്ക് സാധിച്ചില്ലെങ്കില്‍ അതിനര്‍ത്ഥം ഞാന്‍ ജീവനോടെയില്ല എന്നു തന്നെയാണ് .." എന്തു പറഞ്ഞും കരണിനെ പിന്തിരിപ്പിക്കാന്‍ സാധിക്കില്ലെന്ന് പട്ടേല്‍ വീണ്ടും വീണ്ടും മനസ്സിലാക്കുകയായിരുന്നു . "ഓക്കെ കരണ്‍, തന്നോട് പറഞ്ഞു ജയിക്കാന്‍ എനിക്കാവില്ല . ഒരു മണിക്കൂറിനുള്ളില്‍ താന്‍ ഫ്ലൈറ്റ് കയറണം . കേസിന്‍റെ വിശദ വിവരങ്ങള്‍ തന്‍റെ ഫോണിലേക്ക് മെസ്സേജ് ചെയ്തിട്ടുണ്ട് . ഏറ്റെടുത്ത എല്ലാ മിഷനും വിജയിപ്പിച്ചതു പോലെ ഈ മിഷനും വിജയക്കൊടി പാറിക്കട്ടേ എന്ന് ഞാന്‍ ആശംസിക്കുന്നു ." "താങ്ക്യു സര്‍ . ജയ്ഹിന്ദ് .." "ജയ്ഹിന്ദ്..." ********************************************************************************** കൂച്ച് ബെഹറില്‍ കരണിനെ സ്വാഗതം ചെയ്തത് ഹരീന്ദര്‍ ആയിരുന്നു . ഇരുവരും കാറില്‍ തങ്ങളുടെ രഹസ്യ സങ്കേതത്തില്‍ വച്ചു പിടിപ്പിച്ചു . "സറിന് എന്നെ ഓര്‍മ്മയുണ്ടോ...??" എത്തിയപാടെ ഹരീന്ദര്‍ ചോദിച്ചതും കരണ്‍ അയാളെ ഒന്നു അടിമുടിയൊന്ന് നോക്കി . "ഐപിഎസ്സ് ട്രെയിനിംഗിന്‍റെ ഭാഗമായി സിംലയില്‍ വച്ച് സറിനെ ഞാന്‍ കണ്ടിട്ടുണ്ട് ." "എനിക്ക് അതൊന്നും ഓര്‍മ്മയില്ല.." അൽപ്പം ജാഡയിൽ മുഖത്തടിച്ച പോലെ മറുപടി കൊടുത്ത് കരണ്‍ പുറത്തെ കാഴ്ചകളിലേക്ക് കണ്ണോടിച്ചു. ഹരീന്ദർ നിശബ്ദമായി. ********************************************************************************** പോലീസ് മേധാവികളും ആഭ്യന്തര മന്ത്രിയോടുമായുള്ള കരണിന്‍റെ ചര്‍ച്ചയും നിലപാടും . "ഇപ്പോള്‍ ഏകദേശം പത്തുമണിക്കൂര്‍ ആയിരിക്കുന്നു വിദ്യാര്‍ത്ഥിനികളെ തട്ടി കൊണ്ടു പോയിട്ട്. നക്സൽബാരിയിലേക്കാണ് ബസ് പോയിരിക്കുന്നതെന്ന പോലീസിന്റെ ആദ്യ നിഗമനം തെറ്റായിരുന്നു . ഹൈജാക്ക് ചെയ്യപ്പെട്ട ബസ്സ് ജല്‍പൈഗുരിയിലെ കാട്ടിലേക്കാണ് നീങ്ങിയിരിക്കുന്നതെന്ന് പോലീസ് ഡിപ്പാര്‍ട്ട്മെന്‍റിനു ഇപ്പോൾ കിട്ടിയിരിക്കുന്ന തെളിവിന്‍റെ അടിസ്ഥാനത്തിലും ക്യാമറ വിശ്വല്‍സിലും നമുക്ക് അനുമാനിക്കാം.." കരണ്‍ പ്രജക്ടറിന്‍റെ വിശ്വല്‍സിലേക്ക് നീങ്ങി . "ലക്ഷമണ്‍ ദാസിനെ വിട്ട് കിട്ടുക എന്ന നാടകീയ ഡിമാന്‍റ് നമുക്ക് മുന്നില്‍ നീട്ടി, നാട്ടിലെ ക്രമസമാധാനം നഷ്ടപ്പെടുത്തുക എന്ന ലക്ഷ്യമാണ് ഈ സംഘത്തിലുള്ളത് . ദെയ് ആര്‍ നോട്ട് എ മാവോയിസ്റ്റ് ടീം , ദെയ് ആര്‍ എ ടെററിസ്റ്റ് ആല്‍സോ ." "അതെങ്ങനെ നമുക്ക് ഉറപ്പിക്കാനാവും സര്‍ ?!" കൂട്ടത്തിലെ മുതിര്‍ന്ന ഉദ്യോഗസ്ഥന്‍ കൈ പൊക്കി ചോദിച്ചു . "കാരണം എന്‍റെ ഡിപ്പാര്‍ട്ട്മെന്‍റിന് കിട്ടിയ രഹസ്യ വിവരം അനുസരിച്ച് മാവോയിസ്റ്റില്‍ നിന്നും അങ്ങനെയൊരു നീക്കം നടക്കുന്നതായി അറിവ് ലഭിച്ചിട്ടില്ല . ഇത് ജനങ്ങളെ തമ്മിലടിപ്പിക്കാനും വര്‍ഗ്ഗീയതയിലൂടെ ആയിരങ്ങളെ കൊന്നൊടുക്കുന്നതിന്‍റേയും ആദ്യ പടിയാണ്... ജല്‍പൈഗുരിയിലെ ശക്തമായ സങ്കേതത്തിലാണ് ഈ വിദ്യാര്‍ത്ഥിനികള്‍ എത്തിപ്പെട്ടേക്കുന്നത് . ഇവിടെ നിന്നും, അതായത് കൂച്ച് ബെഹറയില്‍ നിന്നും 113 കിലോമീറ്റര്‍ താണ്ടി ജല്‍പൈഗുരിയിലേക്ക് അവര്‍ നിഷ്പ്രയാസ്സം എത്തണമെങ്കില്‍ തീര്‍ച്ചയായും അത് പോലീസ് ഡിപ്പാര്‍ട്ട്മെന്‍റിന്‍റെ പിടിപ്പ് കേട് തന്നെയാണ് .." ആഭ്യന്തര മന്ത്രിയുടേയും ഡിജിപിയുടേയും തല താഴ്ന്നു . "ഇനിയെന്താ നമ്മുടെ പ്ലാന്‍ ??" മന്ത്രി ചോദിച്ചു . കരണ്‍ ദീര്‍ഘമായി ഒന്നു ശ്വസിച്ചു. "പെട്ടന്നങ്ങ് കേറി അറ്റാക്ക് ചെയ്യാന്‍ നമുക്ക് സാധിക്കില്ല . കാരണം പെണ്‍കുട്ടികളുടെ ജീവന് ആപത്തൊന്നും വരാത്ത രീതിയിലായിരിക്കണം നമ്മുടെ അറ്റാക്ക് . ശത്രുക്കള്‍ അത്രയേറെ ശക്തരാണ് ." കരണ്‍ ജല്‍പൈഗുരിയിലെ കാടുകളുടെ വിശ്വല്‍സ് കാണിച്ചു കൊടുത്തു . "കുഴി ബോംബ് അടക്കം മറ്റു പലതും നമുക്കിവിടെ പ്രതീക്ഷിക്കാം . ശത്രുക്കള്‍ എത്ര പേര്‍ ഉണ്ടെന്ന് നമുക്ക് കൃത്യമായി കണക്കില്ല . നമ്മള്‍ പ്രതീക്ഷിക്കുന്നതിനേക്കാള്‍ രണ്ടിരട്ടിയോ അതിലധികമോ അവര്‍ ഉണ്ടാകും . അതുകൊണ്ട് ഒരു മിന്നല്‍ ആക്രമണം മണ്ടത്തരമാണ് ." "പിന്നെ ??" ഡിജിപി ചോദിച്ചു . ആ ചോദ്യത്തിന് കരണിന്‍റെ ചുണ്ടില്‍ ഒരു നേർത്ത പുഞ്ചിരി വിടര്‍ന്നു : "നമുക്ക് ഇപ്പോള്‍ ആവശ്യം ഒരു ഒറ്റുകാരനെയാണ് ." "ഒറ്റുകാരനെയോ ?! വാട്ട് യൂ മീന്‍ ?!" മന്ത്രിയുടെ നെറ്റി ചുളിച്ചു . "അതെ ഒറ്റുകാരനെ , ജല്‍പൈഗുരി കാട്ടിലെ ആദിവാസി. ഈ സങ്കേതത്തിന്‍റെ എല്ലാ വിവരവും അറിയാവുന്ന ഒരാള്‍ . കാരണം അയാളിലൂടെ ആയിരിക്കണം നമുക്ക് ആ സങ്കേതത്തിലേക്ക് നുഴഞ്ഞു കയറേണ്ടത് . ചുരുക്കി പറഞ്ഞാല്‍ ഈ വ്യക്തിയാകണം അങ്ങോട്ടുള്ള നമ്മുടെ വഴികാട്ടി .." "പെട്ടെന്ന് അങ്ങനെയൊരു വ്യക്തിയെ നമുക്ക് കണ്ടെത്താനാവുമോ ?!" ഡിജിപിയുടെ സംശയം . "കണ്ടെത്തണം സര്‍ , എത്രയും പെട്ടെന്ന് കണ്ടെത്തണം . അങ്ങനെയൊരു ഒറ്റുകാരനെ കിട്ടിയെങ്കില്‍ മാത്രമേ ഈ പ്ലാനിലേക്ക് നമുക്ക് എത്തി നില്‍ക്കാന്‍ സാധിക്കൂ . അയാളെ കിട്ടിയെങ്കില്‍ മാത്രമേ വിദ്യാര്‍ത്ഥിനികളുടെ ജീവന് തന്നെ നമുക്കൊരു ഉറപ്പ് വരുത്താന്‍ പറ്റൂ .." "ഇതല്ലാതെ മറ്റു വഴികള്‍ ഒന്നുമില്ലേ മിസ്റ്റര്‍ കരണ്‍ ??" മന്ത്രി ചോദിച്ചു . "നോ സര്‍, ഇതല്ലാതെ മറ്റു വഴികള്‍ ഞാന്‍ കാണുന്നില്ല . കാരണം ഈ ശത്രുക്കളെ തുരത്തല്‍ മാത്രമാണ് നമ്മുടെ ലക്ഷ്യമെങ്കില്‍ ഒരു ബോംബില്‍ നമുക്കെല്ലാം തീര്‍ക്കാം . ബട്ട് ഇവിടെ ഈ കേസില്‍ അങ്ങനെയല്ലല്ലോ, ശത്രുക്കളെ തറപറ്റിക്കുകയും വേണം, ഒപ്പം പെണ്‍കുട്ടികളെ രക്ഷിക്കുകയും വേണം .. ശത്രു സങ്കേതത്തില്‍ നുഴഞ്ഞു കയറാന്‍ നമുക്കൊരു ഒറ്റുകാരന്‍ മസ്റ്റാണ് സര്‍ . മാത്രമല്ല ലക്ഷമണ്‍ ദാസിന്‍റെ കാര്യത്തില്‍ നമ്മള്‍ ഒരു വലിച്ചു നീട്ടല്‍ കൊടുക്കണം . അവര്‍ക്ക് സംശയം വരാത്ത പാകത്തില്‍ അത് നമ്മള്‍ ചലിപ്പിക്കുകയും വേണം ." "അങ്ങനെ ഒരാളെ കിട്ടിയില്ലെങ്കിലോ ??" "ഹ.. സര്‍ വീണ്ടും വീണ്ടും അതു തന്നെ പറയുന്നു . അങ്ങനെ ഒരാളെ കിട്ടിയില്ലെങ്കില്‍ നമ്മള്‍ ഒരു രഹസ്യ ഡിമാന്‍റ് വെക്കുന്നു . പോലീസ് ഡിപ്പാര്‍ട്ട്മെന്‍റിനെ ഈ കാര്യത്തില്‍ സഹായിക്കുന്ന വ്യക്തിക്കും അയാളുടെ കുടുംബത്തിനും യാതൊരു വിധ ബുദ്ധിമുട്ട് ആരെക്കൊണ്ടും പിന്നീട് ഉണ്ടാവില്ലെന്നും, ഈ വ്യക്തിക്കും കുടുംബത്തിലെ മറ്റു രണ്ട് പേര്‍ക്കും സര്‍ക്കാര്‍ ജോലി കൊടുക്കുമെന്നും, കാട് ജീവിതം അവസാനിപ്പിച്ച് ടൗണില്‍ ജീവിക്കാനുള്ള സൗകര്യം കൊടുക്കുമെന്നും അയാള്‍ക്ക് ഉറപ്പ് കൊടുക്കണം ." "ഹോ!! അത്രയൊക്കെ വേണോ മിസ്റ്റര്‍ കരണ്‍ ?!" "വേണം സര്‍, കുറേയൊക്കെ ജനങ്ങളെ ഊറ്റിയെടുത്തതല്ലേ ? അപ്പോൾ ഇതൊരു നഷ്ടമാവില്ല ഒരിക്കലും. കപ്പയും ചെടിത്തണ്ടും തിന്ന് അര പട്ടിണി കിടക്കുന്ന ഏതെങ്കിലും ഒരു ആദിവാസി ഈ ഓഫര്‍ കേട്ടാല്‍ മുന്നോട്ട് വരാതിരിക്കില്ല... പക്ഷേ കാര്യം കഴിഞ്ഞ് അവസാനം നിങ്ങള്‍ മന്ത്രിമാരുടെ തനി സ്വഭാവം കാണിക്കരുത് . അവന് കൊടുത്ത വാക്ക് എത്രയും പെട്ടെന്ന് പാലിച്ചിരിക്കണം . സര്‍ക്കാരിന്‍റെ എല്ലാ ആനുകൂല്യങ്ങളും അയാള്‍ക്ക് കിട്ടുകയും വേണം.." അത്രയും പറഞ്ഞ് കരണ്‍ നിര്‍ത്തി . ആഭ്യന്തര മന്ത്രി ഡിജിപിയുടെ മുഖത്തു നോക്കി . ഉം .. മനസ്സിലായെന്ന പോലെ ഡിജിപി ശിരസ്സനക്കി.. "𝐃𝐞𝐚𝐫 𝐓𝐫𝐚𝐢𝐭𝐨𝐫 𝐈 𝐚𝐦 𝐖𝐚𝐢𝐭𝐢𝐧𝐠 𝐅𝐨𝐫 𝐘𝐨𝐮...." നെഞ്ചിനു താഴെ കൈ കെട്ടി കരണ്‍ ആത്മഗതം പറഞ്ഞു. ((തുടരും)) രചന : കണ്ണൂർകാരൻ ❤️❤️❤️❤️ #📚 ട്വിസ്റ്റ് കഥകൾ #💞 പ്രണയകഥകൾ #📔 കഥ #✍ തുടർക്കഥ #📙 നോവൽ