ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6alNnn5w?d=n&ui=v64j8rk&e1= Part... 39.. ഹരി സമദ് കാണിച്ചു കൊടുത്ത ഫോട്ടോ നോക്കി കൊണ്ടു പറഞ്ഞു.. ആളെ കണ്ടിട്ട് ഒരു പാവത്താൻ ആണെന്ന് തോന്നുമല്ലോ.. ഇവനുമായി എങ്ങനെ ആണ് നിനക്ക് കമ്പനി.. സമദ് ഫോൺ എടുത്തു വെച്ച് കൊണ്ടു ഒന്ന് ചിരിച്ചു.. പിന്നെ ഹരിയെ നോക്കി കൊണ്ടു പറഞ്ഞു.. ഒന്ന് രണ്ടു വർഷം മുൻപ് നടന്ന ഒരു സംഭവം ആണ്.. ഞാൻ പെരുമ്പാവൂർ ഉള്ള എന്റെ ഒരു കൂട്ടുകാരന്റെ അടുത്ത് പോയിട്ട്. തിരിച്ചു കോതമംഗലം വഴി വരുന്ന സമയം എന്റെ കാർ എന്തോ സംഭവിച്ചു വഴിയിൽ ആയി പോയി.. എനിക്കു ആണെങ്കിൽ ആരെയും പരിചയം ഇല്ല.. അങ്ങനെ കാറിന്റെ പുറത്തു ഇറങ്ങി അടുത്തുള്ള ഒരു കടയിൽ കയറി വർക്ക്ഷോപ്പ് എങ്ങാനും അടുത്ത് ഉണ്ടോ എന്ന് അന്വേഷിച്ചു.. സമയം രാത്രി പത്തു മണി കഴിഞ്ഞു ഒള്ളു എങ്കിലും അയാൾ പറഞ്ഞു മിക്കവാറും എല്ലാവരും പോയിട്ടുണ്ടാകും എന്ന്.. അതോടെ എനിക്കു ആകെ ടെൻഷൻ ആയി.. അങ്ങോട്ട് ഇനി ബസും ഇല്ല.. എന്റെ അവസ്ഥ കണ്ടു കടക്കാരൻ ഒരു നമ്പർ തന്നിട്ട് പറഞ്ഞു.. ഈ നമ്പറിൽ ഒന്ന് വിളിച്ചു നോക്ക് ഫോൺ എടുത്താൽ രക്ഷപ്പെട്ടു.. ബാക്കി അവൻ നോക്കിക്കൊള്ളും.. ഞാൻ നമ്പർ വാങ്ങി.. പിന്നെ കുറച്ചു നീങ്ങി നിന്നു ഫോൺ ചെയ്തു.. ഒന്നോ രണ്ടോ റിങ് കഴിഞ്ഞു ഫോൺ എടുത്തു ഒരാൾ.. ഹലോ ആരാണ്.. അങ്ങേ തലക്കൽ നിന്ന് ഒരു ചോദ്യം കേട്ടു.. ഞാൻ എന്റെ അവസ്ഥ പറഞ്ഞു.. സഹായിക്കണം എന്ന് പറഞ്ഞു തീരും മുൻപ് ഫോൺ കട്ട് ആയി.. പിന്നെ എത്ര വിളിച്ചിട്ടും അയാൾ ഫോൺ എടുത്തില്ല. ഞാൻ വീണ്ടും കാറിന്റെ സമീപത്ത് വന്നു നിന്നു.. കുറച്ചു കഴിഞ്ഞു ഒരു ബൈക്കിൽ രണ്ടു പേർ എന്റെ അടുത്ത് വന്നു നിന്നു.. ബൈക്ക് ഓടിച്ചിരുന്ന ആൾ എന്റെ അടുത്ത് വന്നു കൊണ്ടു പറഞ്ഞു.. ഇവനെ വിളിക്കാൻ പോയത് ആണ്.. അത് കൊണ്ടു ആണ് പിന്നെ ഫോൺ എടുക്കാഞ്ഞത് കേട്ടോ.. ഞാൻ ആശ്വാസത്തോടെ ഒന്ന് ചിരിച്ചു.. അയാളുടെ കൂടെ വന്ന ആൾ വർക്ക്‌ ഷോപ്പ് ജീവനക്കാരൻ ആയിരുന്നു.. അയാൾ കാർ നോക്കുന്ന സമയം ആ ചെറുപ്പക്കാരൻ എന്നെയും കൂട്ടി തട്ടുകടയിലേക്ക് പോയി.. ഓരോ കട്ടൻ ഒക്കെ അടിച്ചു ഞങ്ങൾ സംസാരിച്ചു ഇരുന്നു.. കുറച്ചു കഴിഞ്ഞു കാർ ok ആയെന്ന് അയാൾ വിളിച്ചു പറഞ്ഞു.. ഞങ്ങൾ കാറിന്റെ അടുത്തേക്ക് ചെന്നു.. ഞാൻ ആ ചെറുപ്പക്കാരനെ നോക്കി കൊണ്ടു ചോദിച്ചു.. നിങ്ങൾ ആരാണ് ഭായ്.. ഒരു പരിചയം പോലും ഇല്ലാത്ത എന്നെ സഹായിക്കാൻ ഓടി വന്നത്.. പേര് ചോദിക്കാനും മറന്നു... അയാൾ ഒന്ന് ചിരിച്ചു കൊണ്ടു പറഞ്ഞു.. എന്റെ പേര് ഉണ്ണികൃഷ്ണൻ എന്ന് ആണ്.. നിങ്ങൾക്ക് നമ്പർ തന്നത് എന്റെ കൂട്ടുകാരന്റെ അച്ഛൻ ആണ്.. ഈ ഏരിയയിൽ എന്തെങ്കിലും ബുദ്ധിമുട്ട് ആർക്കെങ്കിലും ഉണ്ടായാൽ ഞാൻ വരാറുണ്ട്.. അങ്ങനെ ആണ് വന്നത്.. ഞാൻ ഉണ്ണികൃഷ്ണന് കൈ കൊടുത്തു കൊണ്ടു പറഞ്ഞു.. എന്റെ പേര് സമദ് ഇബ്രാഹിം. ബാംഗ്ലൂർ ആണ് വർക്ക്‌.. അടിമാലിക്ക് മുൻപ് പത്താം മൈലിൽ ആണ് വീട്.. ഇടക്ക് കാണാം.. നമ്പർ ഞാൻ സേവ് ആക്കുന്നുണ്ട് ഇതിലെ പോകുമ്പോൾ വിളിക്കാം.. അന്ന് പരിചയപ്പെട്ടമുതൽ ആണ്.. ഇടക്ക് വിളിക്കും ഞങ്ങൾ. . ആൾ ചെറിയ കഥ ഒക്കെ എഴുതും. പിന്നെ പ്രായത്തിന്റെ കുറച്ചു കൂട്ടുക്കെട്ട് ഉണ്ട്.. മിക്കവാറും തല്ലിപ്പൊളി കൂട്ടുകാർ ആണ് അവനുള്ളത്.. ഹരി അത് കേട്ടപ്പോൾ പറഞ്ഞു.. കൊള്ളാലോ മുതൽ. നമ്മൾ വന്ന കാര്യത്തിന് ഇവൻ തന്നെ ആണ് ആപ്റ്റ്.. കാർ കോതമംഗലം എത്തി.. കോതമംഗലം പ്രൈവറ്റ് ബസ് സ്റ്റാൻഡിന്റെ മുകളിൽ ആയി ഉള്ള റവന്യു ടവറിന്റെ താഴെ കാർ ഒതുക്കി ഇട്ടു കൊണ്ടു സമദ് ഉണ്ണികൃഷ്ണനെ ഫോണിൽ വിളിച്ചു.. കൃഷ്ണാ ഞങ്ങൾ പ്രൈവറ്റ് ബസ് സ്റ്റാൻഡിന്റെ മുകളിൽ ഉണ്ട് കേട്ടോ.. സമദ് ഫോൺ ഓഫ് ചെയ്തു കൊണ്ടു പറഞ്ഞു.. ആൾ ഉടനെ എത്തും.. ഇവിടെ ഒരു മൊബൈൽ കടയിൽ ഉണ്ട് ആൾ.. ആൻ തീയേറ്ററിന്റെ അടുത്ത് ഉള്ള മൊബൈൽ പോയിന്റ് എന്ന കടയിൽ.. കുറച്ചു കഴിഞ്ഞു കാറിന് മുൻപിൽ ഒരു ബൈക്ക് വന്നു നിന്നു.. സമദ് ഹരിയോട് പറഞ്ഞു.. ദേ ഉണ്ണികൃഷ്ണൻ എത്തി കഴിഞ്ഞു.. ഹരി ബൈക്കിൽ നിന്ന് ഇറങ്ങിയ ചെറുപ്പക്കാരനെ സൂക്ഷിച്ചു നോക്കി.. ആറടിയിൽ കൂടുതൽ ഉയരം മുടി നീട്ടിയിട്ടുണ്ട്. മുഖത്ത് ഒരു ചിരിയോടെ കാറിന്റെ അടുത്തേക്ക് വന്ന ഉണ്ണികൃഷ്ണൻ പറഞ്ഞു.. സമദ് ഭായ്.. കുറച്ചു ആയല്ലോ കണ്ടിട്ട്.. പുറത്തേക്ക് ഇറങ്ങു ഓരോ ചായ കുടിച്ചു കൊണ്ടു ബാക്കി സംസാരം.. അങ്ങനെ അവർ ഹോട്ടൽ ശ്രീകൃഷ്ണയിൽ ഒഴിഞ്ഞ ഒരു സ്ഥലത്ത് ഇരുന്നു.. ഉണ്ണികൃഷ്ണൻ ചായ ഓർഡർ ചെയ്തു.. സമദ്. ഹരിയെ ഉണ്ണികൃഷ്ണന് പരിചയപ്പെടുത്തി.. ചായ വന്നു.. അവർ ചായ കുടിച്ചു കൊണ്ടിരിക്കുമ്പോൾ സമദ് കാര്യങ്ങൾ പറഞ്ഞു.. സോയ ബുക്ക് സ്റ്റോൾ ഒന്ന് കാണണം ഒരു ബുക്കിനെ കുറിച്ച് അറിയാൻ ആണെന്ന് പറഞ്ഞു.. ബാക്കി കാര്യങ്ങൾ എല്ലാം സമദ് മറച്ചു..ബുക്ക് ഏത് ആണെന്നും.. ആരാണ് എഴുതിയത് എന്നും... ഉണ്ണികൃഷ്ണൻ ഒന്ന് ആലോചിച്ചു കൊണ്ടു പറഞ്ഞു. സോയ ബുക്ക് സ്റ്റോൾ MA കോളേജിന് അടുത്ത് ആണ്..ഒരുപാട് ആളുകൾ നോവൽ ബുക്ക്സ് ആക്കി മാറ്റുന്ന സ്ഥലം ആണ്.. ഗോവിന്ദൻ മാഷിന്റെ ആണ് അത്.. നമുക്ക് അങ്ങോട്ട് പോകാം.. കാർ അവിടെ കിടക്കട്ടെ ഞാൻ ഒരു ഓട്ടോ വിളിക്കാം.. ചായ കുടിച്ചു കഴിഞ്ഞു. റോഡിലേക്ക് ഇറങ്ങി കൊണ്ടു ഉണ്ണികൃഷ്ണൻ ഒരു വിസിൽ അടിച്ചു.. ഓട്ടോ സ്റ്റാൻഡിൽ നിന്ന് ഒരു ഓട്ടോ അവരുടെ അടുത്തേക്ക് വന്നു.. ഓട്ടോയിൽ കയറി അവർ MA കോളേജിന്റെ സമീപത്തെക്ക് പോയി.. അവിടെ റോഡ് സൈഡിൽ തന്നെ ആയിരുന്നു സോയ ബുക്ക്സ്. ഓട്ടോയിൽ നിന്ന് ഇറങ്ങിയ ഉടനെ തന്നെ ഉണ്ണികൃഷ്ണൻ ഓട്ടോക്കാരനോട് പറഞ്ഞു.. നീ വിട്ടോ ഞാൻ വിളിക്കുമ്പോൾ വന്നാൽ മതി.. ഓട്ടോ അവിടെ നിന്ന് പോയ ഉടനെ ഉണ്ണികൃഷ്ണൻ അവരെ കൂട്ടി കൊണ്ടു സോയ ബുക്ക് സ്റ്റോളിലേക്ക് ചെന്നു.. അറുപതു വയസ്സ് പ്രായം തോന്നുന്ന ഒരാൾ അവിടെ ഉണ്ടായിരുന്നു.. ഉണ്ണികൃഷ്ണനെ കണ്ടപ്പോൾ അയാൾ ചിരിച്ചു കൊണ്ടു പറഞ്ഞു.. ആരിത് കൃഷ്ണനോ. എന്താടോ ഈ വഴി.. മാഷേ ഇത് എന്റെ കൂട്ടുകാർ ആണ്.. ഇവർക്ക് ഒരു കാര്യം അറിയാൻ ആണ്.. പെട്ടന്ന് പുറത്തു നിന്ന് ഒരാൾ അവിടേക്ക് വന്നു.. ആരാടാ കട്ടപ്പനയിൽ നിന്ന് വന്ന ടീം.. വന്ന ആൾ ഉറക്കെ ചോദിച്ചു.. ചോദ്യം കേട്ടപ്പോൾ ഉണ്ണികൃഷ്ണൻ തിരിഞ്ഞു നോക്കി.. ആരിത് ചാർളിയോ.. എന്താട കട്ടപ്പനയിൽ നിന്ന് നിന്റെ അമ്മാവന്മാർ ആരേലും ഇങ്ങോട്ട് കെട്ടി എടുത്തോ.. ഉണ്ണികൃഷ്ണനെ കണ്ടപ്പോൾ ചാർളി ഒന്ന് പരുങ്ങി കൊണ്ടു പറഞ്ഞു.. അളിയാ അത് പിന്നെ.. ചെറിയ ഒരു വർക്ക്‌ ആയിട്ട് വന്നത് ആണ്.. നമ്മുടെ സിബിചേട്ടൻ പറഞ്ഞു വിട്ടത് ആണ്.. ഉണ്ണികൃഷ്ണൻ മുന്നോട്ട് വന്നു കൊണ്ടു പറഞ്ഞു.. ചാർളി നീ പോയി നിന്റെ സിബി ചേട്ടനോട് പറ.. കട്ടപ്പനയിൽ നിന്ന് വന്നിട്ടുള്ള ടീം. എന്റെ കൂട്ടുകാർ ആണെന്ന്.. കാര്യം എനിക്കു മനസ്സിലായി.. സ്കെച് ആണെന്ന്.. തൽക്കാലം ഇവിടെ ഒരു പണിയും നടക്കില്ല.. ഇനി അതല്ല വേറെആരെങ്കിലും ഈ പണി എടുത്താൽ.. ആദ്യം എന്റെ അടുത്തേക്ക് വന്നു ഒപ്പ് ഇട്ടു പോകാൻ പറ.. ചാർളി ചെല്ലാൻ നോക്ക്.. ചാർളി ഉണ്ണികൃഷ്ണനെ നോക്കി കൊണ്ടു പുറത്തേക്ക് പോയി.. ഉണ്ണികൃഷ്ണൻ സമദിനെ നോക്കി കൊണ്ടു പറഞ്ഞു.. അപ്പോൾ ചെറിയ ഒരു ബുക്ക് മാത്രം അല്ലല്ലോ അളിയാ പ്രശ്നം..നിങ്ങൾക്ക് പണി വരുന്നുണ്ട്.. ഒരു കാര്യം ചെയ്യ്.. നിങ്ങൾ വന്ന കാര്യം ഇവിടെ അന്വേഷിച്ചു കഴിഞ്ഞു എന്നെ വിളിക്ക്.. ഞാൻ സിബിചേട്ടനെ ഒന്ന് പോയി കണ്ടു വരാം.. എന്താ പ്രശ്നം എന്ന് അറിയണം.. ഉണ്ണികൃഷ്ണൻ അവിടെ നിന്ന് പോയി.. സമദ് ഹരിയെ നോക്കി കൊണ്ടു മെല്ലെ പറഞ്ഞു.. അപ്പൊ കളി മുറകി കഴിഞ്ഞു ഹരി.. നമ്മുടെ പുറകേ തന്നെ അവരുണ്ട്..ഇത് എല്ലാം നോക്കി നിന്ന ഗോവിന്ദൻ മാഷ് അവരെ നോക്കി കൊണ്ടു ചോദിച്ചു.. നിങ്ങൾ ഉണ്ണികൃഷ്ണന്റെ കൂട്ടുകാർ ആണ് അല്ലേ.. എന്താ കാര്യം അത് പറയു.. സമദ്. അയാളുടെ അടുത്തേക്ക് വന്നു കൊണ്ടു പറഞ്ഞു.. മാഷേ കരിമ്പനകുന്ന് എന്നൊരു നോവൽ ഇവിടെ പബ്ലിഷ് ചെയ്തിരുന്നു എന്ന് അറിഞ്ഞു വന്നത് ആണ്.. ഞങ്ങൾക്ക് അത് ഒരു വെബ് സീരീസ് ആക്കാൻ ആഗ്രഹം ഉണ്ട്. അത് എഴുതിയ നിരഞ്ജൻ എന്ന ആളെ ഒന്ന് കാണാൻ ആയിരുന്നു.. അത് കേട്ടപ്പോൾ ഗോവിന്ദൻ മാഷ് ഒന്ന് ചിരിച്ചു കൊണ്ടു പറഞ്ഞു.. നിരഞ്ജനോ.. ആ മുഴു കുടിയൻ എഴുതിയ കഥ ഒന്നും അല്ല അത്.. നിരഞ്ജൻ ആ കഥ അത് എഴുതിയ ആളുടെ കയ്യിൽ നിന്ന് വാങ്ങി സ്വന്തം പേരിൽ ആക്കിയത് ആണ്.. അത് കേട്ടപ്പോൾ ഹരിയും സമദും. പരസ്പരം ഒന്ന് നോക്കി.. അപ്പൊ അത് എഴുതിയത്. നിരഞ്ജൻ അല്ലെങ്കിൽ ആരാണ് യഥാർത്ഥ കഥാകൃത്.... അയാളെ അറിയാമോ മാഷിന്.. ഹരി ആകാംഷയോടെ ചോദിച്ചു.. ഗോവിന്ദൻ മാഷ് അവരെ നോക്കി കൊണ്ടു പറഞ്ഞു.. കരിമ്പനകുന്ന് എഴുതിയ ആളെ കൂട്ടി ആണ് നിങ്ങൾ ഇങ്ങോട്ട് വന്നത് പിള്ളേരെ... അവൻ.. ഉണ്ണികൃഷ്ണൻ എഴുതിയ കഥ ആണ്.. കരിമ്പനകുന്ന്....??? ഹരിയും സമദും.. ഒന്ന് കൂടി ഞെട്ടി.. ഹരി സമദിനോട് മെല്ലെ പറഞ്ഞു.. ഒന്നെങ്കിൽ നമ്മൾ ട്രാപ്പിൽ ആയി കഴിഞ്ഞു.. അല്ലെങ്കിൽ ഇതിനു ഒരു അവസാനം ഉണ്ടാകാൻ പോകുന്നു...??? തുടരും... കരിമ്പനകുന്ന് അടുത്തപാർട്ടോടെ തീരുക ആണ്.. സപ്പോർട്ട് തന്ന എല്ലാവർക്കും ഒരുപാട് നന്ദി.. 🙏🙏🙏❤️❤️❤️❤️ കണ്ണൂർകാരൻ ❤️❤️❤️❤️ #📔 കഥ #✍ തുടർക്കഥ #📙 നോവൽ #🧟 പ്രേതകഥകൾ! #🕵️‍♀️ കുറ്റാന്വേഷണ കഥകൾ