#🙋‍♀️ എൻ്റെ സ്റ്റാറ്റസുകൾ #വാടാമലരുകൾ #💑 സ്നേഹം #🙏 ഭക്തി Status ശ്രീ മാത്രേ നമഃ 🙏* *മൂകാംബിക ക്ഷേത്രം - ചരിത്രം ഭാഗം 16* *സന്ധ്യയ്ക്ക് സൂര്യാസ്തമയത്തോട് അനുബന്ധിച്ച് മഹാദീപാരാധന, ഇവിടെ ദീപാരാധന അറിയപ്പെടുന്നത് പ്രദോഷപൂജ എന്നാണ് ഈ പൂജയോട് അനുബന്ധിച്ച് പഞ്ചാമൃത അഭിഷേകവും പതിവാണ്. തുടർന്ന് രാത്രി ഏഴ് മണിക്ക് നിവേദ്യവും ഏഴേകാലിന് അത്താഴപൂജയും നടത്തുന്നു. അത്താഴപൂജ കഴിഞ്ഞാൽ ഉപദേവതകൾക്കുള്ള പൂജകളാണ്, തുടർന്ന് എട്ടു മണിയോടെ ഇവർക്കുള്ള നിവേദ്യവും ദീപാരാധനയും എട്ടേക്കാലിന് അത്താഴശീവേലിയും തുടങ്ങുന്നു. ഈ ഒരവസരത്തിൽ ദേവിവിഗ്രഹം സരസ്വതി മണ്ഡപത്തിൽ എഴുന്നള്ളിച്ച് കൊണ്ടുവരുന്ന ചടങ്ങുമുണ്ട്. അതി പ്രധാനമാണ് ഈ ചടങ്ങ് ഈ സമയത്ത് അവിലും നാളികേരങ്ങളും ആണ് നിവേദ്യമായി ഭഗവതിക്ക് സമർപ്പിക്കുന്നത്. വിദ്യാഭിവൃദ്ധി ആഗ്രഹിക്കുന്നവർക്ക് ഈ ദർശനം അതി വിശേഷമായി കണക്കാക്കപ്പെടുന്നു. ഇതിനു ശേഷം വിശേഷാൽ പൂജകളും പൂജയും മംഗളാരാതിയും നടത്തുന്നു. അത്താഴപൂജയോട് അനുബന്ധിച്ചുള്ള മംഗളാരാതിക്ക് സലാം മംഗളാരതി എന്നാണ് പറയുന്നത്. മതസൗഹാർദത്തിന്റെ മഹനീയ മാതൃകയാണിത്, ടിപ്പുവിന്റെ ക്ഷേത്ര ദർശനത്തിൻ്റെ സ്മരണക്കാണ് പ്രദോഷപൂജയ്ക്കൊപ്പം സലാം മംഗളാരതി എന്ന പൂജ നടത്തുന്നത്. ഒരിക്കൽ മംഗളാരതിയുടെ സമയത്ത് ക്ഷേത്രത്തിന്റെ അടുത്തു കൂടെ ടിപ്പു സുൽത്താൻ കടന്നുപോയത്രെ. ആ സമയം മംഗളാരതി കണ്ട് സുൽത്താൻ സ്തബ്ദനാവുകയും ഇസ്ലാമിക രീതി സലാം ചെയ്യുകയും ചെയ്തുവെന്ന് പറയപ്പെടുന്നു. ഈ കഥയെ ആസ്പദമാക്കിയാണ് ഈ പേര് പറയപ്പെടുന്നത്. ടിപ്പു സുൽത്തനെ ക്ഷേത്രത്തിലേക്ക് ആനയിച്ച് എല്ലാ ബഹുമതികളോടേയും സ്വീകരിച്ചതിൻ്റെ ഓർമയ്ക്കാണ് സലാം മംഗളാരാതി ആചരിക്കുന്നത് എന്നാണ് വിശ്വാസം. വൈകിട്ട് ഏഴരയോടെയാണ് സലാം മംഗളാരാതി നടക്കുന്നത്. പ്രധാന വ്യക്തികൾ ക്ഷേത്രത്തിലെത്തുമ്പോൾ ജീവനക്കാർ ദീപശിഖയും വാദ്യമേളങ്ങളുമായ് ആനയിക്കുന്നതും ഇവരുടെ സാന്നിധ്യത്തിൽ മംഗളാരാധി നടത്തുന്നതും പതിവാണ്. ഇത്തരത്തിൽ കൊല്ലൂരിൽ വരുമ്പോഴെല്ലാം ടിപ്പു സുൽത്താൻ മൂകാംബിക ക്ഷേത്രത്തിൽ വരുമായിരുന്നുവത്രെ. പ്രധാന ഗോപുരത്തിന് മുന്നിലെത്തുന്ന ടിപ്പു തൻ്റെ തലപ്പാവ് ഊരി ഇടത് കയ്യിൽ പിടിച്ച് വലത്ത് കൈ കൊണ്ട് മൂകാംബിക ദേവിക്ക് സല്യൂട്ട് അടിക്കുന്നതും പതിവായിരുന്നുവത്രെ. ഇതെത്തുടർന്ന് ടിപ്പുവിനോടുള്ള ആദരസൂചകമായിട്ടാണ് സലാം മംഗളാരതി ആരംഭിച്ചത്. മംഗളാരതി സമയത്ത് എല്ലാ വാദ്യോപകരണങ്ങളും അകമ്പടിയായി വായിക്കുന്നു. ഇതോടൊപ്പം ഭക്തരുടെ നാമജപവും ഉണ്ടാവും. ഈ ചടങ്ങ് കഴിഞ്ഞാൽ ദേവിയെ ശീകോവിലിലേക്ക് തിരിച്ച് ഏഴുന്നള്ളിയ്ക്കുന്നു. തുടർന്ന് ഒൻപത് മണിയോടെ ദേവിയുടെ പ്രധാന നിവേദ്യമായ കഷായ തീർത്ഥം നിവേദിക്കുന്നു. ഇതിനോട് അനുബന്ധിച്ചൊരു പൂജയുണ്ട്. അത് പൂർത്തിയാകുന്നോടെ ക്ഷേത്രനട വീണ്ടും അടക്കുന്നു. ഇതാണ് സാധാരണ ദിവസങ്ങളുടെ പൂജാക്രമങ്ങൾ.* *തുടരും.....* *എഴുതി സമർപ്പിക്കുന്നത് ജെ പി കെ നായർ (കണ്ണൻ സ്വാമി)*