#👮‍♂️Epstein files 'ਚ ਨਾਂ ਆਉਣ ਪਿੱਛੋਂ ਪ੍ਰਿੰਸ ਗ੍ਰਿਫ਼ਤਾਰ ਅਮਰੀਕਾ ਦੇ ਬਦਨਾਮ ਮੁਲਜ਼ਮ ਜੈਫਰੀ ਐਪਸਟਾਈਨ ਦਾ ਪਾਇਆ ਹੋਇਆ ਖਿਲਾਰਾ ਖ਼ਤਮ ਹੋਣ ਦਾ ਨਾਂ ਨਹੀਂ ਲੈ ਰਿਹਾ। ਐਪਸਟਾਈਨ ਫਾਈਲਾਂ ਨੇ ਜਿੱਥੇ ਹੁਣ ਤੱਕ ਕਈ ਦੇਸ਼ਾਂ 'ਚ ਤੜਥੱਲੀ ਮਚਾਈ ਹੈ, ਉੱਥੇ ਹੀ ਬ੍ਰਿਟੇਨ ਦੇ ਸ਼ਾਹੀ ਪਰਿਵਾਰ ਲਈ ਅੱਜ ਦਾ ਦਿਨ ਬੇਹੱਦ ਨਮੋਸ਼ੀ ਭਰਿਆ ਰਿਹਾ। ਕਿੰਗ ਚਾਰਲਸ III ਦੇ ਛੋਟੇ ਭਰਾ ਅਤੇ ਸਾਬਕਾ ਪ੍ਰਿੰਸ, ਐਂਡ੍ਰਿਊ ਨੂੰ ਬ੍ਰਿਟਿਸ਼ ਪੁਲਸ ਨੇ ਗੰਭੀਰ ਦੁਰਾਚਾਰ ਦੇ ਦੋਸ਼ਾਂ ਤਹਿਤ ਗ੍ਰਿਫ਼ਤਾਰ ਕਰ ਲਿਆ ਹੈ। ਇਹ ਗ੍ਰਿਫ਼ਤਾਰੀ ਉਸ ਸਮੇਂ ਹੋਈ ਜਦੋਂ ਅੱਜ ਉਹ ਆਪਣਾ 66ਵਾਂ ਜਨਮਦਿਨ ਮਨਾ ਰਹੇ ਸਨ। ਥੇਮਜ਼ ਵੈਲੀ ਪੁਲਸ ਅਨੁਸਾਰ, ਐਂਡ੍ਰਿਊ 'ਤੇ ਜਨਤਕ ਅਹੁਦੇ ਦੀ ਦੁਰਵਰਤੋਂ ਦੇ ਦੋਸ਼ ਹਨ। ਇਲਜ਼ਾਮ ਹੈ ਕਿ ਉਨ੍ਹਾਂ ਨੇ ਸਾਲ 2010 ਵਿੱਚ ਯੂ.ਕੇ. ਦੇ ਵਪਾਰਕ ਦੂਤ ਵਜੋਂ ਕੰਮ ਕਰਦਿਆਂ ਗੁਪਤ ਸਰਕਾਰੀ ਰਿਪੋਰਟਾਂ ਬਦਨਾਮ ਅਪਰਾਧੀ ਜੈਫਰੀ ਐਪਸਟਾਈਨ ਨੂੰ ਭੇਜੀਆਂ ਸਨ। ਵੀਰਵਾਰ ਸਵੇਰੇ 6 ਬਿਨਾਂ ਨੰਬਰ ਵਾਲੀਆਂ ਪੁਲਸ ਗੱਡੀਆਂ ਅਤੇ ਸਿਵਲ ਵਰਦੀ ਵਿੱਚ ਆਏ ਅਧਿਕਾਰੀਆਂ ਨੇ ਸੈਂਡਰਿੰਘਮ ਅਸਟੇਟ ਸਥਿਤ 'ਵੁੱਡ ਫਾਰਮ' ਰਿਹਾਇਸ਼ 'ਤੇ ਦਸਤਕ ਦਿੱਤੀ ਅਤੇ ਉਨ੍ਹਾਂ ਨੂੰ ਹਿਰਾਸਤ ਵਿੱਚ ਲੈ ਲਿਆ। ਇਸ ਦੇ ਨਾਲ ਹੀ ਨੋਰਫੋਕ ਅਤੇ ਬਰਕਸ਼ਾਇਰ ਵਿੱਚ ਕਈ ਟਿਕਾਣਿਆਂ 'ਤੇ ਤਲਾਸ਼ੀ ਲਈ ਜਾ ਰਹੀ ਹੈ। #👉 ਤਾਜ਼ਾ ਅਪਡੇਟਸ ⭐ #🎥ਵਾਇਰਲ ਸਟੋਰੀ ਅਪਡੇਟਸ 📰