ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6aapPNqb?d=n&ui=v64j8rk&e1=c MISSION ((6)) ബോധം തെളിഞ്ഞപ്പോള്‍ താന്‍ ആശുപത്രിയിലാണെന്ന് കരണിന് ബോധ്യമായി. തലയിലെ മുറിവ് തുന്നി കെട്ടിയിട്ടുണ്ടായിരുന്നു. മറ്റു ക്ഷതമൊന്നും അവനില്ല. പതിയെ കരണ്‍ കട്ടിലില്‍ നിന്നെഴുന്നേറ്റ് ചുറ്റും നോക്കി. ആ മുറിയില്‍ അവനല്ലാതെ മറ്റാരുമില്ല. "ങ്ഹാ എഴുന്നേറ്റോ....??!!" ചോദ്യത്തോടെ കതക് തുറന്ന് ഒരു നേഴ്സ് അകത്തേക്ക് കയറി. "എന്നെ ആരാണ് ഇവിടെ കൊണ്ടുവന്നത്...??" അവശതയോടെ കരണ്‍ ചോദിച്ചു. തന്‍റെ കൈയ്യിലെ സിറിഞ്ച് കരണിന്‍റെ കൈയ്യില്‍ കുത്തി ആ നേഴ്സ് മറുപടി കൊടുത്തു : "ഒരു പെണ്‍കുട്ടിയാണ് തന്നെ ഇവിടെ അഡ്മിറ്റ് ചെയ്തത്. കുറച്ചു നേരം മുമ്പ് വരെ ഇവിടെ ഉണ്ടായിരുന്നതാ. ഇപ്പോൾ ആളെ ഇവിടെ എവിടെയും കാണുന്നില്ല.." അത്രയും പറഞ്ഞ് നേഴ്സ് കരണിനു നേരെ ഗുളിക നീട്ടി. അവനത് വാങ്ങി വിഴുങ്ങുമ്പോഴും എന്തൊക്കെയോ ചിന്തിക്കുകയായിരുന്നു. നേഴ്സ് ഇറങ്ങി പോയി. അപ്പോഴാണ് തലയിണയുടെ താഴെ ഒരു കുറിപ്പ് കരണിന്‍റെ ശ്രദ്ധയില്‍ പെട്ടത്. അവനത് നിവര്‍ത്തി വായിച്ചു. ""പ്രിയപ്പെട്ട സര്‍.. സര്‍ ആരെന്നോ എന്തെന്നോ എനിക്കറിയില്ല. പക്ഷേ ഒരു കാര്യം എനിക്കറിയാം.., സര്‍ എന്‍റെ പുറകേയാണെന്ന്. അന്ന് ഷോപ്പില്‍ വച്ച് സര്‍ എന്‍റെ ജീവന്‍ രക്ഷിച്ചതിന് തീര്‍ത്താല്‍ തീരാത്ത കടപ്പാടുണ്ട് എനിക്ക്. അതുകൊണ്ടാണ് പകരം സറിന്‍റെ ജീവന്‍ ഞാന്‍ രക്ഷിച്ചത്. അന്ന് സര്‍ എന്നെ രക്ഷിക്കുമ്പോള്‍ ഒരു കാര്യം ഞാന്‍ മനസ്സിലാക്കുകയായിരുന്നു. അത്രയും നാള്‍ ഒളിച്ചു നടന്ന ഞാന്‍ ഇപ്പോള്‍ വെളിയിലായി എന്ന കാര്യം. അതുകൊണ്ടാണ് അന്ന് രാത്രിക്ക് രാത്രി ഞാന്‍ സ്ഥലം കാലിയാക്കിയത്.. കുറേ ദുരൂഹത നിറഞ്ഞതാണ് സർ എന്‍റെ ജീവിതം. അതില്‍ നിന്നും കരകയറാന്‍, രക്ഷപ്പെടാന്‍ ശ്രമിക്കുന്ന എന്‍റെ പുറകേ അലഞ്ഞാല്‍ സറിന്‍റെ ജീവനും അപകടത്തിലാവും. അതുകൊണ്ട് വേണ്ട സര്‍ , ഇത് ഇവിടെ വച്ച് നിര്‍ത്തിയേക്ക്. എന്നെ തേടി സര്‍ ഒരിക്കലും അലയരുത്. ഇതെന്‍റെ അപേക്ഷയാണ്... അശ്വിനി..""" കുറിപ്പ് വായിച്ചു തീര്‍ത്ത കരണ്‍ ഉടനെ അത് ചുരുട്ടി കൂട്ടി. ശ്ശേ...!! സ്വയം പുച്ഛിച്ച് അവൻ കട്ടിലില്‍ കുമ്പിട്ടിരുന്നു. കുറച്ചു കഴിഞ്ഞപ്പോള്‍ തന്‍റെ ഷര്‍ട്ടെടുത്തിട്ട് കരണ്‍ കോപത്തോടെ പുറത്തേക്കിറങ്ങി. ********************************************************************************** റിയൽ ടേസ്റ്റ് എന്ന പേരിലുള്ള ഇന്ത്യൻ/ചൈനീസ് ഹോട്ടലിന് മുന്നിലാണ് കരൺ ചെന്നത്. അവിടെയുള്ള ഷെഫ്'നെ അവൻ ഉറ്റു നോക്കി. "സര്‍വര്‍....??" അയാളെ നോക്കി കരണ്‍ വിളിച്ചു. സംശയത്തോടെ അയാള്‍ കരണിനെ ശിരസ്സുയർത്തി നോക്കി. "ങേ !! ക.. കരണ്‍ സാബ്...!!" അമ്പരപ്പോടെ സര്‍വര്‍ മെല്ലെ പറഞ്ഞു. അയാൾ പതിയെ കരണിനടുത്തെത്തി : "സാബ് എന്താ ഇവിടെ...??" "I need your help Sarvar..." "എന്തുപറ്റി സാബ്...??!" "പറയാം... പക്ഷെ ഇവിടെ വെച്ച് അത് പറ്റില്ല.." "എങ്കിൽ സാബ് വരൂ...." സര്‍വര്‍ കരണിനേയും കൂട്ടി തൊട്ടടുത്ത ചേരിയിലേക്ക് നടന്നു. പലതരത്തിലുള്ള ആളുകള്‍ തിങ്ങിപ്പാര്‍ക്കുന്ന ആ ചേരിയിലൂടെ നടക്കുമ്പോള്‍ കരണ്‍ ഇരുഭാഗത്തും നോക്കുന്നുണ്ടായിരുന്നു . ഹിന്ദിക്കാരും തമിഴന്മാരും പിന്നെ അവർക്കൊപ്പം ഏതാനും മലയാളികളുമുണ്ട്!! കൂട്ടത്തിലെ സ്ത്രീകൾ എന്തൊക്കെയോ വാചകമടിച്ച് തുണിയലക്കുന്നു. ചില ആണുങ്ങള്‍ ബീഡിയും വലിച്ച് കൂട്ടം കൂടി നിന്ന് സൊറ പറയുന്നു. അതിനിടയില്‍ കൂടിയാണ് സര്‍വര്‍ കരണിനെ കൂട്ടി കൊണ്ട് പോയത്. അൽപ്പം ജീർണിച്ച ആ കെട്ടിടത്തിലേക്ക് അവര്‍ ചെന്നു കയറി. മുകളിലത്തെ മുറിയില്‍ സര്‍വര്‍ പ്രവേശിച്ചു . പിന്നാലെ കരണും. "ഇരിക്കൂ സാബ്..." അടുത്തു കണ്ട ചെയര്‍ സര്‍വര്‍ കരണിന് നീട്ടിയശേഷം മറ്റൊരു സ്റ്റൂളില്‍ അയാളിരുന്നു. "പട്ടേല്‍ സാബിന്‍റെ ഓര്‍ഡര്‍ പ്രകാരം കഴിഞ്ഞ നാല് മാസമായി ഞാന്‍ ആ ഹോട്ടലില്‍ ജോലി നോക്കുന്നു. കൊച്ചിയില്‍ ബോംബ് ഭീഷണിയെ തുടര്‍ന്ന് എന്നേയും വേറെ നാല് പേരേയും സ്പൈ വര്‍ക്കില്‍ ലിസ്റ്റ് ചെയ്ത് ഇവിടെ നിയമിച്ചിരിക്കുന്ന കാര്യം സാബിന് അറിയാമല്ലോ. ഇതുവരെ അങ്ങനെയൊരു ഗൂഢാലോചനയുടെ ലക്ഷണമോ സംശയം തോന്നുന്ന വ്യക്തികളെയോ കിട്ടിയിട്ടില്ല. ഇതു തന്നെ കുറച്ചു നാള്‍ കൂടി നീട്ടി കൊണ്ട് പോവുക എന്നാണ് പട്ടേല്‍ സറിന്‍റെ നിര്‍ദേശം. അതവിടെ നില്‍ക്കട്ടെ. എന്താ സാബ് , എന്താ കാര്യം?? എന്നെ അന്വേഷിച്ച് സാബ് എന്തിനാ വന്നത്?? തലയില്‍ ഇതെന്തു പറ്റി ?? ആകെ മൊത്തത്തിൽ ഒരു ക്ഷീണമാണല്ലോ സാബിന്..!!" സര്‍വറിന്‍റെ വണ്‍ ബൈ വണ്‍ ചോദ്യങ്ങള്‍ എല്ലാം കേട്ട് കരണ്‍ ഒന്നു നെടുവീര്‍പ്പിട്ടു. "സര്‍വര്‍., ഒരു ചതുരംഗ കളിയെന്ന പോലെയുള്ള അവസ്ഥയില്‍ അകപ്പെട്ടിരിക്കുകയാ ഞാന്‍. ഉറങ്ങാന്‍ പോലും പറ്റാത്ത രീതിയിലാണ് ഞാനിപ്പോള്‍..." നെറ്റി തിരുമ്മി അവൻ പറഞ്ഞു. സംശയത്തോടെ സര്‍വര്‍ കരണിനെ നോക്കി. കരണ്‍ തുടര്‍ന്നു : "അതെ സര്‍വര്‍ , ഒരുപാട് ചോദ്യങ്ങള്‍ അലയടിക്കുകയാണ് എന്‍റെ മനസ്സില്‍ . ഇതുവരെ ഞാന്‍ നേതൃത്വം കൊടുത്ത മിഷനുകളേക്കാള്‍ വല്ലാത്ത ഒരുതരം അപകടകരമായ മിഷനിലാണ് ഞാനിപ്പോള്‍ . തൊട്ടടുത്ത് കിട്ടിയിട്ടും എന്‍റെ കൈയ്യില്‍ നിന്നും അവള്‍ വഴുതി പോയി. അതും ഒന്നല്ല രണ്ടു തവണ...!!" "അവളോ..??! ഏതവൾ...??!! സാബ് ആരുടെ കാര്യമാണ് ഈ പറയുന്നത് ?? ആരാണ് ഈ അവള്‍ ?? എനിക്കൊന്നും മനസ്സിലാവുന്നില്ല..." "പറയാം സര്‍വര്‍...." ഒന്നു ദീർഘമായി ശ്വസിച്ച ശേഷം കുറച്ചു സമയം കൊണ്ട് കരണ്‍ തന്‍റെ അനുഭവങ്ങളെല്ലാം സര്‍വറിനോട് തുറന്നു പറഞ്ഞു. എല്ലാം കേട്ടു കഴിഞ്ഞ സര്‍വര്‍ പതിയെ എഴുന്നേറ്റു . "ഒരു സിനിമാ കഥ പോലെയുണ്ടല്ലോ സാബ് സാബിന്‍റെ ഈ അവസ്ഥ. കംപ്ലീറ്റ് ട്വിസ്റ്റാണല്ലോ..." അത്രയും പറഞ്ഞ് സര്‍വര്‍ അകത്തേക്ക് കയറി ഒരു ഫുൾ ബോട്ടിൽ വോഡ്കയും രണ്ട് ഗ്ലാസ്സും കൊണ്ടുവന്നു . വോഡ്ക ഇരു ഗ്ലാസ്സിലും പകര്‍ത്തി ഒന്ന് കരണിന് നേരെ നീട്ടി. വെപ്രാളത്തോടെ അതിലുപരി പരവേഷത്തോടെ ആ ഗ്ലാസ്സ് വോഡ്ക വാങ്ങി ഒറ്റ വലിക്ക് തന്‍റെ വായിലേക്ക് അപ്പാടെ കരണ്‍ കമഴ്ത്തി കുടിച്ചിറക്കി!! "ഹൗ!! ഇതെന്ത് കുടിയാണ് സാബ്...??!!" സര്‍വര്‍ ചോദിച്ചിരിക്കെ അടുത്ത റൗണ്ട് വോഡ്കയും ഗ്ലാസിലൊഴിച്ച് കരണ്‍ വീണ്ടും വായില്‍ കമഴ്ത്തി. ശേഷം ചുണ്ട് തുടച്ച് സര്‍വറിനെ നോക്കി. "സോ ഈ മുറിവ് സാബിന് അങ്ങനെ സംഭവിച്ചതാണ്. അല്ലേ...??" " ഉം.... " കരൺ ഒന്നു മൂളി മറുപടി കൊടുത്തു. "ഇതിലിപ്പോൾ ഞാനെന്തു ചെയ്യണമെന്നാ സാബ് പറയുന്നത് ??" സംശയത്തോടെ സര്‍വര്‍ കരണിനെ നോക്കി. "സര്‍വര്‍ , പട്ടേല്‍ സാബ് തന്നെയാണ് എന്നെയും കൊച്ചിയിലേക്ക് വിട്ടത്. ഇതുവരെ എന്‍റെ ദൗത്യം എന്താണെന്ന് അദ്ദേഹം പറഞ്ഞിട്ടില്ല. അതുകൊണ്ടുതന്നെ എന്‍റെ കൈയ്യിലിപ്പോള്‍ ഒരു ഗണ്‍ പോലുമില്ല. ഏത് നിമിഷവും ഞാന്‍ വീണ്ടും ആക്രമിക്കപ്പെടാം എന്നൊരു അവസ്ഥയിലാണ് ഞാനിപ്പോൾ. താന്‍ എനിക്ക് ചെയ്തു തരേണ്ടത് ഇത്രമാത്രം. ഇവിടെയുള്ള ബ്ലാക്ക് മാര്‍ക്കറ്റുകള്‍ തനിക്ക് അറിയാമായിരിക്കുമല്ലോ . എനിക്ക് ഒരു ഗൺ വേണം. വളരെ അത്യാവശ്യമാണ്..." സർവറിനെ നോക്കി കരൺ നേരിൽ അവതരിപ്പിച്ചു. "സാബ്.... സാബ് ഇതെന്തൊക്കെയാ ഈ പറയുന്നത്...??!!" സര്‍വര്‍ ചാടിയെണീറ്റു . "Sir Its Illegal.. പിടിച്ചു കഴിഞ്ഞാലുള്ള ഭവിഷത്ത് എന്താണെന്ന് ഞാന്‍ സാബിന് പറഞ്ഞു തരേണ്ടല്ലോ. നമ്മള്‍ രണ്ടു പേരും കുടുങ്ങും..." "സര്‍വര്‍ കാം ഡൗണ്‍... I Know Its Illegal.. ബട്ട്‌ എനിക്കിത് ചെയ്തേ പറ്റൂ. പിടിക്കുന്ന കാര്യത്തെ പറ്റി താന്‍ ടെന്‍ഷനടിക്കേണ്ട. അതെല്ലാം ഞാന്‍ നോക്കിക്കോളാം . ഒരിക്കലും തന്‍റെ പേര് പുറത്ത് വരില്ല." ഉറപ്പോടെ കരൺ പറഞ്ഞു. "സാബ് എന്നാലും ഇത് വേണോ ? ആ പെണ്‍കുട്ടിയുടെ കേസ് സാബിന് വിട്ടൂടെ. പട്ടേല്‍ സറിനോട് പറഞ്ഞ് വേറെ എവിടേലും നിയമനം വാങ്ങി സാബിന് പൊക്കൂടെ സാബ്..." "കാര്യമില്ലെടോ സര്‍വര്‍.. ഞാന്‍ തന്നോട് പറഞ്ഞില്ലേ ആ അദൃശ്യ ശക്തിയുടെ കാര്യം. അതെന്നെ വിടാതെ പിന്തുടരുകയാ. ഞാന്‍ എവിടെ പോയാലും എന്‍റെ സ്വപ്നങ്ങളില്‍ അശ്വിനിയെത്തും . മാത്രമല്ല ഈ അദൃശ്യ ശക്തിയും ഞാനും തമ്മില്‍ എന്തോ ബന്ധമുണ്ട് . അത് എന്താണെന്ന് എനിക്കറിയണം . അതറിയാവുന്ന ഒരേയൊരാൾ അശ്വിനി മാത്രമാണ് . അവളെ എന്തായാലും എനിക്ക് കണ്ടെത്തിയേ പറ്റൂ സര്‍വര്‍..." "സാബ് ഞാന്‍ പറയുന്നത് ഒന്നു കേള്‍ക്ക് . ഞാനും സാബുമൊക്കെ ഡബിള്‍ ഏജന്‍റിന്‍റെ നിരീക്ഷണത്തിലായിരിക്കുമെന്ന് ഞാന്‍ പറയാതെ തന്നെ സാബിന് അറിയാമായിരിക്കുമല്ലോ . ഇന്നലെ രാത്രി നടന്നു എന്ന് പറയപ്പെടുന്ന ചേയ്സിംഗ് ഇപ്പോൾ എന്തായാലും പട്ടേല്‍ സാബ് ഡബിള്‍ ഏജന്‍റു വഴി അറിഞ്ഞിട്ടുണ്ടാകും . ഉടനേ സറിന് കോള് വരും . വെറുതേ എനിക്കും കൂടി പൊല്ലാപ്പാണത്..." കരണ്‍ അല്പ നേരം മൗനത്തിലിരുന്നു. ശേഷം സർവറിന്റെ മുഖത്തു നോക്കി പറഞ്ഞു : "താന്‍ ആ ജനലിന്‍റെ കര്‍ട്ടണ്‍ ഒന്നു അല്പം നീക്കിയേ സർവർ.." "എന്തിനാണ് സാബ് ?!" സർവർ നെറ്റി ചുളിച്ചു. "ഹ താന്‍ അത് ചെയ്യടോ.. ആ കർട്ടൺ മാറ്റി ഒന്നു പുറത്തേക്ക് നോക്കൂ.." കരണ്‍ നിര്‍ദേശിച്ചതു പ്രകാരം സംശയത്തോടെ സര്‍വര്‍ ജനലിന്‍റെ കര്‍ട്ടണ്‍ മാറ്റി പുറത്തേക്ക് നോക്കി . കോട്ടും സ്യൂട്ടുമിട്ട ഒരാള്‍ തൊട്ടപ്പുറത്തെ കെട്ടിടത്തില്‍ നിന്നും ഈ ജനലിലേക്ക് നോക്കുന്നത് സര്‍വര്‍ കാണാനിടയായി . "Sir Who Is That...??!" വെപ്രാളത്തോടെ സര്‍വര്‍ കരണിനെ നോക്കി ചോദിച്ചു . "Thats My Double Agent . കൊച്ചിയില്‍ വന്നപ്പോള്‍ മുതല്‍ ഇവന്‍ എന്‍റെ പുറകേയാ . പട്ടേല്‍ സാബിന്റെ നിര്‍ദേശ പ്രകാരം... Yes I Know , I Know പട്ടേല്‍ സാബിന്റെ ഒരു ഫോൺ കോള്‍ ഏത് നിമിഷവും എന്നെ തേടിയെത്തുമെന്ന്. അല്ലെങ്കിൽ സര്‍ നേരിട്ട് വന്ന് എന്നെ കാണുമെന്ന്. അധികം സമയമൊന്നുമില്ല. പക്ഷേ അതിനു മുമ്പ് താന്‍ എന്നെയൊന്നു സഹായിച്ചേ പറ്റൂ സര്‍വര്‍ . ഈയൊരു കാര്യം താന്‍ എനിക്ക് ചെയ്ത് തരണം..." "സാബ് സാബിനെ പോലെ ഞാനും ഡബിള്‍ ഏജന്‍റിന്‍റെ നിരീക്ഷണത്തിലായിരിക്കുമല്ലോ. Then How Can I...??!!" "ഇല്ല സര്‍വര്‍ , തന്നെ നീരീക്ഷിക്കുന്ന ഏജന്‍റ് കഴിഞ്ഞയാഴ്ച ഡല്‍ഹിയില്‍ തിരിച്ചു . I Know That . പകരം മറ്റൊരു ഏജന്‍റ് തല്‍ക്കാലത്തേക്ക് നിയമനം ഉണ്ടാവില്ല . ബട്ട് ഞാന്‍ തന്നെ വന്നു കണ്ടത് പ്രകാരം വിത്തിന്‍ ത്രീ ഡെയ്സ് അടുത്ത ഏജന്‍റ് താങ്കളെ നിരീക്ഷിക്കും . ഇതൊരു നിയമ ലംഘനമാണ് I Know . ഒരിക്കലും ഓര്‍ഡര്‍ കിട്ടാതെ ഞാന്‍ തന്നെ വന്ന് കാണാന്‍ പാടില്ല . ബട്ട് ഇതല്ലാതെ എനിക്ക് വേറെ നിവൃത്തിയില്ല . ഈ കാരണം കൊണ്ടായിരിക്കും തന്നെ നിരീക്ഷിക്കാന്‍ അടുത്ത ഏജന്‍റിനെ ഡിപ്പാര്‍ട്ട്മെന്‍റ് വിടുക . അതിനെടുക്കുന്ന ആ മൂന്നു ദിവസത്തെ കാലാവധിയില്‍ താന്‍ എന്നെ സഹായിച്ചേ പറ്റൂ സര്‍വര്‍ . . ഇയൊരു കാര്യം . ഒരൊറ്റ കാര്യം താന്‍ എനിക്ക് ചെയ്തു തരണം . Its not My order , Its a request..." സര്‍വര്‍ അല്പ നേരത്തേക്ക് ടെന്‍ഷനോടെ മിണ്ടാതെയിരുന്നു : "സാബ്..., വേണമെങ്കില്‍ എന്‍റെ ഗൺ സാബിന് തന്നാല്‍ പോരേ...??" "എന്ത് വിഡ്ഡിത്തമാണ് താന്‍ പറയുന്നത് ?? തന്‍റെ ഗണ്ണിലുള്ള ബുള്ളറ്റില്‍ തന്‍റെ ഒഫിഷൽ കോഡ് രേഖപ്പെടുത്തിയിട്ടുണ്ട്. ഞാന്‍ വെടിയുതിര്‍തത്തിനു ശേഷം ആ ബുള്ളറ്റ് ആര്‍ക്കെങ്കിലും കിട്ടിയാല്‍ തുടരന്വേഷണത്തില്‍ താന്‍ പെടും. സോ അത് വലിയ റിസ്ക്കാണ്. താന്‍ എനിക്ക് ചെയ്യേണ്ടത് ഇത്രമാത്രം . ഇവിടെ ബീഹാറുകാര്‍ തമ്പടിച്ചിരിക്കുന്ന ഏരിയകളുണ്ട്. അവിടെ ബ്ലാക്ക് മാര്‍ക്കറ്റ് വഴി ഗൺ കച്ചവടം ചെയ്യുന്ന ഒരു പാര്‍ട്ടിയുണ്ട് . അവരെ താന്‍ മുട്ടണം . എനിക്ക് ഒരു ഗൺ സംഘടിപ്പിച്ച് തരണം.." "സാബ്. ഇത് വലിയ കളിയാണ്. ഇങ്ങനെയൊരു ഡീല്‍ നമ്മള്‍ നടത്തിയെന്നറിഞ്ഞാല്‍ തല പോകും. അറിയാല്ലോ ?!" "അതൊക്കെ എനിക്കറിയാടോ. എല്ലാം എനിക്ക് വിട്ടേക്ക്.. തനിക്ക് ഒന്നും വരാതെ ഞാന്‍ നോക്കിക്കോളാം എന്നു പറഞ്ഞില്ലേ.. പിന്നെ ഇത് പോലീസിന്‍റെ പരിധിയിലുള്ള കേസാ . അതുകൊണ്ട് താന്‍ അല്പം ഒന്നു സൂക്ഷിക്കണം.." "ഉം . . ഞാന്‍ സറിനെ കൊണ്‍ടാക്ട് ചെയ്യാം..." സർവർ * തുടരും കണ്ണൂർകാരൻ ❤️❤️❤️❤️ #📙 നോവൽ #📚 ട്വിസ്റ്റ് കഥകൾ #✍ തുടർക്കഥ #📔 കഥ #💞 പ്രണയകഥകൾ