#🙏 ഭക്തി Status #💑 സ്നേഹം #🙋‍♀️ എൻ്റെ സ്റ്റാറ്റസുകൾ #വാടാമലരുകൾ ശ്രീ മാത്രേ നമഃ 🙏* *മൂകാംബിക ക്ഷേത്രം - ചരിത്രം ഭാഗം 2* *മനുഷ്യരെ നല്ല പ്രവർത്തിയിലേക്ക് നയിക്കുന്ന ഇച്ഛാശക്തി, ജ്ഞാനശക്തി, ക്രിയാശക്തി എന്നിവയുടെ പ്രതീകമാണ് ദേവിയുടെ മൂന്ന് പ്രധാന ഭാവങ്ങൾ. എല്ലാ ജാതി മതസ്ഥർക്കും മൂകാംബിക ക്ഷേത്രത്തിൽ ദർശനം നടത്താം. ശ്രീചക്രത്തിൽ ത്രിമൂർത്തി സാന്നിധ്യം ഉൾക്കൊള്ളുന്ന ശിവലിംഗം ഇവിടെ പ്രതിഷ്ഠിച്ചിരിക്കുന്നു. ശിവശക്തി ത്രിമൂർത്തി ഐക്യരൂപത്തിലാണ് ഇവിടുത്തെ പ്രതിഷ്ഠ. കോലാപുരേശിയായ മഹാലക്ഷ്മി ആയും മൂകാംബിക ആരാധിക്കപ്പെടുന്നു.* *ക്ഷേത്രത്തിലെ സരസ്വതി മണ്ഡപത്തിൽ വിദ്യാ ഭഗവതിയായ സരസ്വതി ദേവിയുടെ പ്രത്യേക പ്രതിഷ്ഠയുണ്ട്. കലോപാസകരുടെ കേന്ദ്രമാണ് ഈ സരസ്വതി മണ്ഡപം. ക്ഷേത്രത്തിൻ്റെ വടക്കു ഭാഗത്തായി മറ്റൊരു ചെറിയ ക്ഷേത്രം കാണാം. ഇവിടെ ചാമുണ്ഡിയാണ് പ്രതിഷ്ഠ. ചൗഡേശ്വരി എന്ന പേരിലാണ് ഈ ദേവി അറിയപ്പെടുന്നത്. ഇതെല്ലാം ചേരുന്നതാണ് മൂകാംബിക ദേവിയുടെ സങ്കല്പം. മൂകാംബികയിൽ സന്ദർശിച്ചാൽ വിദ്യാഭ്യാസ ഉന്നതിയും തൊഴിൽ മേഖലകളിലും കലാസാംസ്കാരിക മേഖലകളിലും ഉന്നതി ഉണ്ടാവുമെന്നാണ് വിശ്വാസം. ആയതിനാൽ വിദ്യാർത്ഥികളും കലാസാംസ്കാരിക സിനിമാ മേഖലകളിലും പ്രവർത്തിക്കുന്ന ഒരുപാട് പേർ ഇവിടെ സ്ഥിരമായി സന്ദർശിച്ച് അമ്മയുടെ അനുഗ്രഹം നേടുന്നു. പഠനത്തിൽ പിന്നോക്കം നിൽക്കുന്ന വിദ്യാർത്ഥികൾ മൂകാംബിക ദേവി ദർശനം നടത്തിയാൽ പഠന താല്പര്യവും വിദ്യാ ഉന്നതിയും വാക്ക് ചാതുര്യവും സിദ്ധിക്കുമെന്നും വിശ്വസിക്കപ്പെടുന്നു. അനുഭവത്തിലും അത് അങ്ങനെ തന്നെ കാണപ്പെടുന്നു.* *ഭക്തരെ സംബന്ധിച്ച് ജഗദീശ്വരിയായ മൂകാംബിക ദേവി തന്നെയാണ് ജീവാത്മാവും പരമാത്മാവും, പ്രകൃതിയും ജീവനും ബുദ്ധിയും വിദ്യയും കലയും കാവ്യങ്ങളും കുണ്ഡലിനി ശക്തിയുമെല്ലാം * *തുടരും........* *എഴുതി സമർപ്പിക്കുന്നത് ജെ പി കെ നായർ (കണ്ണൻ സ്വാമി)*