#🗞ଓଡ଼ିଶା ଅପଡେଟ📺 ନନ୍ଦନକାନନ: ନନ୍ଦନକାନନ ପ୍ରାଣୀ ଉଦ୍ୟାନରେ ବାଘ ସଂଖ୍ୟା ବଢ଼ିବ। ଧଳା ବାଘୁଣୀ ‘ରୂପା’ ଏବେ ଗର୍ଭବତୀ। ସେ ଚତୁର୍ଥଥର ପାଇଁ ମା’ ହେବାକୁ ଯାଉଛି। ପୁଣି ମା’ ହେବାକୁ ଯାଉଥିବାରୁ ଜନ୍ତୁ କେୟାରଟେକର ‘ରୂପା’ ପ୍ରତି ସ୍ବତନ୍ତ୍ର ଦୃଷ୍ଟି ଦେଇଛନ୍ତି। ଫେବୃଆରୀ ୧୫ ତାରିଖ ମଧ୍ୟରେ ରୂପା ମା’ ହେବ ବୋଲି ନନ୍ଦନକାନନ ଚିକିତ୍ସକ ଡା. ଶରତ କୁମାର ସାହୁ ପୂର୍ବାନୁମାନ କରିଛନ୍ତି। ଗତ ବର୍ଷ ନଭେମ୍ବର ୨ରେ ବାଘ ‘ରାଜେଶ’ ସହ ବାଘ ସଫାରୀରେ ‘ରୂପା’ର ମିଳନ ହୋଇ ‘ରୂପା’ ଗର୍ଭବତୀ ହୋଇଥିଲା। ନନ୍ଦନକାନନ ଉପନିର୍ଦେଶକ ସନଥ କୁମାର ନାରାୟଣଙ୍କ ପରାମର୍ଶକ୍ରମେ ରୂପାକୁ ବାଘ ସଫାରୀ ଫିଡିଂ ଚାମ୍ବର ସ୍ବତନ୍ତ୍ର ଖୁଆଡ଼ରେ ରଖାଯାଇଛି। ସୂଚନାଯୋଗ୍ୟ, ବାଘୁଣୀ ବିଜୟା ଓ ବାଘ ରୋଶନର ଦ୍ବିତୀୟ ଗର୍ଭରୁ ୨୦୧୮ ସେପ୍ଟେମ୍ବର ୨୨ରେ ଧଳା ବାଘୁଣୀ ‘ରୂପା’ ଜନ୍ମ ହୋଇଥିଲା। ୨୦୨୨ ମାର୍ଚ୍ଚ ୧୧ରେ ରୂପା ତା’ର ପ୍ରଥମ ଗର୍ଭରୁ ୩ଶାବକ ଜନ୍ମ ଦେଇଥିଲା। ପୁଣି ୨୦୨୩ ଜାନୁଆରୀ ୬ରେ ୨ଶାବକ ଓ ତୃତୀୟ ଥର ପାଇଁ ୪ଶାବକ ଜନ୍ମ ଦେଇଥିଲା। ରୂପାର ପ୍ରଥମ ଶାବକ ଧଳା ବାଘୁଣୀ ହିମାଂଶୀକୁ ୨୦୨୪ ଜୁଲାଇ ୯ରେ ଜୀବଜନ୍ତୁ ଅଦଳବଦଳ ପ୍ରକ୍ରିୟାରେ ବିର୍ସା ଚିଡ଼ିଆଖାନାକୁ ପଠାଯାଇଛି। ନନ୍ଦନକାନନରେ ୨୯ଟି ବାଘ ଅଛନ୍ତି। ପ୍ରାଣୀ ଉଦ୍ୟାନର ଅନ୍ୟତମ ଆକର୍ଷଣ ସିଂହୀ ‘ବିଜ୍‌ଲୀ’ ଏବେ ମା’ ହେବାକୁ ଯାଉଛି।