ആംബുലൻസ് (39) സബ് ഇൻസ്പെക്ടർ ഗോപിനാഥും, സബ് ഇൻസ്പെക്ടർ ആനന്ദനും, മററ് പോലീസുകാരും ചുരത്തിൽ സബ് ഇൻസ്പെക്ടർ ബൽറാം അപകടത്തിൽ പെട്ട സ്ഥലത്തെത്തി പരിസരം സസൂക്ഷ്മം പരിശോധിച്ചു. സബ് ഇൻസ്പെക്ടർ ബൽറാം സഞ്ചരിച്ചിരുന്ന ആംബുലൻസ് അഗാധ ഗർത്തത്തിലേക്ക് മറിഞ്ഞു എന്ന് പറയപ്പെടുന്ന സ്ഥലം നിരീക്ഷിച്ചു. സബ് ഇൻസ്പെക്ടർ ആനന്ദൻ പറഞ്ഞു: "എന്തായാലും ഞാൻ പെട്ടു... ആ പ്രഭാകരൻ ഒന്നു കൂടി എനിക്കോ, നമുക്കാർക്കെങ്കിലും ഫോൺ ചെയ്തിരുന്നെങ്കിൽ സംഭവത്തിൻ്റെ details കിട്ടുമായിരുന്നു... പ്രഭാകരൻ എനിക്ക് ഫോൺ ചെയ്തതിന് ഇനി ഞാൻ എവിടെ പോയി തെളിവ് കൊണ്ട് വരാൻ?" സബ് ഇൻസ്പെക്ടർ ഗോപിനാഥ്: "Relax... Sub Inspector ആനന്ദൻ... ഞങ്ങളൊക്കെ ഇല്ലേ? ഇങ്ങനെ പേടിച്ചാലോ... കൊച്ചു കുട്ടികളെപ്പോലെ? മററുളളവരെ പേടിപ്പിക്കേണ്ടവരാ പോലീസുകാർ... അതിന് സബ് ഇൻസ്പെക്ടർ തന്നെ ഇങ്ങനെ പേടിച്ചാൽ എന്തു ചെയ്യും?" "മിസററർ ഗോപിനാഥ്...നിങ്ങളൊക്കെ ഉണ്ടെന്ന് പറഞ്ഞു...ആരാണീ ഞങ്ങൾ? നമ്മൾ അഞ്ചുപേർ അല്ലേ? ഡിപ്പാർട്ട്മെൻ്റ് പറയുന്നത് ഈ ഞാൻ തെളിവ് കൊടുക്കണമെന്നാ... ഞാൻ എവിടുന്ന് എടുത്ത് കൊടുക്കാൻ?" "എടോ...ഈ ഡിപ്പാർട്ട്മെൻ്റ് ആരാ? നമ്മളാ ഡിപ്പാർട്ട്മെൻ്റ്... ഈ ഡിപ്പാർട്ട്മെൻ്റ് എന്ന് പറയുന്നത് ഒരു പണ്ടാരമല്ല... ഡിപ്പാർട്ട്മെൻ്റിന് ഒരു തലവൻ...അത് കഴിഞ്ഞാൽ പിന്നെ നാമാണ് ഡിപ്പാർട്ട്മെൻ്റ്... അല്ലെങ്കിൽ നമ്മൾ അടങ്ങുന്നതാണ് ഈ ഡിപ്പാർട്ട്മെൻ്റ്. താങ്കളെ ആദ്യം ഡിപ്പാർട്ട്മെൻ്റിൻ്റെ തലവനാക്കി പിന്നെ ഐജി... പിന്നെ ഡിവൈഎസ്പി... പിന്നെ സർക്കിൾ ഇൻസ്പെക്ടർ... പിന്നെ സബ് ഇൻസ്പെക്ടർ... പിന്നെ ഒരു ലോക്കൽ പോലീസീസാക്കി പെൻഷൻ തരുന്നതിനെയല്ല ഈ ഡിപ്പാർട്ട്മെൻ്റ് എന്ന് പറയുന്നത്...തന്നെ ഇനി ഓരോ പ്രമോഷനിലൂടെ ഉയർത്തി ഡിപ്പാർട്ട്മെൻ്റിൻ്റെ തലവനാക്കുന്നതിനെയാണ് ഡിപ്പാർട്ട്മെൻ്റ് എന്ന് പറയുന്നത്?" " ഓ... ക്ലാസ്സായിരിക്കുമല്ലേ...ഉം...കേൾക്കാൻ കൊളളാം...ഈ ക്ലാസ്സൊക്കെ കഴിഞ്ഞാ എൻ്റെ പൊന്ന് ഇൻസ്പെക്ടർ സാറേ ഞാൻ ഈ കാക്കി അണിഞ്ഞത്...ആ തലവന്മാരടങ്ങുന്ന ഡിപ്പാർട്ട്മെൻ്റ് തന്നെയല്ലേ തെളിവ് എന്നോട് ആവശ്യപ്പെടുന്നത്? ഞാൻ എവിടുന്ന് ഉണ്ടാക്കി കൊണ്ട് വരാൻ? " " എടോ... ഇത് ഡിപ്പാർട്ട്മെൻ്റിൻ്റേതല്ല തൻ്റെ സ്വന്തം വിഷയമായി ഏററെടുത്താൽ യാതൊരു കുഴപ്പവും ഇല്ല... " " എൻ്റെ സ്വന്തം വിഷയം തന്നെയാണ് ഞാനീ പറയുന്നത്... " (തുടരും) #📙 നോവൽ #📔 കഥ #🧟 പ്രേതകഥകൾ! #🕵️‍♀️ കുറ്റാന്വേഷണ കഥകൾ