ഹൃദയപൂർവ്വം ❤️ 10 മാസം മാത്രം പ്രായമുള്ള ആലിൻ ഷെറീൻ ഏബ്രഹാമെന്ന കുരുന്നിൻ്റെ അവയവങ്ങളുമായി കൊച്ചിയിലെ അമൃത ആശുപത്രിയിൽ നിന്ന് പുറപ്പെട്ട ആംബുലൻസ് തടസ്സമില്ലാതെ കൃത്യസമയത്ത് തിരുവനന്തപുരത്ത് എത്തിക്കാൻ കഴിഞ്ഞത് കേരളത്തിന്റെ കൂട്ടായ്മയുടെ വിജയമാണ്. സംസ്ഥാനത്തിന്റെ ചരിത്രത്തിൽ ആദ്യമായാണ് 10 മാസം പ്രായമുള്ള ഒരു ശിശുവിന്റെ അവയവങ്ങൾ ദാനം ചെയ്യപ്പെടുന്നത്. കേരള പൊലീസിന്റെ നേതൃത്വത്തിൽ കൊച്ചിയിൽ നിന്ന് തിരുവനന്തപുരം വരെ സുഗമമായ യാത്ര സൗകര്യം ഒരുക്കിയതിലൂടെ കൊച്ചിയിൽ നിന്നും 3 മണിക്കൂർ 27 മിനിറ്റ് കൊണ്ട് ആംബുലൻസിനു തിരുവനന്തപുരം ശ്രീചിത്രയിൽ എത്തിച്ചേരാനായി. ഈ മഹത്തായ തീരുമാനം എടുത്ത ആലിൻ ഷെറീന്റെ കുടുംബത്തിനും, ആംബുലൻസ് ഡ്രൈവർ ജയ്നീഷിനും, ഈ ജീവൻ രക്ഷാദൗത്യം വിജയകരമാക്കിയ എല്ലാ ഉദ്യോഗസ്ഥർക്കും ആംബുലൻസ് കടന്നു വന്നു വന്ന വഴികളിൽ സഹായമായ പ്രിയ നാട്ടുകാർക്കും കേരള പൊലീസിന്റെ ആദരം 🙏 #കേരളാപോലീസ്