മദ്യപിക്കുന്ന അച്ഛന്മാരോട് ഒരപേക്ഷയുണ്ട് 🙏🏼... നിങ്ങൾ വിശേഷ ദിവസങ്ങളിൽ മദ്യം കഴിക്കുകയോ തലകുത്തി മറിയുകയോ എന്തോ ചെയ്തോളു. പക്ഷെ അങ്ങനെയുള്ള അവസരങ്ങളിൽ നിങ്ങടെ മക്കളെ കൂടെ കൂട്ടാതിരിക്കുക 🙏🏼🙏🏼 ഇത്രയും പറയാൻ കാരണമുണ്ട്... ഇന്നലെ ന്യു ഇയർ ആഘോഷങ്ങൾ കഴിഞ്ഞ് ബീച്ചിൽ നിന്നും ഞങ്ങൾ നാലാളും തിരികെ വരുമ്പോൾ, രാത്രി ഒന്നര കഴിഞ്ഞ സമയത്ത്, നിരനിരയായി വാഹനങ്ങൾ പോകുന്ന വഴിയരികിൽ ഒരു ടൂ വീലർ മറിഞ്ഞു കിടക്കുന്നത് ദൂരെ നിന്ന് തന്നെ കണ്ടു. അടുത്തെത്തിയപ്പോഴാണ് മദ്യപിച്ചു ലക്ക് കെട്ട് നിൽക്കുന്നൊരു അച്ഛനും അത് കണ്ട് കണ്ണീരൊലിപ്പിക്കുന്നൊരു മകനെയും കണ്ടത്... മകനെന്ന് പറയുമ്പോൾ അഞ്ചോ ആറോ വയസ്സ് മാത്രമുള്ള ഒരു കുട്ടി. ഞങ്ങൾ വണ്ടി നിർത്തി ആ കുട്ടിയോട് വീട് എവിടെയാണെന്നും നിന്നെ വീട്ടിൽ കൊണ്ട് വിടട്ടെയെന്നും ചോദിച്ചു. അവന് തന്റെ അച്ഛനെ വഴിയിൽ ഉപേക്ഷിച്ച് പോകാൻ മടി. പാവം ചെക്കൻ... വീട്ടിലുള്ളവരുടെ ഫോൺ നമ്പർ ചോദിച്ചപ്പോഴേക്കും അവൻ വിളിച്ചു കഴിഞ്ഞിരുന്നു. അവന്റെ അച്ഛമ്മ നിരന്തരം അവനെ വിളിക്കുന്നുണ്ടായിരുന്നു. എങ്ങനെയെങ്കിലും ഒരു ഓട്ടോ പിടിച്ച് അങ്ങെത്താനാണ് അവർ പറയുന്നത്. ആ തിരക്കിൽ എവിടെനിന്ന് ഓട്ടോ കിട്ടാനാണ്..! ഒരു സ്കൂട്ടറിൽ രണ്ട് പോലീസുകാർ വന്ന് കാര്യം തിരക്കി. അവരും ഇതികർത്തവ്യമൂഡരായി നിൽക്കുവാണ്. പട്രോളിംഗിന് പോയിരുന്ന രണ്ട് പോലീസ് ജീപ്പ് കൂടി എവിടെയെത്തി... ആകെ പോലീസ് മയം. കൊച്ചു കുട്ടി കൂടെയുള്ളത് കൊണ്ട് ആ തന്ത എന്ന് പറഞ്ഞവനോടൊന്നു ചൂടാകാൻ പോലും പറ്റാതെ നിൽക്കുന്ന പോലീസ് ഒരുവശത്ത്. മറുവശത്ത്, ബീച്ചിൽ നിന്നും വന്ന് വളവു തിരിഞ്ഞ് മെയിൻ റോഡിലേക്ക് കയറുമ്പോൾ തൊട്ടുമുന്നിൽ ഇത്രയും കാക്കി കുപ്പായങ്ങൾ ഒന്നിച്ചു കണ്ട് അടിച്ച കെട്ടിറങ്ങി എങ്ങോട്ട് പോകണമെന്നറിയാതെ വെട്ടിത്തിരിഞ്ഞ് രക്ഷപ്പെട്ടുപോകുന്ന ആഘോഷക്കാർ 🤣... ചിരിയും ദേഷ്യവും ഒരുപോലെ വന്ന കുറേ നിമിഷങ്ങൾ... പാവം പോലീസുകാർ... അവർ ഒരു ഓട്ടോക്കായി ഞങ്ങളോടൊപ്പം കാത്തു നിൽക്കുന്നു. അവസാനം ഞങ്ങൾ കൈ കാണിച്ചു നിർത്തിയൊരു ഓട്ടോ ചേട്ടനോട് പോലീസുകാരൻ വന്ന് കാര്യം പറഞ്ഞ് ക്ലോക്കിന്റെ പെന്റുലം പോലെയാടുന്ന ആ മനുഷ്യനെ പിടിച്ച് അതിൽ കയറ്റി. കൂട്ടത്തിൽ ആ കുഞ്ഞിനേയും 🤦🏼‍♀️ അവരുടെ സ്കൂട്ടറിന്റെ താക്കോൽ വാങ്ങി ഒരു പോലീസ് പറഞ്ഞു, "നാളെ സമയം പോലെ സ്റ്റേഷനിൽ വന്നു വാങ്ങിയാൽ മതി"യെന്ന്. ആ കുഞ്ഞിന്റെ മുഖത്ത് പടർന്ന കണ്ണീർ... അവൻ കുറച്ചു നേരം കൊണ്ടനുഭവിച്ച നാണക്കേട്... സ്വന്തം അച്ഛനോട് തോന്നിയ ദേഷ്യം... വെറുപ്പ്... ചിലസമയങ്ങളിൽ ഈ ഒരു ട്രോമ മതി ഒരാളുടെ ജീവിതം തലകീഴായി മറിയാൻ 🙏🏼🙏🏼🙏🏼 അപ്പോ പറഞ്ഞു വന്നത് : നിനക്കൊക്കെ രണ്ടെണ്ണം അടിക്കണമെങ്കിൽ ബാറിൽ പോവുകയോ വീട്ടിൽ വെച്ചടിക്കുകയോ എന്തേലും ചെയ്തോളു... അതുമല്ല വഴിയിൽ കിടന്ന് അഴിഞ്ഞാടണോ.. അത് ചെയ്തോളു പക്ഷെ കൊച്ച് പിള്ളേരെ വണ്ടിയുടെ പുറകിൽ കയറ്റികൊണ്ടിറങ്ങരുത്... മനസ്സിലായോ. 🫵🏼🫵🏼 #📝 ഞാൻ എഴുതിയ വരികൾ #❤ സ്നേഹം മാത്രം 🤗 #📔 കഥ