ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6aalEj1G?d=n&ui=v64j8rk&e1=cമൊഞ്ചത്തി പെണ്ണിന്റെ സുൽത്താൻ.. ❤️ Part: 2 ****** ആയിശു... ഒന്നിവിടെ വന്നേ.. "എന്താ ജാസിത്ത.." തോരനുള്ള പയർ കുറച്ചൂടെ അരിയാനുണ്ട് അതൊന്ന് തീർത്തേക്ക് ഞാൻ അവരുടെ അടുത്തേക്ക് ചെല്ലട്ടെ...ട്ടൊ. ***** ആയിശു...പയർ എടുത്ത് അരിയാൻ തുടങ്ങി... ഉമ്മച്ചി,...നിങ്ങൾ അവരുടെ മോനെ കണ്ടിട്ടുണ്ടോ... ആ....ഇക്കയെ... എന്നെ ചെറുതാകുമ്പോ കണ്ട ഓർമയുണ്ടെത്ര...ഞാൻ കുറുമ്പ് കാണിച്ചിരുന്നതല്ലാം പറഞ്ഞു...അതൊക്കെ കേട്ടപ്പോൾ ഞാനാകെ നാണിച്ചുപ്പോയി.. മോളെ..നീ...മുതിർന്ന കുട്ടിയാണ് അവരുടെ മുൻപിലൊന്നും ആവശ്യം ഇല്ലാതെ പോയി നിക്കരുത്.. കേട്ടോ...നമ്മളെ നമ്മൾ സൂക്ഷിക്കണം...അവരൊക്കെ വലിയ ആൾക്കാരാണ്... പിന്നെ എന്തെങ്കിലും സംഭവിച്ചു പോയിട്ട്...കരഞ്ഞിട്ടൊന്നും കാര്യം ഉണ്ടാവൂല... ഉമ്മ... ഞാൻ ചോദിച്ചതിന് ഉത്തരം പറഞ്ഞില്ല... ലൈലത്തയുടെ മകനെ കണ്ടിട്ടുണ്ടോ...എന്ന്.. ഉവ്...കണ്ടിട്ടുണ്ട്, അവൻക്കൊരു...നാലോ അഞ്ചോ വയസുള്ളപ്പോൾ.. പിന്നീട് അവർ ഗൾഫിലേക്ക് പോയില്ലേ... അവർ അങ്ങിനെ മോശം ആളുകൾ ഒന്നും അല്ല ഉമ്മച്ചി..ആ...അമാന മോൾക്ക് ഇത്തിരി ജാഡ ഉള്ളപോലെ തോന്നി...എനിക്ക്...ഞാൻ ചിരിച്ചപ്പോൾ എന്നോട് ചിരിച്ചത് പോലും ഇല്ലാ. നമ്മൾ കാരണം അവർക്ക് സങ്കടം ഒന്നും ഉണ്ടാവാൻ പാടില്ല...നമ്മൾ ഇവിടെ ജോലിക്കാർ മാത്രം ആണ് അത്‌ മറക്കരുത്.. ആ..പരിഗണനയെ... അവർക്ക് നമ്മളോട് ഉണ്ടാവൂ. അതൊക്കെ എനിക്കറിയാം ഉമ്മച്ചി.. തോരൻ വേവിക്കാനായി ആയിശു..ചട്ടിയെടുത്ത് അടുപ്പത്തു വെച്ചു.... മോളെ അത് ഞാൻ ഉണ്ടാക്കാം നീ..പോയി തൊടിയിൽ നിന്നും വേപ്പില പൊട്ടിച്ചിട്ടു വാ....വേഗം വേണം ദാ... ഇപ്പൊ കൊണ്ടരാം..ഉമ്മാ.. അമാനു... അവളങ്ങു നീളം വെച്ചു അല്ലെ...ഇത്ത.. ലൈലയെ നോക്കികൊണ്ട് ജാസി ചോദിച്ചു... അതെ,.. അവൾ ബുർജ്ഖലീഫ പോലെ നീണ്ടു പോകുകയാണ് അമീർ അവളെ കളിയാക്കി കൊണ്ട് പറഞ്ഞു... എടാ...മിണ്ടാതിരിക്ക് എന്റെ കുട്ടിയെ കളിയാക്കണ്ട... ഇയ്യ്.... അനക്ക് കിട്ടും വലുതായി എന്നൊന്നും ഞാൻ നോക്കൂല.. അല്ലേ മോളെ... അല്ലേലും അവനെപ്പോഴും അങ്ങിനെയാ ഉമ്മുമ്മാ.. എന്നെ കളിയാക്കാൻ കിട്ടുന്ന ഒരവസരവും പാഴാക്കികളയില്ല ഞാൻ നീളം വെക്കുന്നത് എന്റെ കുറ്റമാണോ...മുഖം അവന് നേരെ കോട്ടികൊണ്ട് അമാനപറഞ്ഞു.. ജാസീ...അൻവർ എപ്പഴാ വരാ... ഉച്ചക്ക് ഫുഡ്‌ കഴിക്കാൻ എത്താറുണ്ടോ... ലൈലത്ത..ജാസിയോട് തിരക്കി... ഇല്ലാ... ആഴ്ച്ചയിൽ രണ്ട് ദിവസം. അത്രയേ ലീവൊള്ളൂ... ബാംഗ്ലൂരിൽ നിന്നും ഇപ്പൊ എറണാകുളത്തേക്ക് മാറിയില്ലേ...ഇന്നലെ വിളിച്ചപ്പോൾ ഞാൻ ഇത്തയും മക്കളും വരുന്ന കാര്യം സൂചിപ്പിച്ചിരുന്നു...ലീവ് കിട്ടില്ല അടുത്ത ആഴ്ച്ച വരാം നോക്കാം എന്നാ പറഞ്ഞത്. മക്കൾസ് എപ്പഴാ വരാ... അമ്മായി...ഇവിടെന്തോ ബോറടിക്കുന്നു... അവരെ തിരിച്ചും രണ്ട് അടിയങ്ങു കൊടുക്ക് അപ്പൊ അവര് അടങ്ങി നിൽക്കും. അമാനയെ കളിയാക്കികൊണ്ട് ജാസി പറഞ്ഞു... അമ്മായി...നിങ്ങളും തുടങ്ങിയോ.... ഹേയ്....ഞാൻ നിന്റെ കാക്കുവിന്റെ അടുത്ത് പോലും എത്തില്ല...കളിയാക്കലിന്റെ രാജാവ് അവനല്ലെ...ആമി രണ്ട് മണിക്കൂർകൂടി കഴിഞ്ഞാ..മക്കൾസ്... എത്തും പെണ്ണെ... ആണോ...? രണ്ട് പേരെയും കാണാൻ കൊതിയായി...എങ്ങിനെ പഴയ പോലെ വികൃതിയൊക്കെ ഉണ്ടോ ഇപ്പൊ.... വന്നാൽ പിന്നെ രണ്ട് പേരും ഓരോന്ന് പറഞ്ഞുകൊണ്ട് വഴക്കോട് വഴക്കാ...മോന് വന്നാപ്പിന്നെ കളറിങ്ങും, എഴുത്തും ആയിരിക്കും മോൾക്കാണ്... വികൃതി.. അവിടെ കേറിമറിഞ്ഞിട്ടും ചാടിയിട്ടും ഒരു മിനിറ്റ് അടങ്ങി നിൽക്കില്ല.. നിങ്ങൾ വരുന്നുണ്ടെന്ന് അറിഞ്ഞതിൽ പിന്നെ കുഞ്ഞിമോൾക്ക് എന്നും ചോദ്യമാ..മാമിനെ.. അമീർ കാക്കുവിന് ഞങ്ങളെ അറിയുമോ...കാക്കുവിനെ പോലെ ഞാനും വലിയ ഡോക്ടർ ആവുമെന്നും അമാന ഇത്തുവിനെ ഞങ്ങളിനി ഗൾഫിലേക്ക് വിടില്ലന്നൊക്കെ ഇരുന്ന് പുഴുവടിക്കും... ആണോ...നിങ്ങളെപ്പോലെ വായാടിയാണ് അവളും അല്ലേ.. എനിക്കും മേലയാ അവളുടെ വായാടിത്തരം. നിങ്ങൾ ഇന്നാണ് വരുന്നത് എന്ന് ഞാൻ പറഞ്ഞിട്ടില്ല അവരോട്, സ്കൂളിൽ പോകാൻ മടി കാണിക്കുമെന്ന് കരുതി. വന്ന് കയറുമ്പോ.. നിങ്ങളൊക്കെ കാണുമ്പോ മക്കൾക്ക് വലിയ സന്തോഷാവും ജാസിയും അമാനയും ഒരോ വിശേഷങ്ങളും പങ്കു വെച്ചുകൊണ്ടിരുന്നു.. ഉമ്മാമാ.. ഞങ്ങൾ ഒന്ന് കുളിച്ച് ഫ്രഷായി വരാം...നമ്മുടെ തറവാട് കുളം ഇപ്പോൾ എങ്ങിനെയാ... നല്ലതാണോ..അതിലെ വെള്ളം...അമീർ.. ആവേശത്തോടെ ചോദിച്ചു. ആദ്യമൊക്കെ വെള്ളം കുറയുന്ന സമയത്ത് ഒരുപാട് ആളുകൾ കുളിക്കാൻ വരാറുണ്ടായിരുന്നു... ഇപ്പോ കുറച്ചായി ആരുമില്ല...ചുറ്റുഭാഗവും മരങ്ങൾ ആയതുകൊണ്ട് തന്നെ ഇലകൾ കൊഴിഞ്ഞു വീണ് ആകെ ചപ്പും ചവറുമായി കിടക്കുകയായിരുന്നു... നിങ്ങൾ വരുന്നുണ്ടെന്ന് അറിഞപ്പോൾ ഉപ്പാപ്പ... ആളെ വിളിച്ച് മൊത്തത്തിൽ ക്ലീൻ ആക്കി വെച്ചിരിക്കുന്നു. അതിന് ശേഷം ആയിശുമോളെ കുളിയും അലക്കലൊക്കെ അതിൽ നിന്നാ...ഒറ്റക്ക് പോവണ്ട എന്ന് പറഞ്ഞാൽ അവൾ കേൾക്കുകയും ഇല്ല... മുറ്റത്ത്‌ തന്നെയല്ലേ.. പേടിക്കാൻ എന്തിരിക്കുന്നു എന്നാ അവള് പറയാറ്... എന്നാലും..അവൾ മുതിർന്ന കൊച്ചല്ലേ...ആരേലും വന്ന് അവളെ...വെറുതെ പേടിപ്പിക്കാൻ നോക്കിയാലും മതിയല്ലോ.. ആഹാ " അവൾക്ക് നീന്താൻ ഒക്കെ അറിയോ...? അതൊക്കെ എന്ന് പഠിച്ചു അവൾ... അതൊക്കെ അവൾ പഠിച്ചു വെച്ചിട്ടുണ്ട്...മിടുക്കിയല്ലേ അവൾ...കുളത്തിൽ പോയി കുളിച്ച് ശീലിച്ചാൽ പിന്നെ കുളിമുറിയിൽ നിന്നും കുളിക്കാനെ തോന്നില്ല ആ...നീന്തികുളിക്കുന്നതിന്റെ സുഖം ഒന്ന് വേറെ തന്നെയാ.. ഉമ്മൂമ്മ..എന്ന് പറയും എന്നോട്. അത്‌ സത്യമാ...അതിന്റെ സുഖം ഒന്ന് വേറെ തന്നെയാ.. പണ്ട് എത്ര ചാടി കുളിച്ചതാ.. ഞാനും..നമ്മുടെ ചുറ്റുവട്ടത്തെ കുട്ടികളും...ഇടക്ക്.. അതിനടുത്തുള്ള മാവിൽ നിന്ന് പഴുത്ത മാങ്ങാ വീഴും.. പിന്നീടുള്ള അടി അതിനായിരിക്കും..എന്ത് മധുരമുള്ള കാലമായിരുന്നു. അന്നൊക്കെ... എല്ലാം ഗൾഫിൽ കൊണ്ട് പോയി തുലച്ചു... അതൊക്കെ പോട്ടെ... ഏത് വരെ പഠിച്ചു അവൾ..? പത്ത് കഴിഞ്ഞതിൽ പിന്നെ...തുടർന്നു പഠിക്കാൻ പോയിട്ടില്ല പഠനത്തിൽ മിടുക്കിയായിരുന്നു അവൾ. "പിന്നെ എന്തെ പഠിപ്പിച്ചില്ല...' അവളുടെ ഉപ്പാന്റെ പെട്ടന്നുള്ള മരണവും..വീടിന് ജപ്തി നോട്ടീസ് വന്നതും എല്ലാം അവളെ വല്ലാതെ തളർത്തിയിരുന്നു... വീട്ടുകാരെ അവഗണിച്ചുകൊണ്ട് രണ്ട് പേരും പരസ്പരം പ്രണയിച്ചു വിവാഹിതരായതല്ലെ അതുകൊണ്ട് തന്നെ... അവരെ സഹായിക്കാൻ ആരും തന്നെ ഉണ്ടായില്ല...വീട്ടുകാരും, കുടുംബക്കാരും, നാട്ടുകാരും...ആരും തന്നെ...അവരെ തിരിഞ്ഞു നോക്കിയില്ല... അവസാനം ഉപ്പാപ്പ ഇങ്ങോട്ട് കൂട്ടി കൊണ്ട് വന്നു...ഇപ്പൊ മൂന്ന് വർഷായി അവരിവിടെ... "അവർക്ക് വേറെ മക്കളില്ലേ..? ഇല്ലാ... അതൊക്കെ ഒരു കഥയാണ് പറയുകയാണേൽ ഒരു പാട് പറയാനുണ്ട്... മക്കൾ പോയി കുളിച്ചിട്ട് വാ.. എന്നിട്ട് ഒന്നിച്ചിരുന്ന് ഭക്ഷണം കഴിക്കാം... അമീർ...കുളം കാണാനും കുളിക്കാനൊക്കെ ആയി തോർത്തും,സോപ്പും, ഡ്രെസ്സൊക്കെ എടുത്ത് ഉമ്മറം വഴി പുറത്തേക്കിറങ്ങി...വീടിന്റെ സൈഡിലൂടെ നടന്നപ്പോഴാണ് അയലിൽ..ഡ്രസ്സ്‌ വിരിച്ചിടുന്ന ആയിശുവിനെ അമീർ കാണുന്നത്.... ഇവൾ ആളൊരു സുന്ദരിയാണല്ലോ...ഊരക്ക് കയ്യും കൊടുത്ത് അവൻ അവളെ തന്നെ നോക്കിനിന്നു... കാറ്റ് വന്ന് കുസൃതി കാട്ടി തലയിൽ നിന്നും തട്ടം താഴേക്ക് തട്ടിയിട്ടു അതവളുടെ ‌ കഴുത്തിൽ കിടന്ന് പാറികളിച്ചു സുന്ദരമായി കെട്ടിവെച്ച അവളുടെ മുടിയിഴകൾ കാറ്റിൽ പറന്ന് അവളുടെ മിഴികളിലേക്ക് വീണു..അത്‌ ഇടക്കിടക്ക് കൈകൊണ്ടവൾ മാടി ഒതുക്കുന്നുണ്ടായിരുന്നു.. അതൊക്കെ കണ്ട് ആസ്വാദിച്ച് അമീർ അവളെ തന്നെ നോക്കിനിന്നു... അവന്റെ പിന്നാലെ ഇറങ്ങി വന്ന അമാന ഇതെല്ലാം ശ്രദ്ധിക്കുന്നുണ്ടായിരുന്നു.. അവൾ ഒറ്റ വിളിയായിരുന്നു ഉമ്മച്ചീ...ഇക്കു... കൈ വിട്ടു പോയി... (തുടരും...) കണ്ണൂർകാരൻ ❤️❤️❤️ #📔 കഥ #📙 നോവൽ #📚 ട്വിസ്റ്റ് കഥകൾ #✍ തുടർക്കഥ #💞 പ്രണയകഥകൾ