നിഴൽ രചന : ജാസി Last Part 8 അവളെ കണ്ടതും ഒരു നിമിഷം ഞാന് തറഞ്ഞു നിന്ന് പോയി. ഇവള് എന്താ ഇവിടെ?. ഇനി ഇതാണോ എൻ്റെ മിഷു?. എന്ത് ചെയ്യണമെന്ന് അറിയാതെ ഞാൻ അവിടെ നിന്നും നോക്കി. എന്നെ ഇവിടെ കണ്ട ഷോക്കില് അവൾ വിടാതെ നോക്കുന്നുണ്ട്. കുറ്റബോധം കൊണ്ടോ എന്തോ എന്റെ തല താണു. അവളെ മുഖത്തേക്കു നോക്കാൻ പോലും മടി തോന്നി. "സാർ ഇയാളെ വീട്ടില് നിന്ന ഫെല്ലയെ കണ്ടെത്തിയത്." പുറകില് നിന്നും ആരോ ക്യാപ്റ്റന്റെ അളിയനോട് വിളിച്ച് പറഞ്ഞ് കൊണ്ട് അങ്ങോട്ട് വന്നു. ആരാണെന്ന് നോക്കിയപ്പോ അവളെ അവിടെ നിന്നും കൊണ്ട് പോകാൻ വന്നവർ. ആകെ മൊത്തം കുടുങ്ങിയ അവസ്ഥയിലാണ് ഞാന്. ഒരു ഭാഗത്ത് മിഷു മറ്റൊരു ഭാഗത്ത് ഇയാളും . എങ്ങനെ അവളെ പറഞ്ഞ് മനസ്സിലാക്കും?? ഇവരുടെ കൈയ്യിൽ നിന്ന് എങ്ങനെ രക്ഷപ്പെടും??. ഭക്ഷണം കഴിച്ച് കൊണ്ടിരിക്കുമ്പോ ആണ് അയാള് അങ്ങോട്ട് കടന്ന് വന്നത് കൂടെ തന്നെ ആ സ്ത്രീയും ഉണ്ട്. കഴിച്ച് കൊണ്ടിരിക്കുന്ന പാത്രം തട്ടി മാറ്റി കൊണ്ട് എൻ്റെ മുടിയില് പിടിച്ച് എഴുന്നേപ്പിച്ചു. "വേഗം ഈ ഡ്രെസ്സ് ഇട്ട് വാ. നിന്നെ ഒരാളുടെ അടുത്തേക്ക് കൊണ്ട് പോവാ. അയാളോട് നീ ഇവിടെ നടക്കുന്നത് ഒന്നും പറയരുത്. അവന് നിനക്ക് എന്തെങ്കിലും തരും അത് നീ ഞങ്ങളെ ഏല്പ്പിക്കണം കേട്ടല്ലോ?? ഇല്ലെങ്കില് നിനക്ക് എന്നെ അറിയാലോ. ? ആദ്യം വളരെ ശാന്തമായി പറഞ്ഞ് പിന്നീട് അത് ഒരു ഭീഷണി സ്വരത്തില് ആയി. അവർ നിയന്ത്രിക്കുന്ന ഒരു പാവ മാത്രമാണ് ഞാന്. ചെയ്യുക അല്ലാതെ വേറെ മാര്ഗം ഒന്നുമില്ല. എനിക്ക് നേരെ നീട്ടിയ കവർ വാങ്ങി ഞാനത് തുറന്ന് നോക്കി. പുതിയ ഒരു ഡ്രെസ്സ് ഈ അടുത്തായി ഞാൻ ഇത്ര നല്ല ഡ്രെസ്സ് ഒന്നും ഇട്ടിട്ടില്ല. എന്നാലും വന്നത് ആരായിരിക്കും എന്ന ചിന്ത ഉണ്ടായിരുന്നു. എന്തിനായിരിക്കും അയാൾ ഇങ്ങോട്ട് വന്നത്? എന്താണ് അയാള്ക്ക് എനിക്ക് തരാന് ഉണ്ടാവുക??. ഈ ചോദ്യങ്ങള് എല്ലാം മനസ്സിൽ പറഞ്ഞ് കൊണ്ട് അവരുടെ കൂടെ ഞാൻ ഡൈനിങ്ങ് ഹാളിലേക്ക് പോയി. അവിടെ ഞങ്ങൾക്ക് പുറം തിരിഞ്ഞ് നില്ക്കുന്ന ഒരു ചെറുപ്പക്കാരന്. പെട്ടന്ന് അയാൾ തിരിഞ്ഞതും. ഞാൻ ആശ്ചര്യത്തോടെ അവനെ നോക്കി. "കലിപ്പന്" ചുണ്ടുകള് പതുക്കെ മന്ത്രിച്ചു. എൻ്റെ അതേ അവസ്ഥയാണ് കലിപ്പനുമെന്ന് മുഖം കണ്ടപ്പോള് മനസ്സിലായി. 'ഇവനെന്താ ഇവിടെ??. ഇവൻറെ കാര്യം ആയിരിക്കോ അയാള് പറഞ്ഞത്?. ഇനി ഞാന് എന്നല്ല ഇവനും ഇവിടെ നിന്നും പോകില്ല. ഇവരുടെ കൈയ്യില് പെട്ടല്ലോ. എന്താ ചെയ്യാ..' മനസ്സിൽ പല കാര്യങ്ങളും മിന്നി മറഞ്ഞു കൊണ്ടിരുന്നു. എങ്ങനെയെങ്കിലും ഇവരുടെ കൈയിൽ നിന്നും അവനെ രക്ഷപ്പെടുത്തണം അത് മാത്രമായി പിന്നീടുള്ള ചിന്ത. "അക്കു... പൊയ്‌ക്കോ നിൻ്റെ കൈയിൽ ഉള്ളത് ഒന്നും കൊടുക്കല്ലെ. നിന്നെ ഇവര് വെച്ചേക്കില്ല വേഗം ഇവിടെ നിന്നും ഓടിക്കോ. ഞാന് പറയുന്നത് കേള്ക്ക്." എന്നെ കൊണ്ട് ആവും വിധം ഉച്ചത്തില് ഞാൻ വിളിച്ചു പറഞ്ഞതും പെട്ടന്ന് തന്നെ അയാളുടെ കൈകൾ എൻ്റെ കവിളില് ശക്തിയോടെ പതിഞ്ഞു. തല കറങ്ങുന്നത് പോലെ നിലത്തേക്ക് വീഴുമ്പോള് ചുറ്റുമുള്ളത് എല്ലാം മങ്ങിയ രീതിയില് കാണാമായിരുന്നു. അവരുടെ പ്രവര്‌ത്തി കണ്ട് ദേഷ്യം വന്ന് എന്നെ തന്നെ നിയന്ത്രിക്കാൻ ആവാതെ ഞാന് അയാള്ക്ക് നേരെ പാഞ്ഞ് അടുത്തു. കഴുത്തിൽ കുത്തി പിടിച്ച് കൊണ്ട് ഞാൻ പിടി മുറുക്കി പുറകില് നിന്നും അയാളുടെ കൂടെ ഉള്ള രണ്ട് ആളുകൾ എന്നെ പിടിച്ച് മാറ്റി എന്നെ അടിക്കാന് തുടങ്ങി. ഒരു വിധം അവരെ എല്ലാം അടിച്ച് ഒതുക്കി അടി കിട്ടിയപ്പോ തന്നെ അവന്മാര് ഇറങ്ങി . ഞാൻ ക്യാപ്റ്റൻ്റെ അളിയന് നേരെ ചെന്ന് അയാള്ക്ക് രണ്ടെണ്ണം കൊടുത്തപ്പോ ഇത് വരെ നടന്നത് എല്ലാം എന്നോട് പറഞ്ഞു. അവിടെ ഉണ്ടായിരുന്ന ഒരു തുണി വെച്ച് അവരെ രണ്ട് പേരെയും കസേരയില് ഇരുത്തി കെട്ടി ഇട്ടു. വേഗം മിഷൂനെ കോരി എടുത്ത് സോഫയില് കിടത്തി. അവളെ തട്ടി വിളിച്ചിട്ട് ഒന്നും ഉണരുന്നില്ല അവിടെ ജഗില് ആയുള്ള വെള്ളം എടുത്ത് മുഖത്ത് തളിച്ച് തുടരെ തുടരെ ഞാൻ വിളിച്ചു കൊണ്ടിരുന്നു. കണ്ണ് തുറക്കുന്നത് കണ്ടതും ഞാന് പ്രതീക്ഷയോടെ അവളെ നോക്കി. ബോധം തെളിഞ്ഞപ്പോ തന്നെ എന്റെ മടിയില് നിന്ന് ചാടി എണീറ്റ് എന്നെ രുക്ഷമായി നോക്കുന്നുണ്ട്. ഇനി എന്റെ അവസ്ഥ എന്താവും പടച്ചോനെ.!! തലക്ക് വല്ലാതെ ഭാരം തോന്നി മുഖത്ത് വെള്ളം വീണപ്പോ പതിയെ ഞാന് കണ്ണ് തുറന്നു. ഞാൻ കിടക്കുന്നത് കലിപ്പന്റെ മടിയില് ആണെന്ന് കണ്ടതും പെട്ടന്ന് തന്നെ അവിടെ നിന്ന് എണീറ്റ് ചുറ്റും നോക്കി. അവിടെ കസേരയില് ഇരിക്കുന്ന അയാളെ കണ്ടതും മനസ്സിലേക്ക് പഴയ പല ഓര്മ്മകളും കടന്ന് വന്നു. ഒരു പക്ഷേ എനിക്ക് എന്റെ ജീവിതത്തോട് മടുപ്പ് തോന്നിയ നിമിഷം. ഞാൻ അയാളുടെ അടുത്തേക്ക് ചെന്ന് അയാളുടെ കവിളില് ആഞ്ഞ് തല്ലി. "മിണ്ടി പോകരുത് കൊന്ന് കളയും ഞാന്. നിങ്ങളെ രണ്ട് പേരെയും ഞാൻ ഒരുപാട് വിശ്വസിച്ചു. ഇവിടേക്ക് വന്നപ്പോ നിങ്ങളുടെ കരുതല് എല്ലാം കണ്ടപ്പോ ഈ സ്ത്രീയെക്കാളും ഞാൻ തന്നെ വിശ്വസിച്ചു. എന്നിട്ട് താന് ആ വിശ്വാസം മുതലെടുത്തില്ലെ. എന്തിനാ എന്തിനാ എന്നോട് ഇങ്ങനെ ഒക്കെ ചെയ്യുന്നേ??! . ഞാന് എന്ത് തെറ്റ് ചെയ്തിട്ട??!. പിന്നെ ആ സ്ത്രീയുടെ അടുത്തേക്ക് ചെന്ന് അവരുടെ കഴുത്തിൽ പിടിച്ച് കൊണ്ട് എന്റെ ദേഷ്യം തീർത്തു. " പറ എവിടെയാ നീ എൻ്റെ ഉപ്പുപ്പാനെ കൊണ്ട് ആക്കിയേ??." പിടി അയച്ചതും ശ്വാസം എടുത്ത് വിട്ട് കൊണ്ട് അവരാ സ്ഥലം പറഞ്ഞ് തന്നു. തിടുക്കപ്പെട്ട് ഞാൻ പുറത്തേക്ക് പോകാൻ നിന്നതും അവര് പറയുന്നത് കേട്ട് എൻ കാല് നിശ്ചലമായി. ഉപ്പൂപ്പയും എന്നെ വിട്ട് പോയെന്ന് മനസ്സിലായതും ഒരു ഭ്രാന്തിയെ പോലെ ഞാന് അവിടെ ഇരുന്ന് കരഞ്ഞു. എന്റെ തോളില് ആയി കലിപ്പന്റെ കൈ പതിഞ്ഞതും ഞാൻ വേഗം തന്നെ അവന്റെ നെഞ്ചിലേക്ക് വീണ് കരഞ്ഞു കൊണ്ടിരുന്നു. ഒരു ആശ്വാസം എന്നോണം കലിപ്പനും എന്നെ ചേര്ത്ത് പിടിച്ചിരുന്നു. കരഞ്ഞ് തളര്ന്ന് എപ്പോഴോ ഞാൻ മയക്കത്തിലായി. കരഞ്ഞ് തളര്ന്നു അവളെൻ്റെ നെഞ്ചില് തന്നെ കിടന്ന് മയങ്ങിട്ടുണ്ട്. അവളെ പിടിച്ച് സോഫയില് കിടത്തി ഞാൻ അവര്ക്ക് നേരെ തിരിഞ്ഞു അപ്പോഴാണ് എൻന്റെ ബാഗ് കണ്ണിലുടക്കിയത്. പെട്ടന്ന് അത് എടുത്ത് ബാഗില് ആയുള്ള ഡയറി പുറത്തേക്ക് എടുത്ത് അത് മറച്ച് നോക്കി കാര്യമായി അതിൽ ഒന്നും തന്നെ എഴുതീട്ടില്ല. കൂടുതലും മിഷുന്റെ കത്തുകളാണ് അതെല്ലാം പുറത്തേക്ക് എടുത്തു നോക്കിയപ്പോഴാണ് ഞാൻ ആ പേപ്പര് കാണുന്നത്. അത് വെറുമൊരു പേപ്പര് അല്ല ഈ വീടിന്റെയും ക്യാപ്റ്റൻ പ്രോപ്പര്ട്ടികളുടെ ആധാരം ആയിരുന്നു അതെല്ലാം മിഷൂന്റെ പേരില് എഴുതിയത് കണ്ടതും. ഞാൻ പുച്ഛത്തോടെ അവർ രണ്ടുപേര്‌ക്കും അത് കാണിച്ച് കൊടുത്തു. അവിടെ ടേബിളില് ആയുള്ള കത്തി കൈയിൽ എടുത്ത് ഞാൻ അവര്ക്ക് നേരെ നടന്നു. ഒരു തരം ഭീതി അവരുടെ മുഖത്ത് വ്യക്തമായി കാണാമായിരുന്നു. കത്തി ഞാൻ അയാളുടെ കഴുത്തിൽ ആയി വെച്ചതും പേടിയോടെ ഇരു കണ്ണുകളും അടച്ച് നിലവിളിക്കാന് തുടങ്ങി. ചെറു ചിരിയോടെ ഞാൻ കൈ പിന്‌വലിച്ച് അവരുടെ കൈയിലെ കെട്ടുകള് അഴിച്ച് മാറ്റി. "പൊയ്ക്കോ ഇനി ഒരിക്കലും അവളുടെ ജീവിതത്തില് വന്ന് പോകരുത് കേട്ടല്ലോ." തല കുലുക്കി കൊണ്ട് സമ്മതം അറിയിച്ച് രണ്ട് പേരും അവിടെ നിന്നും ഇറങ്ങി ഓടി. മിഷുന് നേരെ തിരിഞ്ഞ് ഞാൻ അവളെയും പൊക്കി എടുത്ത് പുറത്തേക്ക് നടന്നു. ആ വീട് പൂട്ടി അവിടെ മുറ്റത്ത് നിര്‌ത്തിയിട്ടിരിക്കുന്ന scorpio കണ്ടതും അങ്ങോട്ട് ചെന്ന് അവളെ അതിൽ ഇരുത്തി. ഉണര്ന്നാ എന്തായാലും എൻ്റെ കൂടെ ബൈക്കില് വരില്ല അത് ഉറപ്പാണ്. ബൈക്ക് പിന്നെ വന്ന് എടുക്കാമെന്ന് വെച്ച് ഞാൻ വണ്ടി എന്റെ വീട് ലക്ഷ്യമാക്കി ഓടിച്ചു. ചെമ്മണ് പാതകളും റോഡും എല്ലാം കടന്ന് വണ്ടി വീടിന് മുന്നില് ചെന്ന് നിന്നു. നേരം വെളുത്ത് തുടങ്ങുന്നേ ഒള്ളു. ഇപ്പോ പോയി അവരെ ഉണര്ത്തിയാല് ശരിയാവില്ലെന്നത് കൊണ്ട് ഞാൻ പുറത്തു കൂടെയുള്ള കോണി വഴി ടെറസിലേക്ക് ചെന്ന് എന്റെ ബാഗിലുള്ള ഡ്രസ്സ് അവിടെ വിരിച്ച് അതിൽ മിഷുനെ കിടത്തി. രാത്രി മുഴുവന് ഉറക്കം ഒഴിച്ചത് കാരണം ഞാനും അവിടെ കിടന്ന് ഉറങ്ങി പോയി. കണ്ണില് വെളിച്ചം കുത്തി കേറുന്ന പോലെ തോന്നിയതും കൈ മറച്ച് പിടിച്ച് കൊണ്ട് ഞാൻ എണീറ്റു. എൻ്റെ അടുത്ത് ആയി കിടന്നുറങ്ങുന്ന കലിപ്പനെ കണ്ടതും ഞെട്ടലോടെ ഞാൻ ചുറ്റും നോക്കി. ഇപ്പൊ നില്ക്കുന്നത് അവൻ്റെ വീട്ടില എപ്പോഴാ ഇങ്ങോട്ട് വന്നതെന്ന് പോലും ഓര്‌മ്മയില്ല. വേഗം താഴേക്ക് ഇറങ്ങി ബെല് അടിച്ച് വാതില് തുറക്കുന്നതും കാത്ത് അവിടെ നിന്നു. ഫെമിയാണ് തുറന്ന് തന്നത് അവളെ കണ്ടതും ഓടി ചെന്ന് കെട്ടി പിടിച്ച് വിശേഷം ഒക്കെ തിരക്കി. എന്നെ പെട്ടന്ന് കണ്ട ഷോക്കിലാണ് അവരൊക്കെ. ഏകദേശം കാര്യങ്ങൾ പറഞ്ഞ് കൊടുത്ത് അവരോട് കത്തി വെച്ചിരിക്കുമ്പോഴാണ് കലിപ്പന് അങ്ങോട്ട് വന്നത്. എന്നെ നോക്കി ഇളിച്ചു കാണിച്ച് പെട്ടന്ന് അവിടെ നിന്ന് മേലേക്ക് കയറി പോയി. ഫെമി ഉള്ളത് കൊണ്ടാവും. എൻ്റുപ്പ നിൻ്റെ ക്യാപ്റ്റന് ആണെന്നുള്ള സിംപതി കൊണ്ടാണോ എന്നെ ഇങ്ങോട്ട് കൊണ്ട് വന്നത്. എന്തായാലും ഇന്ന് തന്നെ തിരിച്ച് പോകണം ഞാനും അയാളും തമ്മിലുള്ള ബന്ധം അന്നേ തീര്ന്നത അത് ഇനിയും ഒരുമിപ്പിക്കാന് കഴിയില്ല. മനസ്സിൽ പലതും കണക്ക് കുട്ടി ഇരിക്കുമ്പോഴാണ് ചായ കുടിക്കാന് ഉമ്മി വിളിച്ചത് അവരുടെ കൂടെ ഇരിക്കുമ്പോയും കലിപ്പന് എന്നെ തന്നെ കണ്ണെടുക്കാതെ നോക്കുന്നുണ്ട്. അതൊന്നും കണക്കിലെടുക്കാതെ ചായ കുടിച്ചതും വേഗം എഴുന്നേറ്റു. "ഉമ്മി ഫെമി ഉപ്പ ഞാൻ പോവാട്ടോ. പിന്നെ എപ്പോഴെങ്കിലും വരാം." അവരോട് യാത്ര പറഞ്ഞ് ഇറങ്ങാന് നേരത്താണ് അവന് എൻ്റെ കൈയിൽ പിടിച്ചത് എന്തെന്ന മട്ടില് നോക്കിയപ്പോ എന്നേയും വലിച്ച് കൊണ്ട് മേലേക്ക് പോയി. ഒന്നും മനസ്സിലാവാതെ അവന്റെ പിറകെ പോകുമ്പോഴും കൈ വിടുവിക്കാന് നോക്കി എവിടെ ഇതിൻ്റെ കൈ എന്താ ഇരുമ്പ് ആണോ. വേദനിച്ചിട്ട് വയ്യ. നേരെ പോയത് കലിപ്പൻ്റെ റൂമിലേക്കാണ് ഉള്ളിലേക്ക് എന്നെ തള്ളി ഡോര് അടക്കുന്നത് കണ്ടപ്പോ തന്നെ മനസ്സിലായി ഞാൻ പോവാണെന്ന് പറഞ്ഞത് ഇഷ്ട്ടപ്പെട്ടു കാണില്ല. എന്നാലും ഉള്ളിലുള്ള പേടിയൊന്നും പുറത്ത് കാണിക്കാതെ അവനെ തന്നെ തുറിച്ച് നോക്കി. ഞാൻ ഒട്ടും പ്രതീക്ഷിക്കാതെയാതണ് എന്നെ പിടിച്ച് ചുവരിലേക്ക് ചേർത്ത് നിര്‌ത്തിയത്. പഴയ പല ഓര്മ്മകളും മനസ്സിലേക്ക് കടന്നു വന്നു. അവന്റെ പിടിയില് നിന്നും കുതറി മാറാൻ ശ്രമിച്ചെങ്കിലും അതിന് കഴിഞ്ഞില്ല. "തെറ്റ് എന്റേത് തന്നെയ സമ്മതിച്ചു. എന്നോടുള്ള വാശി കാരണം അവിടെ പോയി ഒറ്റക്ക് താമസിക്കാന് ആണോ നിന്റെ തീരുമാനം. അവര് നിന്നെ അന്വേഷിച്ച് വന്നാലോ? . നീ എന്ത് ചെയ്യും??!. അത് കൊണ്ട് പറയുന്നേ ഇവിടെ നില്ക്കാന്. .." "ഇതൊന്നും എന്തേ അന്ന് എന്നെ കൊണ്ട് പോകുമ്പോൾ താന് ഓര്ത്തില്ല. കരഞ്ഞ് പറഞ്ഞില്ലേ ഞാൻ നിന്നോട്. ക്യാപ്റ്റന്റെ മകളാണെന്ന സിംപതി കൊണ്ടാണ് എന്നെ ഇവിടെ നിര്ത്തിക്കുന്നതെന്ന് എനിക്കറിയാം. ഞാൻ ആര്ക്കും ഒരു ഭാരവും ആവുന്നില്ല. " അത്രയും പറഞ്ഞ് ഞാൻ പുറത്തേക്ക് പോകാൻ നിന്നതും എന്നെ വലിച്ച് ചേര്ത്ത് നിര്ത്തി. ഒന്ന് ഉയർന്ന് പൊങ്ങി വെപ്രാളത്തോടെ കലിപ്പനെ നോക്കി. പെട്ടന്ന് എൻ്റെ പിന് കഴുത്തിൽ പിടിച്ച് അവന് നേരെ അടുപ്പിച്ചു. കണ്ണ് ഇറുക്കി അടച്ച് കൊണ്ട് ശ്വാസം പിടിച്ചു നിര്ത്തി ഞാൻ അവിടെ നിന്നു. ചുടു നിശ്വാസം മുഖത്ത് പതിഞ്ഞതും ഞെട്ടലോടെ കണ്ണ് തുറന്ന് ഞാൻ അവനെ പിന്നിലേക്ക് തള്ളി മാറ്റാൻ നോക്കിയെങ്കിലും കൂടുതൽ ശക്തിയോടെ എന്നെ പിടിച്ച് അടുപ്പിച്ച് എൻ്റെ ചുണ്ടുകള് അവന് സ്വന്തമാക്കി. ദീര്ഘ നേരത്തേ ചുംബനത്തിന് ശേഷം അടര്ന്നു മാറുമ്പോള് അവൻ്റെ മുഖത്തേക്കു നോക്കാന് പോലും മടിച്ച് ഞാൻ തല താഴ്ത്തി നിന്നു. എന്റെ താടയില് പിടിച്ചു ഉയർത്തി എന്റെ കവിൾ കൈകളിൽ ആയി കോരി എടുത്ത് കണ്ണുകളിലേക്ക് തന്നെ നോക്കി ഒരുപാട് നേരം നിന്ന് പറഞ്ഞ് തുടങ്ങി. *നീ ആഗ്രഹിച്ചത് പോലെ നിന്റെ നിഴലായി മായാതെ ഇനി എന്നും കൂടെ ഞാനുണ്ടാകും. ഇരുട്ടിലും വെളിച്ചത്തിലും എല്ലായിടത്തും എപ്പോഴും കൂട്ടിനായി. എൻ്റെ പാതിയായി ഈ നെഞ്ചോട് ചേര്‌ത്ത് നിര്‌ത്തി നിര്ത്തും. * *ശുഭം* #📖 കുട്ടി കഥകൾ #📔 കഥ #📝 ഞാൻ എഴുതിയ വരികൾ #📙 നോവൽ #💞 പ്രണയകഥകൾ