#😢प्रसिद्ध अभिनेत्री प्रवीणा देशपांडे यांचे यांचे निधन💐 #भावपूर्ण श्रद्धांजली #भावपूर्ण श्रद्धांजली 😭 #दुःखद #🔴आजचे ताजे अपडेट्स📰 मराठी आणि हिंदी मनोरंजन विश्वातून एक अत्यंत दुःखद बातमी समोर येत आहे. आपल्या सहजसुंदर अभिनयाने प्रेक्षकांच्या मनावर अधिराज्य गाजवणाऱ्या ज्येष्ठ आणि हरहुन्नरी अभिनेत्री प्रविणा देशपांडे यांचे निधन झाले आहे. मंगळवारी (१७ फेब्रुवारी) वयाच्या ६० व्या वर्षी त्यांनी अखेरचा श्वास घेतला. प्रविणा देशपांडे या गेल्या काही काळापासून एका गंभीर आजाराशी लढा देत होत्या, मात्र त्यांची ही झुंज अपयशी ठरली असून त्यांच्या निधनाने सिनेसृष्टीवर शोककळा पसरली आहे. मिळालेल्या माहितीनुसार, प्रविणा देशपांडे या मागील बऱ्याच वर्षांपासून ‘मल्टिपल मायलोमा’ (Multiple Myeloma) म्हणजेच रक्ताच्या कर्करोगाशी झुंज देत होत्या. २०१ पासून त्यांच्यावर या आजाराचे उपचार सुरू होते. उपचारादरम्यान त्यांनी मोठ्या हिमतीने या आजाराचा सामना केला, परंतु १७ फेब्रुवारी रोजी त्यांची प्राणज्योत मालवली. त्यांच्या निधनाची माहिती त्यांच्या कुटुंबीयांनी सोशल मीडियाच्या माध्यमातून दिली. कुटुंबीयांनी शेअर केलेल्या भावूक पोस्टमध्ये म्हटले आहे की, "अत्यंत दुःखाने कळवावे लागत आहे की, सौ. प्रविणा देशपांडे यांचे निधन झाले आहे." त्यांच्या पश्चात परिवार आणि मोठा चाहतावर्ग आहे. मंगळवारी दुपारी ३ वाजता मुंबईतील अंधेरी पूर्व येथील चकाला पारसीवाडा हिंदू स्मशानभूमीत त्यांच्या पार्थिवावर अंत्यसंस्कार करण्यात आले. प्रविणा देशपांडे यांनी केवळ मराठीच नव्हे, तर हिंदी चित्रपटसृष्टी, टेलिव्हिजन मालिका आणि वेब सीरिजमध्येही आपल्या अभिनयाचा ठसा उमटवला होता. सलमान खानच्या 'रेडी' या सुपरहिट चित्रपटातील त्यांची भूमिका विशेष गाजली होती. याशिवाय त्यांनी सिद्धार्थ मल्होत्रा आणि श्रद्धा कपूर यांच्या 'एक व्हिलन', जॉन अब्राहमच्या 'परमाणु: द स्टोरी ऑफ पोखरण' आणि 'जलेबी' यांसारख्या मोठ्या हिंदी चित्रपटांमध्ये महत्त्वाच्या भूमिका साकारल्या होत्या. मोठ्या पडद्यासोबतच छोटा पडदाही त्यांनी आपल्या अभिनयाने गाजवला. 'घर एक मंदिर', 'कुमकुम - एक प्यारा सा बंधन', 'करम अपना अपना' आणि 'कुल्फी कुमार बाजेवाला' यांसारख्या लोकप्रिय हिंदी मालिकांमध्ये त्यांनी काम केले होते. विशेष म्हणजे, आजारपणाशी लढा देत असतानाही त्या काम करत होत्या. नुकत्याच प्रदर्शित झालेल्या इमरान हाश्मीच्या 'तस्करी' (Taskaree) या वेब सीरिजमध्ये त्या दिसल्या होत्या, जे त्यांचे शेवटचे काम ठरले. तसेच, आगामी 'द फॅमिली मॅन सीझन ३' मध्येही त्यांनी काम केल्याचे समजते. अशा या गुणी अभिनेत्रीच्या जाण्याने मनोरंजन क्षेत्रात मोठी पोकळी निर्माण झाली असून, अनेक कलाकार आणि चाहत्यांनी त्यांना सोशल मीडियाच्या माध्यमातून श्रद्धांजली वाहिली आहे. 'सिंटा' (CINTAA) या सिने अँड टीव्ही आर्टिस्ट असोसिएशननेही त्यांच्या निधनावर तीव्र दुःख व्यक्त केले आहे.