ആംബുലൻസ് (42) സബ് ഇൻസ്പെക്ടർ ഗോപിനാഥും സബ് ഇൻസ്പെക്ടർ ആനന്ദനും ആ കുഴിയിൽ നിന്നും കയറിയപ്പോൾ പ്രഭാകരനും ആംബുലൻസും അപ്രത്യക്ഷമായിക്കഴിഞ്ഞിരുന്നു. അതോടെ ഈ പ്രഭാകരൻ തന്നെയാണ് സബ് ഇൻസ്പെക്ടർ ആനന്ദനെ ഫോൺ വിളിച്ചതെന്ന് ബോദ്ധ്യമായി. അതോടെ സബ് ഇൻസ്പെക്ടർ ഗോപിനാഥിൻ്റെ കോപം ജ്വലിച്ചു. "Come on...ആനന്ദൻ...അവൻ ഈ ചുരത്തിലൂടെ പെട്ടെന്നൊന്നും നമ്മുടെ കണ്ണ് വെട്ടിച്ച് കടന്നു കളയില്ല...അവൻ കർണ്ണാടക പോലീസിനോട് കളിക്കുന്നു എന്നാകും അവൻ്റെ മനസ്സിൽ...ആരോടാണവൻ കളിക്കുന്നതെന്ന് അവന് ഉടനെ മനസ്സിലാകും...അവന് മനസ്സിലാക്കിക്കൊടുക്കണം...ആനന്ദൻ... വേഗം വണ്ടി തിരിക്കൂ...അവനെ ഇപ്പോ നമുക്ക് പിടികൂടണം. ഇതോടെ നിങ്ങളുടെ തല വേദന എന്നെന്നേക്കുമായി അവസാനിക്കും" സബ് ഇൻസ്പെക്ടർ ആനന്ദൻ ജീപ്പ് തിരിച്ചു. സബ് ഇൻസ്പെക്ടർ ഗോപിനാഥ് ചാടിക്കയറി. ജീപ്പ് ചീറിപ്പാഞ്ഞു... പത്ത് കിലോമീറ്ററിനുളളിൽ ആ ആംബുലൻസ് പഞ്ചറായി പ്രഭാകരൻ ടയർ മാററുന്ന കാഴ്ചയാണ് കണ്ടത്... ജീപ്പ് മുന്നിൽ കയററി റോഡ് ക്രോസ് ചെയ്ത് നിർത്തിയ ശേഷം ചാടിയിറങ്ങിയ സബ് ഇൻസ്പെക്ടർ ഗോപിനാഥ് പ്രഭാകരനെ നോക്കി അലറി: "You are under അറസ്റ്റ്..." പ്രഭാകരൻ: "For what?" "ഞങ്ങളെ പറ്റിച്ചതിന്..." "അതിന് നിങ്ങളാരാ?" "പ്രഭാകരാ...കളിക്കരുത്..." "പ്രഭാകരനോ? ഏത് പ്രഭാകരൻ?" "എടോ...താനല്ലേ ഇപ്പോ ഞങ്ങളെ പററിച്ചിട്ട് കടന്നു കളഞ്ഞത്...വിളച്ചിലെടുത്താൽ ഇടിച്ച് സൂപ്പാക്കും ഞാൻ..." "എന്നാൽ ബഹുമാനപ്പെട്ട സാറിന് തെററി...Iam not പ്രഭാകരൻ... ഞാൻ പ്രതാപനാണ്..." "ആനന്ദൻ...ഇത് പ്രഭാകരൻ തന്നെയല്ലേ?" "പ്രഭാകരൻ്റെ മുഖം പോലെ തന്നെ തോന്നുന്നു..." (തുടരും) #📙 നോവൽ #📔 കഥ #🧟 പ്രേതകഥകൾ! #🍲 ഇന്നത്തെ രുചി #🕵️‍♀️ കുറ്റാന്വേഷണ കഥകൾ