ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/61aNWj6?d=n&ui=v64j8rk&e1=cPart 11ഡാനി പതിയെ വീടിനു പിൻവശത്തേക്ക് എത്തി. കാവലിനായി നിർത്തിയിരിക്കുന്നവർ ഇടയ്ക്കിടയ്ക്ക് പിന്നിലേക്ക് വരുന്നുണ്ട്. അവരുടെയും ജോലിക്കാരിയുടെയും കണ്ണുവെട്ടിച്ചകത്ത് കടക്കാൻ അയാൾവല്ലാതെ പ്രയാസപ്പെട്ടു. വല്ല വിധേനയും അയാൾ അകത്തു കയറി. നിതാര മുറ്റത്തു നിന്ന് ഉച്ചത്തിൽ സംസാരിക്കുന്നത് അയാൾ ശ്രദ്ധിച്ചു. അയാൾ ശബ്ദമുണ്ടാക്കാതെ സ്റ്റെയർകെയ്സ് കയറി മുകളിലെ മുറിയിൽ കയറി, വാതിൽ അടച്ചു. ആരുടെയും കണ്ണിൽ പെടാതെ ഇങ്ങനെ എത്ര ദിവസം ഒളിച്ചു നിൽക്കും എന്ന് അറിയില്ല. ഇനിയിപ്പോൾ നിതാര തന്നെ ചതിക്കുമോ ?? അതിനുവേണ്ടിയായിരിക്കുമോ തന്നെ ഇങ്ങോട്ട് വിളിച്ചു വരുത്തിയത്?? ഹേയ്...ഇല്ല. നിതാര സത്യസന്ധതയുള്ള സ്ത്രീയായിട്ടാണ് തനിക്ക് തോന്നിയിട്ടുള്ളത്. അയാൾ ജനലരികിലേക്ക് ചെന്ന് കർട്ടൻ മാറ്റി താഴേക്ക് നോക്കി. കാവലിനായി നിർത്തിയിരിക്കുന്ന ആളുകൾ അതിലെ നടപ്പുണ്ട്. അയാൾക്ക് ചിരി വന്നു മകളെ സുരക്ഷിതയാക്കാൻ അവളുടെ അച്ഛൻ ശ്രമിക്കുന്നതാണ് ഈ കാണുന്നതൊക്കെ. പക്ഷേ ഇതുകൊണ്ടൊന്നും കാര്യമില്ല.അവർക്ക് ഇവരെ നിശേഷം അ.ടിച്ച് താഴെയിടാൻ പറ്റും. അവർ ഒരുകൂട്ടം ആളുകളുണ്ട്. പലരും പലയിടങ്ങളിലായിട്ടാണ് ഉള്ളത് എന്നേയുള്ളൂ പെട്ടെന്ന് ആരോ കയറിവരുന്ന ശബ്ദം കേട്ടയാൾ ജാഗ്രതയോടെ ഇരുന്നു വാതിലിനപ്പുറം കാൽ പെരുമാറ്റം അവസാനിച്ചിരിക്കുകയാണ്. ഇങ്ങോട്ടാണ് വരുന്നത് എന്ന് തോന്നുന്നു. അയാൾ പെട്ടെന്ന് അവിടെ കിടന്ന ടേബിളിനും കോർണറിനും ഇടയിലുള്ള സ്പേസിലേക്ക് കുനിഞ്ഞിരുന്നു. വാതിൽ തുറന്ന് ആരോ അകത്തേക്ക് കയറി. അയാൾ ശ്വാസമടക്കിപ്പിടിച്ചിരുന്നു. അതെ...പേടിച്ച് അവിടെ കുത്തിയിരിക്കുകയൊന്നും വേണ്ട. ഇത് ഞാനാ ഇങ്ങ് എഴുന്നേറ്റുപോരേ, നിതാരയുടെ ശബ്ദം. അയാൾ ചമ്മിയ ചിരിയോടെ എഴുന്നേറ്റു. എന്തെങ്കിലും കഴിച്ചായിരുന്നോ?? അവൾ ചോദിച്ചു ഇല്ല. എങ്കിൽ ഞാൻ പോയി എന്തെങ്കിലും എടുത്തു കൊണ്ടുവരാം. അവൾ അടുക്കളയിൽ പോയി ആരും കാണാതെ ഭക്ഷണം എടുത്തു കൊണ്ടുവന്നയാൾക്ക് കൊടുത്തു. അയാൾ ആർത്തിയോടെ ഭക്ഷണം കഴിക്കുന്നത്, നിതാര നോക്കി നിന്നു. പാവം മനുഷ്യൻ.. അയാൾ ഭക്ഷണം കഴിച്ചു കഴിഞ്ഞു. ഡാനി ഇങ്ങോട്ട് വരാൻ പറഞ്ഞതിന് പിന്നിൽ മറ്റൊരു കാരണം കൂടിയുണ്ട്. നിതാര പറഞ്ഞു. എന്താ...??അയാൾ ചോദിച്ചു. ഡാനി എനിക്കൊപ്പം നിൽക്കുമോ?? എന്റെ നന്ദുവിനെ കൊ.ന്നത് ആരാണെന്ന് എനിക്കറിയണം. എന്നെയും നന്ദനയെയും ഇവിടെ നിന്നും കടത്തിക്കൊണ്ടുപോയത് എന്തിനാണ് എന്നറിയണം. അതെരാണെന്ന് എനിക്കറിയില്ല നിതാര. ഞങ്ങൾക്ക് നിർദ്ദേശങ്ങൾ തരുന്നത് ഫോൺ വഴിയാണ്. അത് ആരാണെന്ന് സത്യമായിട്ടും ഞങ്ങൾക്കറിയില്ല. ഞങ്ങളുടെ കൂട്ടത്തിൽ ഒരാളെയാണ് അയാൾ ഫോൺ വിളിക്കുന്നത്. പക്ഷേ യഥാർത്ഥത്തിൽ അയാൾക്ക് മുകളിൽ മറ്റാരോഉണ്ട്‌. അയാൾഎവിടെയോ ഇരുന്ന് എല്ലാം നിയന്ത്രിക്കുകയാണ്. ഡാനി... ആ അജ്ഞാത ശത്രു ആരാണെന്ന് എനിക്കറിയണം. പറ ഡാനി... എന്റെ കൂടെ നിൽക്കാമോ?? അവൾ പ്രതീക്ഷയോടെ അയാളുടെ മുഖത്തേക്ക് നോക്കി. നിൽക്കും. ഞാൻ തനിക്കൊപ്പം നിൽക്കും അയാൾ പറഞ്ഞു എനിക്കത് കേട്ടാൽ മതി. എനിക്കറിയണം എന്താണെന്റെ നന്ദുവിന് സംഭവിച്ചതെന്ന്, അവന്റെ ജീവനെടുക്കാൻ മാത്രം ആർക്കാണ് അവനോടു ശത്രുത ഉണ്ടായിരുന്നത്എന്ന് എനിക്കറിഞ്ഞേ പറ്റൂ.. നന്ദുവിനെ ഒരുപാട് ഇഷ്ടമായിരുന്നു അല്ലേ ?? അയാൾ ചോദിച്ചു. ഇഷ്ടം എന്ന് പറഞ്ഞാൽ പോര, എനിക്ക് ജീവനായിരുന്നു. ഈ ഭൂമിയിൽ അവനെ സ്നേഹിച്ചതുപോലെ മറ്റാരെയും ഞാൻ സ്നേഹിച്ചിട്ടില്ല. എന്റെ ചെറുപ്പത്തിൽ അച്ഛനും അമ്മയും ഡിവോഴ്സ് ആയവരാണ്. എനിക്ക് സ്നേഹം കിട്ടിയത് എന്റെ നന്ദുവിൽ നിന്നുംമാത്രമാണ്. എന്റെ നന്ദു പോയതോടെ, ഇപ്പോൾ ഞാൻ തീർത്തും ഒറ്റക്കാണെന്ന് എനിക്ക് തോന്നുന്നു നിതാരക്ക് അച്ഛനും അമ്മയുമെങ്കിലും ഉണ്ടല്ലോ, എനിക്ക് അതു പോലുമില്ല. എന്നെ ദൈവം ആരുമില്ലാത്തവനാക്കി മാറ്റി.അയാളുടെ കണ്ണുകൾ നിറഞ്ഞു. എല്ലാം വിധിയാണ്.. ഡാനി... ഡാനി...നിങ്ങൾക്ക് നിർദ്ദേശങ്ങൾ തരുന്നയാൾ എവിടെയുള്ളതാണെന്ന് അറിയാമോ?? നിതാര ചോദിച്ചു. ഇല്ല. അതൊന്നും ഞങ്ങൾക്കറിയില്ല ഞങ്ങളുടെ കൂട്ടത്തിലുള്ള ഒരാളെ ഫോൺ വിളിക്കും, അയാൾ നിർദ്ദേശങ്ങൾ തരും. ഒരിക്കൽ അയാളുടെ ശബ്ദം ഞാൻ കേട്ടിട്ടുണ്ട്. അയാൾ ഒരു ചെറുപ്പക്കാരൻ ആണെന്ന് തോന്നുന്നു. അപ്പോൾ അയാൾക്ക് മുകളിൽ ആളുകൾ ഉണ്ടല്ലേ?? ഉണ്ട്. മറ്റാരോ പറയുന്നത് അയാൾ ഞങ്ങളോട് പറയുന്നു എന്നേയുള്ളൂ. ഉം... അവൾ ആലോചനയോടെ ഇരുന്നു. അതേ... ആരെങ്കിലും ഇങ്ങോട്ട് ആരെങ്കിലും കയറി വരുമോ?? അയാൾ ചോദിച്ചു ആരും വരില്ല. ധൈര്യമായിട്ട് ഇരുന്നോ. നേരം രാത്രിയായി. അവൾ അത്താഴം കഴിക്കാനായി താഴേക്ക് ഇറങ്ങിപ്പോയി. കഴിച്ചു കഴിഞ്ഞവൾ ജോലിക്കാരി കാണാതെ അല്പം ഭക്ഷണം ഒരു പാത്രത്തിലെടുത്ത് മുറിയിലേക്ക്കൊണ്ടുപോയി ഡാനിക്ക് കൊടുത്തു. ഭക്ഷണശേഷം അയാളോട് അവിടെ കിടന്നോളാൻ അവൾ പറഞ്ഞു. ഞാൻ അപ്പുറത്തെ മുറിയിൽ കാണും, ഞാൻ വിളിക്കുമ്പോഴല്ലാതെ വാതിൽ തുറക്കരുത്,അവൾ പറഞ്ഞു. അവൾ അപ്പുറത്തെ മുറിയിലേക്ക് പോകാൻ തുനിഞ്ഞിട്ട് പെട്ടന്ന് എന്തോ ഓർത്ത് ഡാനിയുടെ അരികിലേക്ക് തിരികെ ചെന്നു ഡാനി എനിക്കൊരു കാര്യം പറയാനുണ്ട്. എന്താ ??അയാൾ ചോദിച്ചു നന്ദു മരിച്ച്‌ കുറച്ച് ദിവസം കഴിഞ്ഞപ്പോൾ, ഞാൻ അമ്പലത്തിൽ പോയിരുന്നു. അന്ന് ഒരാള്‍ എന്നോട് സംസാരിക്കാനുണ്ടെന്ന് പറഞ്ഞരികിലേക്ക് വന്നു. വിഷ്ണു എന്നാണ് പേര് പറഞ്ഞത് നന്ദുവിന്റെ സുഹൃത്താണെന്ന് പറഞ്ഞു. അയാൾ എന്നോട് പറഞ്ഞു ഞാൻ അപകടത്തിലാണ് എന്നെ ആരൊക്കെ അപായപ്പെടുത്താൻ ശ്രമിക്കുന്നുണ്ടെന്ന്. പക്ഷെ ഞാനതു കര്യമാക്കിയില്ല. കാരണം അങ്ങനൊരു സുഹൃത്തിന്റെ കാര്യമൊരിക്കൽ പോലും നന്ദു എന്നോട് പറഞ്ഞിട്ടില്ല. അയാൾ എന്നോട് സംസാരിക്കാൻ ശ്രമിച്ചതിനുശേഷം അയാൾ ഒരു റോഡ് ആക്സിഡന്റിൽ മരണപ്പെട്ടു അയാൾക്ക് എന്നോട് എന്തോ പറയാനുണ്ടായിരുന്നു. അതെന്താണെന്ന് ചോദിക്കാനുള്ള ഒരു സാമാന്യ മര്യാദപോലും ഞാനന്ന് കാണിച്ചില്ല. അന്നെന്റെ മാനസികാവസ്ഥഅങ്ങനെയായിരുന്നു. പക്ഷേ എനിക്ക് തോന്നുന്നു അയാളോട് കുറച്ചു നേരം സംസാരിച്ചിരുന്നെങ്കിൽ. നന്ദുവിനെ കൊ. ല.പ്പെടുത്തിയത് ആരാണെന്ന് എനിക്കൊരു സൂചനയെങ്കിലും ലഭിക്കുമായിരുന്നു എന്ന്. ഡാനി അവൾ പറയുന്നത് ശ്രദ്ധയോടെ കേൾക്കുകയാണ് ഒരു കാര്യം ഉറപ്പാണ്. വിഷ്ണു എന്നു പറഞ്ഞ ആൾക്ക് മാത്രമല്ല , നിതാരയുടെ നന്ദുവിനും എന്തൊക്കെയോ നിതാരയോട്. പറയാനുണ്ടായിരുന്നു അവരത് തുറന്നു പറയും മുൻപേ കൊ.ല്ല.പ്പെട്ടു. അവരത് ഒരിക്കലും പറയരുതെന്ന് ആർക്കോ നിർബന്ധം ഉള്ളതുപോലെ. അതെ ഡാനി, എല്ലാത്തിനും പിന്നിൽ ആരാണെന്ന് എനിക്കറിയണം. നമുക്ക് വിഷ്ണുവിനെ കുറിച്ച് കൂടുതൽ അറിയയണം. അതിനാദ്യം വിഷ്ണുവിന്റെ വീട്ടിൽ പോകണം. എങ്കിലേ കൂടുതൽ കാര്യങ്ങൾ അറിയാൻ പറ്റൂ.. ഡാനി പറഞ്ഞു. നമുക്ക് വിഷ്ണുവിന്റെ വീട് വരെ ഒന്ന് പോയാലോ ഡാനി?? അയാളുടെ വീട് എവിടെയാണെന്ന് നിതാരക്കറിയാമോ ?? ഇല്ല. പക്ഷേ നമുക്ക് തിരക്കി നോക്കാവുന്നതേയുള്ളൂ. നമ്മൾ എങ്ങനെ ഇവിടെ നിന്നും പുറത്തിറങ്ങും? ചുറ്റും കാവലല്ലേ അയാൾ ചോദിച്ചു. അതൊക്കെ നമുക്ക് എങ്ങനെയെങ്കിലും പുറത്ത്കടക്കാം. വിഷ്ണുവിന്റെ മരണം ഒരു അപകടമരണമാണെന്നായിരിക്കും വിഷ്ണുവിന്റെ വീട്ടുകാർ കരുതിയിരിക്കുന്നത്. അത് അങ്ങനെയല്ല എന്നവർ ആദ്യം അറിയണം. ഡാനി പറഞ്ഞു. ശരിയാണ് നമ്മുടെ അന്വേഷണത്തിന്റെ തുടക്കം അവിടെ നിന്നാകാം.. അതെ.ഇന്ന് നമ്മൾ മറ്റുള്ളവരുടെ കണ്ണ് വെട്ടിച്ചു പുറത്തിറങ്ങുന്നു.വിഷ്ണുവിന്റെ വീട് കണ്ടെത്തുന്നു. ഓക്കെ.. പക്ഷെ,പുറത്തിറങ്ങണമെങ്കിൽ ഞാൻ പറയുന്നതുപോലെ ചെയ്യണം. ഡാനി പറഞ്ഞു. ഞാനിപ്പോൾ എന്താ ചെയ്യേണ്ടത്?? അവൾ ചോദിച്ചു. 💐💐💐💐💐 തുടരും. കണ്ണൂർകാരൻ ❤️❤️❤️❤️ #📔 കഥ #📙 നോവൽ #💞 പ്രണയകഥകൾ #📚 ട്വിസ്റ്റ് കഥകൾ #✍ തുടർക്കഥ