#📝 ഞാൻ എഴുതിയ വരികൾ #🖋 എൻ്റെ കവിതകൾ🧾 🦋 കൂട്ടുകാരി🦋 അവൾ എൻ പുഴയോരത്തെ വീട്ടിൽ ആദ്യമായി വന്നത് എന്റെ പിറന്നാൾ ദിവസമായിരുന്നു പിന്നീട് വരുമ്പോഴൊക്കെയും ഞാനും അവളും പുഴയിലെ മീനുകളുടെ കൂടെ യാത്ര പോകാറുണ്ടായിരുന്നു.. അവളുടെ ബാഗിൽ മറന്നു വെച്ച എന്റെ പുസ്തകവുമായി ഇന്നലെ വന്നത് അവളുടെ ഉപ്പയുടെ കൂടെയായിരുന്നു.. ചിലപ്പോഴൊക്കെ അവളുടെ പേനയും റബറും എന്റെ .കൈയിലും പെടാറുണ്ടായിരുന്നു.. ഞാനും ഇഫ്സയും ഇപ്പോൾ രണ്ടാംക്ലാസ്സിലാണ് പഠിക്കുന്നതെങ്കിലും അംഗൻവാടി മുതൽ ഞങ്ങൾ എന്നും ഒരുമിച്ചായിരുന്നു.. നീണ്ട ഇടതൂർന്ന മുടിയുള്ള ഇസയുടെ ചിരിയിൽ അവളുടെ ചില്ലുവളകളും കൂടെ കൂടി.. ഇസയെന്നാണ് ഞാനവളെ വിളിക്കുന്നത്.. മുൻപ് മാലയിലെ മുത്ത് മണ്ണിൽ കുഴിച്ചിട്ട് മുളയ്ക്കുന്നത് നോക്കിയ കാര്യം അമ്മ ഇസയോട് പറഞ്ഞിരുന്നു.. ചിന്നുപട്ടിയും കിങ്ങിണിപ്പൂച്ചയും എന്നെകുറിച്ച് അവളോട് കുറ്റം പറഞ്ഞു കൊടുത്തത് അവൾക്ക് മാത്രമേ മനസ്സിലായുള്ളൂ.. പിന്നെ അവളും അവരുടെ കൂട്ടുകാരിയായി കുറച്ച് ചെടികമ്പുകളുമായി കൊലുസിട്ട, തട്ടമിട്ട മൈലാഞ്ചി കൈയിൽ അണിഞ്ഞവൾ... #❤️ പ്രണയ കവിതകൾ