*ഹോസ്റ്റലുകൾക്കെതിരെ ജനരോക്ഷം ശക്തമാകുന്നു.* കൊച്ചി നഗരസഭയുടെ പരിധിയിൽ അനധികൃത ഹോസ്റ്റലുകളെന്ന് പരാതി. സുരക്ഷാ മാനദണ്ഡങ്ങളൊന്നും പാലിക്കാതെ പ്രവർത്തിക്കുന്ന ഹോസ്റ്റലുകൾ സമീപവാസികൾക്കെല്ലാം തലവേദനയായെന്നാണ് പരാതി. ലേബർ ക്യാമ്പിനു സമാനമായ സാഹചര്യമാണ് പല ഹോസ്റ്റലുകളിലും. പ്രദേശത്തെ വീടുകൾ വാടകയ്ക്കെടുത്ത ശേഷം ഉടമ അറിയാതെ ഹോസ്റ്റൽ നടത്തുന്നവരും ഏറെയാണ്. രാത്രി ഏറെ വൈകിയും സമീപത്തെ ഒഴിഞ്ഞ പറമ്പുകളിൽ ആൺകുട്ടികളും പെൺകുട്ടിയും സംഘം ചേരുന്നത് നാട്ടുകാരെ ആശങ്കയിലാഴ്ത്തിയിട്ടുണ്ട്. ഹോസ്റ്റലുകൾ പ്രവർത്തനം ആരംഭിച്ചതോടെ ലഹരി സംഘങ്ങളുടെ സാന്നിദ്ധ്യവും എസ് ആർ എം റോഡ് പ്രദേശത്തുള്ളതായി നാട്ടുകാർ പറയുന്നു. അനധികൃത ഹോസ്റ്റലുകൾ നഗരസഭക്ക് നികുതി നഷ്ടവും പ്രദേശവാസികൾക്ക് ശല്യവും ആകുന്നതിനാൽ നടപടി വേണം എന്ന ആവശ്യം വിവിധ റെസിഡൻസ് അസോസിയേഷനുകളെ പ്രതിനിധീകരിച്ച് എത്തിയവർ ആവശ്യപ്പെട്ടു. കൊച്ചി മുനിസിപ്പൽ കോർപറേഷൻ 2026/ 2027 സാമ്പത്തിക വർഷത്തെ കരട് പദ്ധതി രൂപീകരണവുമായി ബന്ധപ്പെട്ട് , തൃക്കണാർവട്ടം ഡിവിഷൻ 18 ലെ വാർഡ് കമ്മിറ്റി യോഗത്തിലായിരുന്നു ഹോസ്റ്റലുകളെക്കുറിച്ചുള്ള പരാതി പ്രളയം. അയ്യപ്പൻ കാവ് ഈരേഴത്ത് ഹാളിൽ വാർഡ് കൗൺസിലർ Dr. ജലജ S. ആചാര്യയുടെ അദ്ധ്യക്ഷതയിൽ ചേർന്ന വാർഡ് കമ്മിറ്റി ഡെപ്യൂട്ടി മേയർ ദീപക് ജോയ് ഭദ്രദീപം കൊളുത്തി ഉദ്ഘാടനം നിർവ്വഹിച്ചു. #🆕 ലേറ്റസ്റ്റ് അപ്ഡേറ്റ് #കൊച്ചി