#😎आपला स्टेट्स *📖✒️नो कम्प्लेंट डे : तक्रारींच्या ओझ्याकडून आनंदाच्या मोकळेपणाकडे.✍️* 〰️〰️〰️〰️〰️〰️〰️〰️〰️〰️ *​हल्ली सोशल नेटवर्किंगमुळे आपल्याला नेहमीच खूप सारे ‘डे’ साजरे करण्याची सवय लागली आहे. मदर्स डे, फादर्स डे, फ्रेंडशिप डे पासून नुकताच पार पडलेला प्रेमवीरांच्या लाडक्या ‘व्हॅलेंटाईन डे’ पर्यंत. प्रत्येक दिवस आपण उत्साहाने साजरा करतो. वर्षातील जवळपास प्रत्येक दिवस कोणत्या ना कोणत्या तरी ‘डे’ साठी फिक्स आहे.* *​खरं तर, भारतीय संस्कृतीनुसार अशा दिवसांची वेगळी गरज भासू नये, कारण आपण केवळ एका दिवसापुरता नाही तर संपूर्ण वर्षभर त्या व्यक्तींचा सन्मान आणि आदर करायला हवा. म्हणूनच आजच्या धावपळीच्या युगात आपल्याला खरी गरज आहे ती, 'स्ट्रेस फ्री डे', 'नो चिडचिड डे', 'अ‍ॅप्रीशिएशन डे' आणि सर्वात महत्त्वाचा म्हणजे 'नो कम्प्लेंट डे' साजरा करण्याची.* *आपण आजवरच्या आयुष्यात डोकावून पाहिलं तर लक्षात येतं की, आपण जगण्याचा निखळ आनंद घेण्याऐवजी सतत कसल्या ना कसल्या तक्रारीत गुंतलेले असतो. विशेषतः सोशल मीडियाच्या जगात तर तक्रारींचे स्वरूपही बदलले आहे.* *​"तो ऑनलाइन असूनही बोलला नाही."* *​"तिने माझ्या पोस्टला लाईक किंवा कमेंट केली नाही.* *​"कुणीतरी मुद्दाम मला इग्नोर करतंय..."* *​अशा असंख्य शुल्लक कारणांमुळे आपण दिवसभर मनात चिडचिड साठवून ठेवतो. पण विचार करा, या तक्रारींमुळे आपण स्वतःचा किती मौल्यवान वेळ आणि शांतता गमावतोय? एखादी गोष्ट राहून गेली असेल, तर ती समोरच्याने मुद्दामच केली असेल का? कदाचित नाही,* *जेव्हा आपण ठरवून 'नो कम्प्लेंट डे' पाळतो, तेव्हा आपल्याला जाणवतं की आपल्या दिवसातला बराचसा वेळ हा परिस्थितीला दोष देण्यात जातो. तक्रार करणं थांबवलं की Gratitude सुरू होते. जे नाहीये त्याबद्दल रडण्यापेक्षा जे आपल्याकडे आहे, त्यात समाधान मानलं की आयुष्य अधिक सुंदर वाटू लागतं.* *आयुष्य हे तक्रारी करण्यासाठी खूप लहान आहे आणि आनंदाने जगण्यासाठी खूप सुंदर, चला तर मग, स्वतःला एक चॅलेंज देऊया. आजचा दिवस 'नो कम्प्लेंट डे' म्हणून जगूया आणि मनावरचे चिडचिडीचे ओझे उतरवून ठेवूया. मग बघा, जगताना नक्कीच वेगळी 'मजा' येईल.* ✨✨✨✨💫✨✨✨✨ *🎼ShradDhanesh's_Dairies* .