#👩‍❤️‍👨പ്രിയ മലയാള നടൻ വിവാഹിതനാകുന്നു ; വധു നിമ്മി റേച്ചൽ ജേക്കബ് നായിക നായകൻ താരവും നടനുമായ ആഡിസ് ആന്റണി അക്കരയുടെ വിവാഹ നിശ്ചയം കഴിഞ്ഞു. നിമ്മി റേച്ചൽ ജേക്കബാണ് പ്രതിശ്രുത വധു. ഇരുവർക്കും ഹൃദയം നിറഞ്ഞ ആശംസകൾ. നായികാ നായകൻ റിയാലിറ്റി ഷോയിലൂടെ പ്രേക്ഷകരുടെ പ്രിയങ്കരനായ താരമാണ് ആഡിസ് ആന്റണി അക്കര. തൃശൂർ സ്വദേശിയാണ് ആഡിസ്. അഭിനയത്തിന് പുറമെ പ്രൊഫഷണൽ മോഡലിംഗ് രംഗത്തും അദ്ദേഹം സജീവമാണ്. ബെംഗളൂരുവിലെ പഠനകാലത്ത് 'ടൈംസ് ഓഫ് ഇന്ത്യ ഫ്രഷ് ഫേസ്' (2011) വിജയിയായിരുന്നു. സിനിമയോടുള്ള താൽപര്യം കാരണം മുംബൈയിലെ ഫിലിം സ്‌കൂളിലും തുടർന്ന് അമേരിക്കയിലെ പ്രശസ്തമായ ആക്ടിംഗ് സ്‌കൂളിലും അദ്ദേഹം അഭിനയം പഠിച്ചിട്ടുണ്ട്. 2022 ൽ ലാൽ ജോസ് സംവിധാനം ചെയ്ത സോളമന്റെ തേനീച്ചകൾ എന്ന സിനിമയിലൂടെയാണ് അഭിനയത്തിലേക്ക് കടന്നത്. ജിമ്പോ, നെഞ്ചിൽ പങ്ചർ തുടങ്ങിയ വർക്കുകളിൽ അഭിനയിച്ചിട്ടുണ്ട്. നായിക നായകന് ശേഷം മഴവിൽ മനോരമയിലെ തന്നെ 'പാടാം നമുക്ക് പാടാം' എന്ന സംഗീത റിയാലിറ്റി ഷോയുടെ അവതാരകനായിരുന്നു. ഇപ്പോഴിതാ താരത്തിന്റെ വിവാഹനിശ്ചയം കഴിഞ്ഞിരിക്കുകയാണ്. നിമ്മി റേച്ചൽ ജേക്കബാണ് പ്രതിശ്രുത വധു. സംവിധായകൻ ലാൽ ജോസ്, വിൻസി സോണി അലോഷ്യസ്, നന്ദു ആനന്ദ്, ദർശന എസ് നായർ തുടങ്ങിയവർ എത്തിയിരുന്നു.