గుడ్‌ఫ్రైడే సందేశం... దేవుని గదిలోకి ఎవరికి అవకాశం ఇస్తున్నావ్? బ్యాడ్ ఫ్రైడే, దుఖకరమైన శుక్రవారం, సంతాపంతో కూడిన శుక్రవారం, దుఖించావాల్సిన శుక్రవారం అని పిలవకుండా.. గుడ్ ఫ్రైడే (శుభ శుక్రవారం) అని ఎందుకు పిలువబడుతోంది? అలాగే శుభ సోమవారం, శుభ మంగళవారం, శుభ బుధవారం, శుభ గురువారం, శుభ శనివారం, శుభ ఆదివారం అని మీ జీవితంలో ఎప్పుడైనా.. ప్రపంచంలో ఎక్కడైనా విన్నారా? కానీ ఈ రోజు ఆసియా ఖండంలో కావచ్చు, ఆస్ట్రేలియా ఖండంలో కావొచ్చు, అమెరికా ఖండంలో కావచ్చు, యూరప్ ఖండంలో కావచ్చు, ఆఫ్రికా ఖండంలో కావచ్చు, సౌత్ అమెరికాలో కావొచ్చు.. మీరు ఏ ఖండానికి వెళ్లినా, భూమిపై ఉన్న 200 దేశాలలో గుడ్‌ప్రైడే అని ప్రతి దేశంలో పిలువబడుతుంది. ప్రాంతం ఏదైనా, కులం ఏదైనా, మతం ఏదైనా, వారి విశ్వాసం ఏదైనా, వారు ఏ దేశం వారైనా, వారు ఏ జాతివారైనా... ఆ దినాన్ని గుడ్‌ఫ్రైడే అని బావించక తప్పదు. అయితే కారణం ఏమిటి? అసలు ఎందుకని దీన్ని గుడ్‌ఫ్రైడే అన్నారు? ఎందుకని ఈ దినాన్ని శుభ శుక్రవారం అన్నారు? కారణం చెప్పాలని ఆశపడుతున్నాను!! ప్రపంచాన్ని దేవుడు తన మక్కువతో అలాగే తన మహాజ్ఞానంతో సృష్టించాడని బైబిల్ సెలవిస్తుంది. దేవుడు తన స్వరూపమందు తన పోలికె చొప్పున నరులను చేసేను. (ఆది1: 26). దేవుడు మనిషిని సృష్టించాడు... ఎలా..? తన పోలిక చొప్పున, తన స్వభావంతో మనిషిని సృష్టించాడు. దయచేసి గమనించండి!! వెలుగు కలునుగాక అని పలకగా వెలుగు వచ్చింది. సూర్య, చంద్ర నక్షంత్రములు కలుగును గాక అని పలుకగా... అవి సృష్టించబడ్డాయి. ఈ భూమిపై సృష్టించబడ్డ సమస్తం కూడా దేవుని మాట వలన, ఆయన వాక్కు వలన సృష్టించబడ్డాయి. దేవుడు ఈ భూమిపై సమస్తాన్ని తన మాటతో సృష్టించిన తర్వాత.... మనిషిని మాత్రం మాటతో సృష్టించలేదండీ!! మనిషిని మాత్రం తన చేతులతో సృష్టించుకున్నాడు. (ఆది 2:7). దేవుడు మనిషిని మట్టిలో నుంచి... తన స్వరూపమందు, తన పోలిక చొప్పున మనిషిని దేవుడు సృష్టించాడు. ఆ మనిషి నాసిక రంధ్రంలో జీవాత్మను ఊది తనకొక జీవాన్ని అలాగే జీవితాన్ని ప్రసాదించాడు. తన మాటలతో కాదు మనిషిని సృష్టించింది...తన మక్కువతో సృష్టించుకున్నాడు. తన ప్రేమతో సృష్టించుకున్నాడు. మనిషిని దేవుడు సృష్టించుకున్నపుడు ఆ మనిషిలో జీవించాలని చెప్పి, మనిషిలో తనకంటూ ఓ గదిని నిర్మించుకున్నాడు. ఉదాహరణ: మీరు మీ గృహాన్ని నిర్మించుకోవాలనుకుంటే... ఆ గృహానికి ఓ ప్లానింగ్ ఉంటుంది. ఏమిటి ఆ ప్లానింగ్? డైనింగ్ హాల్ అని, బెడ్‌రూం అని, కిచెన్ రూం అని ప్లానింగ్ ఉంటుంది. ఇక్కడ నేను, నా భార్య ఉంటాం, అక్కడ నా పిల్లలు ఉంటారు, ఇది మెయిన్ హాలు, ఇది వంటగది ఇలా ప్రతి ఇంటికి గదులు ఉంటాయి. నీ కంటూ ఒక గది, నీ పిల్లలకంటూ ఒక గది, నీ తల్లిదండ్రులకు ఒక గది, నీ ఇంటిలో వున్న వారు నివసించడానికి గదులను ఏర్పాటు చేసుకుంటారు. అయితే జాగ్రత్తగా గమనించండి! తన మక్కువతో, తన ప్రేమతో మనిషిని దేవుడు సృష్టించుకున్నప్పుడు... ఆ మనిషిలో తాను ఉండి, ఆ మనిషిని నడిపించాలని దేవుడు మనిషిలో కూడా ఒక గదిని నిర్మించుకున్నాడు. ఆ గది పేరు ఏమిటో తెలుసా? ఆ గదే హృదయం. హృదయం అనేది దేవుడు సృష్టించుకున్న గది. మనిషి హృదయంలో దేవుడు నివసించాలని ఆశించి... మనిషి శరీరంలో ఒక గదిని సృష్టించుకున్నాడు. ప్రియ సహోదరి, సహోదరుడా వినండి!! ఈ రోజు నీకంటూ ఒక మనసు ఉంది. నీకంటూ ఒక హృదయం ఉంది. ఆ హృదయంలో ఎవరు నివసించాలో తెలుసా? దేవుడు నివసించాలి. కానీ నీవు ఏమీ చేశావో తెలుసా? ఆ హృదయంలోకి పాపాన్ని తీసుకొచ్చావు. ఆ హృదయంలోకి పాపిష్టి కార్యాలను తీసుకొచ్చావు. ఆ హృదయంలోకి అల్పకాల పాపభోగములను తీసుకొచ్చావు. అలాగే నీ హృదయాన్ని తుచ్చమైన, నీచమైన ప్రతి పాపంతో నింపేసుకున్నావు. గమనించండి!! పాపం, పరిశుద్ధత కలిసి నివసించే అవకాశం లేదు. పరిశుద్దుడైన దేవుడు, అపరిశుద్ధమైన కార్యాలు... నీ హృదయంలో కలిసి నివసించే ఛాన్స్ లేదు. వెలుగు, చీకటి రెండూ కలిసి ఉండటం సాధ్యం కాదు. చీకటి వున్న చోట వెలుగు ఉండదు. వెలుగు వున్న చోట చీకటి వుండదనే వాస్తవం గ్రహిస్తే మంచిది!! ఎప్పుడైతే నీ హృదయంలోనికి పాపాన్ని చేర్చుకున్నావో, పాపాన్ని రానిచ్చావో.. అప్పుడే పరిశుద్ధుడైన దేవుడిని హృదయంలోనుంచి బయటకు గెంటివేశావని అర్థం. కుదరని సమస్యలతో, కుదరని రోగాలతో, ఆర్థిక ఇబ్బందులతో, అప్పుల సమస్యతో, కుటుంబాలు విడిపోయిన బాధతో, అందరికీ దూరమైన బాధతో, ఇంకా అనేక సమస్యలతో నీవు ఈ రోజు బాధపడుతున్నావంటే... కారణం తెలుసా? దేవుడు నివసించాల్సిన నీ హృదయంలో సాతానుకు అవకాశం ఇచ్చావు కాబట్టే. గుర్తుపెట్టుకో!! నీ హృదయంలో పాపం వున్నంతకాలం నీకు సంతోషం ఉండదు, నీకు సమాధానం వుండదు, నీ చుట్టూవున్న వారితో సఖ్యత వుండదు. దుష్టులకు నెమ్మది వుండదు అని బైబిల్ సెలవిస్తుంది కాదా? అలాగే దుష్టత్వంతో నిండిపోయిన మనిషికి నెమ్మది వుండదు. పాపంతో నిండిపోయిన వ్యక్తికి నెమ్మది వుండదు. నీవు దుష్టత్వంతోనూ, పాపిష్టితత్వంతోనూ నిండివున్నంత వరకు... సుఖంగా ఉండలేవు, సౌక్యంగా ఉండలేవు, అలాగే సంతోషంగా ఉండలేవు. చివరికి ఎందుకు ఈ బ్రతుకు చనిపోతే పోలా అనే నిర్ణయం తీసుకోవడానికి కూడా వెనకడుగు వేయవు. నావికుడిగా... నిన్ను నడిపించే వానిగా నీ హృదయంలో దేవుడు వుండాలని ఆశ పడ్డాడు. కానీ నీవు ఏంచేశావ్? దేవుడు వుండాల్సిన హృదయంలోకి దెయ్యాన్ని రానిచ్చావు. అలాగే దేవుడు వుండి నిన్ను నడిపించాల్సిన నీ గుండెల్లోనికి పాపిష్టి కార్యాలను రానిచ్చావు. ఆ విధంగా నీవు వ్యవహరిస్తూ... నీ హృదయంలో నుంచి దేవున్ని బలవంతంగా బయటకు తోచేశావు. ఎప్పుడైతే దేవున్ని నీ హృదయంలోనుంచి బలవంతంగా తోచేచ్చావో.... నీ హృదయం ఖాళీ అయిపోయింది. దేవుడు లేని హృదయం నిత్యం ఖాళీగా ఉంటుంది. ఏ హృదయం ఖాళీగా ఉంటుందో...ఆ వ్యక్తి యొక్క జీవితం కూని అయిపోతుంది. నీ బ్రతుకు కూనీ కాకముందే జాగ్రత్త పడితే బ్రతికి బయటపడతావు. boris becker (బోరీస్ బేకర్) అతి చిన్న వసులో వింబుల్డన్ ఛాంపియన్‌గా అవతరించి గిన్నిస్‌బుక్‌లో చేరాడు. అతను గొప్ప టెన్నీస్ ఆటగాడు. అతి చిన్న వయసులో వింబుల్డన్ వరల్డ్ చాంఫియన్‌గా నిలిచాడు. ఎంత డబ్బు సంపాదించాడో, ఎంత పేరు సంపాదించాడో, తాను ఏది కొరుకుంటే దానిని అనుభవించాడు. ఎంతో జల్సాగా జీవించాడు, ఎంతో జోష్‌గా జీవించాడు. అలాగే ఎంత ఖరీదైన ఇల్లు కావాలో... అంత ఖరీదైన ఇల్లు కొనుక్కోగలిగాడు. గొప్ప పేరు సంపాదించాడు. కానీ ఏం జరిగిందో తెలుసా? ఒకరోజు ఆత్మహత్యకు ప్రయత్నం చేశాడు. ఒకరోజు చచ్చిపోవాలని నిర్ణయం తీసుకున్నాడు. కానీ ఆ అత్మహత్య ఫెయిల్ అయ్యింది. బోరిస్ బేకర్ ఆత్మహత్యకు పాల్పడ్డాడాని ఒక్కసారిగా ఆ వార్త ప్రజలకు తెలిసిపోయింది. అయితే ఆయన కోలుకున్న తర్వాత మీడియా వాళ్ళు అతని వద్దకు వెళ్లి... ఆత్మహత్యకు పాల్పడాల్సిన అవసరం నీకేం వచ్చింది? ప్రపంచ ఛాంపియన్‌గా పేరు సంపాదించావ్? ప్రపంచంలో అందమైన అమ్మాయిలతో స్నేహం చేశావ్?, గొప్ప గొప్ప హీరోయిన్స్‌తో నీవు జల్సాగా జీవించావు?, ఆస్తిపాస్తులను కూడగట్టుకున్నావు. ఇవన్నీ సంపాదించిన నీవు ఎందుకు చచ్చిపోవాలని అనుకుంటున్నావ్? అని బోరిస్ బేకర్‌ను మీడియా వాళ్ళు ప్రశ్నించారు. అతను చెప్పిన సమాధానం ఏమిటంటే... నేను అనుకున్నాను.. మనిషి పేరు సంపాదిస్తే... దాంటిలో సంతోషం ఉందని, డబ్బు సంపాదిస్తే దానిలో సంతోషం ఉందని, అందమైన అమ్మాయిలను సంపాదించి... వారితో స్నేహం చేస్తూ... వారితో కలిసి తాగితో సంతోషం ఉందని అనుకున్నాను. కానీ తీర అనుభవించిన తర్వాత తేలింది... అందులో సంతోషం లేదని, చివరికి నా గుండెలో ఉన్నటువంటి ఆ ఖాళీని బట్టి... నేను తట్టుకోలేకపోయాను. చివరికి నా హృదయం ఖాళీ అయిపోంది... మొత్తానికి నా జీవితం కూని అయిపోయింది. ఏం చేయాలే అర్థం కాలేదు... చివరికి ఆత్మహత్య చేసుకోవాలని నిర్ణయం తీసుకున్నాను అని జవాబు ఇచ్చాడట. అవును..!! దేవుని లేని హృదయం ఖాళీగా ఉంటుంది. మనిషి అనుకుంటున్నాడు... మందు తాగితే, పెట్టెలు పెట్టెలు సిగరేట్లు తాగితే, అమ్మాయిలతో జల్సాగా జీవిస్తే, పాపాలు చేస్తే, అలాగే తను అనుకున్న అమ్మాయితో తిరిగితే సంతోషంగా ఉండొచ్చని మనిషి అనుకుంటున్నాడు. దయచేసి గమనించండి... దేవుడు ఉండాల్సిన హృదయంలో దేవుని స్థానంలో నీవు ఏది భర్తీ చెద్దామనుకున్న మ్యాచ్ కాదు. నీవు దేవుని స్థానాన్ని పాపంతో మ్యాచ్ చేయలేవు. దేవుని స్థానాన్ని నీ పాపిష్టి కోరికలతో, నీ పాపిష్టి ఆలోచనలతో, పాపిష్టి క్రియలతో నీవు దానిని భర్తీ చేయడం సాధ్యం కాదు. దేవుడు నిర్మించుకున్న హృదయంలో దేవుడు వుంటే తప్ప... నీవు సుఖంగాను, సౌఖ్యంగాను, సంతోషం గాను, సమాధానం గాను నీవు వుండడం సాధ్యం కాదు. తాగేవాడిని ఎందుకు తాగుతున్నావని ప్రశ్నిస్తే... సంతోషం కోసం అంటాడు, ఆ పాపిష్టి తిరుగుళ్ళు.. ఎందుకు తిరుగుతున్నావంటే... సరదా కోసం అంటాడు. అడుగుతున్నా...!! ఇలాంటివారు... కుటుంబాన్ని నాశనం చేసుకోకుండా, ఆరోగ్యాన్ని పాడుచేసుకోకుండా... తన జీవితాన్ని నాశనం చేసుకోకుండా ఎవరైనా ఉన్నారా?. తిరుగుబోతులు ఎవరైనా సంతోషంగా, సుఖంగా, ఆరోగ్యంగా ఉండటం మీరు చూశారా? మనిషి చేసే పాపం వల్ల సుఖం ఉండదు. అలాగే మనిషి చేస్తున్న పాపిష్టి కార్యాల వల్ల సౌఖ్యం ఉండదు. సహోదరుడా, సహోదరి!! ఈ రోజు నీ జీవితంలో సుఖం లేకపోవడానికి కారణం తెలుసా? దేవుడు నీ హృదయంలో లేకపోవడమే కారణం. ఈ రోజు నీకు సంతోషం, సమాధానం లేకపోవడానికి కారణం తెలుసా? నీ హృదయంలో దేవుడు లేడు కాబట్టే. నీ హృదయంలో నుంచి దేవున్ని బయటకు గెంటెశావు. ఫలితంగా బ్రతికుండగానే చచ్చిపోయిన వాడిలా జీవిస్తున్నావు. బ్రతికుండగానే నరకాన్ని అనుభవిస్తున్నావు. ఆ నకరం నీవు అనుభవించడమే కాకుండా నీ చుట్టూ వున్న వారికి, అలాగే నీ కుటుంబానికి నరకం అనుభవించేలా చేస్తున్నావు. ఎంతమంది భార్యలు అనడం లేదు... నా భర్త నరకం చూపిస్తున్నాడని, ఎంతమంది భర్తలు అనడం లేదు నా భార్య నరకం చూపిస్తుందని, ఎంతమంది పిల్లలు అనడం లేదు మా నాన్న ఇంటిలో మాకు నరకం చూపిస్తున్నాడని, ఎంతమంది త్లలిదండ్రులు ఏడవడం లేదు... మా పిల్లలు నరకం చూపిస్తున్నారని, నీవు ఎందుకు నరకం చూపిస్తున్నావో తెలుసా? నీవు జీవిస్తునది నరకంలో కాబట్టే. అలాగే నరకంగా జీవిస్తున్నావు కాబట్టే. ఆ నరకమే నీలో వుంది కాబట్టే. ఎంతకాలం ఆ నరకాన్ని చూపిస్తావు. మంచి మనిషిగా, మనసున్న మనిషిగా జీవించవల్సిన నీవు పశువులా మారిపోయి... చూట్టూ వున్న వారికి భయాన్ని పుట్టిస్తున్నావు. నిన్ను చూస్తే బెదిరిపోతున్నారు. కుక్కలను చూస్తే.... క్రూర జంతువులను చూస్తే మనుష్యులు బెదిరిపోతారు... కానీ దారుణం ఏమిటో తెలుసా? నిన్ను చూసి నీ భార్య, నీ పిల్లలు, నీ తల్లిదండ్రులు బెదిపోతున్నారు. అలాగే నిన్ను చూసి నీ భర్త బెదిరిపోతున్నాడు. నీ వారే నిన్ను చూసి భయపడిపోతున్నారంటే.. నీవు పశువులాగా జీవిస్తున్నావు. ఎంతో మక్కువతో తన స్వరూపమందు దేవుడు నిన్ను సృష్టించుకుని, నీ గుండెలో నివసించాలని ఆశపడ్డాడు. కానీ నీవు ఆ హృదయంలో నుంచి ఆయన్ను గెంటేశావు... దాని వల్ల నీవు పొందుకునేది ఏమిటో తెలుసా? బ్రతికివుండగానే నరకం అనుభవించే సాతాను యొక్క వరాన్ని పొందుకుంటావు. నేను సృష్టించిన మనిషి మంచి మనిషిగా జీవించాలంటే.... అతని హృదయంలోకి తాను అడుగుపెట్టాలి, మనిషి జీవితంలోకి తాను రావాలనే 2 వేల సంవత్సరాల క్రితం నిన్ను, నన్ను ప్రేమించిన యేసుక్రీస్తు ఆ పరలోకాన్ని విడిచిపెట్టి ఈ భూమి మీద జన్మించాడు. అలాగే ఈ భూమి మీద ఉదయించాడు. యేసుక్రీసు ప్రత్యేకత ఏమిటో తెలుసా? ఆయన జన్మించక మునుపే.... ఎక్కడ జన్మిస్తాడో ముందుగానే బైబిల్‌లో రాయబడింది. ఆయన జన్మించకమునుపే ఏ వంశంలో జన్మిస్తాడో, ఏ గోత్రంలో జన్మిస్తాడో, ఏ గ్రామంలో జన్మిస్తాడో, ఏ స్త్రీకి జన్మిస్తాడో ఇదంతా బైబిల్‌లో రాయబడింది కొన్ని వందల సంవత్సరాల క్రితమే. యేసుక్రీస్తు జన్మించకమునుపే ఆయన కన్యకకు జన్మిస్తాడని, యెషయా భక్తుడు సెలవిచ్చాడు. బెత్లేహేములు జన్మిస్తాడని మీకా ప్రవక్త సెలవిచ్చాడు. ఆయన యూదా గోత్రములో జన్మిస్తాడని యాకోబు సెలవిచ్చాడు. దావీదు వంశంలోనే జన్మిస్తాడని బైబిల్ సెలవిస్తుంది. ఆయన జన్మించినప్పుడు పసిపిల్లలు ఏడుస్తారని యిర్మియా ప్రవక్త సెలవిచ్చాడు. యేసు క్రీస్తు జన్మించకమునుపే యేసు క్రీస్తు జన్మిస్తారని బైబిల్‌లో సుమారు 46 ప్రవచనాలు ఉన్నాయి. యేసుక్రీస్తు జన్మించకమునుపే ఆయన ఏ గోత్రములో పుడతాడో, ఏ వంశంలో పుడతాడో, ఏ గ్రామంలో పుడతాడో, ఎవరికి పుడతాడో, పుట్టిన తర్వాత ఏం జరుగుతాయో, ఎలా పాపంలో బంధించబడిన వారిని విడిపిస్తాడో, ఎవరు నమ్మకద్రోహం చేసి యేసయ్యను అమ్మివేస్తారో, యేసుక్రీస్తును ఎలా సిలువవేస్తారో, ఎప్పుడు సిలువ వేస్తారో, ఎవరితో సిలువ వేస్తారో, ఏ రీతిగా సిలువ వేయబడతాడో, ఏ విధంగా కొట్టబడతాడో, ఏ విధంగా అవమానించబడతాడో, ఆయన మరణిస్తూ ఏ ప్రార్థన చేస్తాడో, ఆయన చనిపోయిన తర్వాత ఏవరి సమాధిలో ఉంచబడతాడో, ఎప్పుడు లేపబడతాడో, లేపబడిన యేసు ఎక్కడి వెళ్లి పరలోకంలో కూర్చుంటాడో ఇవన్నీ కూడా యేసుక్రీస్తు జన్మించకమునుపే ఖచ్చితంగా వ్రాయబడ్డాయి. వందల సంవత్సరాల క్రితమే యేసుక్రీస్తును గూర్చి బైబిల్‌లో చెప్పిన ప్రకారమే యేసుక్రీస్తు జీవితంలో జరిగింది. యేసుక్రీస్తు ప్రపంచాన్ని సృష్టించిన సృష్టికర్త. ప్రపంచం పాడైపోతున్నప్పుడు.. ఆదుకోవాలని, రక్షించుకోవాలని ఆ సృష్టికర్తే ఈ లోకంలో అవతరించాడు. రక్తాన్ని చిందించాడు. రక్తం చిందించబడకుండా పాపానికి విరుగుడు లేదు. నీవు, నేను చేసిన ప్రతి పాపం నిమిత్తం ఆయనే వెల చెల్లించి, ఆయనే శిక్ష భరించాడు. 2 వేల సంవత్సరాల క్రితం ప్రభువైన యేసు నిన్ను ప్రేమించాడు కాబట్టే ఈ భూమిపైకి వచ్చాడు. ఎందుకు వచ్చాడంటే.. నిన్ను విడిపించటానికి, నీవు, నేను ఏ పాపముల చేత బంధించబడి, ఏ పాపాలకు బానిసవై ఉన్నామో, ఆ పాపిష్టి బానిసత్వం నుంచి విడిపించడానికి, అలాగే వెల చెల్లించడానికి ఈ లోకానికి వచ్చాడు. నీవు, నేను ఈనాడు విడిపించబడింది... వెండి వల్ల కాదు, బంగారం వల్ల కాదు... యేసుక్రీస్తు అమూల్యమైన ర్తకం ద్వారానే మనం విడిపించడడ్డాము, విమోచింపబడ్డామనే సత్యాన్ని గ్రహిస్తే చాలా మంచింది. ‘‘ ప్రశాంతంగా జీవించాలని, సంతోషంగా ఉండాలని, హాయిగా నిద్రించాలని నీవు ప్రత్యేకంగా నిర్మించుకున్న గదిలోకి వేరే వారికి అవకాశం ఇస్తే... నీవు ప్రశాంతంగా ఆ గదిలో ఉంటావా? ఆ గదిలో ప్రశాంతంగా నిద్రపోతావా? ఆ గదిలో ప్రశాంతంగా నిద్రపోలేవనేది వాస్తవం కదా?... చాలా మక్కువతో తన పోలిక చొప్పున నిన్ను నిర్మించుని... ప్రత్యేకంగా నీలో ఓ గదిని దేవుడు నిర్మించుకున్నాడు. మరీ దేవుడు నివసించాల్సిన నీ హృదయమనే గదిలోకి పాపిష్టి కార్యాలకు చోటిస్తే... నీవు ప్రశాంతంగా బ్రతుకుతావా? ప్రశాంతంగా నిద్రపోతావా?’’ ఒక్కసారి ఆలోచించుకో!! ************************************** *ప్రతిదినం పరిశుద్ధంగా జీవించాలని ఆశపడుతున్నారా? అయితే మీ కోసమే ఈ గ్రూప్స్...!* *WhatsApp Community - 1 link:* https://chat.whatsapp.com/BKEcChdxaKrK0dJ8CqADcD *************************************** *Telegram group Link* https://t.me/+XtII92fKOXAyNWQ9 ******************************** *- మీ సహోదరుడు మోషే* *- (Calvary Kiranalu )* *-(📲 9550576444)* ************************************* #Jesus #JESU I LOVE YOU JESUS #i love jesu #jesu #యేసు ప్రభువు #✝️Jesu✝️