#🪙सोनं-चांदीचा दबदबा कायम!😍 मुंबई : मंगळवार, २७ जानेवारी रोजी सकाळी देशांतर्गत वायदा बाजारात सोन्या-चांदीच्या दरांनी नवे उच्चांक गाठले. भू-राजकीय तणावात वाढ, अमेरिकन डॉलरचे कमकुवत होणे आणि अमेरिकन फेडरल रिझर्व्हकडून आगामी काळात व्याजदर कपातीची शक्यता या पार्श्वभूमीवर गुंतवणूकदारांनी सुरक्षित गुंतवणूक म्हणून सोन्याकडे मोर्चा वळवला आहे. परिणामी मौल्यवान धातूंमध्ये मोठी तेजी पाहायला मिळाली. मल्टी कमॉडिटी एक्स्चेंज (MCX) वर फेब्रुवारी वायदा सोन्याच्या दरात सुमारे ४,००० रुपयांची म्हणजेच २.४ टक्क्यांहून अधिक वाढ नोंदवली गेली. यामुळे सोन्याचे दर १,५९,८२० रुपये प्रति १० ग्रॅम या नव्या उच्चांकी पातळीवर पोहोचले. दरम्यान, चांदीच्या दरातही विक्रमी उसळी दिसून आली. MCX वर मार्च वायदा चांदीच्या दरात २०,००० रुपयांहून अधिक म्हणजे सुमारे ६ टक्क्यांची वाढ झाली असून, चांदीचा दर थेट ३,५४,७८० रुपये प्रति किलो या ऐतिहासिक पातळीवर पोहोचला.