Hari Villuri on Instagram: "#అనకాపల్లి జిల్లా ఉత్తరాంధ్ర ఇలవేల్పు శ్రీ నూకాంబిక అమ్మవారి కొత్త అమావాస్య జాతర సందర్భంగా స్థానిక ఎన్టీఆర్ మైదానంలో బుధవారం ఆధ్యాత్మిక సందడి నెలకొంది. ఈ సందర్భంగా మాజీ మంత్రి, అనకాపల్లి ఎమ్మెల్యే కొణతాల రామకృష్ణ ఆధ్వర్యంలో, జనసేన పార్టీ ఇంచార్జ్ భీమరశెట్టి రామ్కి పర్యవేక్షణలో ప్రముఖ ఆధ్యాత్మిక వక్త బ్రహ్మశ్రీ చాగంటి కోటేశ్వరరావు ప్రవచనాలు ఘనంగా నిర్వహించారు. ఈ కార్యక్రమానికి జిల్లా నలుమూలల నుండి వేలాది మంది భక్తులు హాజరై భక్తి పరవశంలో మునిగిపోయారు. కార్యక్రమం ప్రారంభానికి ముందు ఎమ్మెల్యే కొణతాల రామకృష్ణ చాగంటి కోటేశ్వరరావు కి ఘన స్వాగతం పలికి, శాలువాతో సత్కరించి అమ్మవారి చిత్రపటాన్ని అందజేశారు. ప్రవచనాల్లో భాగంగా చాగంటి కోటేశ్వరరావు హిందూ ధర్మం, పురాణాల ప్రాముఖ్యత, మన సంస్కృతి విలువలను సులభమైన భాషలో వివరిస్తూ భక్తులకు ఆధ్యాత్మిక బోధనలు చేశారు. మనిషి జీవితంలో ధర్మం, భక్తి, నైతిక విలువలు ఎంత ముఖ్యమో వివరించారు. ప్రత్యేకంగా కుటుంబ బంధాలు, తల్లిదండ్రుల పట్ల గౌరవం, సమాజంలో మన బాధ్యతల గురించి చక్కగా వివరించి ప్రేక్షకులను ఆలోచింపజేశారు. అలాగే అమ్మవారి మహిమ, కొత్త అమావాస్య జాతర విశిష్టతను వివరిస్తూ భక్తి మార్గంలో నడవాలని సూచించారు. ఆయన ప్రవచన శైలి సరళంగా, హాస్యంతో కలగలిపి ఉండడంతో సభలోని ప్రతి ఒక్కరినీ ఆకట్టుకుంది. ఈ సందర్భంగా ఎమ్మెల్యే కొణతాల రామకృష్ణ మాట్లాడుతూ, చాగంటి కోటేశ్వరరావు ప్రవచనాలు ప్రజల్లో ఆధ్యాత్మిక చైతన్యాన్ని పెంపొందిస్తాయని, ఇటువంటి కార్యక్రమాలు సమాజానికి ఎంతో అవసరమని తెలిపారు.@sri_nookambica_ammavaru_temple @harivilluri"