#💪Health advice #💪🏻 ആരോഗ്യ നുറുങ്ങുകൾ #👨‍⚕️ ആരോഗ്യം #💪ഹെല്‍ത്ത് ടിപ്സ് കാലം അസുഖകാലം; ഭക്ഷണത്തിൽ ശ്രദ്ധിച്ചാൽ അസുഖങ്ങളിൽ നിന്ന് രക്ഷ നേടാം, ഈ ഭക്ഷണങ്ങൾ കഴിക്കൂ* തണുപ്പ് കാലമാണ് പ്രതിരോധശേഷി കുറയും. നന്നായി ആരോഗ്യം ശ്രദ്ധിച്ചില്ലെങ്കിൽ അസുഖങ്ങൾ വിട്ടുമാറില്ല. തണുപ്പും മഞ്ഞും നിറഞ്ഞ കാലാവസ്ഥ പലരിലും ആരോഗ്യപ്രശ്‌നങ്ങൾ സൃഷ്ടിക്കാറുണ്ട്. ഈ കാലത്ത് ഏറ്റവും കൂടുതൽകണ്ടുവരുന്നത് ചുമ, പനി, ജലദോഷം, ശ്വാസംമുട്ടൽ തുടങ്ങിയ അസുഖങ്ങൾ ആണ്. അതുകൊണ്ടുതന്നെ എല്ലാ കാര്യങ്ങളിലും കൂടുതൽ ജാഗ്രത വേണം. അതിൽ ഏറ്റവും വലിയ ഘടകം ഭക്ഷണം തന്നെയാണ്. തണുപ്പുകാലഭക്ഷണം ശരീരത്തിന് ചൂട് പ്രദാനം ചെയ്യുന്നതും രോഗപ്രതിരോധശേഷി വർധിപ്പിക്കുന്നതും ആയിരിക്കണം. *വൈറ്റമിൻ അടങ്ങിയ ഭക്ഷണം കഴിക്കുക* രോഗപ്രതിരോധശേഷി വർധിപ്പിക്കുന്നതിൽ വിറ്റാമിൻ സി, ഡി, സിങ്ക്, ആൻ്റിഓക്സ‌ിഡന്റുകൾ തുടങ്ങിയ പോഷകങ്ങളും, പ്രോട്ടീനും നല്ല കൊഴുപ്പും അടങ്ങിയ ഭക്ഷണം ആരോഗ്യം നിലനിർത്താനും ചർമസംരക്ഷണത്തിനും അനിവാര്യമാണ്. അണുബാധ തടയുകയും ദഹനവ്യവസ്ഥ ആരോഗ്യത്തോടെ കാത്തുസൂക്ഷിക്കുകയും വേണം. ശുദ്ധവും പ്രകൃതിദത്തവും പെട്ടെന്ന് ദഹിക്കുന്നതുമായ ഭക്ഷണം ശരീരത്തിന്റെ പ്രതിരോധശക്തി വർധിപ്പിക്കുന്നു. പഴങ്ങൾ, പച്ചക്കറികൾ, ഉണങ്ങിയ പഴങ്ങൾ, നട്‌സ്, മുഴുധാന്യങ്ങൾ, ചില സുഗന്ധവ്യഞ്ജനങ്ങൾ എന്നിവ ഉദാഹരണമാണ്. കടുംനിറത്തിലുള്ള പഴങ്ങൾ, പച്ചക്കറികൾ എന്നിവ ആൻ്റിഓക്‌സിഡന്റുകൾ, വിറ്റാമിനുകൾ എന്നിവയാൽ സമ്പുഷ്ടമാണ്. (തക്കാളി, ചുവന്ന ചീര വയലറ്റ് കാബേജ്,മത്തങ്ങ, നാരങ്ങ, ഓറഞ്ച്). കടൽവിഭവങ്ങൾ, ചീര, പയർ, നട്‌സ് തുടങ്ങിയവ വൈറസ് ബാധയെ പ്രതിരോധിക്കാനുള്ള കഴിവ് വർധിപ്പിക്കും. അയൺ, വിറ്റാമിൻ ബി എന്നിവ അടങ്ങിയ ഇലക്കറികൾ, പാൽ, മുട്ട, ചീസ്, കടല എന്നിവയും ഭക്ഷണത്തിൽ ഉൾപ്പെടുത്തണം.