#☪️ ചെറിയപെരുന്നാൾ ആശംസകൾ 🥳 മിസൈലുകളുടെ തീവ്രത ഇപ്പോൾ നന്നായി അറിയാം.... അത് നിർവീര്യമാക്കിയിട്ട് പോലും നിലം പതിക്കുമ്പോൾ നെഞ്ച് കലങ്ങുന്നതും പേടി വന്ന് മൂടുന്നതും അറിയാം... മനുഷ്യ മാംസങ്ങളിൽ മണ്ണ് പറ്റുന്നതും കേൾക്കുന്നുണ്ട്... അലർട്ടുകൾ ഭയത്താൽ നൂല് നൂൽക്കുന്നതും അടുത്തറിയാൻ കഴിയുന്നുണ്ട്... യുദ്ധവുമായി ഒരു തരത്തിലും ബന്ധമില്ലാത്ത മനുഷ്യര് ചിതറി തെറിക്കുന്നതും അറിയുന്നുണ്ട്... ഇന്ന് മനുഷ്യർക്കൊക്കെ പെരുന്നാളാണ്....!! പള്ളിക്ക് പുറത്ത് ആയിരത്തോളം മനുഷ്യര് മുസല്ല വിരിച്ചു പെരുന്നാൾ നിസ്കരിച്ചിരുന്ന നാടുകളിൽ നോവ് കൊണ്ടൊരു മൗനം വന്ന് മൂടിയിരിക്കുന്നു... നിർഭയത്വം കൊണ്ട് മനുഷ്യരൊക്കെ മുസാഫഹത്ത് മുആനഖത്തും ചെയ്തിരുന്ന നല്ലൊരു ദിവസത്തെ ഇങ്ങനെയാക്കിയവർ... യുദ്ധക്കൊതി മൂത്ത് വംശീയ ഉന്മൂലനം പ്ലാൻ ചെയ്തവരാരോ, യുദ്ധം അനായാസം തുടങ്ങിവെച്ചവരാരോ അവര് തോൽക്കേണ്ടതുണ്ട്... പൂർണ്ണമായും അവസാനിക്കേണ്ടതുണ്ട്.... ഇൻഷാ അള്ളാഹ്.... അനിശ്ചിതത്വങ്ങൾ മുഴുവനും സലാം വീട്ടിയപ്പോൾ പള്ളിയിൽ മറന്ന് വെച്ചിട്ടുണ്ട്.... ലോകനിയന്ത്രണങ്ങളിൽ അധികാരമുള്ള റബ്ബേ… നീയീ മനുഷ്യരേ സമാധാനത്താൽ ഉറക്കുകയും ഉണർത്തുകയും ചെയ്യണേ... ലോകത്ത് സമാധാനം പുലരണേ.... ഇൻഷാ അള്ളാഹ് യാ റബ്ബ്....!! ഈദ് മുബാറക് ❤️