கல்விக்கு தண்டனை – தமிழ்நாட்டிற்கு ₹0 22 ஜூலை 2025. இந்த தேதி, தமிழ்நாட்டின் கல்வி வரலாற்றில் ஒரு சாதாரண நாளாகக் கடந்து போகக் கூடாது. நிதியாண்டு 2024–25. மத்திய அரசின் சமக்ரா சிக்ஷா திட்டத்தின் கீழ் உத்தரப் பிரதேசம் ₹6,264 கோடி பெற்றுள்ளது. பீகார் ₹4,217 கோடி. ராஜஸ்தான் ₹3,090 கோடி. குஜராத் ₹1,245 கோடி. ஆந்திரப் பிரதேசம் ₹1,240 கோடி. ஆனால்— தமிழ்நாடு : ₹0. கேரளா : ₹0. மேற்கு வங்காளம் : ₹0. இது நிர்வாகத் தாமதமா? அல்லது நிதிச்சரிவா? இல்லை. இது அரசியல் தண்டனை. மாணவர்களின் கல்வி உரிமையை மாநில அரசுகளின் அரசியல் நிலைப்பாடுகளுடன் கூட்டிப் போட்டு கணக்கிடும் ஆபத்தான நடைமுறையே இது. “தேசிய கல்விக் கொள்கையை ஏற்கவில்லை” என்ற காரணம் சொல்லப்படுகிறது. ஆனால் கல்வி நிதி, ஒரு திட்டத்தை ஏற்றுக்கொள்வதற்கான பரிசாகவும் எதிர்ப்பதற்கான தண்டனையாகவும் மாறிவிட்டால், அது கூட்டாட்சியல்ல — மையாதிக்கம். தமிழ்நாடு கேட்கிறது சலுகையல்ல. தன் மாணவர்களுக்காக ஒதுக்கப்பட்ட சட்டப்பூர்வ நிதியை தான் கேட்கிறது. ஒரு மாநிலத்தை அழுத்த அந்த மாநிலத்தின் கல்வியை பலியாக்குவது ஒரு அரசியல் யுக்தியாக இருக்கலாம். #📺அரசியல் 360🔴 ஆனால் அது ஒரு தேசிய குற்றம். ஏனெனில் கல்வியைப் பறிப்பது ஒரு அரசை தண்டிப்பது அல்ல — ஒரு தலைமுறையை தண்டிப்பது.