ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6aK7JGv4?d=n&ui=v64j8rk&e1 part...10.. ആൽബർട്ട് വീണ്ടും ഡയറിയിലേക്ക് നോക്കി..അവർ ഒരിക്കലും ആ കുന്ന് കയറരുത് ആൽബി..അങ്ങനെ വന്നാൽ പിന്നെ നരകത്തിലെ ഏറ്റവും അപകടകാരിയായ അവൻ ഉണരും.. അവൻ ഉണർന്നാൽ പിന്നെ ആദ്യം ചെയ്യുന്നത് അവന്റെ രാജാവിനെ ഇവിടേക്ക് എത്തിക്കുക എന്നത് ആയിരിക്കും..ഈ പ്രദേശം മാത്രം അല്ല..ഈ ലോകം തന്നെ അവൻ നശിപ്പിക്കും..മനുഷ്യർ മുതൽ സകല ജീവികൾക്കും അവൻ നാശം വരുത്തും.. നിന്റെ മുന്നിൽ തന്നെ അടയാളങ്ങൾ വെളിപ്പെട്ടു വരും.. ജലത്താലും അഗ്നിയാലും യുദ്ധത്താലും ലോകം നശിക്കാൻ തുടങ്ങും..ഇത് സംഭവിച്ചു കൂടാ. .കരിമ്പനകുന്നിൽ ഉറങ്ങി കിടക്കുന്ന ആ അസുരശക്തി ഒരിക്കലും ഉണർന്നു കൂടാ.. നിനക്ക് സഹായം ആയി ഒരാൾ കൂടി എത്തും.ഒരുഭസ്മധാരി.. എല്ലാം സംഭവിക്കാൻ ഉള്ളത് തന്നെ ആണ്..ഒരു കാര്യം ഓർക്കുക..കാര്യവും കാരണവും ഒന്ന് തന്നെ ആണ്.. ഇനിഎത്രമണിക്കൂർഎനിക്ക്ശേഷിക്കുന്നുണ്ട്എന്ന്എനിക്ക്അറിയില്ല.. എന്റെ പ്രാർത്ഥന ആൽബിയുടെ കൂടെ ഉണ്ട് .കർത്താവ്അനുഗ്രഹിക്കട്ടെ. ആൽബർട്ട് ഡയറിഅടച്ചുവെച്ചിട്ട്. കണ്ണുകൾഅടച്ചുഇരുന്നു കുട്ടികൾ ഇവിടെ നിന്ന് പോകാൻ പാടില്ലായിരുന്നു. .അവരെതടയാൻ .തനിക്ക്കഴിഞ്ഞില്ല. ആൽബർട്ട്.എഴുനേറ്റ്. പിന്നെ .വേഗത്തിൽ പുറത്തേക്ക്നടന്നു.... ഇതേ സമയം റോഡിന്റെ ഒരു സൈഡിൽ കാർ ഒതുക്കി നിർത്തി കൊണ്ടു രാഹുലും ബിജിത്തും അനന്തുവും. കുറച്ചു മുൻപ് ബിനു ചേട്ടൻ പറഞ്ഞകാര്യങ്ങൾ. സംസാരിക്കുക ആയിരുന്നു.. രാഹുൽ രണ്ട് പേരെയും നോക്കി കൊണ്ടു പറഞ്ഞു.. ദേ.. ഒരു കാര്യം ഞാൻ പറയാം. ഇപ്പോൾ സമയം ആറുമണി കഴിഞ്ഞു ഇരുട്ടി തുടങ്ങി.. ഇത്രയും. നടന്ന സംഭവങ്ങൾ എല്ലാം. യുക്തിക്കു നിരക്കാത്ത കാര്യങ്ങൾ ആയിരുന്നു.. ഇനിയും ഇതിൽ തല വെക്കേണ്ട എന്ന് തന്നെ ആണ് എന്റെ അഭിപ്രായം.. നമുക്ക് തിരിച്ചു പോകാംവീട്ടിലേക്ക് തന്നെ.. ബിജിത്ത് അത് കേട്ടപ്പോൾ പറഞ്ഞു.. എന്റെ അഭിപ്രായം അത് തന്നെ ആണ്.. നമ്മൾ ഒന്നും അറിഞ്ഞിട്ടില്ല..ഇനി നോവലും വേണ്ടാ ഒന്നും വേണ്ട വീട്ടിൽ എത്തിയാൽ മാത്രം മതി.. പെട്ടന്ന് അതി ശക്തമായ ഒരു മിന്നൽ ഉണ്ടായി.. അതിനു പുറകേ അവിടെ മുഴുവൻ കുലുങ്ങുന്ന തരത്തിൽ ഇടി മുഴങ്ങി.. റോഡിന്റെ സൈഡിൽ നിന്നിരുന്ന പോസ്റ്റിലെ സ്ട്രീറ്റ് ലൈറ്റ് ഒന്ന് മിന്നി കൊണ്ട് അണഞ്ഞു.. ദൂരെ നിന്ന് ഒരു ഇരമ്പൽ കേട്ടു തുടങ്ങി.. രാഹുൽ അത് കേട്ടപ്പോൾ പറഞ്ഞു.. വേഗം കാറിലേക്ക് കയറിക്കോ പോകാം ഇവിടെ നിന്ന്. വലിയ മഴ വരുന്നുണ്ട്. അവർ വീണ്ടും കാറിലേക്ക് കയറി.. രാഹുൽ കാർ സ്റ്റാർട്ട്‌ ചെയ്തു മുന്നോട്ട് എടുത്തു. വലിയ ശബ്ദത്തോടെ മഴ പെയ്യാൻ തുടങ്ങി.. റോഡ് കാണാൻ പറ്റാത്ത വിധം ആയിരുന്നു മഴ തുള്ളികൾ.. കാറ്റും മഴയും കാരണം വളരെ പതുക്കെ ആയിരുന്നു രാഹുൽ കാർ ഓടിച്ചത്.. കുറച്ചു ചെന്നപ്പോൾ റോഡിൽ വാഹനങ്ങൾ നിർത്തി ഇട്ടിരിക്കുന്നത് അവർ കണ്ടു.. വിൻഡോ ഗ്ലാസ്‌ താഴ്ത്തി കൊണ്ടു രാഹുൽ അടുത്ത് നിന്ന ബൈക്ക് യാത്രക്കാരനോട്. ചോദിച്ചു. എന്താ റോഡ് ബ്ലോക്ക്‌.. അയാൾ മുന്നോട്ട് നോക്കി കൊണ്ടു പറഞ്ഞു.. റോഡിൽ മണ്ണ് ഇടിഞ്ഞു വീണുഎന്ന് തോന്നുന്നു.. അവിടെ നിന്നുള്ള വാഹനങ്ങൾ കൂടി ബ്ലോക്ക്‌ ആണ്.. ഇനി യാത്ര പെട്ടന്ന് പറ്റില്ല എന്ന് തോന്നുന്നു.. മഴ ഭയങ്കരമായി പെയ്യുന്നു.. രാഹുൽ ഗ്ലാസ്‌ താഴ്ത്തി കൊണ്ടു പറഞ്ഞു.. എടാ പെട്ടു എന്ന് തോന്നുന്നു.. മണ്ണിടിഞ്ഞു കിടക്കുന്നു.. മുന്നോട്ട്. പോകാൻ വേറെ വഴി ഇല്ല.. ബിജിത്ത് അത് കേട്ടപ്പോൾ പറഞ്ഞു.. ഒരു വഴി ഉണ്ട്. തിരിച്ചു കട്ടപ്പന എത്തിയാൽ നമുക്ക്. . ചേലച്ചുവട് വഴി. വെണ്മണി കയറി വണ്ണപ്പുറം എത്താം.. പിന്നെ കുഴപ്പമില്ല.. രാഹുൽ അത് കേട്ടപ്പോൾ കാർ അവിടെ ഇട്ടു തിരിച്ചു.. പിന്നെ വീണ്ടും കട്ടപ്പന റൂട്ടിലേക്ക് കാർ ഓടിച്ചു കൊണ്ടു പോയി.. വഴി കാണാൻ പറ്റാത്ത വിധം ആയിരുന്നു മഴ പെയ്തു കൊണ്ടിരുന്നത്.. അനന്തു മുന്നിലേക്ക് ആഞ്ഞു ഇരുന്നു കൊണ്ടു റോഡിലേക്ക് നോക്കി കൊണ്ടു പറഞ്ഞു.. നോക്ക് സമയം എഴുമണി ആയില്ല അപ്പോഴേക്കും കൂരിരുട്ട് ആയി.. ബിജിത്ത് അത് കേട്ടപ്പോൾ പറഞ്ഞു.. ഒന്നാമത് ചുറ്റും കാട്.. പിന്നെ മഴ. കോട മഞ്ഞും. ഇരുട്ടാൻ വേറെ എന്ത് വേണം.. നമുക്ക് ആദ്യം തന്നെ ചേല ചുവട്. വെണ്മണി റൂട്ടിൽ പോയാൽ മതിയായിരുന്നു.. ഇത് ഭയങ്കര ചുറ്റ് ആയി പോയി.. രാഹുൽ ഒന്നും മറുപടി പറയാതെ ഡ്രൈവിങ്ങിൽ ശ്രദ്ധ കൊടുത്തു കൊണ്ടിരുന്നു.. ഇതേ സമയം പള്ളിയിലേക്ക് അന്തോണി കയറി വന്നു... ആൽബർട്ട് കാറിന്റെ അടുത്ത് നിൽക്കുമ്പോൾ ആയിരുന്നു അന്തോണി വന്നത്.. അച്ചോ. കുറച്ചു മുൻപ് വന്നു പോയവർ വീണ്ടും ദാ വരുന്നുണ്ട്..എന്തെങ്കിലും ഒന്ന് ചെയ്തേ പറ്റു.. ആൽബർട്ട്. നോക്കുമ്പോൾ ആദ്യം വന്ന രണ്ട് പേർ പള്ളിയിലേക്ക് വരുന്നുണ്ട്.. ഒരു നിമിഷം ആലോചിച്ചു നിന്ന് കൊണ്ടു ആൽബർട്ട് പറഞ്ഞു.. അന്തോണി ചേട്ടൻ പോയി പറയു തിരിച്ചു പോയ്കൊള്ളാൻ.. ഞാൻ ഉടനെ അങ്ങോട്ട് വരുന്നുണ്ട് എന്ന് പറഞ്ഞേക്ക്. അത് കേട്ടപ്പോൾ അന്തോണി ആശ്വാസത്തോടെ ഒന്ന് കുരിശു വരച്ചു കൊണ്ടു. തിരിച്ചു പോയി.. ആൽബർട്ട് വീണ്ടും പള്ളിയുടെ അകത്തേക്ക് കയറി പോയി.. പിന്നെ ഏലിയാസ് അച്ചന്റെ റൂമിൽ കയറി.. അവിടെ വെച്ചിരുന്ന ഹോളി വാട്ടറും. വെള്ളി കുരിശു മാലയും എടുത്തു കൊണ്ടു ഒരു നിമിഷം കണ്ണടച്ച് പ്രാർത്ഥിച്ചു.. പിന്നെ പുറത്തേക്ക് ഇറങ്ങി.. നേരിയ മഴ ചാറ്റൽ ഉണ്ടായിരുന്നു.. കൈയിൽ കരുതിയ വലിയ കുട നിവർത്തി കൊണ്ടു ആൽബർട്ട് വഴിയിലേക്ക് ഇറങ്ങി.. പുറകേ കുടയും ടോർച്ചു എടുത്തു കൊണ്ടു അന്താണിയും.. അച്ചോ.. ആ പെൺകുട്ടിയെ ഞാൻ പോയി കണ്ടിരുന്നു.. പേടി ആകും കാണിക്കുന്നത് കണ്ടാൽ.. ഒരു കട്ടിലിൽ കയ്യും കാലും കെട്ടി ഇട്ടിരിക്കുക ആണ്.. ഞാൻ ഇംഗ്ലീഷ് സിനിമയിൽ ആണ് ഇങ്ങനെ കണ്ടിട്ടുള്ളത്.. ആൽബർട്ട് അത് കേട്ടിട്ട് ഒന്നും മിണ്ടാതെ നടക്കുക ആയിരുന്നു.. കുറച്ചു കഴിഞ്ഞു അവർ ആ വീട്ടിൽ എത്തി.. അവിടെ ആ കുട്ടിയുടെ പപ്പയും മമ്മിയും മാത്രം ആയിരുന്നു ഉണ്ടായിരുന്നത്.. ആൽബർട്ട്. ഷൂ ഊരി വെച്ചിട്ട് അകത്തേക്ക് കയറി ചെന്നു.. ഹാളിൽ നിന്ന് ഇടത്തെ സൈഡിൽ ആയിരുന്നു മുറി.. അവിടെ നിന്ന് ഒരു തരം മുരളൽ കേൾക്കുന്നുണ്ടായിരുന്നു.. അച്ചോ.. ഒരു തവണ മോൾക്ക് ഇത് പോലെ ഉണ്ടായത് ആയിരുന്നു.. അന്ന് ഏലിയാസ് അച്ചൻ വന്നു ആയിരുന്നു എല്ലാം ഭേദം ആക്കിയത്. പക്ഷെ അച്ചന്റെ അടക്കം കഴിഞ്ഞഉടനെ ഇവൾ വീണ്ടും പഴയ പോലെ തന്നെ പെരുമാറാൻ തുടങ്ങി.. ആ കുന്നിലേക്ക് ആണ് ഓടാൻ നോക്കുന്നത്.. അവസാനം ഞങ്ങൾക്ക് മോളെ കെട്ടി ഇടേണ്ടി വന്നു അച്ചോ.. അയാൾ നിന്ന് കരഞ്ഞു.. ആൽബർട്ട് അയാളെ നോക്കി കൊണ്ടുപറഞ്ഞു പ്രാർത്ഥിക്കുക കർത്താവിനോട്.ഞാൻ നോക്കട്ടെ മോളെ ..ആൽബർട്ട് മുറിയുടെ വാതിൽ തുറന്നു അകത്തേക്ക് കയറി ചെന്നു.. കട്ടിലിൽ കൈ കാലുകൾ തുണി കൊണ്ടു കെട്ടിയ നിലയിൽ ആയിരുന്നു ആ പെൺകുട്ടി.. ആൽബർട്ട് അവളെ സൂക്ഷിച്ചു നോക്കി.. കണ്ണടച്ച് കിടക്കുക ആയിരുന്നു അവൾ.. മുഖവും ദേഹവും വിയർത്തു കുളിച്ചിരുന്നു.. മുഖത്ത് മുടിയിഴകൾ. വിയർപ്പിനാൽ ഒട്ടിപിടിച്ചു കിടക്കുന്നു.. പെട്ടന്ന് അവൾ കണ്ണുകൾ തുറന്നു.. പിന്നെ തല ചെരിച്ചു ആൽബർട്ടിനെ നോക്കി കൊണ്ടു പറഞ്ഞു.. നിനക്ക് എന്നെ തൊടാൻ ആവില്ല.. നിന്നെ ഞാൻ ഇവിടെ എത്തിച്ചത് ആണ്.. ഇനി നിനക്ക് പുറത്തു പോകാൻ കഴിയില്ല... പെട്ടന്ന് ആ റൂമിന്റെ ഡോർ അടഞ്ഞു..?? ആൽബർട്ട് തിരിഞ്ഞു നോക്കിയില്ല... കട്ടിലിൽ കിടന്നു കൊണ്ടു അവൾ വളഞ്ഞു പൊങ്ങി കൊണ്ടു പറഞ്ഞു. അവർ ഉടനെ കുന്നു കയറും.. നിനക്ക് തടയാൻ ആവില്ല അവരെ.. കാരണം അവർക്ക് വഴി കാണിക്കാൻ പോകുന്ന ആൾ നിന്റെ മുന്നിൽ തന്നെ ഉണ്ടായിരുന്നു.. ഈ രാത്രി അവർ കുന്നു കയറും.. അവൾ ഉറക്കെ ചിരിച്ചു.. പെട്ടന്ന് കട്ടിൽ ഒരു സൈഡ് നിവർന്നു നിന്നു.. അവൾ മുഖം ഒന്ന് കുടഞ്ഞു കൊണ്ടു ആൽബർട്ടിനെ നോക്കി കൊണ്ടു പറഞ്ഞു.. നിനക്ക് മുൻപ് ഉണ്ടായിരുന്ന ആളെ ഇല്ലാതെ ആക്കിയ ആൾ മുന്നിൽ വന്നു നിന്നിട്ടും നിനക്ക് എന്തെ അത് കാണാൻ കണ്ണില്ലാതെ പോയി.. അടുത്തനിമിഷം കട്ടിൽ നിന്ന നിൽപ്പിൽ കറങ്ങാൻ തുടങ്ങി.. ആൽബർട്ട് കൊന്ത നീട്ടിപിടിച്ചു കൊണ്ടു പ്രാർത്ഥന ചൊല്ലാൻ തുടങ്ങി.. പിന്നെ ഹോളി വാട്ടർ എടുത്തു മുറിക്കുള്ളിലും കട്ടിലിലും തളിക്കാൻ തുടങ്ങി... അവൾ അതി ഭയങ്കരമായി. അലറി വിളിച്ചു.. കട്ടിൽ പെട്ടന്ന് പൂർവ്വസ്ഥിതിയിൽആയി.. ആൽബർട്ട് മുന്നോട്ട് നടന്നു വന്നു കൊണ്ടു അവളെ നോക്കി കൊണ്ടു പറഞ്ഞു.. നിനക്ക് നരകം ആണ് വാസസ്ഥലം.. ഇത് മനുഷ്യശരീരം ആണ്.. ഈ കുട്ടിയെ ഉപദ്രവിക്കാൻ ഞാൻ സമ്മതിക്കില്ല.. അവൾ ആൽബർട്ടിനെ നോക്കി ഒന്ന് ചിരിച്ചു. പിന്നെ മെല്ലെ പറഞ്ഞു... ഇനി അങ്ങോട്ടുള്ള രാത്രികൾനിങ്ങൾക്ക് ഉറങ്ങാൻ കഴിയില്ല... അവർ കുന്നു ലക്ഷ്യം വെച്ചു വന്നു തുടങ്ങി.. എന്റെ ജോലി കഴിഞ്ഞു.. ഞാൻ പോകുക ആണ്.. അവൾ വീണ്ടും ഒന്ന് അലറി.. പിന്നെ മെല്ലെ കണ്ണുകൾ അടച്ചു.. ആൽബർട്ടിന്റെ നെറ്റിയിൽ വിയർപ്പ് പൊടിഞ്ഞു.. റൂമിന്റെ ഡോർ മെല്ലെ തുറന്നു.. പെൺകുട്ടിയുടെ പപ്പയും മമ്മിയും റൂമിലേക്ക് കയറി വന്നു.. ആൽബർട്ട് അവരെ നോക്കി കൊണ്ടു പറഞ്ഞു.. പേടിക്കണ്ട മോൾ ഒന്ന് ഉറങ്ങി എഴുനേറ്റ് കഴിഞ്ഞു എല്ലാം പഴയ പോലെ ആകും.. കയ്യിലെയും കാലിലെയും കെട്ടുകൾ അഴിച്ചു വിട്ടേക്ക്.. ആൽബർട്ട് പുറത്തേക്ക് നടന്നു.. ഇതേ സമയം ചേലച്ചുവട് എത്തിയ രാഹുലും കൂട്ടുകാരും വീണ്ടും കട്ടപ്പന ലക്ഷ്യം വെച്ചു നീങ്ങാൻ തുടങ്ങി.. റോഡിൽ നിന്ന് കരിമ്പനകുന്ന് എന്ന് എഴുതി വെച്ചിരുന്ന ബോർഡ് മെല്ലെ ഒന്ന് വിറകൊണ്ടു.. കരിമ്പനകുന്നിൽ നിന്നു കൂട്ടത്തോടെ ഈയലുകൾ ആകാശത്തേക്ക് ഉയരാൻ തുടങ്ങി...??? തുടരും. കണ്ണൂർകാരൻ ❤️❤️❤️❤️❤️ #💞 പ്രണയകഥകൾ #📚 ട്വിസ്റ്റ് കഥകൾ #📙 നോവൽ #📔 കഥ #✍ തുടർക്കഥ