ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6aG1gW18?d=n&ui=v64j8rk&e1=cUNDER WORLD = CHAPTER - 5 =========================== പെട്ടന്ന് കിരണിന്റെ ഇടതു കാലിലൂടെ രക്തം താഴേക്ക് ഇറ്റിറ്റ് വീഴുന്ന കണ്ട് അവളുടെ കാല് മുതൽ മുകളിലേക്ക് ഉഴിഞ്ഞു നോക്കിയ ജുവൽ അപ്പോഴാണ് കിരണിന്റെ വയറിന് ഇടതു ഭാഗത്തായി കുത്തിയിറക്കിരിക്കുന്ന കത്തി കാണുന്നത്. ഒരു ഞെട്ടലോടെ വാ പൊത്തിക്കൊണ്ട് ജുവലിന്റെ നോട്ടം മുകളിലേക്ക് നീങ്ങിയതും അയാളുടെ വലതു കൈക്കുഴയുടെ താഴെ ആയി പെന്റഗ്രാമിന്റെ ചിഹ്നവും, വലതു കഴുത്തിൽ തല തിരിഞ്ഞിരിക്കുന്ന കുരിശിനെ ചുറ്റി വളയുന്ന പാമ്പിനെയും, ഇടത് കൈക്കുഴയുടെ താഴെ ആയി ഒരു ഒറ്റ കണ്ണും, പച്ച കുത്തിയിരിക്കുന്നത് ശ്രദ്ധയിൽ പെട്ടത്...! "ചേച്ചീ." എന്ന് ഉറക്കെ വിളിച്ചുകൊണ്ട് കിരണിന്റെ അടുത്തേക്ക് ഓടിയടുത്ത ജുവൽ അവർക്കരികിലേക്ക് എത്തുന്നതിന് മുൻപേ തന്നെ അയാളുടെ വലതു കരം ഇരുമ്പുദണ്ഡിൽ ബലം അർപ്പിച്ചതിന് ശേഷം മുകളിലേക്കുയർന്നിരുന്നു...!!! MYSTERY CONTINUE =================== അവൾ തന്റെ അരികിലേക്ക് ഓടി അടുക്കുകയാണെന്ന് മനസിലാക്കിയ കിരൺ, ശ്വാസം കിട്ടാതെ പിടക്കുന്നതിന് ഇടയിലും അടുത്തേക്ക് വരരുത് എന്നുള്ള രീതിയിൽ ജുവലിന് നേരെ ഇടതുകരം ഉയർത്തിയെങ്കിലും അയാൾ മുകളിലേക്ക് ഉയർത്തിയിരുന്ന ഇരുമ്പ് ദണ്ഡിന്റെ അറ്റം അവളിലേക്ക് എത്തും എന്ന് മനസിലാക്കാതെ കിരണിന്റെ താക്കീത് ശ്രദ്ധിച്ചുകൊണ്ട് അവൾ പെട്ടന്ന് നിശ്ചലയായതും ഒരു മൂളക്കം അവളുടെ കാതിൽ പതിഞ്ഞതിന് പുറകെ അതി ശക്തിയായി ആ ദണ്ഡ് അവളുടെ തലയിൽ പതിച്ചു കഴിഞ്ഞിരുന്നു. അടിയേറ്റ തലയുടെ ഇടതു ഭാഗത്ത്‌ ഒരു വിള്ളൽ വീണ ഉടനെ തലയോട്ടി ദൃശ്യമായതോട് കൂടി തന്നെ നാല് ഭാഗത്തേക്കും രക്തം ചീറ്റി തെറിച്ചതും. "ചേ...... ചീ." എന്ന് ഉറക്കെ വിളിച്ചുകൊണ്ട് വലതു ഭാഗത്തുണ്ടായിരുന്ന അലമാരയുടെ ചില്ലിലേക്ക് തലയുടെ വലതുഭാഗം ഇടിച്ച ശേഷം ചില്ല് പൊട്ടിത്തെറിച്ചതിനു പിന്നാലെ ജുവൽ നിലത്തേക്ക് പതിച്ചു. "ആാാാ... അമ്മേ... ആആആആആ." നിലത്തു കിടന്ന് വേദനയിൽ പുളയുന്ന ജുവലിന്റെ കരച്ചിൽ കിരണിന്റെ കാതിൽ പതിഞ്ഞതും അവളുടെ കണ്ണുകൾ നിറയാൻ തുടങ്ങിയിരുന്നു. ശ്വാസം വിടാൻ പോലും കഴിയാതെ അയാളുടെ കൈയിൽ കിടന്ന് പിടച്ചുകൊണ്ട് എങ്ങനെയോ ഇരു കരങ്ങളും അവൾ അയാൾക്ക് നേരെ കൂപ്പി. "ഞങ്ങളെ ഒന്നും ചെയ്യരുത്... എന്ത് ദ്രോഹമാണ് ഞങ്ങൾ നിങ്ങളോട് ചെയ്തത്...?" എന്നുള്ള ഒരായിരം ചോദ്യങ്ങൾ കിരണിന്റെ മനസ്സിൽ കുന്നുകൂടി എങ്കിലും ശബ്ദമുയർത്തി അതൊന്നും ചോദിക്കാനുള്ള ത്രാണി അവളിൽ ബാക്കിയില്ലായിരുന്നു എന്ന് മാത്രമല്ല അവസാനമായി ശ്വാസം എടുക്കാൻ പോലും അവൾക്കാകുമായിരുന്നില്ല. പെട്ടന്ന് അയാളുടെ കാലുകൾ മുന്നിലേക്ക് രണ്ട് അടികൂടി വെച്ച ശേഷം അവളെ ഒന്നുകൂടി മുകളിലേക്ക് ഉയർത്തി ശക്തിയായി പുറകിലേക്ക് വലിച്ചെറിഞ്ഞു. നിലത്തേക്ക് വീണ കിരണിന്റെ ഇടതുഭാഗം തന്നെ ആദ്യം തറയിൽ പതിഞ്ഞതും വയറ്റിൽ തറച്ചിരുന്ന കത്തി കുറച്ചുകൂടി അകത്തേക്ക് തറഞ്ഞു കയറി. നിലത്തുകിടന്ന് വേദനയിൽ പുളഞ്ഞുകൊണ്ട് അതി ശക്തിയായി ശ്വാസം വലിച്ചെടുക്കാൻ ശ്രമിച്ചുകൊണ്ടിരുന്ന അവളുടെ വയറിൽ നിന്നും ക്രമാതീതമായി വേഗത്തിൽ രക്തം പുറത്തേക്ക് തള്ളി. അണച്ചുകൊണ്ട് ശക്തിയായി ശ്വാസം വലിച്ചെടുത്ത് ബുദ്ധിമുട്ടി കൈകുത്തി പുറകിലേക്ക് നിരങ്ങി നീങ്ങിയ കിരൺ ഭിത്തിയിലേക്ക് ചാരി ഇരുന്ന ശേഷം കണ്ണുകളടച്ചു തുറന്നതും... പാതി ബോധം നഷ്ടപെട്ട ജുവലിന്റെ വലതു തലയിൽ തറച്ചിരിക്കുന്ന ചില്ലിന്റെ പുറത്തേക്ക് തള്ളിയിരിക്കുന്ന ഭാഗം കാലുകൊണ്ട് അയാൾ തലയിലേക്ക് തന്നെ ചവിട്ടി ഇറക്കുന്ന കണ്ട് വളരെ ഉച്ചത്തിൽ അവൾ അലമുറയിട്ടു...! "വേണ്ടാ... അവളെ ഒന്നും ചെയ്യരുത്... പ്ലീസ്." കൈകൾ ഉയർത്തി നിസ്സഹായതയിൽ കിരൺ പറയുന്നത് കേൾക്കാതെ അയാൾ ഒന്നുകൂടി അമർത്തി ചവിട്ടി കൊണ്ടേ ഇരുന്നു. അയാളുടെ ബലിഷ്ഠമായ കാലിന്റെ അടിയിൽ കിടന്ന് ഒന്ന് ശബ്‌ദിക്കാൻ പോലും കഴിയാതെ ജുവൽ പിടക്കുന്നത് കണ്ട് സർവ ശക്തിയും എടുത്ത് തന്റെ വയറ്റിൽ നിന്നും കത്തി വലിച്ചൂരി ഭിത്തിക്കരികിലെ ജനാലയിൽ പിടിച്ചുകൊണ്ട് വേച്ചു വേച്ചു എഴുന്നേറ്റ് അവൾ തളർന്ന് നിന്നു. ഇടതു കൈകൊണ്ട് വയറിലെ മുറിവിൽ അമർത്തി പിടിച്ച ശേഷം വലതു കൈ കത്തിയിലും മുറുക്കെ പിടിച്ചുകൊണ്ട് സർവ ശക്തിയും എടുത്ത് അയാൾക്കരികിലേക്ക് ഓടിയടുത്ത കിരൺ അയാളുടെ കഴുത്തിന് പുറകിൽ തന്നെ കത്തി തറക്കാനായി ആഞ്ഞു കുത്തിയതും... തിരിഞ്ഞു നോക്കാതെ തന്നെ അയാൾ ഒരടി പിന്നിലേക്ക് വെച്ചുകൊണ്ട് തല ഇടതുവശത്തേക്ക് അല്പം വെട്ടിച്ചതും, ലക്ഷ്യം തെറ്റിയ കിരണിന്റെ കൈ അയാളുടെ വലതു തോളിൽ തട്ടി നിന്നു...! "ഹ... ഹാ... ഹാാാ." അയാളുടെ ക്രൂരമായ ചിരി ആ മുറിയാകെ നിറഞ്ഞതിന്റെ കൂടെ കറങ്ങി തിരിഞ്ഞുകൊണ്ട് അയാൾ കിരണിന്റെ കരണം പൊത്തി ആഞ്ഞടിച്ചതും ഒരുമിച്ചായിരുന്നു. അടികൊണ്ട് നിലത്തേക്ക് വീണ കിരണിന്റെയും വേദനയാൽ നിലത്ത് കിടന്ന് പുളയുന്ന ജുവലിന്റെയും മുഖത്തേക്ക് മാറി മാറി നോക്കിയ ശേഷം പോക്കറ്റിൽ നിന്നും രണ്ട് സിറിഞ്ചുകൾ എടുത്ത അയാൾ ഒന്നെടുത്ത് മേശപ്പുറത്തേക്ക് വെച്ച ശേഷം പോക്കെറ്റിൽ നിന്നും ചെറിയൊരു കവർ കൂടി എടുത്തു, കവറിനകത്ത് നിന്നും അസാധാരണ വലിപ്പമുള്ള രണ്ട് സൂചികൾ കൂടി എടുത്ത് സിറിഞ്ചിൽ വെച്ചു. ജുവലിനെ ബലമായി കമിഴ്ത്തി കിടത്തികൊണ്ട് കാലുകൾ കൂട്ടി കെട്ടിയ ശേഷം വാ പൊത്തി മുട്ടുകാൽ അവളുടെ പുറത്തേക്ക് അമർത്തികൊണ്ട് നട്ടെല്ലിന്റെ ഭാഗത്ത്‌ നിന്നും അവളുടെ വസ്ത്രം അല്പം ഉയർത്തി...! "വേണ്ടാ... വേണ്ടാ... അവളെ ഒന്നും ചെയ്യല്ലേ." എഴുന്നേൽക്കാൻ കഴിയില്ലെങ്കിലും നിലത്ത് കിടന്നുള്ള കിരണിന്റെ കെഞ്ചൽ കേൾക്കാതെ ക്രൂരമായി ചിരിച്ചുകൊണ്ട് അയാൾ ആ സൂചി ജുവലിന്റെ നട്ടെല്ലിന് ഏറ്റവും താഴെ ഉള്ള രണ്ട് കുഴികൾക്ക് നടുവിലായി കുത്തി ഇറക്കി. അസാമാന്യ വേദന സഹിക്കാൻ കഴിയാതെ പിടക്കാനും അലറാനും ശ്രമിക്കുന്ന ജുവലിന്റെ വായ കൂടുതൽ ബലിഷ്ഠമായി പൊത്തി പിടിച്ച ശേഷം അവളുടെ പുറത്തേക്ക് അയാൾ കയറി ഇരുന്നതോടെ ഒന്ന് ചലിക്കാൻ പോലും ആകാതെ അവളുടെ കണ്ണുകൾ നിറഞ്ഞൊഴുകി. അതീവ ശ്രദ്ധയോടെ സാവധാനത്തിൽ സൂചി അയാൾ നട്ടെല്ലിലേക്ക് ഇറക്കിയ ശേഷം പതുക്കെ സിറിഞ്ചിന്റെ നീഡിൽ മുകളിലേക്ക് വലിച്ചു, ബ്രൗൺ നിറമാർന്ന ജുവലിന്റെ നട്ടെല്ലിലെ അസ്ഥി മജ്‌ജ സിറിഞ്ചിനകത്തേക്ക് നിറഞ്ഞു തുടങ്ങിയതും അയാളുടെ കൈ വിരലുകളിൽ അവൾ ആഞ്ഞു കടിച്ചതും ഒരുമിച്ചായിരുന്നു...! "നായിന്റെ മോളെ." എന്ന് ഉറക്കെ വിളിച്ച ശേഷം പല്ലുകടിച്ചുകൊണ്ട് അവളുടെ വായിൽ നിന്നും ബലമായി കൈ വലിച്ചൂരാൻ ശ്രമിച്ചെങ്കിലും അതിനു സാധിക്കാതെ അയാൾ വേദന സഹിച്ചുകൊണ്ട് അസ്ഥി മജ്ജയാൽ സിറിഞ്ച് നിറച്ചതും ചാടി എഴുന്നേറ്റ് ജുവലിന്റെ മുടിക്കുത്തിൽ പിടിച്ചുകൊണ്ട് നിലത്തേക്ക് ശക്തിയായി അവളുടെ മുഖം ഇടിച്ചുകൊണ്ടേ ഇരുന്നു. നെറ്റിയിൽ നിന്നും, മൂക്കിൽ നിന്നും, വായിൽ നിന്നും ധാരയായി രക്തം ഒഴുകുന്നത് വരെ അയാളുടെ ക്രൂരത തുടർന്ന ശേഷം ജുവലിന്റെ കാലുകളിൽ പിടിച്ചു വലിച്ചുകൊണ്ട് അയാൾ വെളിയിലേക്ക് നടക്കുന്നതും നോക്കി നിസ്സഹായതയിൽ ഏങ്ങലടിച്ച് കരഞ്ഞുകൊണ്ട് കിരൺ കണ്ണുകൾ പതിയെ അടച്ചു. "അയാൾ ആരായിരിക്കും...? എന്തായിരിക്കും അയാളുടെ ഉദ്ദേശം...? എന്തിനായിരിക്കും ജുവലിന്റെ നട്ടെല്ലിൽ നിന്നും അയാൾ മജ്‌ജ എടുത്തത്...? രണ്ട് സിറിഞ്ചുകൾ ഉള്ളതിനാൽ ഇനി തന്റെയും നട്ടെല്ലിൽ നിന്നും അയാൾ മജ്‌ജ എടുക്കുമോ...? ഇസ്രയെ കൊല ചെയ്ത മുറിയിൽ ഉണ്ടായിരുന്ന അതെ പെന്റഗ്രാമിന്റെ ചിഹ്നം തന്നെയാണ് അയാളുടെ വലതു തോളിൽ പച്ച കുത്തിയിരുന്നത്, ഇനി അയാളും ഇയാളും തമ്മിൽ എന്തെങ്കിലും ബന്ധം കാണുമോ...? ജുവലിനെയും കൊണ്ട് അയാൾ എവിടെക്കായിരിക്കും പോയത്...?" എന്നിങ്ങനെയുള്ള ചോദ്യങ്ങൾ മനസ്സിൽ ഉടലെടുത്തതും വളരെ കഷ്ടപ്പെട്ട് നിലത്ത് നിന്നും എഴുന്നേൽക്കാൻ ശ്രമിച്ച കിരൺ അതിനു കഴിയാതെ ആ ശ്രമം ഉപേക്ഷിച്ചുകൊണ്ട് നിരങ്ങി നിരങ്ങി മുന്നോട്ട് നീങ്ങികൊണ്ട് മേശയുടെ താഴെ എത്തിയതും ഡ്രോ തുറന്ന് ഗൺ എടുക്കാനുള്ള ശ്രമങ്ങളിലേക്ക് പ്രവേശിച്ചു. ഇതേ സമയം...!!! ജുവലിനെ വലിച്ചുകൊണ്ട് പുറത്തേക്ക് പോയ അയാൾ അടുക്കള ഭാഗത്ത്‌ എത്തിയതും അവളെ എടുത്ത് തോളത്തേക്ക് ഇട്ട ശേഷം ഡോർ തുറന്ന് വെളിയിലേക്ക് ഇറങ്ങിയതും രണ്ട് ആൾരൂപങ്ങൾ ഇരുളിൽ നിന്നും വാതിലിന് അടുത്തേക്ക് എത്തിയ ശേഷം പുറത്തേക്ക് ഇറങ്ങിയ അയാളെ ശ്രദ്ധിക്കാതെ അകത്തേക്ക് പ്രവേശിച്ചതും നിലത്തു കണ്ട രക്തപ്പാടുകൾ ശ്രദ്ധിച്ചുകൊണ്ട് മുഖത്തോട് മുഖം നോക്കി വിറങ്ങലിച്ചു നിന്നു...! "ഫഹദേ... പണി പാളിയോ...?" കൂട്ടുകാരന്റെ ചോദ്യം കേട്ട് മറുപടി പറയാൻ കഴിയാതെ അവന്റെ കൈ പിടിച്ചുകൊണ്ട് സാവധാനം വീടിന് അകത്തേക്ക് നടന്നതും അകത്തെ മുറിയിൽ നിന്നും നിരങ്ങി വരുന്ന കിരണിനെ കണ്ട് അവർ ഓടി അവളുടെ അടുത്തേക്ക് ചെന്നു. "ചേച്ചീ... എന്താ പറ്റിയെ...? ജുവൽ എവിടെ...?" നിലത്ത് നിന്നും കിരണിനെ എടുത്തുയർത്തുന്നതിന് ഇടയിൽ ഫഹദിന്റെ ചോദ്യത്തിന് ഉത്തരം നൽകാൻ കഴിയാതെ ഗൺ അവൾ അവന് നേരെ നീട്ടിയ ശേഷം വെളിയിലേക്ക് കൈ ചൂണ്ടി കാണിച്ചു. അടുക്കളയിൽ കണ്ട രക്തത്തിന്റെ പാട് ജുവലിന്റേതാണെന്ന് ഊഹിക്കാൻ ഫഹദിന് വലിയ പ്രയാസം ഉണ്ടായില്ല...! "ജുവലിനെയും കൊണ്ട് അയാൾ വെളിയിലേക്ക് പോയോ...?" അവന്റെ ചോദ്യത്തിന് തല ആട്ടുക മാത്രം ചെയ്ത കിരണിന്റെ ചുണ്ടുകൾ വിറക്കുന്നതും ആ കണ്ണുകൾ നിറഞ്ഞൊഴുകുന്നതും നോക്കി നിൽക്കാനുള്ള ത്രാണി ഇല്ലാതെ കയ്യിലിരുന്ന തോക്കിലേക്ക് നോക്കിയ ശേഷം അതിൽ മുറുകെ പിടിച്ചുകൊണ്ട് ദീർഘമായി ശ്വാസം ഒന്ന് വലിച്ചുവിട്ട ഉടനെ കൂട്ടുകാരനെയും കൂട്ടി ഫഹദ് വെളിയിലേക്ക് നടന്നു. "ഡാ എനിക്കെന്തോ പേടിയാകുന്നു... അയാൾ സാധാരണക്കാരൻ അല്ലാ എന്ന് തോനുന്നു." ഫഹദിന്റെ തോളത്തു പിടിച്ചുകൊണ്ട് കൂട്ടുകാരൻ പറഞ്ഞത് കേട്ട് അവൻ ഒന്ന് നിന്നു...! "സന്ദീപേ... എനിക്കും നന്നായി ഭയം തോന്നുന്നുണ്ട്, പക്ഷെ രണ്ട് പെൺകുട്ടികളെ ചെയ്തതുപോലെ രണ്ട് ആണുങ്ങളോട് ചെയ്യാൻ ഒരാൾക്കും പെട്ടന്നൊരു ധൈര്യം തോന്നില്ല. മാത്രമല്ല നമ്മുടെ കയ്യിൽ തോക്കും ഉണ്ട്, അതുകൊണ്ട് എന്റെ ധൈര്യം കൂടി കളയാതെ നി കൂടെ വാ." ചെറിയൊരു ആത്മവിശ്വാസം സന്ദീപിന് പകർന്നു നൽകിയ ശേഷം ഇരുവരും ചേർന്ന് കിച്ചണിൽ നിന്നും വെളിയിലേക്ക് ഇറങ്ങിയതും...! "ശഹ്ഹ്... ഡാ അങ്ങോട്ട് നോക്ക്." ഫഹദിനെ തടുത്തു നിർത്തി ശബ്ദം താഴ്ത്തി കൈഉയർത്തിക്കൊണ്ട് സന്ദീപ് പറഞ്ഞ ഭാഗത്തേക്ക് നോക്കിയ അവൻ ഒന്ന് ഞെട്ടി. വീടിന്റെ പുറകുവശത്തു നിന്നും അല്പം മാറിയുള്ള കിണറിന്റെ കരയിൽ ഒരാൾ നിൽക്കുന്നു, തോളിൽ ഒരു പെൺകുട്ടിയും...! "അത്... അയാൾ ആണ്... തോളിൽ ജൂവലും ആയിരിക്കും." മുൻ വശത്തു നിന്നും വരുന്ന നേരിയ വെളിച്ചത്തിൽ അയാളെ അവർക്ക് കാണാമെന്നതിനാൽ അവരെ അയാൾ കണ്ടിട്ടില്ല എന്നുള്ള ഉറപ്പിൽ സാവധാനം അവർ മുന്നോട്ട് നീങ്ങി...! "അയാൾ എന്ത് ചെയ്യാൻ പോകുവായിരിക്കും...?" "ഒന്ന് മിണ്ടാത്തെ വാ സന്ദീപേ... എനിക്കാണെങ്കിൽ ഈ തോക്ക് കയ്യിൽ ഇരിക്കുന്ന ഒരു ധൈര്യം മാത്രമേ ഒള്ളു." "അതിന് നിനക്ക് ഷൂട്ട്‌ ചെയ്യാൻ അറിയാമോ...?" "അതെനിക്കറിയില്ല... പക്ഷെ തോക്ക് കണ്ടാൽ അയാൾ ഒന്ന് പരുങ്ങുമല്ലോ...? അയാളിൽ നിന്നും അല്പം ദൂരത്തിൽ നിന്നുകൊണ്ട് തോക്ക് ചൂണ്ടിയാൽ വേറൊന്നും ചെയ്യാനുള്ള ധൈര്യം അയാൾക്ക് ഉണ്ടാകില്ല." ഏകദേശം അവർ അയാളുടെ അടുത്തേക്ക് എത്തിയതും...!!! "ഹാൻഡ്‌സ് അപ്പ്‌." പുറകിൽ നിന്നുള്ള ശബ്ദം കേട്ട് അയാൾ അവരുടെ നേരെ ഒന്ന് തിരിഞ്ഞു നിന്നു...! "അവളെ താഴെ ഇട്." ഫഹദിന്റെ കൈകളിലെ വിറയൽ മനസിലാക്കികൊണ്ട് ഇരുവരുടെയും മുഖത്തേക്ക് മാറി മാറി നോക്കിയ അയാൾ ക്രൂരമായൊന്ന് പുഞ്ചിരിച്ച ശേഷം പൊടുന്നനെ ജുവലിനെ ഉയർത്തി കിണറിനകത്തേക്ക് ഇട്ടുകൊണ്ട് ഇരു കരങ്ങളും ഇരുവശങ്ങളിലേക്ക് ഉയർത്തി മുകളിലേക്ക് നോക്കി നിന്നു...! "നോ... നോ." ജുവൽ താഴേക്ക് പതിക്കുന്ന കണ്ട് തോക്ക് താഴ്ത്തി കിണറിന് അരികിലേക്ക് ഓടാൻ ശ്രമിച്ച ഫഹദിനെ സന്ദീപ് വട്ടം പിടിച്ചു നിർത്തി...! "ഡാ... നി അവിടേക്ക് പോയി മണ്ടത്തരം കാണിക്കല്ലേ." സന്ദീപ് പറഞ്ഞതുകേട്ട് കഴുത്തിൽ നിന്നും വിയർപ്പുകണങ്ങൾ തുടച്ചു നീക്കി ഫഹദ് ഒന്നുകൂടി ഗൺ അയാളുടെ നേരെ ഉയർത്തി. ഇരുളിൽ നിന്നും ഒരു നിഴൽ അവരുടെ നേരെ നടന്നടുക്കുന്നത് അറിയാതെ...!!! ========================================= ഇതേ സമയം കിണറിന് അകത്തൂടെ വീണുകൊണ്ടിരുന്ന ജുവൽ എവിടെയും പതിക്കാതെ താഴേക്ക്... താഴേക്ക്... താഴേക്ക്... ഏകദേശം 15 മിനിറ്റിന് ശേഷം വെള്ളത്തിലേക്ക് വീണ അവൾക്ക് ബോധം തെളിഞ്ഞതും ശക്തമായ ഒഴുക്കിൽ എങ്ങോട്ടെന്നില്ലാതെ വെള്ളത്തിൽ മുങ്ങിയും താണും അവൾ ഒഴുകിക്കൊണ്ടേ ഇരുന്നു. തനിക്ക് എന്താണ് സംഭവിക്കുന്നത് എന്ന് മനസിലാകാതെ ശരീത്തിലെ നീറ്റലും വേദനയും എല്ലാം സഹിച്ച് ഒഴുക്കിനെതിരെ നീന്താൻ അവൾ കിണഞ്ഞു പരിശ്രമിച്ചെങ്കിലും ലക്ഷ്യം പൂർത്തിയാക്കാൻ ആകാതെ തളർന്നുകൊണ്ട് വരുന്നതിനെ നേരിടാൻ അവൾ തയ്യാറായി. വെള്ളത്തിൽ മുങ്ങി താണുകൊണ്ടിരുന്ന അവൾ മുകളിലേക്ക് തല ഉയർത്തി നോക്കാൻ ശ്രമിച്ചതും അല്പം ദൂരത്തായി വെള്ളത്തിന്റെ മുകളിലേക്ക് ഉയർന്നു നിൽക്കുന്ന എന്തോ കണ്ടുകൊണ്ട് അത് ലക്ഷ്യമാക്കി അവൾ കൈകാലുകൾ ചലിപ്പിച്ചെങ്കിലും ശക്തമായ ഒഴുക്ക് കാരണം ആ ലക്ഷ്യത്തിലേക്കും അവൾക്ക് എത്തിപ്പിടിക്കാൻ ആകാതെ മുന്നോട്ട് നീങ്ങിയതും മറ്റെന്തോ വസ്തുവിൽ കൈ കുരുങ്ങി നിന്നു. ശക്തിയായി അണച്ചുകൊണ്ട് അതിൽ മുറുകെ പിടിച്ചുകൊണ്ടിരുന്ന അവൾ അണപ്പ് മാറിയതും അതെന്താണെന്ന് അറിയാനായി തല വെള്ളത്തിലേക്ക് മുക്കി നോക്കിയെങ്കിലും എന്താണെന്നു മനസിലാകാതെ കാലുകൾ നിലത്ത് സ്പർശിക്കുന്നുണ്ടോ എന്നുള്ള നോട്ടത്തിൽ അഴുക്കുവന്നടിഞ്ഞ മറ്റെന്തോ വസ്തുവിൽ അവളുടെ കാൽപാദം പതിഞ്ഞു. പതിയെ പതിയെ ആ വസ്തുവിൽ ചവിട്ടി മുകളിലേക്ക് കയറിക്കൊണ്ടിരുന്ന ജുവലിന്റെ കാല്പാദം മാത്രം വെള്ളത്തിൽ മുങ്ങി നിൽക്കുന്ന അവസ്ഥയിൽ അവൾ എത്തി ചേർന്നു. താൻ കൈ പിടിച്ചിരിക്കുന്ന വസ്തു ചിറകുപോലെ എന്തോ ആണെന്ന് മനസിലാക്കിയ ജുവൽ ആ ഇരുൾ നീങ്ങുന്ന വരെ വിറച്ചുകൊണ്ട് അതിനു മുകളിൽ ഇരുന്നു. മണിക്കൂറുകൾ പിന്നിട്ടതോടെ ഇരുളിനെ കീറി മുറിച്ചുകൊണ്ട് സൂര്യപ്രകാശം നേരിയ തോതിൽ അവളുടെ കണ്ണുകളെ തഴുകി തലോടി, തളർച്ചകൊണ്ട് പാതി മയക്കത്തിൽ ആയിരുന്ന ജുവൽ ഞെട്ടിയുണർന്നതും തകർന്ന് വീണ ഏതോ വിമാനത്തിന്റെ മുകളിൽ ആണ് താനെന്നുള്ള സത്യം മനസിലാക്കി പുറകിലേക്ക് അവൾ തിരിഞ്ഞു നോക്കി. കടും നീല നിറമാർന്ന വെള്ളത്തിന് അടിയിലൂടെ വിമാനത്തിന്റെ പേര് വായിച്ച ജുവൽ ഞെട്ടി...!!! """PAN AMERICAN FLIGHT - 914""" ===== WAIT FOR THE MYSTERY ======= കണ്ണൂർകാരൻ ❤️❤️ #🧟 പ്രേതകഥകൾ! #🕵️‍♀️ കുറ്റാന്വേഷണ കഥകൾ #📔 കഥ #📙 നോവൽ #✍ തുടർക്കഥ