ਮਿਡਲ ਈਸਟ 'ਚ ਜੰਗ ਨੇ ਭਿਆਨਕ ਰੂਪ ਧਾਰ ਲਿਆ ਹੈ। ਇਜ਼ਰਾਈਲ ਤੇ ਅਮਰੀਕਾ ਨੇ ਸਾਂਝੇ ਤੌਰ 'ਤੇ ਇਰਾਨ ਦੇ ਕਈ ਰਣਨੀਤਕ ਟਿਕਾਣਿਆਂ 'ਤੇ ਜ਼ਬਰਦਸਤ ਹਵਾਈ ਹਮਲੇ ਕੀਤੇ ਹਨ। ਇਜ਼ਰਾਈਲੀ ਮੀਡੀਆ 'ਚੈਨਲ 12' ਦੀ ਰਿਪੋਰਟ ਅਨੁਸਾਰ ਇਸ ਹਮਲੇ ਵਿੱਚ ਇਰਾਨ ਦੇ ਨਵੇਂ ਰੱਖਿਆ ਮੰਤਰੀ ਮਾਜਿਦ ਇਬਨ ਅਲ-ਰਜ਼ਾ ਦੀ ਮੌਤ ਹੋ ਗਈ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਉਨ੍ਹਾਂ ਨੂੰ ਸਿਰਫ਼ ਇੱਕ ਦਿਨ ਪਹਿਲਾਂ ਹੀ ਰੱਖਿਆ ਮੰਤਰੀ ਦਾ ਅਹੁਦਾ ਸੌਂਪਿਆ ਗਿਆ ਸੀ।ਰਿਪੋਰਟਾਂ ਅਨੁਸਾਰ ਇਸ ਭਿਆਨਕ ਹਮਲੇ ਵਿੱਚ ਨਾ ਸਿਰਫ਼ ਰੱਖਿਆ ਮੰਤਰੀ, ਸਗੋਂ ਰੀਵੋਲਿਊਸ਼ਨਰੀ ਗਾਰਡਜ਼ ਦੇ ਕਮਾਂਡਰ ਮੁਹੰਮਦ ਪਾਕਪੁਰ ਦੇ ਵੀ ਮਾਰੇ ਜਾਣ ਦੀ ਖ਼ਬਰ ਹੈ। ਰਾਜਧਾਨੀ ਤੇਹਰਾਨ ਸਮੇਤ ਇਰਾਨ ਦੇ ਕਈ ਸ਼ਹਿਰਾਂ ਵਿੱਚ ਜ਼ੋਰਦਾਰ ਧਮਾਕੇ ਸੁਣਾਈ ਦਿੱਤੇ ਹਨ ਤੇ ਅਸਮਾਨ ਵਿੱਚੋਂ ਅੱਗ ਦੇ ਗੋਲੇ ਵਰ੍ਹਦੇ ਦੇਖੇ ਗਏ। ਹਾਲਾਂਕਿ ਇਰਾਨ ਨੇ ਅਜੇ ਤੱਕ ਆਪਣੇ ਵੱਡੇ ਆਗੂਆਂ ਦੀ ਮੌਤ 'ਤੇ ਚੁੱਪ ਸਾਧੀ ਹੋਈ ਹੈ।ਇਨ੍ਹਾਂ ਹਮਲਿਆਂ ਤੋਂ ਭੜਕੇ ਇਰਾਨ ਨੇ ਯੂਰਪੀ ਦੇਸ਼ਾਂ ਨੂੰ ਸਿੱਧੀ ਚੇਤਾਵਨੀ ਦਿੱਤੀ ਹੈ। ਇਰਾਨੀ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਅਸਮਾਈਲ ਬਕਾਈ ਨੇ ਕਿਹਾ ਕਿ ਜੇਕਰ ਜਰਮਨੀ, ਬ੍ਰਿਟੇਨ ਜਾਂ ਫਰਾਂਸ ਇਸ ਜੰਗ ਵਿੱਚ ਇਜ਼ਰਾਈਲ ਜਾਂ ਅਮਰੀਕਾ ਦਾ ਸਾਥ ਦਿੰਦੇ ਹਨ, ਤਾਂ ਇਸ ਨੂੰ 'ਐਕਟ ਆਫ ਵਾਰ' (ਜੰਗ ਦਾ ਐਲਾਨ) ਮੰਨਿਆ ਜਾਵੇਗਾ। ਬ੍ਰਿਟੇਨ ਵੱਲੋਂ ਅਮਰੀਕੀ ਫੌਜ ਨੂੰ ਆਪਣੇ ਬੇਸ ਵਰਤਣ ਦੀ ਇਜਾਜ਼ਤ ਦੇਣ ਕਾਰਨ ਇਰਾਨ ਕਾਫੀ ਨਾਰਾਜ਼ ਹੈ। #👉ਮਾਰਿਆ ਗਿਆ ਇਰਾਨ ਦਾ ਨਵਾਂ ਰੱਖਿਆ ਮੰਤਰੀ!