#💪🏻 സിപിഐഎം ശ്യാമള ടീച്ചറെ കുറിച്ച് ഞാൻ ആദ്യം കേട്ടത് മട്ടന്നൂർ പഴശ്ശിരാജ എൻഎസ്എസ് കോളേജിലെ പഠനകാലത്താണ്.അവർ ഞങ്ങൾക്കും വളരെ മുമ്പേ സീനിയർ ആയി മട്ടന്നൂർ കോളേജിൽ പഠിച്ചിരുന്നു. വിദ്യാർത്ഥി സംഘടന നേതാവ് എന്ന നിലയിൽ ഉജ്ജ്വലമായ ആ സഖാവിനെ കുറിച്ച് ഞങ്ങളൊക്കെ അന്ന് കേട്ടത് ആവേശകരമായ കഥകളായിരുന്നു. ചാവശ്ശേരി ഉളിയിൽ എന്ന പ്രദേശത്ത് ബാലസംഘത്തിലൂടെ ഉയർന്നുവന്ന നേതാവായിരുന്നു അവർ. അവരുടെ അടുത്ത ബന്ധുക്കളായ സഖാക്കൾ കെ.സി.സുരേഷ് ബാബു, പി.കെ. ജിഷ,ദിലീപ്, അനൂപ് എന്നിവരൊക്കെ ഞങ്ങളുടെ സഹപാഠികളും സഹപ്രവർത്തകരും ആയിരുന്നു. ശ്യാമള ടീച്ചർക്ക് പി.കെ.ശ്രീമതി ടീച്ചറുമായി കുടുംബബന്ധമുള്ളതായ പ്രചാരണം തെറ്റാണ്. വിദ്യാർത്ഥി - യുവജന സംഘടനാ പ്രവർത്തനത്തിന് ഇടയിലാണ് ജാതിയോ ജാതകമോ നോക്കാതെ ഗോവിന്ദൻ മാസ്റ്ററും ശ്യാമള ടീച്ചറും വിവാഹിതരായത് എന്ന കഥ ഞങ്ങളൊക്കെ കേട്ടിട്ടുണ്ട്. ശ്യാമള ടീച്ചർ ചെറുപ്പം മുതലേ പൊതുപ്രവർത്തന രംഗത്തിറങ്ങിയ വ്യക്തിയാണ്. പിന്നീട് CPIM ന്റെ മുഴുവൻ സമയ പ്രവർത്തകയായി. പാർട്ടി ഏറിയാ കമ്മിറ്റി അംഗവും പാർട്ടി ജില്ലാ കമ്മിറ്റി അംഗവുമായി.മഹിളാ അസോസിയേഷന്റെ ജില്ലാ സെക്രട്ടറിയും കേന്ദ്ര കമ്മിറ്റി അംഗവുമായി. സഖാവ് ശ്യാമള ടീച്ചർ ഒരു കേഡറാണ്. സമർപ്പിതവും, ത്യാഗ നിർഭരവുമായ പൊതു പ്രവർത്തനത്തിലൂടെ ഉയർന്നുവന്ന നേതാവാണ്. അവർ പാർട്ടി സംസ്ഥാന സെക്രട്ടറി സഖാവ് ഗോവിന്ദൻ മാസ്റ്റരുടെ ഭാര്യയാണ് എന്നത് യാഥാർത്ഥ്യമാണ്. ഏതെങ്കിലും കാര്യത്തിൽ അതൊരു അയോഗ്യതയുമല്ല.ഗോവിന്ദൻ മാസ്റ്റർ ശ്യാമള ടീച്ചറുടെ ഭർത്താവുമാണ്. അതിലപ്പുറം ശ്യാമള ടീച്ചരും പാർട്ടി നേതാവാണ്. മഹിളാ നേതാവാണ്. വ്യാജ പ്രചാരണങ്ങൾ തിരിച്ചറിയുക. വലതു പക്ഷ മാധ്യമങ്ങളുടെ അപനിർമ്മിതികളിൽ വീണു പോകാതിരിക്കുക. അഭിവാദ്യങ്ങൾ💪🏻💪🏻